التعارف قبل الزواج معقدني

[مشكلتي]

سلام عليكم مشكتلتي موضحة في العنوان راني عارفة كي نحكيلكم تبان تافهة لكن حابة اراء مقنعة كم شخص قالي باش يجي يخطبني وكل عندهم نفس عقلية يقولي عطيني تيليفون نتعرفوا ونجي نخطبك انا دايما نسقسي ماما تقولي هدري ولعجبك قوليلو يجي انا جربت مرة عطيت لواحد رقم الهاتف بقى يقولي لازم نتلقاو وتعرفيني مليح انا نخاف نعرف اخرتها تمرميد وتبهديل ونكره نذل نفسي لشخص خاصةالرجال وهو يقولي بنات كل يتزوجو هاك ..قطعت الاتصال بيه لاني نعرف لي ينوي حلال مشي بهاذ طريقة بقاتلي عقدة وليت نخاف من رجال من زواج جاوني فرص من ذهب حسيت روحي رخيسة كي وصل واحد يهدرلي هاك فاتت عليها 4سنين ومؤخرا واحد معايا فالعمل مشاء الله عليه لكن طلب مني نفس شيء يقولي التعارف ماشي بالتلفون بطلت وراني فحالة نحس روحي غلطت كي عطيته فرصة يهدر معايا ومرة نقول مزيا فقت قبل مانغلط غلطة كبيرة وامي قاتلي عادي معجبكش نعلي شيطان لمهم مطولتيش معاه راني في حيرة انا هاك عقليتي نحب لي نهدر معاه هو راجلي ونكره لي جا نهدر ونشوف عقليته انا مقتنعة ناس يقولولي معقدة عطوني رايكم بصراحة خاصة الذكور نحب نعرف وجهة نظركم

[yousra14]

يا بنتي ربّ يكثّر من أمثالك ويثبتك ويااااارب يرزقك بالشخص إلّي يستاهلك ويستاهل أخلاقك .
والله استغربت كثيرا من موقف أمّك الغير مبالي بعواقب التعارف قبل الخطبة والزواج ؟؟؟؟؟؟وهنا سرّ المشاكل التي نتخبّط فيها اللاّاااااااا مبالاة من طرف الأهل !!!
إنت اثبتي وأكثري الاستغفار وسيأتيك الفرج عاجلا إن شاء الله عقليتك هي الصح .

[كنوز الرحمان]

الي يحب يرتبط بيك يجيك لباب الدار وهذي نتعرفو قبل زواج حجة برك . الي يطلبمنك رقم الهاتف قوليلي دار قدامك وكي تخطبني ساهل الحال . ربي يرزقك بولد الحلال

[فارس وجواد]

انا دايما نسقسي ماما تقولي هدري ولعجبك قوليلو يجي

كملاحظة فقط و الله تعجبت من كلام الوالدة ربما بعض الأمهات من شدة حرصها على زواج ابنتها تدفع بها الى المحرمات لا قدر الله و هي لا تدري.


لدي سؤال لك يا أختي.
هل كل الذين تزوجوا كان لزاما عليهم التعارف عبر الهاتف أو عبر أي وسيلة أخرى لكي يتزوجوا .
الزواج مكتوب و لو أن الله مكتبلك باه تتزوجي فستتزوجين و لو كنت لا تملكين هاتفا أصلا و لو كنت لا تخرجين من المنزل نهائيا .

فنصيحتي لك يا أختي لا تتسرعي و لا تحصري الزواج في التعارف .
فوالله لن تجلبي لنفسك الا المشاكل و الذل و الارهاق .

[الناصِح الصّادِق]

سلام الله لأهل المكارِم من الأخلاق


بكل صراحة وسمحيلي (( ماماك متديّنة زعمى وتصلّي ..؟؟ بناتنا برك ؟؟ ) لا حول ولا قوّة إلاّ بالله

وأنتي بصراحة متدينة ومحجبة وتصلّي ؟؟

معليش أنقلّك للأسف ينقصكِ الكثير من العِلم والتديّن حتى تكوني مستعدّة للزواج !!

