مشاهدة النسخة كاملة : المدرسة العليا للعتاد الحراش
السلام عليكم ورحمة الله وبركاته
وصلني استدعاء المدرسة العليا للعتاد الحراش والالتحاق يوم 15 مارس ومعه الامر بالالتحاق
- هل هدا الاستدعاء هو الاخير مع العلم انو هادا الثاني الي وصلني
- نحوس على معلومات عن هده المدرسة طبيعة التدريب وهل هي مزيرة ولا لاء وطبيب تاعهاا
وفي حالة ما ادا كان فائض كيفاه يخرجو بالسورسي ولا الاعفاء
لمن الاولوية
صالح القسنطيني
2014-02-24, 22:07
و عليكم السلام
نعم هو الاستدعاء الاخير
و المدرسة يوجد مواضيع كثيرة عليها في هذا القسم
mmm_555_111
2014-02-24, 23:30
من أي مدينة أنت ؟
لانو على مستوى مدينة المسيلة لم يتم الاعلان بعد ...؟
صالح القسنطيني (http://www.djelfa.info/vb/member.php?u=33826)بارك الله فيك .راني شفت الموضوع.و انا قررت بلي نروح وحتى وراهم خلطوها لنا بقوانين التوظيف الهادي .
انا من المسيلة ووصلني عندو 7 ايااام
ونروح في 15 مارس
algeriano2009
2014-02-27, 13:27
السلام عليكم
1- نعم هو الاستدعاء الاخير.
2- حتى أنا الحراش في مــارس هــذا.
3- المدرسة جيدة من حيث المعاملة و التدريب و الهاتف مسموح عادي.
4- طبيب المدرسة سيء جــدا كما اخبروني و لا يقر الا بالأمـراض الصعبة و المزمنة.
5- سبتمبر الماضي حكموا جماعة 88 و طلع الكبار كامل فائض.
algeriano2009 (http://www.djelfa.info/vb/member.php?u=219334) بارك الله فيك ان شاء الله راني رايح ما عنديش حل
وش رايك في هادي الدفعة . فيها امل يكون فائض ?
algeriano2009
2014-02-27, 13:51
هــنا في هـــذا المنتدى ماكانش الكثير لي ارسلوهم لهذه المدرسة أعلم ان هذا ليس معيارا لكن الأغلبية ارسلوا لبجاية.
أعطيني أخي الفايسبوك تاعك بش نبقاو على اتصال.
الفيسبوك تاعي هوali dje (http://www.djelfa.info/vb/member.php?u=475750)
عطيلي الفيسبوك تاعك
algeriano2009
2014-02-27, 17:10
بحثت مالقيتكش يا أخي.
أنـــا David Montana.
رمزي العنابي
2014-02-27, 19:14
إن المدرسة مريحة من كل النواحي وأنا شخصيا تخرجت منها في سبتمبر الماضي وبالنسبة للفائض في هذه المدرسة يكون كل دفعة حسب السن
hamza khan
2014-02-27, 19:40
السلام عليكم ورحمة الله تعالى وبركاته ؟ أولا كان الله في عونكم وفي عون جميع الذين يجتازون واجب الخدمة الوطنية ؟
صدقني والله ما تلقى خير من مدرسة الحراش راك رايح لكولوني راهم هاكا يسموها .
- كيما قال الأخ الهاتف راه نوم
مدرسة فيها غير الضباط وهي محترمة والله متصيب خير من الحراش صدقني - زيد راهي قريبة يسموها بوليو
- نوصيك حاجة لكان اك رايح سور روح مع الجماعو لوالا يعني اللولين خطار لكان فيها فايض راهم يطلقوا الي جاو اللولين
يعني لكان تسكن بعيد روح قبل15/03/2014 يعني 14مارس 2014 وراك تبات في الجزائر تدخل على 04 تاع الصباح ولا 3
لكان متعرفش وين جاية بلاصة راهي في الحراش تركب -بومعطي - تمشي واحد 300 متر توصلها سقسي على بوليو -العتاد-
شوف باش تجيك ساهلة شد فرود قولو يحطك في بوليو راهم يعرفوها
ربي يسه لإنشاء الله والسلام عليكم؟ متنساش تدعيلنا يا أخي
algeriano2009
2014-02-27, 21:14
السلام عليكم ورحمة الله تعالى وبركاته ؟ أولا كان الله في عونكم وفي عون جميع الذين يجتازون واجب الخدمة الوطنية ؟
صدقني والله ما تلقى خير من مدرسة الحراش راك رايح لكولوني راهم هاكا يسموها .
- كيما قال الأخ الهاتف راه نوم
مدرسة فيها غير الضباط وهي محترمة والله متصيب خير من الحراش صدقني - زيد راهي قريبة يسموها بوليو
- نوصيك حاجة لكان اك رايح سور روح مع الجماعو لوالا يعني اللولين خطار لكان فيها فايض راهم يطلقوا الي جاو اللولين
يعني لكان تسكن بعيد روح قبل15/03/2014 يعني 14مارس 2014 وراك تبات في الجزائر تدخل على 04 تاع الصباح ولا 3
لكان متعرفش وين جاية بلاصة راهي في الحراش تركب -بومعطي - تمشي واحد 300 متر توصلها سقسي على بوليو -العتاد-
شوف باش تجيك ساهلة شد فرود قولو يحطك في بوليو راهم يعرفوها
ربي يسه لإنشاء الله والسلام عليكم؟ متنساش تدعيلنا يا أخي
بـــارك الله فيك أخي على المعلومــات.
