ضائعة

[مشكلتي]

السلام عليكم
ضائعة حقا
انا طالبة بكالوريا 2014 كنت الحمد لله في الثلاثي الاول نقرى و نجتهد بصح صفعة المعدل 11 بعد ما كنت نجيب 16 هلكتني و خلاتني فاقدة الثقة بنفسي و من شهر ديسمبر و انا نعيش معاناة نفسية و الوساويس القهرية لي حكمتني خلاتني نضيع ديسمبر جانفي و فيفري و ماشي غير معدلي لي خلاني نتهلك كاين ثني ليكور كي بدلت من شيخ لشيخ و من بعد ما عجبنيش لي بدلت عندو و رجعت للقديم قالي ممنوع يعني عشت اوقات رهيبة و اليوم تغلقت الابواب و بابا و ماما في معاناة عظيمة معايا ماما تشكي بقلبها و بابا يجري باه يردني نقرى و انا في وضعية يرثى لها يعني الدروس فاتوني و التلاميذ بدلو نظرتهم ليا و تعقدت من القسم قالي بابا نديرلك شهادة طبية تقعدي في الدار بصح ما قدرتش نقعد في الدار و ما قدرتش نروح للقسم كامل فايتيني يضحكو و انا نشوف معاهم قصدي التلاميذ ..........زرت طبيب نفسي ما حكاش معايا بزااف قالي عندك وسواس مدلي دواء بصح ما بدلنيش غير هدأني برك هدا الدواء و صدقوني عندي افكار سوداء لدرجة لا يتقبلها عقل انسان تعيشو راني في هلاك كبير يعلم بيه غير ربي عاونوني كفاه ندير راهي ماما تموت و بابا يبكي

[Om Abdul Malik]

ya okhti Allah yahdik w yhanik ma tkhamich haka ,hada BAC bark machi el jenna ,3la bali kifach dayer el takhmam dial el BAC bessah sahtek w sahat waldik awalan,khami mlih w sali w astaghfiri hada raho ghir el chittan yal3ab bik w ydirlek el wasswass twakli 3la Allah w a9ray wahdek fi el dar ,ana fi BAC diali wallah hata l chhar may bach dert les cours kont na9ra wahdi fi dar kol youm meli nji mel lemssid hata 12 dial lil w desfois nbakar w nhal el mo3adalat w ndir el ma9alat ,jibi les sujets dial el BAC w halihom wahdek fi dar w doka rahom kaynin el kotob achkal w anwa3 wallah ani hassa bik bessah hadi tjz tjoz bi idn Allah Rabi ywaf9ak

[yousra14]

أنصحك بالابتعاد عن متاهة الأدوية فلا تنساقي ورائها .
مشكلتك القليل من الإرادة والتي تنبع من داخلك أنت هيا انفضي عنك التكاسل وانهضي من جديد الفرصة مازالت أمامك للنجاح راجعي وحلي التمارين بكثرة مع الحفظ ومساعدة دروس الدعم باذن الله سيكون النجاح حليفيك ولازم تخبرينا بنجاحك ونشاركك الفرحة يااااارب والسلام عليكم

[زوجة الغول]

يا ختي راكي صغيرة ألتهاي بدارستك فقط
أكيد كاين أمور عاطفية خلاتك هكذا تتحولي

[اسراء؟]

ليتني اعرفك او لديا وسيلة اتصال بك لقلبتك راسا على عقب ونخليك تقراي باذن الله بصح للاسف معنديش وسيلة اتصال بك انا تاني باك ربي يوفقك انا راني روتار وماشي ندير في دروس دعم لكن الحمد لله

[Narimane-DZ]

أتمنى لك الشفاء يا أختي و لكن أظن أن هناك أمور أخرى تفكرين فيها لذا اجتنبي هذه الأمور مهما كانت و فكري في دراستك فقط و ستلاحظين بـأنك ستتغيرين فأنا أيضا طالبة مثلك و أتمنى أن تأخذي نصيحتي.