سامحيني أختي في الإسلام ... ليس كل صاحب مشكلة معه الحق .. لِدى أتمنى قبول إنتقادي

أنتي ووالدتُكِ في واد .. والإسلام والدّين في واد آخر .. كيف لا

أنتي تقولين ندمت متلاقيتش وراحولي فرص من دهب .. ولوالدة تقلّك عادي هدري وعرفيه تلاقيه ومتطوليش يعني !!!!!!!!! عظيم جدا أمركم ياناس

الله وأوامره .. الرسول ونواهيه القرآن والسّنة = إزاحة وتتبّع الهوى ؟؟؟؟

يا أخت إدا الله لم يكتب لكي الزواج ... ولو أنتي من تتقدّم لخِطة شاب والله ووالله لن تتزوّجي ...
يا أخت إدا الله كتب لكِ الزّواج .. ووقف ضدّكِ كل الناس .. والله ووالله ستتزوّجين ... لمذا

فقط لأن الله أمر ... وأمره مطبّق بين الكاف والنون (( كن فيكون)

فلِما هدا التسيّب في الدّين وأي مرووووءة أن تلتقين أجنبي وأي أخلاق أن تُحدّثين شباااب ((سبحان الله )

كل أووولائك والله ثم والله ماهم برجال إلاّ أجسامهم ...

لم أقدِر بمواصلت كلامي ولكن أترك لكي شيء وااااحد ووحيــــــــــــــد


راجعي دينَكِ قبل دنيااااك ** فالدّنيا ساعة والآخرة طــاعة


الله أكبر أختي ممّا تفكِّرين فيه أنتي ووالدتكِ

أختي أختي صلاتك صلاتك فيها خلل هلاّ راقَبتِها ..؟


وفّقكِ الله أختي وهدانا

[نارينا]

اختي اياك والتعارف عن طريق الخروج او المكالمات الهاتفية ,,,,لو اسرد لك قصص عن خيبات وتحطم قلوب الكثيرات ممن جربن هكذا نوع من العلاقات لما فكرت ابدا فيها ومن ترك شيئا لله عوضه خيرا منه والله اعرف فتاة لا تؤمن بما نصحتك امك به وتخيلي خطبها زميل في العمل بدون مقدمات ومواعيد وغراميات فتفاجأت وذهلت لكن الرجل كان يراقب كل تحركاتهامن بعيد
احداهن تقدم لخطبتها صيدلي بدون ان تعرف حتى شكله لكنه كان يراقبها بصمت حين ذهابها او رجوعها من العمل ولم يتجرأ على طلب رقمها بل دخل من الباب واخرى كانت تعامل مديرها في العمل بالرسميات الشديدة وهو كذلك وبعد سنتين غير مكان عمله والمفاجأة انه اختارها هي من بين كل الموظفات اللواتي كان يتعاطى معهن رغم انه لم يحدثها يوما في الموضوع ولو بالتلميح لكن راقب وحلل كل تصرفاتها

[الفاتحة]

لي تعقيب على تصرفات والدتك ، هي تبيح لك ما حرمه الله، ربي يهدي مثلها من الأمهات ، كان الجدير بها ان تنصحك بالطريق المستقيم ، أختي لا ترخسي من نفسك ولا تحقريها ، فان كانت الجماعة كلها على خطأ فاعتبري نفسك إن كانت على صواب هي الجماعة ، الحلال بين والحرام بين ، فلا تخدعي نفسك وتحللي ماحرمه الله، اكثري الدعاء والاستغفار وحافظي على صلاتك و ربي يفرج عليك وعلى كل المسلمين

[محمد...عبد النور]

و الله لا تزالين بخير ما لم تكلمي الذكور......فكثرة المِساس تذهب الاحساس و تذهب ماء الوجه و الحياء
من يحبك و يهتم لامرك يأتي الى باب بيتكم و بالطرق الرسمية و حتى و ان خطب فهو اجنبي الى حين العقد الشرعي و الدخول .....و الا فكل كلام او تلميح او وعد فهو تلاعب محظ .......لا اكثر و لا اقل
ســـــــــــــــــــــــلام

[Rihanna]

وين راكم عايشين
مانيش مأمنة بلي مازال ناس كيما هك
واش فيها الا شفتيه، انتي لي رايحة تستفادي
ادا عجبك كملي معاه

[ibrahimm]

وين راكم عايشين
مانيش مأمنة بلي مازال ناس كيما هك
واش فيها الا شفتيه، انتي لي رايحة تستفادي
ادا عجبك كملي معاه



انت مسلمة ؟ سبحان الله و الله الموت قليل فيكم

لكن انتم متحبوش الحلال تحبو الترنديف و تلفون و لاكلام المعسول بعد ذلك تقولو معجبنيش

حابة نزيد نتعرف بالثاني و الثالث

[نورسين.داية]

السلام عليكم

أغلبهم نسوا أن للبيوت أبواب .......................................

