ارجو المساعدة خاصة من اخواتي المغتربات

[مغتربة uk]

السلام على الجميع
انا سيدة مغتربة و هذا عامي الاول في الغربة و اعاني من وحدة قاتلة فانا لا اعرف هنا احد ليس لدي الا الله ثم زوجي و اللذي يعمل من الصباح الى الليل و انا ابقى لوحدي طوال اليوم مما اثر على نفسبتي كثيرا الحمد لله لدي مولودة عمرها شهر كنت اظن انه بازدياد البيبي ستتحسن حالتي لكني ارى ان الوضع يزداد سوءا لهذا اطلب منكم ان تدلوني على طرق للخروج من هذه العزلة و اريد خاصة تجارب الاخوات المغتربات اللواتي مررن بنفس حالتي و كيف تجاوزنها و شكرا.

[نورسين.داية]

السلام عليكم

تواصلي مع اهلك و صديقاتك عن طريق س ك ا ي ب ........ إستغلي هواياتك ......مثلا .....او تعلمي حرفة ....

[أم مبين]

والله يا حبيبتي راني حاسة بيك أنا جوزت عام في الغربة مر عليا كأنه دهر كنت شابعة غير بكاء أنصحك اشغلي وقتك فيما هو مفيد في الصلاة وذكر الله وقراءة المصحف لكني أنا لما أنجبت خفت عليا الكربة شوية رجعت نجوز وقت كبير مع بنتي

[نارينا]

كان الله في عونك اختي حاولي الاتصال كثيرا باقاربك عبر وسائل الاتصال الاجتماعي وانا ليس لديا قريبات حاليا في الغربة لكني جربتها لمدة طويلة وهي قاسية فعلا

[ام جبريل ماريا]

السلام عليكم انا ثاني كان عندي فراغ كبير لكن ملي بديت نحفض في القران وكل وقتي معاه اصبحت لااجد وقت لافكر في شيئ سوي كم حزب حفضت فصدقيني جربيه وربي مغاك

[لبنى 16]

السلام عليكم أختي راني حاسة بيك الغربة مرة أنا راني فالعام الثالث و مازال ماوالفتش ربي يصبرنا و الحمد لله أنا نقولك
عمري أوقات فراغك بالصلاة و قراءة القرأن الاتصال بالأهل و الأقارب عن طريق ال***** و الطبخ هو فعلا رائع و دوك تكبر بنتك ماشاء الله و تنسيك هم الغربة أمين يارب .

[foufa2009]

لو سمحتي من أين أنت بالضبط.لغرض المساعدة

[مغتربة uk]

اشكر كل من ردت علي و لو بكلمة
اختي foufa2009 شكرا على اهتمامك انا من منطقة كرويدن جنوب لندن.

[R I A D]

ربي يعاونك و يقدرك على الغربة ... انا نصدق كي تقولي الغربة صعيبة
صح صعيبة شوفي هذو بعض الامور ديريهم تخف عليك شوية الحالة الي راك فيها

==اعملي لك ورد في اليوم : اذكار قراءة القران مع حفظ م اية او اكثر
==عندك الانترنت تواصلي مع الاهل و الاحباب ب س ك ا ي ب
==اسالي اذا كاين عندكم في الحي "هي مثل دار الشباب"هنا في فرنسا يسموها maison du quartier
يعلمو فيها الخياطة و التريكو و يبرمجوا لهم رزيارات للمتاحف و غيرها اذا انت موجودة روحي ليهم
==في المساجد يعملوا حلقات للنساء
و ربي يقدرك و انا متاكدة ان تلربية الاولاد تاخذ كل وقت الامهات : بنت ان شاء الله تنسيك في الغربة

[مغتربة uk]

ربي يعاونك و يقدرك على الغربة ... انا نصدق كي تقولي الغربة صعيبة
صح صعيبة شوفي هذو بعض الامور ديريهم تخف عليك شوية الحالة الي راك فيها

==اعملي لك ورد في اليوم : اذكار قراءة القران مع حفظ م اية او اكثر
==عندك الانترنت تواصلي مع الاهل و الاحباب ب س ك ا ي ب
==اسالي اذا كاين عندكم في الحي "هي مثل دار الشباب"هنا في فرنسا يسموها maison du quartier
يعلمو فيها الخياطة و التريكو و يبرمجوا لهم رزيارات للمتاحف و غيرها اذا انت موجودة روحي ليهم
==في المساجد يعملوا حلقات للنساء
و ربي يقدرك و انا متاكدة ان تلربية الاولاد تاخذ كل وقت الامهات : بنت ان شاء الله تنسيك في الغربة
شكرا اختي على نصائحك القيمة ساحاول العمل بها باذن الله.