[moucha rayane]

استغفري الله اختى دائما عودي الى الله ادعي ربي ينورلك طريقك و انشاء الله تولي كيما كنتي مازال لحال على bac تقدري تعاودي تقراي و هادا ما راه غير bac و ربي يجيب الخير :)

[Mمرمورة]

اختي بغض النظر عن الاسباب التي اوصلتك الى هذه الحالة
ارى اولا ان تسترجعي ثقتك بنفسك
ارى انه من الضروري اذاكنت بكاوريا علمي ان تستدركي مافاتك بالدروس الخصوصية
مع شوية ارادة تستطيعين ان تتجاوزي هذه الحالة ولاتنسي مازال الوقت
رانا في الفصل الثاني
تاكدي اختي الارادة تعمل المعجزات

بالتوفيق

[خولة 18]

صدقيني حبيبتي مازالت 3 اشهر و بامكانك التعويض و التفوق ايضا 3 اشهر ان بدت بجدية والله تتحصلي على 18 تقي بي

[طالبة علم شرعي]

السلام عليكم ورحمة الله وبركاته

بخصوص المعدل عادي الكل يسقط لكن المهم ان تنهضي فافضل ان يكون معدلي في الباكالوريا 16 وِفي الفصول 11 وليس العكس
اظنك تفهمين قصدي:19:
بخصوص الدروس الخصوصية اخطئتِ عندما اكثرتِ ونوعتِ لكن لا علينا ربما تستفيدين من التمارين المتنوعة فيما بعد
ان لم يقبل عودتك القدماء فاثبتي عند الجدد عادي الدروس الخصوصية امر ثانوي جدا الاساس في الدروس والقواعد اقرئيها جيدا وافهميها وحاولي حل اكبر قدر ممكن من التمارين من الكتب الخارجية هناك العديد مثلا الرياضيات هناك المغني ممتاز
لكن ما لم افهمه بقولك ضيعت الاشهر يعني هل غبتِ ولم تحضري في القسم؟

حسنا ان كان كذلك فلا مشكل انا في الاولى ثانوي لم احضر دروس الفصل الاول ابدا دخلت مع فترة الامتحانات لاسباب وكان معدلي قريب من 13 مع العلم انني تكاسلت لو انني اجتهدت لنلت اكثر


فالدروس ليست صعبة اختي وسامسكُ بيدك ان اردتِ :)

حسنُُ بخصوص القسم والتلاميذ ووو
هل سخرَ منك الاساتذة وتهكموا عليكِ ؟
التلاميذ لا يهمك امرهم ابدا ان تطاول عليك احدهم اذهبي الى المدير او المسؤول واخبيره لكي يضع لهم حدا ، نعم اختي عادي عيشي وحيدة في الثانوية فهو احسنُ لكِ
عودي الى الثانوية لا تابهي لكلام اي احد ركزي مع الاساتذة اطرحي الاسئلة دون كلل او ملل ولا تهتمي فلديك هدف واحد هو النجاح في الباكالوريا بمعدل جيد جدا او ممتاز وفقط

بخصوص الطبيب النفسي لم ذهبتِ اليه ؟ اظنك اردتِ ان تجدي حلا لمشكلتكِ؟ للاسف يا اختي لم يعد هناك علم نفس كما كان فقد طغت علينا الادوية
لكن ما اضحكني وـ اعذريني اخيتي ـ هو انك ظننت انك ستتغيرين بعد تناولك للدواء

ذلك الدواء عبارة عن منوم ومهدئ في زمن قصير فقط سرعان ما ينقلب عليكِ وله اضرار جد وخيمة فهو يسبب لك ادمان من جهة ومن جهة اخرى تصبحين اكثر عصبية ولن يساعدك في الركيز خاصة انك مقبلة على الباكالوريا فاحذري واتركيه احسنُ لكِ رجآءً

والافكار السوداء اكثري من التفائل مع قراءة القران والدعاء في الثلث الاخير وستزول عنكِ الهموم اخيتي لا تحزني رجاءً

اسأل الله العظيم رب العرش العظيم ان يشفيَ امكِ الحبيبة عاجلا غير اجل وطهورا ان شاء الله
ولا تكلفي والدك فوق طاقته اختي فتندمين على هذا فيما بعد
واخيرا لن يكون الا ما كتبه الله لنا لذا تفائلي دوما والخير فيما اختاره الله اخيتي