ان كان لك علم. مــاهي الملفات الطبية أخي اللي تلقوهم ؟ جــزاك الله خيرا.
سرب النحل
2014-02-28, 12:00
كم عدد المجندين الذي تستوعبه المدرسة والميتاسيو كيفاه
بحثت مالقيتكش يا أخي.
أنـــا david montana.
لقيت بزاف باسم هادا ... وش راك حاط صورة البروفايل
عبد الناصر الجلفاوي1
2014-02-28, 13:04
انا من الجلفة وراهم بعثوني للحراش في 22 مارس
algeriano2009
2014-02-28, 15:47
https://www.*************.com/david.montana.39904?ref=tn_tnmn
https://www.*************.com/david.montana.39904?ref=tn_tnmn
راني لقيتك وبعتلك .. اقبلني
انا من الجلفة وراهم بعثوني للحراش في 22 مارس
اهلا بيك الجلفوي ان شاالله رانا نتلاقاو تم .
تروح ولا مازال ما قررتش
StartimesDZ
2014-03-01, 16:48
اخي كنت في سبتمبر الماضي هناك ،،، وصل العدد حوالي 1500 ملتحق حتى قفلو الباب ،، المهم المتزوجين طلقوهم هما اللولين و ثم اصحاب الملفات الطبية بعد التاكيد فيهم الاعفاء و فيهم سورسي حسب المرض ،،، لهدا ننصحك اخي ادا عندك ملف قوي اديه و الا عول على الفائض افضل ،، سورسي معناها تزيد ترجع
المهم في اخي يوم تم جميع المتبقين حوالي 900 شحص حكمو 300 و الباقي فائض ،، المعيار هو العمر من 88 و طلع كامل حكموهم يعني صغار السن لا يوجد 87 ابدا
بالنسبة للمعاملة جيدة جدا و كدلك الاكل يسمح بالهاتف النقال عادي جدا تستطيع حتى التصوير في اي مكان .... المهم متلقاش افضل منها يعني الاحسن في الاسوء ههه
ما تروحس للترونزيت ابدا و بالاك تغلط ....
اخي كنت في سبتمبر الماضي هناك ،،، وصل العدد حوالي 1500 ملتحق حتى قفلو الباب ،، المهم المتزوجين طلقوهم هما اللولين و ثم اصحاب الملفات الطبية بعد التاكيد فيهم الاعفاء و فيهم سورسي حسب المرض ،،، لهدا ننصحك اخي ادا عندك ملف قوي اديه و الا عول على الفائض افضل ،، سورسي معناها تزيد ترجع
المهم في اخي يوم تم جميع المتبقين حوالي 900 شحص حكمو 300 و الباقي فائض ،، المعيار هو العمر من 88 و طلع كامل حكموهم يعني صغار السن لا يوجد 87 ابدا
بالنسبة للمعاملة جيدة جدا و كدلك الاكل يسمح بالهاتف النقال عادي جدا تستطيع حتى التصوير في اي مكان .... المهم متلقاش افضل منها يعني الاحسن في الاسوء ههه
ما تروحس للترونزيت ابدا و بالاك تغلط ....
بارك الله فيك خويا. الله يجازيك بالخير
حبيت نسقسيك على الشهادات ..
كاين معكم الادبيين والحقوق التواريخ وماا شابه????
ولا غير التقنيين?
algeriano2009
2014-03-02, 10:57
اخي كنت في سبتمبر الماضي هناك ،،، وصل العدد حوالي 1500 ملتحق حتى قفلو الباب ،، المهم المتزوجين طلقوهم هما اللولين و ثم اصحاب الملفات الطبية بعد التاكيد فيهم الاعفاء و فيهم سورسي حسب المرض ،،، لهدا ننصحك اخي ادا عندك ملف قوي اديه و الا عول على الفائض افضل ،، سورسي معناها تزيد ترجع
المهم في اخي يوم تم جميع المتبقين حوالي 900 شحص حكمو 300 و الباقي فائض ،، المعيار هو العمر من 88 و طلع كامل حكموهم يعني صغار السن لا يوجد 87 ابدا
بالنسبة للمعاملة جيدة جدا و كدلك الاكل يسمح بالهاتف النقال عادي جدا تستطيع حتى التصوير في اي مكان .... المهم متلقاش افضل منها يعني الاحسن في الاسوء ههه
ما تروحس للترونزيت ابدا و بالاك تغلط ....
بـــــارك الله فـــــيــــك
عبد الناصر الجلفاوي1
2014-03-02, 13:28
اهلا بيك الجلفوي ان شاالله رانا نتلاقاو تم .
تروح ولا مازال ما قررتش
ايه قررت باش نروح واللي كاتبو ربي اهلا وسهلا به
عبد الناصر الجلفاوي1
2014-03-02, 13:47
اهلا بيك الجلفوي ان شاالله رانا نتلاقاو تم .
