لقد تم تجميد مسابقة الاساتذة

[الحاضر احلا]

لقد تم تجميد مسابقة الاساتذة التي كانت ستجرى في 26 مارس وهذا حسب جريدة النهار لهذا اليوم بصح نقول حاجة حسبنا الله ونعم الوكيل على الشرط الذي وضع والذي يعطي الحق للعاملين في عقود ما قبل التشغيل للمشاركة في المسابقة ويقصي الاخرين . يعني لي استخلفو عدة سنوات ولي قاعدين في البيت يسناو بصيص امل من خلال هذه المسابقات لأعوام ذهب حلمهم في مهب الريح . بصح حابة نفهم حاجة يحلوا باب على واحد ويقفلوا 10 ابواب على 100بالاضافة الى ان مسابقة الاساتذة تكون موجهة للمستخلفين اكثر من الاخرين والكل يعرف السبب . لا يعني انني ضد العاملين في عقود ما قبل التشغيل فهم ايضا من حقهم الحصول على عمل دائم ولكن مدوا للجميع فرصة للعمل ،للمستخلف وللعاطل وللعامل في عقود ما قبل التشغيل او كل واحد او قسمو . ما تقفلوهاش في وجوه المآت وتحلوها في وجه واحد. وفي الأخير رانا اكل جزايريين والكل نسناو فرصة عمل او رب يكون الخير.

[somi]

يعطيك الصحة وبارك الله فيك ويا رب متكون هكا لانو كون تجي هكا كارثة كبرى

[زينو الاغواطي]

انل ادماج و نخدم كيلي واحد مترسم قرار في مكانو انو اللي ادماج عندو الحق في المنصب اللي يشغلو في الادارة اللي يعمل فيها من المستحيل انو واحد ادماج يخدم في الادارة ومبعد يجيبولو واحد من برا قرار في مكانو انو الاولوية للادماج

[somi]

كفاه يا اختي واحد من برا انتم تخدمو في إدارة مراقبين وغير ذلك ليس لكم علاقة بالتعليم ومباشرة تدخلو في التعليم راه شيئ غير منطقي على الأقل المستخلفين القدماء لهم نوعا من الخبرة يجعلهم قادرين على تولي مسؤوليات المهنة وايضا انتم حتى تخدمو لو دي اي بي اما المستخلف فهو مستخلف مرة يعمل ومرة لا وفي الاخير يقصى تماما هذا غير عادل والقوانين تقول ان كل من يحمل شهادة يحق له المشاركة في المسابقة

[زينو الاغواطي]

ياخويا راني نقري في اطار الادماج استاذ في اطار الادماج قريب ثلاثة أشهر ونصف وانا نقري في 22 ساعة في المتوسط ومبعد جابو واحد من برا هل هذا عدل

[زينو الاغواطي]

وذرك راني شاد 10 ساعات في اطار الادماج نقري

[زينو الاغواطي]

المستخلفين فات وقتهم وذرك ان شاء الله بدا وقت نتاع الادماج شوية

[lalib40]

المستخلفين فات وقتهم وذرك ان شاء الله بدا وقت نتاع الادماج شوية

واش راك تحسب في المستخلفين تشينا ولا دلاع حتان ايفوت وقتو
http://upload.wikimedia.org/wikipedia/commons/thumb/2/2e/Wassermelone.jpg/220px-Wassermelone.jpg

[HAKIM HA]

علاش راكي تأمني بجرائد العار و من وقتاش صرات 03 مسابقات الاساتذة في عام واحد

بركاكم ما يضحوا عليكم

[kimotechgirl]

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!
!!!!!!!!!!!!!!!!!!
!!
!

[youcef ha]

ياهيا البطاطا ياه
المستخلفين فات وقتهم ياك ؟
لعلمك أنا أستاذ فيزياء يعني ديبلوم فيزياء دراسات عليا.
مستخلف من بداية السنة... ليس لدي أية ساعة غياب بالعكس للدي أكثر من 25 ساعة دعم مجانية على مختلف الأطوار.