اليكِ هذا موضوعي ابوابه مفتوحةُُ لكِ في كل وقت اخيتي عل وعسى تستفيدين منه ان شاء الله
http://www.djelfa.info/vb/showthread.php?t=1511747

وفقك الله لما يحبه ويرضاه
والسلام عليكم

[غصن البآن]

السلام عليكم
ضائعة حقا
انا طالبة بكالوريا 2014 كنت الحمد لله في الثلاثي الاول نقرى و نجتهد بصح صفعة المعدل 11 بعد ما كنت نجيب 16 هلكتني و خلاتني فاقدة الثقة بنفسي و من شهر ديسمبر و انا نعيش معاناة نفسية و الوساويس القهرية لي حكمتني خلاتني نضيع ديسمبر جانفي و فيفري و ماشي غير معدلي لي خلاني نتهلك كاين ثني ليكور كي بدلت من شيخ لشيخ و من بعد ما عجبنيش لي بدلت عندو و رجعت للقديم قالي ممنوع يعني عشت اوقات رهيبة و اليوم تغلقت الابواب و بابا و ماما في معاناة عظيمة معايا ماما تشكي بقلبها و بابا يجري باه يردني نقرى و انا في وضعية يرثى لها يعني الدروس فاتوني و التلاميذ بدلو نظرتهم ليا و تعقدت من القسم قالي بابا نديرلك شهادة طبية تقعدي في الدار بصح ما قدرتش نقعد في الدار و ما قدرتش نروح للقسم كامل فايتيني يضحكو و انا نشوف معاهم قصدي التلاميذ ..........زرت طبيب نفسي ما حكاش معايا بزااف قالي عندك وسواس مدلي دواء بصح ما بدلنيش غير هدأني برك هدا الدواء و صدقوني عندي افكار سوداء لدرجة لا يتقبلها عقل انسان تعيشو راني في هلاك كبير يعلم بيه غير ربي عاونوني كفاه ندير راهي ماما تموت و بابا يبكي
خليتي الوسواس يغلبك .....................ترضاي على نفسك تكوني ضعيفة.ـ? اين تفوقك...............اين طموحك.......... تفاءلي.........فهذا ما ينقصك...........الاصل انك مجتهدة..... ......... وما انت عليه استثناء..........لا تجعلي الاحباط يتمكن منك .................فانت المحتهدة.................تذكري انك طموحة و ابذلي ما في وسعك للتفوق من جديد...........................ان بقيت محبطة فانت الخاسرة الوحيدة............اعتبري كلامي تحفيزا ...........و اتمنى ان اسمع اخبارا رائعة عن عودتك............مشجعتك ..................ouhani :19:

[غصن البآن]

كنت متفوقة كما ذكرت و لما جبت لبكلوريا و قريت في الجامعة العام الاول افيشاولنا module ديت 7 /20 حكمني شوك و ضليت نبكي في الجامعة....................لكن تعهدت ان اعوض ذلك و قريت كوني فتاة متفائلة ............انتظر اخبارك الجيدة....... ومنا لوقت لوقت الباكالوريا تقدري تدير العجب...............................الصح فالباكالوريا لازم.............و انشاء الله تجيبيه بامتياز.................ندعيلك بالتوفيق

[ابوبكر17.00]

السلام عليكم
توكلي على الله
ما تدخليش نظرة زملائك في راسك أدخلي لقرايتك و هي فارية
أخطيك من الأطباء النفسانيين و أدويتهم مع إحترامي للجميع
داومي على الصلاة و قراءة القرآن
وساوسك الداخلية شيطانية فلا تراعي لها
كان الله في عونك
أختاري زميلة و دردشي معها
سلاااام

[dotnet]

هدا امتحان الدنيا وراه صرا عليه قاع هاد الشيء وما ادرااااك بامتحان الاخرة

اختي توكلي على ربي وما زال الحال لتدارك ما فات

ربي يوفقك وجميع الاخوة الممتحنين لما فيه الخير

[ملكةزوجي]

علاش عليك قاع هذ الشي ماشي ديتي 11 معنتها مستواك راه يدور لتما انا كي جوزت البكالوريا كنت ندي 08 المعدل مبصح علابلي مش مستواي راكي تقلقي روحك كتر من الازم و تقدري تداركي اللي فاتك باصرارك و عزيمتك و ثقتك بنفسك ربي يفتح عليك بيبان الخير ان شاء الله

