سخرية أقاربي

[مشكلتي]

السلام عليكم

انا متزوجة منذ عام والحمد لله هانية من ناحية الزواج مشكلتي تكمن في اقاربي فتقريبا كلهم يسخرون مني لاني تزوجت في الدوار منطقة بعيدة عن العمران انا ولو اني لم يعجبني سكني هناك لكن والله تقبلت لاجل زوجي العزيز لاني احببته كثيرا......المشكل لا ادري لماذا دائما يتعمدون السخرية مني بطرق مباشرة او غير مباشرة و كأنو الدوار جاهم حاجة عمرها ماصرات وكلي درت حاجة عيب كي تزوجت لتم وكل وحدة واش تهدر وحدة تقولي لاه طيشتي روحك ووحدة تقولي تعلمتي تطيبي بالحطب ولخرى تقول ماعندكش حتى وين تخرجي تدوري و تحوسي ........ماتقيسكمش الشمس.......وهادي غير البارح وحدة قريبتي سقساتني وين نسكن كي جيت نجاوب سبقتني امها قالتلها ما تلقايهاش فالانترنت غير ماتحوسيش *وهادو غير شوية من لي راني نسمع فيه*
الصراحة نلقى روحي في موقف محرج ومانلقاش واش نقول حتى نصيب روحي نبررلهم ونقولهم اني مانقعدش فيها وووو
وهوما على هادي يحوسوا اني نتبهدل على خاطر زعمة لقاولي نقطة الضعف وانا مانعرفش نرد الرد الملائم عليهم
من فضلكم قولولي رايكم
مشكورين مسبقا

[nihale89]

اختي طيشي عليك وماتعيشيش للناس راهم مايخليو حتو واحد في عقلو
المهم يلقاو حاجة يلتاو بيها
اتهلاي في راجلك مادامو ملييييح معاك وبالعكس ماتعطيهمش فرصة خلااااص
يعرفو نقطة ضعفك ويستغلوها كوني عندك ثقة باختياراتك وهزي راسك
زعمة واش الفرق بين الدوار والبلاد المهم الهناء
ماتخليهمش ياثرو عليك وتروحي تكرهي حياة زوجك هاذاك مايحوسو
وبالنسبة ليا مستعدة نعيش مع زوجي في كوخ المهم نكون معاه

[ABDOU ELE]

[QUOTE=مشكلتي;1055827138]السلام عليكم

وكل وحدة واش تهدر وحدة تقولي لاه طيشتي روحك ووحدة تقولي تعلمتي تطيبي بالحطب ولخرى تقول ماعندكش حتى وين تخرجي تدوري و تحوسي ........ماتقيسكمش الشمس.......وهادي غير البارح وحدة قريبتي سقساتني وين نسكن كي جيت نجاوب سبقتني امها قالتلها ما تلقايهاش فالانترنت غير ماتحوسيش *وهادو غير شوية من لي راني نسمع فيه*
مشكورين مسبقا[/

ســـــــــــــــــــــلام

تفكير النساء مبني على انهم يستشفاو في بعضاهم...............انت يا اخت رزقت بزوج و بيت فاحمدي الله فيوجد من لا بيت لهم و هم في معاناة شديدة..........و يوجد من يعاني صحيا و له سنين طريح الفراش........اما عن كلام النساء...........فارغين شغل.........عــــــــادي هوايتهم الكلام التافه......... ........المشكل انك اذا سالك احد تعملي حساب انك ما تجرحيهش على حساب نفسك و هذا خطا................فاذا انتقدت احداهم سكنك فاجيبيها : وعلاش عرضتك تجي عندي؟ (http://www.djelfa.info/vb/showthread.php?goto=newpost&t=1529476) اذا لم تفهم اجيبيها : واش دخلك؟ (http://www.djelfa.info/vb/showthread.php?goto=newpost&t=1529476)........اذا كثرت هدرة .......اعطيها بكف :1:

[nasser26]

انا نقولك كون تقعدي تحللي هدرتهم تلقايها غيرة منك برك

خليهم يموتو بالغيرة وهدرتهم دخلت من اليمنى خرجت من اليسرى

[أخت مريم]

الله المستعان ، كلام فارغ لا تستمعي لهم مادُمتِ أنتِ راضية ومرتاحة وعموما كلام الناس لا ينتهي فلا تتعبي نفسك بالتفكير فيما يقولون وفقكِ الله.