[نارينا]

انت مسلمة ؟ سبحان الله و الله الموت قليل فيكم

لكن انتم متحبوش الحلال تحبو الترنديف و تلفون و لاكلام المعسول بعد ذلك تقولو معجبنيش

حابة نزيد نتعرف بالثاني و الثالث

اخي هذا الموضوع جد شائك واجزم لك ان معظم البنات يتزوجن بهذه الطريقة وربما يوما ما ستأتي احداهن وتقول لك ..اأنت مسلم؟؟ دعني اتزوج على الطريقة الحديثة ولا تترك شبح العنوسة يطاردني بكلامك ومواعظك

[Rihanna]

انت مسلمة ؟ سبحان الله و الله الموت قليل فيكم

لكن انتم متحبوش الحلال تحبو الترنديف و تلفون و لاكلام المعسول بعد ذلك تقولو معجبنيش

حابة نزيد نتعرف بالثاني و الثالث

لا لا خويا راك غالط
حبيت برك نقول رايي و نسهل بالاك عليها
مانيش من الناس لي يلعبو بالمشاعر و يتعرفو بالتاني والثالث كيما راك تقول
بالصح فالوقت ليرانا فيه لازم الناس تتعارف مليح قبل الزواج
عندنا الحرية في الإختيار لالا ؟ الاسلام ماقالش نتزوجو مع واحد عمرنا ما شفناه و لا سمعنا بيه

[ibrahimm]

لا لا خويا راك غالط
حبيت برك نقول رايي و نسهل بالاك عليها
مانيش من الناس لي يلعبو بالمشاعر و يتعرفو بالتاني والثالث كيما راك تقول
بالصح فالوقت ليرانا فيه لازم الناس تتعارف مليح قبل الزواج
عندنا الحرية في الإختيار لالا ؟ الاسلام ماقالش نتزوجو مع واحد عمرنا ما شفناه و لا سمعنا بيه


االإسلام ايضا ما قالش نتعارفو بدون خطبة شرعية

اذا كان ناوي الحلال يجي للدار يثبت حسن نيته و يتعارفو

اما غير ذلك فكله كذب علاقات للتسلية فقط

[**د لا ل**]

السلام عليكم

يا جماعة الخير القضية قضية مبدأ وكل اناء بما فيه ينضح لذا اتمنى ان نبتعد عن الجدال والتقاذف بالكلام الجارح

اختي الفاضلة هي نصيحة من اخت لكِ في الله **من ترك شيئا لوجه الله عوضه الله خيرا **

**ومن يتقي الله يجعل له مخرجا **

ربي يرزقك بالزوج الصالح التقي كما تتمنيه ويرزق جميع بنات المسلمين

[محمد جديدي التبسي]

ابقي كيما راك وإياك تقبلي تتحدثي مع شاب يقولك ناوي نخطبك
بل حتى لو بعث أمه وتفاهمتو ما تحكيش معاه حتى ديرو العقد
تكفي إنك تشوفيه في بيتك مع ولي أمرك وهو ما يسمى بالرؤية الشرعية ويمكن تكرارها حتى ترتاحوا وتتقبلوا بعضكم بعض
أما اللي يقولك نتعارفو حتى لو تزوجتو ربما سيفعل ذلك مع أخريات بعد الزواج وتصبح في خيانة وفضائح ..
ربي يرزقك بكل خير

[الناصِح الصّادِق]

لا لا خويا راك غالط
حبيت برك نقول رايي و نسهل بالاك عليها
مانيش من الناس لي يلعبو بالمشاعر و يتعرفو بالتاني والثالث كيما راك تقول
بالصح فالوقت ليرانا فيه لازم الناس تتعارف مليح قبل الزواج
عندنا الحرية في الإختيار لالا ؟ الاسلام ماقالش نتزوجو مع واحد عمرنا ما شفناه و لا سمعنا بيه



هادي "لازم" واش من آية أو حديث مدكورة فيه .؟؟

حذاري..حذاري
ماتقولين في الإسلام
الإسلام أكبر من أن تتكلّم فيه مستلزِمة الحرام !!

لازم هديك نسبيها لنفسَك أو أمثالك ...
لا تنسبيها للإسلام والدّعوة للّزوم !!

