ماهي طريقة نزع نواة التمر المرحية في الغرس

[ياسمين1990]

السلام عليكم اخواتي
ارجو من كل وحدة عندها طريقة او معرفة كيف ننزع نواة التمر المرحية مع الغرس تفيدني بها
لاني اتبعت جميع الطرق و مزال متوصلتش الى طريقة فعالة وسريعة للتخلص من النواة المرحية وليس النواة العادية
وشكرا

[ajolinare]

يعني اختي انتي قصدك على غرس التمر الي يبيعوه واجد ؟

[ياسمين1990]

"]سلام
نعم اختي العلف نتاع التمر يرحيوه مع التمر ويبيعوه بالكيلو
[/size]باه يخدموا لبراج والمقروط

[ام سهام 02]

فوري التمر(الغرس) و هو سخون جوزيه في الرحاية اليدوية الخاصة بالخضر(moulinette)

[rimahmed]

كيفاه العلف يرحوه معها هدي مستحيييييييييييييييييييييلة

[أم بلوكة]

كاين منها وممكن حوايج واحدوخرين عليها يقولو الغرس بالعلف خير من الورحي

[ياسمين1990]

بارك الله فيكم خواتاتي
والله ستعملت جميع الطرق ومافدوش بالنسبة للرحاية نتاع الخضرة يخرج منها كيما الرمل وكي تكل الحبة نتاع المقروظ تلقايه في فمك كما الحجر
شكرا لكم وفي انتظار حلول اخرى

[رياحين الجزائر]

اذا كان حبيبتي تلقايه كيما الرمل راه رمل حقا لانو في بعض الاحيان نشريو غرس عادي بالعلف وكي نرحيوه نلقاو فيه الرمل ابالي التمر اللي اطيح في الرمل مايغسلوهش ويخدمو بيه ديراكت لانو لو كان علف راح اجي خشين شوية تقدري تعاودي ترحيه في الرحاية انتاع اللحم نيمرو 8 انا هك انديرلو كي نجيبو

[امازيغية وفتخر]

ياو لو تعرفو كيفاه يرحيو هذاك الغرس والله ما تزيدو تشريوه او تاكلوه يرحوه بيه بلخماج شعر كلاب قطوط ذبان جرلو فيران خفافيش يعني تمر باللحم اعععععععععععععععععععع في رايكم اينقيوه او يرحوه اذا كان حنا كمية صغيرة في الدار نعجزو انقيوها المصانع كيف
خاصة حنا في وقت لا رقابة ولا ضمير
والله على ما قول شهيد لان اخي يملك مصنع للتمور وارى بعيني كيف يحضرونه
مختصر القول لا اخي صاحب المصنع ولا عائلتي عمرنا ما ناكلو هاذ الغرس
بل نخدمو بالغرس انتاع الكيلو اللي في لبادن مش غرس لبطانة غرس لبطانة يحشى بالارجل ولو شفتو ذوك الرجلين اللي يحشيوه اعععع
ما نقولكمش كثر
لمرا الفحلة تشري غرس لبيادن وتنقيه او ترحيه بنفسها خليكم من اوسخ الغرس المرحي نصو زبل او مرض
والله على ما اقول شهيد
انا حتى كي نلقى حلويات مصنوعة بالغرس في لعراس والمناسبات ما ناكلهمش نخاف ايكون شاريينو مرحي
وانتم و اختياركم
http://i40.servimg.com/u/f40/13/20/87/31/9168_310.jpg
كيفية حشو بطانة التمر في وادي سوف صورة من النت

[عهد الله]

ياو لو تعرفو كيفاه يرحيو هذاك الغرس والله ما تزيدو تشريوه او تاكلوه يرحوه بيه بلخماج شعر كلاب قطوط ذبان جرلو فيران خفافيش يعني تمر باللحم اعععععععععععععععععععع في رايكم اينقيوه او يرحوه اذا كان حنا كمية صغيرة في الدار نعجزو




انقيوها المصانع كيف
خاصة حنا في وقت لا رقابة ولا ضمير
والله على ما قول شهيد لان اخي يملك مصنع للتمور وارى بعيني كيف يحضرونه
مختصر القول لا اخي صاحب المصنع ولا عائلتي عمرنا ما ناكلو هاذ الغرس
بل نخدمو بالغرس انتاع الكيلو اللي في لبادن مش غرس لبطانة غرس لبطانة يحشى بالارجل ولو شفتو ذوك الرجلين اللي يحشيوه اعععع
ما نقولكمش كثر
لمرا الفحلة تشري غرس لبيادن وتنقيه او ترحيه بنفسها خليكم من اوسخ الغرس المرحي نصو زبل او مرض
والله على ما اقول شهيد
انا حتى كي نلقى حلويات مصنوعة بالغرس في لعراس والمناسبات ما ناكلهمش نخاف ايكون شاريينو مرحي
وانتم و اختياركم
http://i40.servimg.com/u/f40/13/20/87/31/9168_310.jpg
كيفية حشو بطانة التمر في وادي سوف صورة من النت



الله يحفضك اختي راه صاير كيما هاك من اوجاي رجليين ثاني اعععععععععععععععععععع ياولي ما نزيدش نشريه وتاع لبادن وين نلقاه اختي1
...................................

