شكون تعرف وصفة هاذا القاطو لي في لصورة

[ام ايمان16]

السلام عليكم
شكون تعرف وصفة هاذا القاطو لي في لصورة

نحوس على وصفة الحبة لي فيها زوج حبات لوز من فوق

http://im80.gulfup.com/IVbci.jpg (http://www.gulfup.com/?fsl8Rm)

كليت منها شوية باش صورتها:1:
وكي عجبتني حبيت نعرف كيفاش مخدومة

لي تعرفها او تعرف كاش رابط مخدومة فيه تقولي

[ام شيراز]

السلام عليكم
راه يوجد موضوع في المنتدي بعنوان المشكلة بانواعها المختلفة شوفيه ممكن يساعدك

[ام ايمان16]

شكرا اختي
راني نحوس في المنتدى مازال مالقيتوش
واذا تلاقيتي بيه اختي حطيهلي

[فايزة العباسية]

http://www.startimes.com/f.aspx?t=33061569

[ام شيراز]

هذا هو الموضوع للاخت(الواثقة بالله 23)
السلام عليكم أخواتي الحبيبات

رح نحط اليوم حلوى المشكلة بعدة أشكال و أنواع . للأمانة الصور مأخوذة من دورة لتعليم الحلويات

العجينة : 4 كيلات فرينة +كيلة زبدة ذايبة و باردة+ فاني "تاع

الميزان"+ نصف ملعقة ملون أبيض بودر خلطي و لمي بماء و ماء

زهر مذوب فيهم شوي ملح

أقسمي العجينة على 4 و اتركيها ترتاح في الثلاجة ليلة كاملة

الحشو : رطل لوز مرحي مليح بالقشور تاعو " باه يبان مخلط مع

الجوز هههههههه" و ممكن تخلطي معاه نص الكمية جوز +فاني +ملعقة صغيرة زبدة طرية+ سكر قلاص من 200 الى

250 غ + اكستري تاع نوازات +أضيفي صفار بيضة اذا متلمتش زيدي البياض بالشوي حتى تتلم

_ رشي العجينة بالنشاء و حلاها بالقراص ثم بالمشينة تاع البقلاوة

برقم 5 ثم رقم 7

قصيها بطابع مدور و مشرشف رقم 5 و بنفس الطابع قصي الحشوة بعد ما تكوني حليتاها بالقراص شوي طالعة

حطي طبقة تاع عجينة ادهنيها ببياض البيض ثم الحشوة ثم طبقة اخرى من الحشوة و انقشيها بالنقاش و ادهني ببياض البيض و

حطي حبة لوز

شكل آخر طابع مشرشف على شكل ورقة و اعملي نفس الخطوات السابقة تم قصي بالعجينة شكل أوراق ادهنيهم بالبياض و حطي

فيهم حبة لوز و ادهنيهم من تحت ببياض البيض و لسقي.

_ أنا كي عملت الشكل هذا عملتو بالنقاش على شكل ورقة و حطيت لوزة وحدة في الوسط بلا ورقة جاتني هكا خير

شكل آخر طابع رقم 8 اعملي نفس الخطوات السابقة ثم أقسميها على 2 نصف دائرة و زيني بالنقاش و لسقي حبة لوز

شكل آخر قصي برقم 8 و حطي في وسطها حربوش صغير تاع لوز حطيه في الوسط و طبقي على 2 و أقفلي من الفوق بحبة لوز

* ممكن بدل النقاش تزيني بالسكينة "الموس"

_ دخليهم فرن مسبق التسخين على نار هادئة

* الحلوى هدي مطولش في الفرن شوية برك و خرجيها يعني تشيح و برك و الا تجي يابسة

_ كي تخرج من الفرن خلاها تبرد و سخني العسل مخلط مع ماء زهر عسليهم مرتين

_ اذا جات يابسة شوية حطيها في علبة محكمة الغلق بعد ما تكوني

عسلتيها يومين و تطرى خلاه المهم متخليش القاعدة تتحمر

خليهم يسقطرو و حطيهم في كيسات و رشي برييون اليمنتار ذهبي اللون

شهية طيبة

[ام ايمان16]

بارك الله فيكم وشكرالكم