[فاتن 89]

ana zawajt f dwar w rani "aycha la belle vie

[sima59100]

سلام
الاس ما يختو حتى واحد اذا انت في دوار شوفي انا نسكن في فرنسا عندي ربع سنين و كل ما نجي لبلاد يبداولي ناس لتقولي مسكينة و لي تقلي طيشتي روحيك للغربة و لي لي ...و كلها هدرت غيرة

[الفاتحة]

لي تقولك حاجة ردي عليها بكلام يسكتها وما تخليش روحك في موقع الدفاع سكتيهم الكل حتى بالقباحة إن لزم الأمر

[little smile]

يا أختي إرضاء الناس غايه لا تدرك
واش خصك عايشه فالطبيعه
الهواء النقي و المناظر الطبيعيه
خليك منهم
و كيما قالوا الإناء الفارغ يحدث ضجه
المهم كي راكي هانيه مع زوجك

[كلنا راحلون]

السلام عليكم اختي

انا متزوجة منذ عام والحمد لله هانية من ناحية الزواج ...............................وهاد هو الاهم راكي هانية مع زوجك فلما نظر للجوانب لا فائدة منها واعلمي الغيرة تهدر وخاصة عند النساء

لاني تزوجت في الدوار.........................وهل تعلمين هواء الدوار واكل الدوار يخلي انسان مبتهج وسعيد فهادي غيرة حقيقية عند اقاربك ويريدون ادخالك في مشاكل وهفوات للاستشفاء تذكري كل انسان لديه خطا يستغله انسان آخر احذري ادا عرفو نقطة ضعفك انك تتأثري للكلام

ماتقيسكمش الشمس...........................يبدو ان اقاربك مهندسات في علم meteorology
من كلام ان غيرة زادت واعلمي عديان ما عندهم ما يديرو فقط اهتمي بعائلتك وتربية الاولاد

قريبتي سقساتني وين نسكن كي جيت نجاوب سبقتني امها قالتلها ما تلقايهاش فالانترنت غير ماتحوسيش ..............................سرعة الغيرة زادت اكثر

مانعرفش نرد الرد الملائم عليهم......................الرد الملائم هو تسمعي كلمة الزوج وتربية الاطفال والرد القاسي عندما يحققون الاولاد نتائج جيدة في الدراسة وركزي احيانا على تجاهل
من فضلكم قولولي رايكم .........هل تعلمين عدو الرجل المرأة وعدو المرأة المرأة ف احذري من نقطة ضعفك
مشكورين مسبقا.........................لا شكر على واجب والسلام عليكم

[الواثق]

تحيا الدوار ولايوجد شيء اجمل من ذلك ..............صحة ودين ودنيا ............فرؤية الابقار والدجاج والماشية والارض اصبحت من الامنيات ورانا نحوسو على الفرصة باش نكونو لثما ................................واللي يقول العكس هو اما مايعرفش يعيش او غاير ...................المفروض تشفقين عليهم ومرات تجيبيهم لعندك على الاقل يعيشو لحظات خير لهم من ركام المدينة

والله المستعان

[ASYA84]

قوليلهم هذي ارض ربي والحمد لله راهي جنة بالنسبة ليا

[رقة قلب]

انا ننصحك تتغلبي عليهم باسلوبهم اي اقتليهم باالبارد لي تقولك تعلمتي طيبي باالحطب مازحيها و رديي عليها باسلوبها قوليلها انعم ايه غزليها لانك اذا شافوك تضايقتي و ما عجباتكش هدرتهم و لا حشمتي هاداك وين يزيدو اذا ما تديهاش فيهوم لي تقولهالك مباشرة جاوبيها مباشرة و غير باالضحكة بلا ما تبينيلهوم انك انزعجتي لانو هاداك هو هدفهم السخرية منك اسخري انت بيهم الصح كامل في المفاهمة و الحب و المودة انا ايلا كنت متفاهمة مع زوجي و نحبو و يحبني ولله و يعيشني في قربي في وسط الغابة نعيش معاه و نشوف داري على انها قصر في وسط الجنة ربي يدوم هناك حبيبتي

[ام ميسون ومروان]

يا اختاه اكيد شافوك متهنية مع راجلك واكيد زوجك عرف قيمتك ومهنيك وباين على وجهك الهنا ما شاء الله
ومالقاو ما يشدو قعد غير حياة الدوار وهذه حاجه زايده ناقه وديري روحك ما تفهمي والو معاهم بردي خخلاص عادي جدا
وربي يهنيك

[moucha rayane]

ارضاء الناس غاية لا تدرك....... ما يهمكش واش راهم يقولو لمهيم نتي راكي هانية في دارك ............
باقي ما يهمش غير يهدرو هادو هما نسا

