للنقاش الجاد

[*الراجي عفو الله*]

السلام عليكم

ياجماعة الخير قولولي ربي يحفظكم مشكلة الكهرباء هذه منحصرة في منطقتنا او عامة

[مارس]

وين راك انت

[يوسُف سُلطان]

السلام عليكم ورحمة الله ........اهلا بالاحبة

[biberse1192]

والله لا صح السخانة بصح كاين البحر حنا عندنا برد الحال اما افار تاع التريسيتي نفكرك بلي راكي عايشة في لالجيري كيما يقولولك ديري

[pnl90]

روح للبحر ولا الغابة

[اسد الاسلام81]

الله يكون في عونك.......والله يفرج عليك....

[عادل الجلفاوي]

الحاااااااااااااااااااااااااااااااااااااااااااال
من بعضوا نفس المشكل.......

[guilty23]

راني كيفك أختي اذا ماراحش التريسيتي تكون كاينةchute de tension
كلش علا لخدع أما السخانة معليش أو والفنا

[فاتن 89]

رانا كامل كيف كيف و عجبكم حنا نسحلاو لكليما و التريسيتي يروح.....هههه....شكرا

[ღ كبريـاء أنثـى ღ]

هذا هو الصيف واش تحب
رحيل

[*الراجي عفو الله*]

والله عندكم الحق هذا هو المشكل وصح السخانة ولفناها لاعلينا

[الـ^ـسَّــآآحِـ^ــرْ ،]

و الله نفس المشكل .

[samirhanan2]

عندك الحق يا أخت أنا أترك أمرهم لله لانهم يعذبونن بالسخانة

[نينا الجزائرية]

السخانة تاع ربي مرحبا بيها بصح التريسيتي يا لطيف هذا المشكل رانا كامل نعانيو منو

[مريم الطالبة]

والله غير حنا تاني هنا في البليدة التريسيتي هدوا اليامات ماراهيش مليحة

[سلاف26]

الصيف دائما تكون فيه مشكل الكهرباء كلنا نعاني من الأنقطاع المتكرر لها

[ل..ب..ن..ى]

ايه السخانة والله غير بزاف

بصح من جهتنا هاد الايام برد شوية الحال

والحمد لله الكهرباء تعدلت
من نهار بعدوا الشناوة علينا

تعدل الحال

قلتلهم الشناوة هما اللي راهم دايرين فينا حالة وماامنونيش

ديروا اضراب عليهم ورديلي الخبر هههههه

نزعق بالاكم توصلولهم الهدرة وتطفر فيا هههه

تحيتي


سلاااام

[*الراجي عفو الله*]

السلام عليكم
صح واقيلا عندك الحق انديرو إضراب على الشناوة بالاك تتريقلا التريسيتي والانترنت

نسيوها ونردلك الخبر أختي

شكرا على مروركم جميعا نورتم صفحتي

[شقري]

الي اتجي من عند ربي اهلا وسهلا بيها بصح الي اتجي من عند سونلغاز راك استهلكتها واذا كنت شاك في التريميسة قالية روح ريكلامي

[*الراجي عفو الله*]

السلام عليكم أعضاء المنتدى الكرام

علابالكم بلي مشكل التريسيتي هذي ماحبش يفرا والبارح جوزنا نهار كامل والتريسيتي اتروح وترجع ومور المغرب راحت وما رجعتش ليل كامل حتى لظهور انتاع اليوم
ربي يسترنا وييسر علينا

اللهم أمين

[يوسُف سُلطان]

احمدو ربي ......التريسيتي والنترنيت .......................
واش نقولو على الناس الي عايشة بتندوف وتمنراست .......يقراو على الحصير ....

[*الراجي عفو الله*]

السلام عليكم


صح عندك الحق أخي سلطان نحمدو ربي ونشكروه في كل وقت وحين والمشكل راهو من عندهم ما شي من عندنا هوما يقطعوها

أما على ناس اللي تقرا في الحصير ربي معاهم وييسر عليهم ويسترهم


سلامي الحار لكم

[عابر . سبيل]

احمدي ربي ختي .... بويرة فيها شويه برود .................

[*الراجي عفو الله*]

السلام عليكم


الحمد لله بكرة وأصيلا

بارك الله فيك اخي
سلام

[*الراجي عفو الله*]

السلام عليكم

تقبل الله صيامكم وقيامكم وصالح أعمالكم
وصح عيدكم وكل عام وانتم بألف خير


سلام