[الناصِح الصّادِق]

بسم الله والصلاة والسلام على رسول الله

أختاه ممكن هناك أشياء شخصية لا نعلمها فيكِ

أنصَحكِ بمراسلة الأخوات هنا اللّواتي طلبن منكي دلك وأكيد بل من المأكّد سيمددن يد العون لكِ بما أنعم الله عليهنّ من حِكمة وفضل

راسلهن في الخاص برسالة خاصة وإلّم تصل مشاركاتك العدد المطلوب فراسلي إحدى المشرفات العفيفات حتى تكون وسيطة بينكن أو أطلبي رقم الأخرى أو أي شيء ممكن تقتربين منهن في أقرب وقت وهنّ من يفهمنكِ أكثر

وبدوري أطلب الأخوات إن قصدتكم هته الأخت أن تفرّجوا عنها كربها

من فرج عن أخيه كربة من كرب الدنيا فرج الله عنه كربة من كرب يوم القيامة


تمنّيت لو قدّمت مساعدة ولكن أعلم أنّ الأمر يتطلّب التقرّب من الشّخص أكثر وهدا ما لا يمكننا


رب اكون معاكم والسلام عليكم

[fofol]

اسمعي ان ننصحك تروحي ترقي ماشي حجة سهل لماد لتدهبي الى الرقي وسوف ترين كلم الله فه شفاء

[نارينا]

وماذا لو اخبرتك ان اخي تدارك في شهر فقط والله معجزة خالف كل التوقعات ونجح ....المهم حاولي الوثوق في نفسك وفي قدراتك مثلما فعل اخي وربي ينجحك حنونة

[sofix206]

الله يشافيك يا ختي كاين لي يجيبو معدل 5 و مايصرالهمش كيما نتي لي جبتي 11

المهم الله يصلح حوالك و ماتقلقيش بزاف هادي الحالة مسألة وقت وتروح ماتخميش فيها بزاف مع لوقت تنساي وتولي خير ماللول نشالله

[أم بلوكة]

اختي انت مجتهدة لازم ما تنسايش طول بلي راكي قراية و11 هديك نحيها طول مراسك خاطراكش الصح فالباك ولازم تنوضي ذرك وتقولي انا قراية ونقدر نلحق في دروسي ماتقعديش تضيعي وقتك فتخمام ديري بروقرام برك لحياتك الدراسة هي لولى طبعا الصلاة في وقتها وهذاك
الوسواس تنحيه وحدك لا طبيب لا واحد اخر وقت ما يجيك الوسواس استغفري بزاف وذكري طول خليها عادة عندك كي تكو ني ماكيش تريفيزي اذكري طول انا نذكر كي نتفرج كي نطيب كي نرتب بيتي .......وانا راني نقولك هكدا خطراكش كنت كيفك والحمد لله قصيت عليه لازم تخمي في مصلحتك ما نخممش فهدوك يضحكو علي ولا لالا ونزيدلك حاجة ماتقعديش وحدك لازم طول مع الناس باه يكونش مجال للتوسويس وبالنسبة للدروس اطلبي من التلاميذ لي يديرو ليكور بعطبولك التملرين ديري فوتو كوبي ونصمي وقتك والحاجة لي مافهمتيهاش صقصي الاستاذ ولا حتى التلاميذ وما تستسلميش ابذا ما زال الوقت ورانا فالربيع نهارات طواااال تراجعي وتتفرجي وديري واش تحبي عندي اختي العام الجاي تعقب الباك صدقيني تعلمت من عندها ماتقعدش طوول من دراستها الى الجامع تحفط فالقران وزيدي تتعلم فلفرونسي خطراكش الفيد بدبر الوسواس وكي تولفي روحك العمل رايحة تعود عندك مرونة اكثر وتولي تحوسي علا حوايج واحدوخرين باه تملي فراغك مالا نقولك نوضي ذرك وبداي

[Rihanna]

لازم عليك تبذلي جهد كي تتغلبي على هده الأفكار
هدا مجرد امتحان، عادي تخافي شوبة بالصح الخوف ما لازمش يسيطر عليك