تروح ولا مازال ما قررتش
ايه قررت نروح وراني متكل على ربي سبحانو واللي كاتبو ربي مرحبا به
ABDOU ELE
2014-03-02, 14:25
بارك الله فيك خويا. الله يجازيك بالخير
حبيت نسقسيك على الشهادات ..
كاين معكم الادبيين والحقوق التواريخ وماا شابه????
ولا غير التقنيين?
وشراك يا سي علي.......كامل ادبيين و تقنيين....................فوتهم يا علاوة و تهنى........دير برايي.
نقاز بوعلام
2014-03-02, 23:20
انا كنت في هده المدرسة كملت 18 شهر فيها لمن له استفسار نحاولو نعاونوه
ala_mobile
2014-03-03, 11:49
انا كنت في هده المدرسة كملت 18 شهر فيها لمن له استفسار نحاولو نعاونوه
كيفاش كملت 18 شهر فيها ؟؟ هل كي كملت فترة التدريب بقيت فيها و كملت عام خدمة ثمة
بارك الله فيك ، واحكيلنا كيفاش مدايرة الحالة ثمة من نهار الاول حتى نهار خرجت
algeriano2009
2014-03-03, 11:49
انا كنت في هده المدرسة كملت 18 شهر فيها لمن له استفسار نحاولو نعاونوه
أحكيلنا يا أخي عن المدرسة أي شيئ و بــارك الله فيك.
عبد المجيد تيارت
2014-03-03, 11:52
الاستدعاء خطوة نحو المعاناة
اللي حاب يسقسي على الخدمة و كيفاش احوالها و على مدرسة العتاد
راني هنا
algeriano2009
2014-03-03, 15:54
الاستدعاء خطوة نحو المعاناة
اللي حاب يسقسي على الخدمة و كيفاش احوالها و على مدرسة العتاد
راني هنا
أحكيلنا يا أخــي أي شيئ يفيدنا عن الاجواء في المدرسة.
بــــــــارك الله فيك.
hamza khan
2014-03-03, 19:36
شوف خويا واش نقولك لكان معول على دوسي مديكال ؟
لازمك دوسي على عينيك هذا راك إن شاء الله تخرج؟لكان حب ربي80%
لكان عندك دوسي خلاف أنت وزهرك لكان المدرسة إسقبلت الي يفوتوا بزاف راهم يخرجوك ؟
لكان عندهم نقص راهم وهذا لي ماشي في صالحك؟.
فيما يخص الميتاسيو ؟ راهي 48 ولاية .كاين صحاب سبور الي عندهم شويا شونس هوما والإتصال ؟
ربي يكون في عونك أنت والناس اللي راهم يجوز؟بالتوفيق إن شاء الله؟
شوف خويا واش نقولك لكان معول على دوسي مديكال ؟
لازمك دوسي على عينيك هذا راك إن شاء الله تخرج؟لكان حب ربي80%
لكان عندك دوسي خلاف أنت وزهرك لكان المدرسة إسقبلت الي يفوتوا بزاف راهم يخرجوك ؟
لكان عندهم نقص راهم وهذا لي ماشي في صالحك؟.
فيما يخص الميتاسيو ؟ راهي 48 ولاية .كاين صحاب سبور الي عندهم شويا شونس هوما والإتصال ؟
ربي يكون في عونك أنت والناس اللي راهم يجوز؟بالتوفيق إن شاء الله؟
بارك الله فيك خويا
حبيت نسقسيك .ادا كان فيها فائض كيفاش يخرجو بالسوري ولا الاعفااء
.
وشكون الي يخرجوهم على حساب الديبلوم ولا السن ولا كل واحد وزهرو?
hamza khan
2014-03-04, 19:58
واش نقولك خويا لكان المدرسة فيها فائض بزاف راهم يطلقوا كامل : يعني كامل عندهم الإعفاء ولكان فائض حاجة قليلة كاين ليعطولو 6أشهر درك انت وحسب معرفتك حتى هاذي داخلك في الحساب ؟
واش نقولك خوياانا فوت في الحراش والله غير تكلت على ربي وفوتهم كيما كان الحال والحمد لله خرجت سلامات ؟ شوف خويا والله لكان معندك حتى حل أخر ؟أنا من عندي روح جوزهم وتهنى والله نورمال الدنيا هاذي مكاتيب روح لكان كاتبة تخرج والله توصل وين توصل خارج ولكان مكتباش تخرج والله يدخل عليك جنرال والله مخرجت ؟
شوف تكل على ربي حط ربي قلبك وروح قول انا راني رايح نفوت السرفيس ؟
مع تنمياتي لكم بالتوفيق ؟ انت لي تخير ؟ وشكرا
algeriano2009
2014-03-04, 20:29
واش نقولك خويا لكان المدرسة فيها فائض بزاف راهم يطلقوا كامل : يعني كامل عندهم الإعفاء ولكان فائض حاجة قليلة كاين ليعطولو 6أشهر درك انت وحسب معرفتك حتى هاذي داخلك في الحساب ؟
واش نقولك خوياانا فوت في الحراش والله غير تكلت على ربي وفوتهم كيما كان الحال والحمد لله خرجت سلامات ؟ شوف خويا والله لكان معندك حتى حل أخر ؟أنا من عندي روح جوزهم وتهنى والله نورمال الدنيا هاذي مكاتيب روح لكان كاتبة تخرج والله توصل وين توصل خارج ولكان مكتباش تخرج والله يدخل عليك جنرال والله مخرجت ؟
شوف تكل على ربي حط ربي قلبك وروح قول انا راني رايح نفوت السرفيس ؟
مع تنمياتي لكم بالتوفيق ؟ انت لي تخير ؟ وشكرا
بــــارك الله فيك أخــي.