[yousra14]

والله صحّ ليك العيشة في الدوار وإن شاء الله قريبا سأسكن الدوّار مثلك لأنّه حلم حياتي راكي في نعمة كبيرة ارمي كلامهم وراء ظهرك
ورب يتمم لك سعادتك مع زوجك و ذوي العقول السليمة أصحاب الردود السابقة كلّهم اسمعي كلامهم وعززي ثقة نفسك بأن يروا السعادة على محياك واعرضي عليهم العيشة في الريف أو الدوار ورب معاك

[رحمة من المولى]

السكوت عن الاحمق جوااااااااااااااااااااااااااااااااااابه الله يهنيك حنووووووونة كي تعيشي في المدينة و بالمشاكل علاه؟؟؟ظ

[maya bouharoun]

امنيتي سكن في الريف رغم اني عاملة الدوار ماشي معناها تخلف و طياب على الحطب و جهل عندي اقارب عايشين تما دايرين جنانات ياكلو الخضرة من الارض نظيفة ماشي كي الرهج لي يتباع في المدينة عندهم كل ضروريات الحياة و الكماليات سكنات فخمة و سيارات الله يبارك كل ما يحبو يجو للمدينة نص ساعة يكونو هنا المشكل مشكل ماديات سوا عايش الانسان في المدينة ولا الدوار لي عندو دراهم يوفر واش يحتاج و لي ماعندوش هاو قاعد مسكين بالاضافة ناس الدوار عندهم نسبة ذكاء زايدة على ناس المدينة في الخارج الاغنياء يسكنو في الارياف و الضواحي و هنا عندنا يتسابقو يسكنوا في وسط الحس و الفوضى

[طالبة علم شرعي]

السلام عليكم ورحمة الله وبركاته
يا اختي اولا انت متزوجة يعني اغلب وقتك تقينه مع زوجك في البادية وهؤلاء النسوة لن تلتقي بهن الا مرات معدودة لا تسمعي لهن فليتكلمن كما يحلوا لهن
انت لم ترتكبي اثم او اي شيئ يعني لم هاته النظرة عن البادية


حسنا انا بدوية ابا عن جد وبصراحة اشعر بالضيق اذا ما ذهبت لزيارة الاقرباء في المدينة ومن قال ان الشمس لا تصل الى البادية هذا اغرب ما سمعته فالشمس عندنا احسن من المدينة فالمدينة المنزل مغلق تماما ولا تستطيعين الخروحج لان اغلب البنيان امام الطريق اما في البادية فهناك مساحة كبيرة خاصة بكل فرد نتجول بحرية وفي فصل الصيف تجلسين تحت الدالية الخاصة بالعنب مع زوجك وتستنشقين الهواء النقي
والله انسي كلامهن واستغلي اللحظات التي تعيشينها ولا تنسي ان تربي الدجاج :19:
موفقة ,,,
ايضا التحضر والتفتح في العقول وليس في الاماكن
سلااام

[حضنية28]

يا اختي ارضاء الناس غاية لا تدرك
ومن سمع كلام الناس مات هما
كلامهم ما يدي مايجيب المهم تكوني متهنية مع زوجك
وكلامهم هذا يدل على الغيرة التي دبت في قلوبهم
وزيد المعيشة في الريف احسن من المعيشة في المدينة
تاكلو فاكهة طبيعية تشمو هواء طبيعي
حتى البرد عندكم طبيعي
اناصدقيني نحسد اللي راهم عايشين في الدوار

[ZORRO__DZ]

يا أختي الكريمة الحمدلله عندك زوج وتحبينه

هم يحاولون استفزازك لتبقي دائما ضعيفة فهم يريدون معفة تلك القوة والشجاعة التي مكنتي من إنخاذ القرار والزواج والعيش في المكان الذي لا يستطعون هم العيش فيه

انصحك لهذه الأفكار وسترين النتيجة والله سوف يتغير كلامهم مع الوقت

كي يقولولك على الدوار قلهم والله مانرجع للمدينة وراني ندمت كي ماعشتشت الصغر في الدوار
قوليلهم الدوار تعلمت صوالح بزااااف عرفت الإحترام عرفت نطيب تعلمت معنى السعادة بالإشياء البسيطة
قلهم حسيت بالفقراء وحسيت انو الدوار كبير على المدينة ويخليك تشوفي الحياة التي من أجلها خلقنا
قليلهم الدوار فيس بوك كامل يعرفو بعضاهم وكامل يديرولك جام كي يشوفو راجلي