زوجي ماعندو حاجة

[مشكلتي]

السلام عليكم

اخواني زوجي متاكدة انه يحبني ومايقدرش يعيش بلا بية
بصح ماعندو حاجة ومايغيرش على عرضه الحمد لله جيت صافية ومتربية ونخاف ربي كون طاح في وحدة اخرى راه راسه في الارض
مرة عرض صحابه جابهم وكي جا كاين الماكلة بزاف وهوما غير زوج قلتله كاش ماتزيد راه كاين الماكلة قلت درك يعيط بالتيليفون ويعرض صاحبه قالي درك نجي خرج وخلى صحابه في الصالون وانا في الكوزينا واولادي الكبير 7سنين وراح قعد اكثر من ساعة واحنا وحدنا هوما ماعلابلهمش بيه خرج في بالهم راه معايا في الدار بعد اكثر من ساعة جاب صاحبه وجا درتله حالة قلتله كيفاه عطاك قلبك تخليني وحدي معاهم وتروح واش يقول عليك اللي جبتيه وجيتي سكت وفاق مع روحو
مرة اخرى في اول زواجي ولدي الكبير ثم عنده 4ولا 5 اشهر جا خوه للدار وراجل راح خدم وحكموه بات في الخدمة وبتت انا وخوه في الدار وحدنا مع العلم انه خوه هذا انا وياه والدين في نفس العام
وفي الايامات العادية هذه يجي خوه يخليه معايا ويروح يخدم من7 تاع الصباح للخمسة تاع العشية واحنا وحدنا وخوه هذا اقل مني عنده 26 سنة
وخوه الاخير هذا كان راح يجي وراجلي رايح مسيون يطول وحسب عقليته راح يخليه معايا ويروح قلتله اهدر مع خوك يجي وانت هنا وقبل كتروح انت وصلو يروح راني مانقعدش معاه وحدي باه فهم روحو
خاوته الحمد لله صافيين وانا كيما قلتلكم بصح لوقتاه نبقى نهدر وهو مايحسش وحدو مهما كان السلف حرااااااااااااام وهوما واهله حاطين الحالة عادي وكون نهدر يقولو راه تسحت في خوه وتقطع في صلة الرحم واش ندير باه راجلي يعود يفهم الحاجة هذه بلا مانهدر لانه اخ الزوج اذا كان خوه ماكانش مايعتبش باب الدار وراكم على بالكم بكلام ربي وانا في بلاد وهوما في بلاد وعلابالهم بولدهم طول خدام ويبعثو ولدهم واش ندير
زوجي راه نية برك وخوه يقول انا اللي مربيه حتى كي نروحو نصيفو لازم خوه راكب من القدام وانا من لتالي وماكانش صيف بلا خوه وتعاركنا قبل وقلتله كل واحد ديرلو وقته ماتخلطناش نقس شوية
بصح اني نقعد معاهم وحدي ماحبش يفهمها وحدو
في المرة الاخيرة ماجاش خوه كي عاد رايح مسيون وهدرتله تبقى انه يجي سلفي يقعد نهار كامل واحنا وحدنا حتى يجي راجلي العشية من حقي نهدر عليها ولالا
مع العلم انه خوه نية مسكين وماعنده حنى خبث
دبرو عليا ودعوة في ظهر الغيب

[ام امـــــــنــــــة]

كي يروح راجلك ميسيون وتبقاي وحدك روحي لدار باباك في حرمت والديك وهو يقعد يعس الدار حتى تجي خير

[yousra14]

صحيح أنّ زوجك طيّب و يثق فيك ثقة كبيرة وكذلك في أخيه و لكن لا يضع في نفسه أّنّ رسول الله نهانا عن ذلك وأنّ" الحمو الموت " ولا يدرك مدى خطورة الأمر مع الوقت ومع تربّص الشيطان خاصّة بالصالحين والصالحات مثلك .
ولكن يبقى أن أنبّه أختي الكريمة إلى أنّه ليس بالعنف تحلّ المشاكل .
بهدوء شديد وحتى لاتدخلي الشك إلى نفسه فيك وفي أخيه ..
أقنعيه بعدم جواز الخلوة مع الأجنبي ّ وأنّ أخاه بعدّ أجنيبا عنك مثله مثل الرجال الآخرين وأعطيه أشرطة أو كتب أو تسجيلات تتكلّم عن الموضوع
ودائما بهدوء وإقناع وبالتي هي أحسن .
وإن شاء الله يفهم القضيّة ويتفهّمك ويساعدك على ذلك .
ثبّتك الله وفرّج همّك عاجلا غير آجلا والسلام عليكم .