وفقك الله.
الله يسهل خوتي مدرسة الحراش للعتاد جامعة ماشي كازيرنا ماتلقاوش احسن منها
المرة لي فاتت في سبتمبر حكم 88 ونزل لكبار قاع طلقهم و انا واحد منهم وايد فا 86
لعقوبة ليكم انشاء الله قاع تتهناو منها
نقاز بوعلام
2014-03-05, 21:51
كيفاش كملت 18 شهر فيها ؟؟ هل كي كملت فترة التدريب بقيت فيها و كملت عام خدمة ثمة
بارك الله فيك ، واحكيلنا كيفاش مدايرة الحالة ثمة من نهار الاول حتى نهار خرجت
ايه دخلت ودربت فيها و شدوني تما كملت قاع السارفيس تم في المدرسة عندي 6 اشهر ملي خرجت سبتمبر الماضي
شوف خويا من ناحية التدراب هي المدرسة لي التدراب تاعها ماهوش قاسي تصور في الكازيرنات الاخرى الرونجاس مايقلعوهش من الصباح حتى الليل مين يجو رايحين يرقدو تخيل لكن في الحراش عندك 16:30 عندك نهاية العمل راك مريح تاني من ناحية الاكل مليح حتى اماكن النوم مليحة نظيفة
من ناحية الطبيب خويا نعرف وحود مرضى كارثة واحد عندو البواسر شدوه واحد مايشوفش شدوه حب يقول خويا دوسي ميديكال وحدو خطرات مينفعش لازم تزيد تعاونو بالعرف هادي الناس قاع علابالها بيها هههه
المدرسة تشد 300 كل دفعة والباقي تخرجو فائض و لا سورسي 6 اشهرالى راك تحوس عالفائض روح معا الوالا يعني نهار 15 تكون تم و نتا وزهرك يعني مهيش ظامنا هادي هي خويا ربي سهل للناس اجمعين
في 2011 كانو يبداو بالمهندسين والاختصاصات التقنية بصفة عامة
algeriano2009
2014-03-06, 13:18
هـــل كل أنـــواع الهاتف النقال مسموح بها ؟
issamcom
2014-03-06, 17:19
السلام عليكم
أريد الإستفسار من ذوي الخبرة و من الذين مصابون بهذه الحالة
ماهي فرصة الحصول على الإعفاء و من ماذا يتكون الملف الطبي
و هل هناك من تحصل على الإعفاء من المدرسة العليا للعتاد الحراش
و أين يتم الفحص الطبي المظاد هل في البليدة أم في عين نعجة
و بارك الله فيكم
algeriano2009
2014-03-06, 19:13
السلام عليكم
أريد الإستفسار من ذوي الخبرة و من الذين مصابون بهذه الحالة
ماهي فرصة الحصول على الإعفاء و من ماذا يتكون الملف الطبي
و هل هناك من تحصل على الإعفاء من المدرسة العليا للعتاد الحراش
و أين يتم الفحص الطبي المظاد هل في البليدة أم في عين نعجة
و بارك الله فيكم
راني قتلك يا أخي اذا ماتلقوش لي عندوا harnie معناها حتى لي مايشوفش 1/10 يقبلوه.
سيدعلي مدريدي
2014-03-06, 20:49
ممكن سؤال هل الطبيب متساهل بعض الشئ او لا يعني اي مرض مزمن ومعدي يترك صاحبه او لا واصحاب الوزن الزائد لهم فرصة في نيل الاعفاء او لا في مدرسة الحراش
algeriano2009
2014-03-06, 21:20
الطبـــــــــــــيب ســــــــــيـــئ جـــــــــــــــدا.
algeriano2009
2014-03-07, 11:11
يا الخاوة الذي سيلتحق يوم 15 مــارس يخليلنا رقم الهاتف نتصلوا بيه على الاقل يفيد الاخوة التي ستلتحق بعده.
amine eco
2014-03-07, 11:25
الحراش مليحة بالتوفيق
يا الخاوة وشكون الي يدخل في 15 يعطينا رقم الهااتف باش نتصلو بيه ويعطينا معلومات في الايام الاولى. قبل ما نلتحقو حنا
سؤال مامعنى مؤهل 2 مع العلم اني اديت الفحص الطبي ,بعثوني للحراش في 22 مارس
أنا من المتدربين في هذه المدرسة دفعة مارس 2007 . كان كل شيء جميل في تلك المدرسة من حيث الأكل و النوم و التدريب و الدراسة باستثناء قائد كتيبتنا النقيب "ش" لقد كان قاسيا جدا في المعاملة و كانت عقوباته نفسية أكثر منها بدنية و كان كلامه تجاهنا محبط و مخيف لقد كان ذئبا . احمدوا الله أنه انتقل بعد ترقيته إلى رتبة رائد و لم يبق هناك حيث جاءوا بعده بضابط آخر برتبة رائد و أخبرونا أنه طيب جدا لا أدري إن كان لا يزال هناك أم لا . على العموم مدرسة الحراش رائعة جدا و جميلة .