و تجد في الاخير أصحاب عقود ما قبل التشغيل لا يشتغلون معك حتى أيام الحراسة في الامتحان بالرغم من وجود أسماءهم و لكن لن تجد لهم ظلا في المؤسسة.
هذا الذي لم يأخذ الخبرة حتى أيام الحراسة في الاختبارات فمتى سوف يأخذ الخبرة ؟؟؟؟؟؟

[عاشقة السكـون]

هذا واش همكم انه الفرصة لعقود التهمبير
ياختي شكون قالك رايحين نفوتو لو انهم اجروها احنا جوزنا في نهاية ديسمبر للان ماكانش نتيجة ولم تظهر النتائج كيفاش تحبو نزيدو نجوزوا هذا غير اني شخصيا جوزت تسعين الف مسابقة في التعليم مابين مسابقة اداريين ومستشاري التوجيه ومعلمي ابتدائي (ف البرد ف الشتا ف الحر ف الفطار ف رمضان )ولدي اربع سنوات و نصف خدمة في التعليم في عقود الحقرة و مانابني والو ..حسبنا الله ونعم الوكيل
ان كانو ا نجحوا في شيء في هاد المسابقات فانهم نجحوا في تهميشنا وقطع الامل والياس
راهي ليكم روحي جوزي كاش ماينوبك ربي

[عاشقة السكـون]

انصحك يا أخت أقعدي في المنزل خلي الشياب يخدموا ويديروا مستقبلهم راكم كارثة المرأة مستقبلها في بيتها تنجب الاولاد وتقوم باعمال المنزل راكم هلكتونا و زايدة تريكلامي
ايلا لقيتك تجيبلي القفة نوعدك نقعد ف الدار
يا ايها الشاب رانا نشوفو فيكم اقسم بالله انا شخصيا ونعرف بنات هوما يصرفو على اهاليهم في حين شباب ومراكز مليحة ودخل جيد يصرفو غير على ارواحهم وبابيشاتهم ويماها تزيد جيبلو القفة مالى غير ريح بلاصتك البلاد كامل رجعتوهلنا باركينغ تحوسو غير الساهل والله ماتقبلو بعقود ماقبل التشغيل العمل نهار كامل و بمبلغ ضئيل

[zokora19]

يا أختي الفاضلة إنك تشاهدين وتسمعين دائما عن نتائج المسابقات 99 انثى مقابل ذكر واحد 1 وتزيدي تقولي مايجيبش القفة اي ذنب لشاب مسكين أفنى حياته مع الدراسة وفي الأخير يجد نفسه في الشارع مهمش كل ذلك جراء تركيز الدولة على توظيف الاناث وسياسة بوتف الله لا يربحو ا ليس لان الانثى تعمل بل لانها تخدم وما تريكلاميش على حقها وهي سياسة خبيثة لكسر عمل النقايات وحبيت نطرح عليك سؤال :ماحكم عمل المرأة في الإسلام ؟ و ما حكم الإختلاط ؟ والراتب الذي تتقاضينه حلال ام حرام ؟ زيد والله خاصة في المجال التربوي أنظري ماذا اخرجت المرأة جيل مسوفج لان أغلبكم لا يستطيع حتى التحكم في تلاميذ الابتدائي خلونا شبعتونا خرشف والله حسابكم مع ربي عسير

[chon]

الله يرحم الرجال

[آسياآسيا]

السلام عليكم، نقطع نقاشكم بالصلاة على النبي المصطفى محمد عليه الصلاة والسلام
يا جماعة صلوا وسلموا على الحبيب عليه الصلاة والسلام
حسبنا الله ونعم الوكيل .دولتنا تلعب بينا كيما تحب وتقتن بيناتنا.نعوذ بالله العظيم من الفتن والفتانين
يجمدوا ولا مايجمدوش واش راح نديروا.وكيلهم ربي سبحانه
مزيا مزيا الرزق بيد ربي الرزاق وسبحانه لا يظلم ولا ينسى اي واحد فينا.والحمد لله كل واحد يدي النصيب الي قسمهولو وكتبهولو رب العالمين.
اللهم ارزقنا الخير حيث ما كان وارضنا به.
وكل هذا الظلم ويقولولنا فوطيو .votez حسبنا الله ونعم الوكيل

[youcef ha]

والله عندك حق
الرزق بيد ربي سبحانه الله يهديكم و يهدينا.