[ام الهضاب]

انا ما شفتش انتاع لبادن هنا في سطيف ممكن نسألو اعليه و الف شكر أختي و الله غير عفتووووو

[Chachi]

[sسلام عليكم
هل تعني أن غرس لبادن هو غرس لبطانة احنا ما عندناش تاع لبادن أما فيما يخص النوات حطي الغرس في قصعة أي جفنة و حاولي تعجنيه بالمء و شويا زيت رايحين لعلف يتنزعو بسهولة و من بعد عقبيه في حاية اللحم ومن بعد ديرلو شويا قرفة وماء الزهر ...
حذار من النواة يعقبولك في الرحاية اخدمي بالحذر و كوني فحلة.و السلام[]

[oum jasmine]

el fahla techri el ghars hab w hada ykoun men octobre hata lawakher fevrier win techrih bekri win khir tna9ih wtegheslih wtenechrih mghati btarf 9mach wnti lidirih felbidon rana nesta3amlou baden nta3 zitoun balakou men nta3 la peiturewallah 3ala ma a9ouloho chahid

[ياسمين1990]

السلام عليكم
اهلا اخواتي اشكركم جزيل الشكر
اختي اما زيغية وافتخر شكرا لكي نورتينا ونبهتينا الى امور خطيرة تصرا وغلبيت الشعب معلابلوش واش ياكل ويقول منين تيجينا الامراض
والله كي شفت الرد نتاعك قلبي جاء خلاص من التمر المعجونة واععععععععععع
ولكن منعرفش التمر نتاع لبادن كيفاه يكون قصدك نشري التمر العادي ونرحيه في الدار ..؟

[oum jasmine]

okhti ma3endek matdirilou armih wkhsart elflous khir melamradh hla ma l9itich hab achri ta3lbtana agheslih wna9ih wfawrih rahi elharara to9tel ma taba9a mina elmikrobat wabalakou zidou techrou elmerhi ma3endkom ma tna9oufih c'est à jeter

[ياسمين1990]

سلام اختي ام ياسمين
شكرا لكي اختي معنديش خبرة في هذا
نخاف نغسل التمر تقراص يعني تفسد كي تخبيها في لبيادن خاصتا في المناطق الرطبة ولو نشفتيها
اذا ممكن تقولي على هذي الطريقة بالتفصيل واذا مزال ممكن نقدر نديرها في اي وقت من العام يعني نشري التمر حب ونخدمها في اي وقت
واش نحط معاها باه ماتفسدش وبارك الله فيك

[ياسمين1990]

خلاص ام ياسمين بعدما شفت واش كتبت اختنا امازيغية وافتخر
مابقاش نزيد نشري هذا النوع خلاص ونوكل ربي على صحاب المصانع
بارك الله فيك هكذا نضن اننا افدنا الناس ونبهناهم للاخطار لراهي تهدد فيهم
شكرا

[امازيغية وفتخر]

و الله العظيم كل كلمة قلتها صحيحة رغم اننا انبيعوه لكن لا مفر من كلمة الحق بلاكو من الغرس المرحي وساخة في وساخة واتحدى اي وجدة تقول العكس الخبز اللي ابيض نلقاو فيه لعجب فما بالك غرس بني وداكن اللون او مرحي ما تدري ما فيه امانة بلغو لكل واحد يستعملو يبتعد عنو
اما غرس لبيادن متوفر عند بائعي التمورمثل بيادن الزيتون
من وزن 5 كيلو حتى ال50 او تقدري تشري بالكيلو راح تلقاي حباتو باهيين او كاملين لانو محشي باليد مش زي لبطانة تمرها ممحي داخل في بعضاه لانو يحشيوه برجليهم
والله والله غيرشفتهم في الدوار النساء يقضيو شغلهم وييصيقو و بدون ما يغسلو رجليهم يتوجهو للتمر يحشيوه في لبطاين ما يهمها لادخلت حشاكم للمرحاض ولا عفست على شيء وسخ ما نيش حابة ندور لكم قلبكم كثر