أما مسألة التسريح ، ففي دفعتي تم تسريح الأوائل من دفعة 15 مارس و الأوائل من دفعة 21 مارس ، و كنت أنا قريب جدا لكن لم يسعفني الحظ و بقيت المهم أنصك بالدخول و التسجيل مع الأوائل حتى تتمكن من الخروج . فقد بلغ تعدادنا حوالي 2000 مجند و تم تسريح حوالي 700 و بقينا نحن 300 فالمسرحون منهم من تحصل على الإعفاء النهائي و منهم من تحصل على إرجاء لدفعة سبتمبر و لم أعرف على أي أساس تم ذلك ربما على أساس السن و الترتيب في القائمة .
بالتوفيق
أنا من المتدربين في هذه المدرسة دفعة مارس 2007 . كان كل شيء جميل في تلك المدرسة من حيث الأكل و النوم و التدريب و الدراسة باستثناء قائد كتيبتنا النقيب "ش" لقد كان قاسيا جدا في المعاملة و كانت عقوباته نفسية أكثر منها بدنية و كان كلامه تجاهنا محبط و مخيف لقد كان ذئبا . احمدوا الله أنه انتقل بعد ترقيته إلى رتبة رائد و لم يبق هناك حيث جاءوا بعده بضابط آخر برتبة رائد و أخبرونا أنه طيب جدا لا أدري إن كان لا يزال هناك أم لا . على العموم مدرسة الحراش رائعة جدا و جميلة .
أما مسألة التسريح ، ففي دفعتي تم تسريح الأوائل من دفعة 15 مارس و الأوائل من دفعة 21 مارس ، و كنت أنا قريب جدا لكن لم يسعفني الحظ و بقيت المهم أنصك بالدخول و التسجيل مع الأوائل حتى تتمكن من الخروج . فقد بلغ تعدادنا حوالي 2000 مجند و تم تسريح حوالي 700 و بقينا نحن 300 فالمسرحون منهم من تحصل على الإعفاء النهائي و منهم من تحصل على إرجاء لدفعة سبتمبر و لم أعرف على أي أساس تم ذلك ربما على أساس السن و الترتيب في القائمة .
بالتوفيق
بارك الله فيك خوياا.
لما كملت التدريب وين بعتوك ?
كاين الي يخولهم في الحراش ولا كامل يبعتوهم?
saidi_billel
2014-03-07, 22:48
اخي الكريم kamel76 لوكان دير فينا بليزير وتشرحنا 45 يوم تاع الستاج بالديتاي حبة حبة وبأدق التفاصيل وشكرا
نقاز بوعلام
2014-03-07, 22:50
[QUOTE=kamel76;1055862264]أنا من المتدربين في هذه المدرسة دفعة مارس 2007 . كان كل شيء جميل في تلك المدرسة من حيث الأكل و النوم و التدريب و الدراسة باستثناء قائد كتيبتنا النقيب "ش" لقد كان قاسيا جدا في المعاملة و كانت عقوباته نفسية أكثر منها بدنية و كان كلامه تجاهنا محبط و مخيف لقد كان ذئبا . احمدوا الله أنه انتقل بعد ترقيته إلى رتبة رائد و لم يبق هناك حيث جاءوا بعده بضابط آخر برتبة رائد و أخبرونا أنه طيب جدا لا أدري إن كان لا يزال هناك أم لا . على العموم مدرسة الحراش رائعة جدا و جميلة .
أما مسألة التسريح ، ففي دفعتي تم تسريح الأوائل من دفعة 15 مارس و الأوائل من دفعة 21 مارس ، و كنت أنا قريب جدا لكن لم يسعفني الحظ و بقيت المهم أنصك بالدخول و التسجيل مع الأوائل حتى تتمكن من الخروج . فقد بلغ تعدادنا حوالي 2000 مجند و تم تسريح حوالي 700 و بقينا نحن 300 فالمسرحون منهم من تحصل على الإعفاء النهائي و منهم من تحصل على إرجاء لدفعة سبتمبر و لم أعرف على أي أساس تم ذلك ربما على أساس السن و الترتيب في القائمة .