[الحاضر احلا]

يعطيك الصحة وبارك الله فيك ويا رب متكون هكا لانو كون تجي هكا كارثة كبرى
وفيك بركة وان شاء الله ماتكونش هكا حتى لا يظلم احد

[الحاضر احلا]

المستخلفين فات وقتهم وذرك ان شاء الله بدا وقت نتاع الادماج شوية
يعني لو كان غدوا يجي قرار جديد ويقولو الادماج فات وقتو خدمتو فيها باراكة ذرك وقت البطالين مساكن في حياتهم ماخدمو نعطيولهم شويا فرصة هل ستقبل بهذا القرار ؟ ؟ ؟ ؟ ؟ ؟ ؟ ؟ ؟ ؟ يا اخي كل واحد قاري وعندو ديبلوم عندو الحق في المسابقة وعندو الحق في المطالبة بالعمل دون تمييز

[الحاضر احلا]

ياهيا البطاطا ياه
المستخلفين فات وقتهم ياك ؟
لعلمك أنا أستاذ فيزياء يعني ديبلوم فيزياء دراسات عليا.
مستخلف من بداية السنة... ليس لدي أية ساعة غياب بالعكس للدي أكثر من 25 ساعة دعم مجانية على مختلف الأطوار.

و تجد في الاخير أصحاب عقود ما قبل التشغيل لا يشتغلون معك حتى أيام الحراسة في الامتحان بالرغم من وجود أسماءهم و لكن لن تجد لهم ظلا في المؤسسة.
هذا الذي لم يأخذ الخبرة حتى أيام الحراسة في الاختبارات فمتى سوف يأخذ الخبرة ؟؟؟؟؟؟
عندك حق. رب يفرج عليك بمنصب دائم

[الحاضر احلا]

هذا واش همكم انه الفرصة لعقود التهمبير
ياختي شكون قالك رايحين نفوتو لو انهم اجروها احنا جوزنا في نهاية ديسمبر للان ماكانش نتيجة ولم تظهر النتائج كيفاش تحبو نزيدو نجوزوا هذا غير اني شخصيا جوزت تسعين الف مسابقة في التعليم مابين مسابقة اداريين ومستشاري التوجيه ومعلمي ابتدائي (ف البرد ف الشتا ف الحر ف الفطار ف رمضان )ولدي اربع سنوات و نصف خدمة في التعليم في عقود الحقرة و مانابني والو ..حسبنا الله ونعم الوكيل
ان كانو ا نجحوا في شيء في هاد المسابقات فانهم نجحوا في تهميشنا وقطع الامل والياس
راهي ليكم روحي جوزي كاش ماينوبك ربي
لا لا يا اختي راكي غالطة ماشي همنا الفرصة لعقود ما قبل التشغيل حنا تاني عندنا خاوتنا . اقاربنا . جيرانا في عقود ما قبل التشغيل او ماشي عاجبنا حالهم حياتهم كاملة اوهما يقراو وفي الاخير يلقاو رحهم يخدمو بهذه العقود لي ما دات ماجابت رانا دايما ندعيولهم رب صبحانه يفرج عليهم بعمل دائم باش يديرو مستقبلهم وانت تاني اختي بما انك درست وتعبت عندك الحق في المنصب الدائم وان شاء الله رب يفرج عليك عاجلا غير اجلا .بصح باش تقولي راهي ليكم روحي جوزي كاش ماينوبك ربي ؟؟؟؟؟؟؟؟؟؟؟؟؟؟حنا تاني عندنا الحق في هذه المسابقات خطراكش حنا تاني قرينا وتعبنا وصبرنا بزاف على الحقرة وعلى المعريفة والرشوة وعلى شبح البطالة اللي ربما ما عرفتيهش وما ذقتيش مرارتو. يا اختي رانا اكل جزايريين وكلنا سواسيا والمفروض يديرو المسابقات ويشرطو الديبلوم ماشي يقولو مسابقة خاصة بالبطال ولاّ خاصة بالعامل في عقود التشغيل