[امازيغية وفتخر]

لتحضير الغرس في البيت
اذا كنت بمنطقة مشمسة
خذي حبات الغرس كي ايعود وقتو امسحيه بكتانة مبلولة حبة حبة بعدها انشريه في مكان فيه لهواء على قطعة قماش او خيشة و غطيه بالتيلو من الذباب والغبار ليومين او اكثر حتى ينشف من الماء بعدها احشيه في بيدون بلاستيك او شيء قدر الفخار اذا عندك باش
باش ما يفسدلكش نقي شوي غرس من النوا وامرسيه بيدك مع شوي زيت ملعقة فقط يصبح عجينة حطيها من فوق كغطاء عازل من الهواء غطي قطعة بلاستيك اقفلي البيدون وخلاص
كي تجي تنحي للاستعمال ما تنخيش الطبقة اللي غطيتي بيها الكل لكن بالشوي نحي وارحيه و استعمليه حاجة نقية ومن صنع يدك
ام اذا كنت في مدينة جوها رطب
امسحي حبات الغرس بقطعة قماش ناشفة غير مبللة وواصلي كما سبق
وبالصحة او لهنا

[oum jasmine]

chokran dkhti amazighiya la9ad 9omti bilmohima 3ala a7sani wajh ja3alaho allah fi mizani hassanatoki wa akthara min amthaloki

[oumhana]

اختي أمازغيه و أفتخر :شكرا يعطيك الصحه وربي يجازيك نبهتينا لهذه الفكره تاع ليحشرو الغرس برجليهم مسخين على كل قلبي خرج مع أنني مناكلوش برك كندير المقرط نحبو بالغرس و نشري هذاك لي يتباع باكيلو ويجي لونو فاتح زعمه هذاك ثاني مشخ؟ خاطر هنا فالعاصمه مشفتش تاع البيدون جاوبيني ربي يجازيك راني قتلك انا مناكلوش باش مننخدعش و نطيب بيه سورتو ذرك راهو جاي الربيع المبرجة الناس كل تحبها .(قلبي خرج)

[أم محمد تاج]

يعطيك الصحة حبيبتي امازيغية وافتخر وتاع البيدون احسنهم حتى يجي طري ويذوب وحدو

[RANIA32]

http://up.djelfa.info/uploads/13399564101.jpg



هاذا هو التمر الملائم للمقروض والرفيس و ,,,,,,,,,,,,,,,,,,,,,,,,,,,,,
احنا عندنا نسموه تمر الحميرة
تغسليه ومن بع تفوريه ومن ثم تقلعي النواة او تزيديلو الزبدة وتدلكيه وبسهولة تقلع النواة

[امازيغية وفتخر]

اختي أمازغيه و أفتخر :شكرا يعطيك الصحه وربي يجازيك نبهتينا لهذه الفكره تاع ليحشرو الغرس برجليهم مسخين على كل قلبي خرج مع أنني مناكلوش برك كندير المقرط نحبو بالغرس و نشري هذاك لي يتباع باكيلو ويجي لونو فاتح زعمه هذاك ثاني مشخ؟ خاطر هنا فالعاصمه مشفتش تاع البيدون جاوبيني ربي يجازيك راني قتلك انا مناكلوش باش مننخدعش و نطيب بيه سورتو ذرك راهو جاي الربيع المبرجة الناس كل تحبها .(قلبي خرج)
للاسف كلوا صنعة وحدة
فاتح او غامق
تخيلي معاي
زعمة يفرزووهولك حبة حبة او يرحيوه
والله نصو حشرات
انت عن نفسك باش تحشي بيدون شوفي كم من الوقت والجهد يلزم
ياو نتخدعو وحنا نشوفو فما بالك واش يصرى من ورانا

[ام حنين الحنونة]

اخخخخخخخخخخخخخخخخخخخخخ يا اختي الامازيغية و الله ربي ايجازييك و يحفظك نبهتينا لحاجة كبيرة ...من الاحسن الواحد يشري التمر عادي و يخدمو ....صدقني من اليوم ماعاااااااااااااااااااد الغرس يدخل داااااااااااااااااااااااري

[امازيغية وفتخر]

فعلا صدقتي اختي

[ياسمين1990]

بارك الله فيكم اخواتي والله اني فرحانة اننا اليوم قدمنا حاجة مفيدة للمجتمع ان شاء الله تكون في ميزان حسنات كل وحدة شاركت
ولو بكلمة حق هكذا بلاك المعنيين بالامر يفيقوا مع راسهم ويخدموا خدمة نظيفة وبها يكون عندهم اجر عند الله
ارجو ان يطلع على هذا الموضوع اكبر عدد ممكن حتى تعم الفائدة على الجميع وينتبهوا من كل حاجة يشروها
وشكرا مرة اخرى