بالتوفيق
[/QUO
الحراش الماكلة و التقلاش
الرائد لي قالولك غليه الغليزاني راح هو فعلا عسل ناس ملاح بزاف
وجابو رائد وحداخر سامط يقتل هي تشد 300 كل دفعة تسرح الاوائل لي برحو الوالا ف 15 مارس تركز على التقنيين بالدرجة الاولى ومن بعد الشعب الاخرى
نقاز بوعلام
2014-03-07, 23:24
اخي الكريم kamel76 لوكان دير فينا بليزير وتشرحنا 45 يوم تاع الستاج بالديتاي حبة حبة وبأدق التفاصيل وشكرا
شوف هما كاين 3 و لا 4 رقيب اول كل واحد منهم يشدكم سمانة يعني كل واحد سمانة يكون هو المسؤول عليكم وتبدا الدور عليهم بالواحد يسموه semaine
درك هادو فيهم الناس الملاح وكاين الرخيس لي مايسواش بصلة
كاين لي ينودكم الصبح على الربعة باش ديرو سبور و كاين لي لا ميبغيش عليكم ماينودكمش
LWEKEND كاين ناس ملاح لي يخرجكم غير شوي و يعاود يدخلكم ومكاين لي يشدكم قاع النهار
النهرات اللوالا رايحين يجيبولكم لي ستاجير يعني لي داخلين يقاجيو جدد هما لي يديوكم يفطروكم هما لي يطلعو معاكم للعيادة هما يدربوكم معا العشية باش تعرفوهم تلقاوهم دايرين كتانة خظرة في كتفو
رايحين يقسموكم على 3 سرايا كل سيرة فيها 100 وكل سرية يشدها مرشح نجمة بيظا يعني ظابط احتياطي هادو سقسيوهم هما رايحيت يساعدوكم لاخطرش هما كيفكم و يحسو بيكم وهوما كانو كيما نتوما في يوم من الايام
هاد promo تاع مارس لسوء حظي و لسوء حظكم هي دفعة تاعي يعني انا فوت فيها ستاج فيها حفل التخرج في نهاية السنة في جوان
درك غادي يعيوكم ب lLORD SERIE طول النهار و نتوما تدربوا
عندكم السبور كل يوم عندكم مشكل فالدوش الدوش كل نهار ولا يومين فالسمانا
التيليفون مسموح بيه بصح من الافضل متحكيش قدامهم لاخاطرش تتلاقى معا واحد رخيس يشريهالك وينحلك التليفون كامل لي داي تيليفون كاميرا مايبينوش ويرد باالو يكاميري يه علىخاطر يديرولو مشكل يقوتوه للامن
هادي هي ويلا كشما نسيت يزيدلكم الاخ
بارك الله فيك خوياا.
لما كملت التدريب وين بعتوك ?
كاين الي يخولهم في الحراش ولا كامل يبعتوهم?
تم تحويلي أنا و ثلاثة آخرون من نفس الدفعة إلى المؤسسة الوزارة للإحتياط العام للآليات و الأسلحة و السيارات ببوغزول ولاية المدية ، هذه المؤسسة هي عبارة عن ثكنة كبيرة جدا مهمتها تخزين الأسلحة و الآليات و فقط ، لقد كانت أيام جميلة .
نعم هناك من أبـقـوه في الحراش من أصدقائنا حوالي 15 مجند على ما أذكر . لا أنسى أبدا يوم الفراق لقد كان صعبا علينا جميعا بعد أن أحببنا بعضنا و عشنا أيام جميلة في الحراش .
تم تحويلي أنا و ثلاثة آخرون من نفس الدفعة إلى المؤسسة الوزارة للإحتياط العام للآليات و الأسلحة و السيارات ببوغزول ولاية المدية ، هذه المؤسسة هي عبارة عن ثكنة كبيرة جدا مهمتها تخزين الأسلحة و الآليات و فقط ، لقد كانت أيام جميلة .
نعم هناك من أبـقـوه في الحراش من أصدقائنا حوالي 15 مجند على ما أذكر . لا أنسى أبدا يوم الفراق لقد كان صعبا علينا جميعا بعد أن أحببنا بعضنا و عشنا أيام جميلة في الحراش .
بارك الله فيك خويا
وشكون الي راه رايح يدخل يوم 15 مارس . يخلينا رقم الهاتف
أبو زيد ياسين
2014-03-10, 07:24
انا باذن الله يوم15/03/2014
رقم الهاتف 0770701972
algeriano2009
2014-03-10, 10:48
انا باذن الله يوم15/03/2014
رقم الهاتف 0770701972
مشكور الأخ ياسين
عبد المجيد تيارت
2014-03-10, 13:46
اللي حاب يعرف الخدمة الوطنية واش فيها الفايسبوك تاعي
abdelmadjid midoo
مع العلم بأني فوت الستاج في الحراش و الآن راني في تندوف
انا باذن الله يوم15/03/2014
رقم الهاتف 0770701972
بارك الله فيك خويا
حمزة البوسعادي
2014-03-11, 14:52
السلام عليكم
عندي سؤال ارجو الإجابة عليه
أنا من مواليد 86 ، متزوج، طولي 1,90 سم، والوزن 135 كلغ ، ناقص في عينيا وداير عملية جراحية في سبتمبر لي فات وعندي ملف طبي، ماجستير في العلوم التجارية،
وش رايكم في احتمال الخروج؟
amine eco
2014-03-11, 15:09
دفعة سبتمبر راهم بريمسيون هذه ليمات هههههه وميتاسيون مازال مابنتش حسب ماقلي صاحبي
amine eco
2014-03-11, 15:11
بالتوفيق للجميع
http://www7.0zz0.com/2014/02/06/22/553902605.jpg
دفعة سبتمبر راهم بريمسيون هذه ليمات هههههه وميتاسيون مازال مابنتش حسب ماقلي صاحبي
قالولي دايما عندها مشكل في الميتاسيون . يتاخرو بزاااف
السلام عليكم
عندي سؤال ارجو الإجابة عليه
أنا من مواليد 86 ، متزوج، طولي 1,90 سم، والوزن 135 كلغ ، ناقص في عينيا وداير عملية جراحية في سبتمبر لي فات وعندي ملف طبي، ماجستير في العلوم التجارية،
وش رايكم في احتمال الخروج؟
يا أخي الله يبارك طول و وزن . أما احتمال الخروج بسبب العين و لو أجريت عملية جراحية فهذا إحتمال ضئيل جدا .
