كيكة بسيطة وسهلة تقريبا مثل كيكة الدانيت

[ام سراج وملاك]

اخواتي لاحظت في المنتدى كيكة الدانيت للاخت اماني روعة حبيت نعطيكم مقادير الكيكة نتاعي تقريبا تشبهلها لاكن هناك اختلاف في المقادير
المقادير هي :
التكيال يكون بباط ياؤورت فارغ
باط ياؤورت خوخ او مشماش + 4 بيضات + باط ونصف سكر +باط زيت + 3باطات ونصف فرينة +2 باكيات خميرة
التزين واش حبيتي شيكولا او كرام شونتي
التحضير :تفصلي البياض وحدو تطلعيه مع السكر كي الميرانغ الصفار تخلطيه مع الزيت و الياؤورت والفرينة والخميرةمبعد تضفيلها البياض بالتدريج دري الخليط نتاع التورتة في الفرن في صينية مدورة مدهونة بالزيت ومرشوشة بالفرينة او حطي ورق زبدة داخل الصينية
كي تطيب لاتارت نتاعك اقسميها على زوج وديري كرام ديسار شيكولاطة علبة دانيت خطراه العجين ابيض من فوق زينيها بالشيكولا ذائبة ومكسرات التزين كيما حبيتي المهم يكون الشكل جميل تقدري ديريها بالكرام شونتي و الفواكه
ملاحظة: تقدري تزيدي 2 مغارف كاكاو في العجين بصح كي تقسمي التورتة في الوسط ديري كرام ديسار فاني ذوق كارامال
هاذي هي الكيكة لي نديرها دائما والله تجي روعة جربوها ومتندموش تقدرو تزينوها كيما طريقة الاخت اماني القناش ليدارتو روعة شيكولا امبسادور نوار مع باط دانون شيكولا باين رائع
بالنسبة للصور اسمحولي البورتابل نتاعي فزدلي ضك كي نعاود ها مرة اخرى نديرها انشاء الله نحطلكم الصور وشكرا

[كوزينة هديل]

يعطيك الصحة

[lahna moka]

شكراااا حبيبتي بارك الله فيك

[أم درصاف]

baraka allahe fik

[ikhlasse25]

مشكورة غاليتي على الوصفة
ننتظر المزيد من وصفاتك اللذيذة

[idron0]

بارك الله فيك

[.om wissam]

يعطيك الصحة تبان عليها هايلة:19:

[كلمات مبعثرة]

https://fbcdn-sphotos-a-a.akamaihd.net/hphotos-ak-prn2/t1/p160x160/1383453_372538079553052_1044545042_n.jpg

[ام سراج وملاك]

شكرا لكم جميعا على المرور