[امازيغية وفتخر]

يقول المثل ماندم من استشار وما خاب من استخار

[لينة نور]

السلام عليكم

( دخلت نحوس على الكسرة لقيت هاذ الكارثة, هاذ الغشاشين كي نديرو معاهم مايخفوش الله )

كما قلت أختي ياسمين أخر مرة اشتريت التمر كان هذا النوع وقد صورت العلبة

http://im81.gulfup.com/Ehf3sz.jpg

وأحمد الله على أنني تذوقته قبل ذلك

مصيبة للأسنان تخيلي قِطع النوى !!!! في غاية الحدة مهلكة للأسنان وان بُلعت خطرها أعظم

ممكن جدا أن تصيب الامعاء بجروح خطيرة ....والله كارثة

أما عما بلغت عنه الاخت أمازيغية مشكورة على ذلك فتلك كارثة

لو يعلمون ما يسببه شعر الحيوان لو بلع وتثبت في داث الانسان

( قلبي وجعني زعمة مسلمين .... الله يستر )

ليس هناك أفضل من أن نصنع العجينة لوحدنا من تمر الحميرة .

شكرا لك يسامين على هذا التسائل الذي جعلنا نعلم اضافات الاخت أمازيغية بارك الله فيها

عليك برفعه بين الفينة والاخرى كي يتعلم الناس.

بدوري سوف أنقل مشاركة الاخت أمازيغية الى موضوعي هذا بما أن المقروظ يصنع بالتمر .

وقد تعمدت ادخال القمح الفرنسيمن لجل الاسباب ذاتها ( الغش في بلادنا تعدى الحدود )

مقروظ , صنع جزائري بالقمح الفرنسي والتمر التونسي . (http://www.djelfa.info/vb/showthread.php?t=1517139)

http://im35.gulfup.com/XjtaW.jpg

[أم عامر]

بارك الله فيك أختي امازيغية على التنبيه
الحمدلله هذه مدة وانا نستعمل التمر كامل الحبة نقيها من النوى و نرحبها في ماكينة اللحم
والله بنة هايلة و الفرق كبير

[ياسمين1990]

السلام عليكم

( دخلت نحوس على الكسرة لقيت هاذ الكارثة, هاذ الغشاشين كي نديرو معاهم مايخفوش الله )

كما قلت أختي ياسمين أخر مرة اشتريت التمر كان هذا النوع وقد صورت العلبة

http://im81.gulfup.com/ehf3sz.jpg

وأحمد الله على أنني تذوقته قبل ذلك

مصيبة للأسنان تخيلي قِطع النوى !!!! في غاية الحدة مهلكة للأسنان وان بُلعت خطرها أعظم

ممكن جدا أن تصيب الامعاء بجروح خطيرة ....والله كارثة

أما عما بلغت عنه الاخت أمازيغية مشكورة على ذلك فتلك كارثة

لو يعلمون ما يسببه شعر الحيوان لو بلع وتثبت في داث الانسان

( قلبي وجعني زعمة مسلمين .... الله يستر )

ليس هناك أفضل من أن نصنع العجينة لوحدنا من تمر الحميرة .

شكرا لك يسامين على هذا التسائل الذي جعلنا نعلم اضافات الاخت أمازيغية بارك الله فيها

عليك برفعه بين الفينة والاخرى كي يتعلم الناس.

بدوري سوف أنقل مشاركة الاخت أمازيغية الى موضوعي هذا بما أن المقروظ يصنع بالتمر .

وقد تعمدت ادخال القمح الفرنسيمن لجل الاسباب ذاتها ( الغش في بلادنا تعدى الحدود )

مقروظ , صنع جزائري بالقمح الفرنسي والتمر التونسي . (http://www.djelfa.info/vb/showthread.php?t=1517139)

http://im35.gulfup.com/xjtaw.jpg


بارك الله فيك اختي نور
والله من يوم شفت مشاركة الاخت امازيغية شبعت ربي يهديهم لكانوا السبب

[سماح 88]