نقاز بوعلام
2014-03-13, 22:42
السلام حاب نمد نصيحة للناس لي راهي مترددة و راهي بين وبين تروح ولا متروحش
انا كنت هكذا مشتت الافكار لاأدري مادا افعل ولكن الحمد لله توكلت على الله ودهبت إلى الحراش وداير في بالي رايح نفوت فيها مكنتش داير في بالي الفائض خلاص ربي مكتبليش باش نخرج كتبلي ربي نفوتهم والحمد لله فوتهم وعرفت صوالح بزاف مكنتش نعرفهم قبل صدقوني نهار تكمل السارفيس وجي خارج تحس روحك بلي تغيرت بزاف كيما كنت قبل ماتفوت وبعد ماتفوت ماشي كيفكيف
المهم الوقت يمضي بسرعة أنا عندي نروح نفوت ومانبقاش معلق ونجري مور السورسيات ولا هارب خايف يرفدوني
خاوتي لي رايح مادا بيه مايحطش في بالو الفائض يدير في بالو بلي رايح يفوت فيهم ويلا جا الفائض مرحبا بيه علا خاطر نعرف ناس جايين بالمعريفة ومن بعد كي شدوهم نادو يقطعو في رواحهم بالموس و فوتوهم لتريبنال 6 اشهر حبس ومن بعد يرجع يوفوت من جديد
علا خاطر هدا كان داير في بالو بلي يخرج وشحال سراو غلطات وناس عندها معريفة ولقات روحها توفت فيهم
المهم اتكلو على ربي ولي جاتو الحراش يروح ايلا مخرجش منها راح يفوت في بلاسا مليحة أقل الاضرار يعني
ربي يسهل على كل واحد
algeriano2009
2014-03-15, 15:02
هـــل من أخبــار من الحراش ؟
حمزة البوسعادي
2014-04-12, 17:06
هل من أخبار عن الحراش؟؟؟ هل يوجد عفو ؟؟؟؟؟
و عليكم السلام
نعم هو الاستدعاء الاخير
و المدرسة يوجد مواضيع كثيرة عليها في هذا القسم
خويا الصالح مارحتش في مارس .. كنت نظن اني عاصي .. و وصلني استدعاء سبتمبر 2014 ومعاه الامر بالاتحاق في نفس المدرسة -الحراش-
.وصلوني 2 استدعاءات معاهم امر بالالحتاق
rahimbouga
2014-12-26, 08:06
خاوتي كاش خبار على الحراش
انا جاني الاستدعاء البارح او نشاء الله نلتحق
من لديه معلومات يفيدنا
سلام عليكم
انا من ورقلة روحت ليوم لمركز الخدمة الوطنية و هزيت استدعاء'(متطوع ) مدرسةعليا للعتاد الحراش 15 جانفي نروح نشالله
رايح بعقلية نعقبها...خاطر الخدمة لي تجي تدخلها يقولولك ورقة لارمي...ربي يسهل للناس قاع..واشنوا كاينة حاجة صبعي في يدي اليمنة (صبع الشهادة) منقدرش نطبقوا...هل يمكن يرجعوا عليه؟؟؟
zinou211
2014-12-28, 19:59
madam hna rayhin l ecole w hada wche raykom nt3rfou 3la b3dana hna w kol w7d ya 9olna w 9tach m3wal y roh
anouardj1
2014-12-28, 22:31
salam alikoum
khawti ana tani jani OA f esm el-herrach le 20 janvier ala rabi nchalah
w nawi nroh brabi nchalah
nchalahyarabi
2014-12-29, 00:01
السلام عليكم
سمعت أنهم أرسلوا إستدعاءات لجانفي وأنا لم يصلني بعد
مع العلم أنه إستلمت إستدعاء أول في سبتمبر الفائت
هل سوف يصلني إستدعاء أم انتظر في ماي المقبل ؟؟؟؟؟؟؟؟؟؟؟؟؟؟؟؟؟؟؟؟؟
Li mawsloch lordapel iroh iseksi fi markaz alkhidma alwatania tabe3 lih FI WILAYA TA30 ltema iban 3andhem kolch zido iweghoh ladark alwatani ltabe3 lih beh yelga lordapel
avdellah
2015-01-13, 23:13
انا ثاني معاكم الشبيبة، بعثوني للحراش لـــو 20 جانفي، كاش خبر وقتاش يغلقوا الكازرنة !!!