[زوجة الغول]

يا ختي
هذاى لي يخدم معاك قوليلو راك تشوفني ف العمل يعني يعرف عليك بزاف حوايج
واهم حاجة لازمو يعرفها انك مش تاع تمسخير
ثقلي روحك عليك وما تدسريهش
وكي يقولك نتلاقاو قوليلو يقتلني خويا او بابا ..
هو إذا نيتو حلال راح يجي للدار وإذا لالا راح يبدا هو يثقل حتى نتي تطيحي فيه ويدي واش بغا ويقولك مع السلامة

إياك من الرجال يا ختي ما يتأمنوش
أختي خطبها واحد وقراو الفاتحة وغير يهدرو بالهاتف
واش يقولها ؟؟؟
نتلاقاو أنا ونتي بصح ما تقوليش لداركم
بالرغم من أنو بابا قالو كي تحب تخرج معاها لازم واحد او وحدة من اهل بيتنا معكما
كثر على ما وصاوه بطلباتو ف اللقاء
وخلاص ذرك بطلت عليه
على خاطر باية نيتو مش مليحة
يا ختي الراجل لي يقولك نتلاقالو او يقولك نعيطلك على 12فما فوق تاع الليل ..غير طيشيه وأعفسي عليه وفوتي
وما تندميش يا ختي الشرف غالي ومش الشرف تاع الفتاة غير في هاذيك الحاجة لالا
مجرد تعطي فرصة لواحد ما يستاهلش يهدر معاك شرفك راح
فهمتي ؟

[nadal3omr]

السلام عليكم اختي والله نفس المشكل راني نعاني منه كي كنت نقرا ف واش كتبتي كأنك توصفي في حالتي لانه الزمان تبدل وكل حاجة ولات تمشي بالمقلوب بنت الفاميليا والي ما تهدرش في التليفون يقولولها معقدة وواحد ما يقصدها للزواج وهذا هو الواقع وللاسف ،الكل هاجم الام في موقفها ولكن الام حليلها تحب تشوف بنتها متزوجة وعلى حساب الوقت الي راه عايشة فيك هذا هو الطريق لذلك نسأل اله ان لا نضعف اللهم يا مقلب القلوب والابصار ثبت قلوبنا على دينك

[nadal3omr]

لازم الانسان يحط كل الاعتبارت جانبا ويحكي بواقعية وللاسف هذا هو الواقع

[أم شروفة]

نسسسسسسسسسسسستعرف بيك فحلة.فلتسقط العلاقات قبل الزواج واللي حاب يتعرف راه يعرفني بعد الزواج حتى الي مل مني

[الناصِح الصّادِق]

السلام عليكم اختي والله نفس المشكل راني نعاني منه كي كنت نقرا ف واش كتبتي كأنك توصفي في حالتي لانه الزمان تبدل وكل حاجة ولات تمشي بالمقلوب بنت الفاميليا والي ما تهدرش في التليفون يقولولها معقدة وواحد ما يقصدها للزواج وهذا هو الواقع وللاسف ،الكل هاجم الام في موقفها ولكن الام حليلها تحب تشوف بنتها متزوجة وعلى حساب الوقت الي راه عايشة فيك هذا هو الطريق لذلك نسأل اله ان لا نضعف اللهم يا مقلب القلوب والابصار ثبت قلوبنا على دينك




لالا ياختي ماشي طريق هادي.. سبحان الله تقولي من جهة بنات الفاميليا يصرا فيهم هكّا زعمى ميتقدموش ليكم ومن جهة (تقولي هادي هي طريق ) طريق لحرام تنسبيها لبنت الفامليا !!؟؟
فهمتش والله مفهمت كيفاش تفكروا
لوكان درك تشوف بنت الفامليا كلامك راح تتبرّأ ممّا أُنتُسِب إليها والله ...
هي عارفة مكتوبها ميدِّيه حَد ..
أَهُمْ يَقْسِمُونَ رَحْمَةَ رَبِّكَ نَحْنُ قَسَمْنَا بَيْنَهُم مَّعِيشَتَهُمْ فِي الْحَيَاةِ الدُّنْيَا

وقلتي هدا هو الطريق وبعدها دعيتي رب اتبّت قلبك على دينه ..
يعني أنّى يُستجاب لكِ .. فالدّعاء بالتّخاد الأسباب .. مكانش منها ..
يارب ارزقني وهو راقد في الدّار ..
اللهمّ ارزقني وهو في جهاد مع عمله والعرق يصب منه وهدا من يستجاب له

أمّا أنّي أتّخِد الحرام بديلاً عن الحلال حتى يفتح الله لي ..!!! هدا لهو مع الله ... والله

نتمنى بل نطلب منّك ياأخت تجتهدي في التديّن .. لأنكِ إدا قلتي أنكِ متديّنة ولكن توافقين أم هته الأخت في تفكيرها .. فأنت بعيدة للأسف عن التديّن

واعذريني إن جرحتُك .. بل كان الحق بعينه