تهدروا وكانه غير التمر اللي لقيتوا فيه الذباب والحشرات والشعر الي لقيناها حتى في المشروبات والزيت ليش متدخلوا لمعامل السيبش والكاشير
الي اكدوا نه فيه اشياء مضرة للصحة ولا حبينوا حتى التمر نستوردوا من الخارج تم شكون ليظمن انو تمر لبيادن ماشي محشى بالرجلين الاخت وضعت
الصورة من النت وكانه كل التمر محشي بالرجلين داك السبد يحشي لداره مش للبيع كما يظهرلي مش في معمل كما تشوفي الكميه صغيرة والتمر يظهر مغسول ومصفى
وربما راه واضع بلاستيك او شي لرجله والامراض المستعصية لظهرت وما قالوش سببها تمر لبطاين الطبيعي لما فيه حتى مواد حافضة وانما ما ياتي معلب
ويكتب عليه رموز الكثير لايفهم ماهي نصيحتي ما لازمش نكبر الموضوع لما تفتحي لبطانة تعرفي التمر تظيف اولا البائع تقوليله نشوف التمر او تشري التمر
في وقتو وتنظفيه لوحدك هكدا افضل ... اسال العافية لنا ولجميع المؤمنين

[ام الرميصاء]

انا ما شفتش انتاع لبادن هنا في سطيف ممكن نسألو اعليه و الف شكر أختي و الله غير عفتووووو

سلام أختي لك ولكل أهل سطيف،في قسنطينة يوجد غرس يباع في علب بلاستيكية محكمة الغلق،المشكلة فعلا عيفونا رغم معرفتنا بالقيمة الغذائية للتمور.

[ياسمين1990]

تهدروا وكانه غير التمر اللي لقيتوا فيه الذباب والحشرات والشعر الي لقيناها حتى في المشروبات والزيت ليش متدخلوا لمعامل السيبش والكاشير
الي اكدوا نه فيه اشياء مضرة للصحة ولا حبينوا حتى التمر نستوردوا من الخارج تم شكون ليظمن انو تمر لبيادن ماشي محشى بالرجلين الاخت وضعت
الصورة من النت وكانه كل التمر محشي بالرجلين داك السبد يحشي لداره مش للبيع كما يظهرلي مش في معمل كما تشوفي الكميه صغيرة والتمر يظهر مغسول ومصفى
وربما راه واضع بلاستيك او شي لرجله والامراض المستعصية لظهرت وما قالوش سببها تمر لبطاين الطبيعي لما فيه حتى مواد حافضة وانما ما ياتي معلب
ويكتب عليه رموز الكثير لايفهم ماهي نصيحتي ما لازمش نكبر الموضوع لما تفتحي لبطانة تعرفي التمر تظيف اولا البائع تقوليله نشوف التمر او تشري التمر
في وقتو وتنظفيه لوحدك هكدا افضل ... اسال العافية لنا ولجميع المؤمنين
سلام عليكم اهلا اختي سماح نورتينا
انا اختي كان سؤالي على كيفية نزع نواة التمر المرحي
والاخوات بارك الله فيهم وافاوا وكفاوا ذكروا الكاشير والخبز والمعاجن بانواعها الحلوة والمالحة بالاظافة الى التمر
وحتى جلد البطانة هناك من قال انها جلد الكلاب ...؟
واحنا اختي ماعندنا مانديرولهم ربي يهديهم ويحللوا عيشتهم

[ياسمين1990]

سلام أختي لك ولكل أهل سطيف،في قسنطينة يوجد غرس يباع في علب بلاستيكية محكمة الغلق،المشكلة فعلا عيفونا رغم معرفتنا بالقيمة الغذائية للتمور.
شكرا اختي على المشاركة
انا من يومها مزدتش خممت على البراج او المقروظ

[دمعة فرح*]

شكرااااا......

[inessou]

يايما قلبي دار أخت أمازيغية اه واش رآهم يوكلو فينا

[ياسمين1990]

يايما قلبي دار أخت أمازيغية اه واش رآهم يوكلو فينا


شكرا اختي على المرور
ربي وكيلهم
صحيفتهم وهم يعمروا فيها !!!!

[ياسمين1990]

شكرااااا......

العفو
الشكر موصول اليك
نورتينا

[chahinez chanez]

اختي احنا نشرو التمر بلكيلو و نفوروه مليح ونحيله النوات و نمرسوه بيدنا و نزيدله قرفة +كبابة و الزيت

[ياسمين1990]

اختي احنا نشرو التمر بلكيلو و نفوروه مليح ونحيله النوات و نمرسوه بيدنا و نزيدله قرفة +كبابة و الزيت

بارك الله فيك اختي حتى انا من نهار حطيت هذا الموضوع وشفت الاهوال لي فالتمر المعجونة
رجعت نشري بالكيلو حب ونغسلو من التراب ونقيه نفورو ونخدم به

[mima86]

اشري غرس لي فيه العضمة كاملة ينزع بسرعة وافضل من المرحي