brahim staifi19
2015-01-15, 16:35
رانا كيفكيف....................انا نهار الاحد نروووووووووح................................هل من جديد على عدد الملتحقين
سلام عليكم
قررت اليوم اني لن التحق للثكنة حتى يوم 21 او 22 جانفي
واش رايكم؟
رانا كيفكيف....................انا نهار الاحد نروووووووووح................................هل من جديد على عدد الملتحقين
نعم كلمني صديقي الذي سبقني اليوم من الثكنة و قالوا لهم ان عدد الملتحقين في هاته الدفعة 1700 ..انشاء الله يلتحق الجميع باه يكون فيها فائض كبير انشاء الله انا شخصيا يوم الاحد انشاء الله ندخل للثكنة وليد من العلمة
avdellah
2015-01-15, 18:37
سؤال: هل يوجد من وصله إستدعاء ليوم 22، ام انه يوم 20 هو اليوم الأخيـــــــــــــر
kingnasro
2015-01-16, 15:12
السلام عليكم قاع رانا كيف كيف المدرسة العليا للعتاد في الحراش خاوتي المهم نديرو خطوة للقدام ولي فيها الخير ربي يجيبها ان شاء الله حنا نديرو رواحنا غادي نجوزو الخدمة واذا كان فائض مادا بينا بالنسبة ليا نروح نهار الاربعاء ان شاء الله ناصر من ولاية سعيدة
mirou04000
2015-01-16, 19:50
مصدر موثوق عدد الملتحقين حتى الأن لا يتعدى 60 شخص
مصدر موثوق عدد الملتحقين حتى الأن لا يتعدى 60 شخص
لا مصدر موثوق لا والو عدد الملتحقين ليلة السبت وصل 260 ملتحق بالثكنة و اليوم انشاء الله يكون التدفق
brahim staifi19
2015-01-18, 11:20
اعطونا الجديد يا جماعة....................................انا غدوة نروووح.............حالة البورتابل................حالة المزوجين...................حالة الكبار في السن يعني 85 و 86 يحكموهم ولا لا..............و هل ينظرون الى الاختصاص في الشهادة..................راني نستنى الاجابة في اسرع وقت
walid.milano
2015-01-18, 18:50
مصدر موثوق عدد الملتحقين حتى الأن لا يتعدى 60 شخص
حذاري من هذا عضو mirou04000 هو من جماعة المجنديين انه حاسد لكل من يريد تخلص من هذا القيد حذاري من mirou04000 معلوماته المغلطة
brahim staifi19
2015-01-18, 19:14
وين رااااااااكم يا صحاااب الحراااااااااااااااااااااااااش...........اعطونا كاشي اخباااااااااااااار
mirou04000
2015-01-18, 19:50
حذاري من هذا عضو mirou04000 هو من جماعة المجنديين انه حاسد لكل من يريد تخلص من هذا القيد حذاري من mirou04000 معلوماته المغلطة
a walid.milano RABI YAHDIK YA KHOUYA RANI ETUDIANT KIFI KIFKOUM YA SAHBI OU SAKAN F 04 OU HATA ANA BA3THOULI OU RANI JAY L HARRACH APPELER; TADLAM FIYA YA KHOUYA OU LI KTEBTOU KAMAL SHIH RANI NARAF WAHAD RAHOU YAKHDEM F L HARRACH HOUWA LI GALI MAKALAH TADLAM A SAHBI MANI MOUJAND MAM WALOU RANI JEUNE F HALAT RABI KIFEK WIN TAARAFNI NTA HATA TGOUL MOUJANAD WALA KI KTEBT NDIROU HAJA ALA JAL L ARMMER BAH INAHIWHA WALIT THADAR MENI????????? YA WAHAD L KHOUWAF
a walid.milano rabi yahdik ya khouya rani etudiant kifi kifkoum ya sahbi ou sakan f 04 ou hata ana ba3thouli ou rani jay l harrach appeler; tadlam fiya ya khouya ou li ktebtou kamal shih rani naraf wahad rahou yakhdem f l harrach houwa li gali makalah tadlam a sahbi mani moujand mam walou rani jeune f halat rabi kifek win taarafni nta hata tgoul moujanad wala ki ktebt ndirou haja ala jal l armmer bah inahiwha walit thadar meni????????? Ya wahad l khouwaf
يا اخي معلوماتك مغلوطة اليوم الاول التحق حوالي 96 و اليوم الى غاية هاته اللحظة حوالي 500 انهيت للتو مكالمة مع صديق متواجد بالحراش
mirou04000
2015-01-18, 22:43
Merci pour l info HEPOU11
Merci pour l info HEPOU11
u welcome mirou
انا خليل من ورقلة
نهار الاربعاء مع 8:00 راح نكون قدام باب ثكنة
شكرا اخواني ..شكرا منتديات الجلفة...شكرا للجميع
ودعائي لكم انا يجعل الله مثواكم الجنة وان يرزقكم من حيث لا تدرون..
الله يعطيكم ماتتمنوا
اللهم فرج عنا و افرغ علينا صبرا وجعلنا مع صدقيين واحرار ..البررة الكرام..صحبة نبينا محمد عليه افضل الصلاة والسلام
avdellah
2015-01-19, 22:44
ســـــــلا م
هل من جديــد :mh31:
mirou04000
2015-01-21, 15:56
nass kamal rahat bkit ghir ana ^^
vBulletin® v3.8.10 Release Candidate 2, Copyright ©2000-2025, TranZ by Almuhajir