[الحاضر احلا]

يا أختي الفاضلة إنك تشاهدين وتسمعين دائما عن نتائج المسابقات 99 انثى مقابل ذكر واحد 1 وتزيدي تقولي مايجيبش القفة اي ذنب لشاب مسكين أفنى حياته مع الدراسة وفي الأخير يجد نفسه في الشارع مهمش كل ذلك جراء تركيز الدولة على توظيف الاناث وسياسة بوتف الله لا يربحو ا ليس لان الانثى تعمل بل لانها تخدم وما تريكلاميش على حقها وهي سياسة خبيثة لكسر عمل النقايات وحبيت نطرح عليك سؤال :ماحكم عمل المرأة في الإسلام ؟ و ما حكم الإختلاط ؟ والراتب الذي تتقاضينه حلال ام حرام ؟ زيد والله خاصة في المجال التربوي أنظري ماذا اخرجت المرأة جيل مسوفج لان أغلبكم لا يستطيع حتى التحكم في تلاميذ الابتدائي خلونا شبعتونا خرشف والله حسابكم مع ربي عسير
عندك حق خويا انا معاك الدولة ظلمت الرجال وراهم محقوريين وخاصة في مسابقات التعليم اما الاسئلة التي طرحتها فالاجابة عليها اظن ان الجميع يعرف اجابتها في خصوص عمل المراة ولكن نشوفو تاني من زاوية اخرى كاينة الارملة وكاينة المحتاجة اللي ما يخدمش راجلها ولا لي راجلها دخلو ضعيف وكاين حالات اخرى .........او تاني تحليل او تحريم عمل المراة حسب رأيي يتوقف على شخصية المراة وطريقة تعاملها ولباسها يعني ما نقفلوهاش في وجه المراة ونقوللها عملك حرام وراتبك حرا م و....و.... فكل شيئ عندو معيار وميزان نوزنوه بيه وخاصة في مجال الفتوى. اما في خصوص واش خرجت المراة من جيل مسوفج حسب قولك فهناك ايضا رجال في التعليم . وحتى وان كان للمعلم او للمعلمة دور في هذا التسيب فالسبب الاكبر راجع للمنظومة التربوية الجديدة وهذا موضوع اخر كبير وشائك ان اردت اطلع عليه في النت

[الحاضر احلا]

السلام عليكم، نقطع نقاشكم بالصلاة على النبي المصطفى محمد عليه الصلاة والسلام
يا جماعة صلوا وسلموا على الحبيب عليه الصلاة والسلام
حسبنا الله ونعم الوكيل .دولتنا تلعب بينا كيما تحب وتقتن بيناتنا.نعوذ بالله العظيم من الفتن والفتانين
يجمدوا ولا مايجمدوش واش راح نديروا.وكيلهم ربي سبحانه
مزيا مزيا الرزق بيد ربي الرزاق وسبحانه لا يظلم ولا ينسى اي واحد فينا.والحمد لله كل واحد يدي النصيب الي قسمهولو وكتبهولو رب العالمين.
اللهم ارزقنا الخير حيث ما كان وارضنا به.
وكل هذا الظلم ويقولولنا فوطيو .votez حسبنا الله ونعم الوكيل
اختي آسياآسيا (http://www.djelfa.info/vb/member.php?u=511478) بسم الله ماشاءالله عليك معظم مداخلاتك تبدا بالصلاة على الحبيب المصطفى عليه افضل الصلاة وازكى التسليم وفي معظمها ادعية بالخير تبارك الله والله عندما اقرا ردودك ينشرح صدري لان فيها تفاؤل وامل وحب للغير .ان شاء الله رب يعطيك ماتتمناي وييسر امرك ويفرج ضيقتك