[houda-21]

الحمد لله لست من الزوجات التي تشتكي من عدم ثقة الزوج لزوجته، فزوجك لديه ثقة كبيرة فيك وفي أخوته وفي الغير ، أنا معك في أن هذه الثقة الزائدة مشكل لأن الشيء إذا زاد الشيء عن حده إنقلب إلى ضده، ولكن ثقة الزوج في زوجته شيء جميل، فحاولي مع إخوة زوجك أن تفهميهم بأنك غير مرتاحة ليس لأنك تكرهينهم أو تريدين قطع صلة الرحم، وإن كان زوجك في سفر وكانت نيته بأن يبقي أخوه معك ليحميك في غيابه ، فحاولي أن تذهبي إلى بيت والديك لتتفادي إخوة زوجك ومجيئهم عندك في غياب زوجك.

[فارس وجواد]

أختي أنا حسب ما فهمت من المشكل أن زوجك ربما حتى لا نقول جاهل ربما هو قليل التفقه في الامور الدينية و ثقافته محدودة في هذا المجال.
انصحيه بكثرة المطالعة بطريقة غير مباشرة كجلب الكتب الخاصة بهذه المواضيع أو البحث عن القنوات التلفزيونية المخصصة لذلك .
و لو أنه تعجبت من رجل يقدم على الزواج و هو لا يفقه هذه الأمور الضرورية و البسيطة في الزواج.

[الناصِح الصّادِق]

سلام الله عليكم

إدا كنتي في مجتمع متحفّظ فلِما هده الحسابات الدّقيقة ... ممكن والله اعلم أنتي في وسَط ماشاء الله و مجتمع مسجدي وقرآني لِدى ممكن الكل واعي ومتديّن (( الله أعلم ))

أمّا إدا كنتي في وسط وفي مجتمع فااسِق ويكثر فيه التبرّج والسّفوه فلكِ الحق أن تخافي فِيما يدور من حولِك


خلاصة قولي :

إدا أنتي تعلمين أنّ إخوة زوجك متديّنين وبعيدين عمّا يزعجك فلا داعي للقلق

أمّأ إدا كان الإيمان ضعيف أو مجتمع رهيب فضعي حواجز ترد عليكِ المخاطِر ((بالّتي هي أحسن

[نارينا]

اختي المشكل يكون عندما لايقبل زوجك نصائحك ويفرض عليك قدوم اخوته ليلا نهارا لكن انت قلت ان زوجك يفهم ويتدارك الامر ويصححه وعليه حاليا دورك ان تواصلي افهام زوجك شيئا فشيئا وبالحسنى واكيد سيتغير ويعي دينه شيئا فشيئا

[التلميذ.]

داير فيك الثقة
هذا كل ما في الامر

[الجليس الصلح]

هي ثقة زائدة وفقط فيك المهم عارفة ان تلك الأمور لا تجوز شرعا افهمي زوجك بهدوء
انظري لابنك الصغير وامامك والله الموفق

[fella111]

اختي هي مجرد ثقة زائدة والله اعلم
اذا اردت رايي اخطيك من المشاكل ...... و لحماية نفسك التزمي الحجاب فب البيت عند مثل هذه الحالات.

[زهية الجزائر]

الله يجيب الخير

[نورسين.داية]

السلام عليكم

كما قال بعض الأعضاء في غياب الزوج إدهبي الى بيت اهلك .......................

و كلشي بالتفاهم و العقل اختي .............

[hodahodahoda]

هذه كبالغة من زوجك
انت تذهبين الى بيت اهلك و اخوه يعس الدار
او ايجي خوك يبات معاك

[امحمد.د]

يا اختي اسمحي لي ما قدرتش نكمل نقرا رسالتك...و الله غير ماكانش هذا الراجل... فيقيه...و الا وريهولي ندير فيه حالة....افطن آ خويا الماء راه يلعب تحت رجليك لولا هذه المراة الصالحة ربي يحفظها...

[محمد جديدي التبسي]

أنت في موقف صعب وعليك حث زوجك على الاستقامة وتعلم أمور الدين
انصحيه بالصلاة في المسجد وهناك سيجد أصدقاء صالحين ينبهونه ويزيدون من توعيته وإيضاح الأمور التي يحسبها الناس هينة وهي عظيمة.. ربي يوفقك في مسعاك استعيني بالدعاء وإن شاء الله يكون الخير في قادم الأيام

[ادرة مكنونة]

والله مشكلة ان الزوج الى باش يحمى البيت يكون هو الى يهدم فيه انتى امراة صالحة راجلك لازمو يحطك في عينيه وللاسفباش يخلى سلفك معاك حرام لازم تتكلمى الشيطان شاطر ادعى الله هو القادر باش يفرج عليك انتى حاولى باش تبعدي عليه سلفك

[didoinps]

زوجك الله يهديه لازم يغير على محارمه هناك كتاب للشيخ الألباني اشتريه له يقرأه الله يهدينا