[الحاضر احلا]

والله عندك حق
الرزق بيد ربي سبحانه الله يهديكم و يهدينا.
صحيح الرزق بيد الله تعالى والحمد لله لكون الرزق بيد الله وليس بيد العبد . اضافة انه لن تموت نفس ناقصة رزق أو أجل بل هي اخذة بنصيبها مما كتب الله لها حتى وإن لم تعمل له أو تسعى من أجله.
ولكن الله تعالى أوجب على عباده السعي لكسب العيش . فالعمل لكسب العيش واجب والسعي على الرزق واجب.لذلك يا اخي نحن نطرح مشاكلنا ونسعى للحصول على رزقنا ولو بالكلمة فلعلنا نجد اذان صاغية

[آسياآسيا]

السلام عليكم، والصلاة والسلام على خير خلق الله محمد صل الله عليه وسلم
الله يبارك فيك ويهنيك يا اختي "الحاضر احلا" وربي يفرجها علينا اجمعين
معليش خليهم يظلمونا .ودعوة المظلوم عند ربي سبحانه مستجابة.
وأملنا كله بـ و في ربنا والهنا سبحانه كبير فوق كل كبير.:mh31:

[الحاضر احلا]

علاش راكي تأمني بجرائد العار و من وقتاش صرات 03 مسابقات الاساتذة في عام واحد

بركاكم ما يضحوا عليكم
الله غالب يا خويا هذي حالة لي قاعد بلا خادمة

[الحاضر احلا]

السلام عليكم، والصلاة والسلام على خير خلق الله محمد صل الله عليه وسلم
الله يبارك فيك ويهنيك يا اختي "الحاضر احلا" وربي يفرجها علينا اجمعين
معليش خليهم يظلمونا .ودعوة المظلوم عند ربي سبحانه مستجابة.
وأملنا كله بـ و في ربنا والهنا سبحانه كبير فوق كل كبير.:mh31:
ونعم الوكيل

[dalal batna]

اليوم اجتزنا المسابقة الخاصة بالاساتذة و جرت في ظروف حسنة و ربي يوفق كل شخص يستاهل المنصب

[somi]

اليوم اجتزنا المسابقة الخاصة بالاساتذة و جرت في ظروف حسنة و ربي يوفق كل شخص يستاهل المنصب

انت دي اي بي ؟

[سليماني18]

و لكن الان انا سمعت في قناة النهار ان المسابقات اصبحت كتابية و التخلي عن الاحتياط

[elise]

واللي خدم بالعقود و لكن ماهوش تابع لوزارة التربية تاني ماعندوش الحق يجوز.

[بنت غليزان]

حنا في غليزان فوتنا و خرجت النتائج بعد 3 ايام فقط من اجراء المقابلة و النتائج طبعا كوارث

[SALIM89]

هل من أخبار جديدة

[dalal batna]

حسب معلوماتي قائمة الناجحين متواجدة على مستوى الوظيف العمومي للتأشير عليها ومن ثم سيتم الاتصال بالناجحين والله اعلم

[lalib40]

حسب معلوماتي قائمة الناجحين متواجدة على مستوى الوظيف العمومي للتأشير عليها ومن ثم سيتم الاتصال بالناجحين والله اعلم

من هي الفئة التي شاركت في المسابقة

[dalal batna]

من هي الفئة التي شاركت في المسابقة

كل عمال عقود ما قبل التشغيل العاملين بالمؤسسات التربوية وعقدهم ساري المفعول