[شمس 15]

السلام عليكم ورحمة الله وبركاته ......
دخلت باش نعاونك كي شفت uk لقيتك وين تسكني بعيدة عليا سينو نتواصل مع ختي و نخففو على بعضانا ما يحس بالجمرة غير لي عافس عليها رني متأكدة بنتك تخفف عليك الغربة و إذا جبتي 2 و 3 أكثر تربية تدي الوقت بزاف و ركي تعرفي هنا وقتهم كيفاش مربي يجري...إذا بنتك children center تتلاقاي ع أمهات جدد كيما أنت و زيد يديرو activities بزاف شغل يقروكم ويوعوكم أحضريلهم بالاك تديري صديقة و تتوانسي معاها.

[مغتربة uk]

السلام عليكم ورحمة الله وبركاته ......
دخلت باش نعاونك كي شفت uk لقيتك وين تسكني بعيدة عليا سينو نتواصل مع ختي و نخففو على بعضانا ما يحس بالجمرة غير لي عافس عليها رني متأكدة بنتك تخفف عليك الغربة و إذا جبتي 2 و 3 أكثر تربية تدي الوقت بزاف و ركي تعرفي هنا وقتهم كيفاش مربي يجري...إذا بنتك children center تتلاقاي ع أمهات جدد كيما أنت و زيد يديرو activities بزاف شغل يقروكم ويوعوكم أحضريلهم بالاك تديري صديقة و تتوانسي معاها.
يعطيك الصحة اختي خسارة جيتي بعيدة ماعليهش كلامك عاوني ان شاالله ندير واش قلتي لي بارك الله فيك.

[hloukaman]

السلام عليكم ورحمة الله وبركاته
صح أختي مايحس بالجمرة غير لي كواتوا
كل أخواتي أعطينك الرد المناسب،وأيضا لربما أصبت بإكتآب بعد الولادة عسى الله أن يفرج عنك

[دروب التابعين]

اختي هذي لازملها شيخ من مشايخ الكبار يفتيلك فيها ربي يوفقك

[rimoucha0187]

ana ma cousine tani 3anat kifek f lawwal w dork hmd 3ndha 3 awlad mais taskoun fi kingston ma3lbalich ida griba mank

[مغتربة uk]

ana ma cousine tani 3anat kifek f lawwal w dork hmd 3ndha 3 awlad mais taskoun fi kingston ma3lbalich ida griba mank
يعطيك الصحة على الاهتمام kingston شابة بزاف بالصح بعيدة شوية علي .

[مغتربة uk]

مكانش حتى جزايرية عايشة في بريطانيا

[linouwasoleil]

ما تتقلقيش كامل جزنا بيها قلبي على مراكز النشاطات الثقافية واذا كنتي تتكلمي شوية انجليزي سلكي روحك ارفدي بنتك وروحي للبارك parcولا jardin تشمو شوية هوا وتشوفي شوية ناس وحوسي اذا زوجك ما عندوش مانع اديها في لابوسات وديري نشاطات كاين خياطة وتقدري حتى تماركي روحك باه تقراي شوية وتتعلمي اللغة وثاني اشغلي وقتك بالقران وقلبي على المساجد اللي قراب ليك تلقاي مسلمين وعرب وتواصلي معاهم ومافيش مشكل حتى بنتك تكون معاك تلقاي اخوات يلقو دروس اتعلمي وعمري وقتك تولي ما تقدريش تحكي شعرك انا كنت مثلك العام الاول وغير زادت بناي ولحقت ثلث سنين وليت نشتكي من الجري وعييت هنا ماشي كيما البلاد دايما نجرو عندي ثلاثة كلي عشرة القراية الحوايج البارك خرجيهم اشريلهم وماتنسايش قلبيعلى الجامع او المصلى خاصة اذا كان عندك علم ممكن تدرسي عربية وتولي تفيدي غيرك ان شاء اللهوما تنسايش قولينا واش. درتي

[linouwasoleil]

واذا حبيتي راني جارتك كلميني ونكلمك ما شي مشكل

[مغتربة uk]

ما تتقلقيش كامل جزنا بيها قلبي على مراكز النشاطات الثقافية واذا كنتي تتكلمي شوية انجليزي سلكي روحك ارفدي بنتك وروحي للبارك parcولا jardin تشمو شوية هوا وتشوفي شوية ناس وحوسي اذا زوجك ما عندوش مانع اديها في لابوسات وديري نشاطات كاين خياطة وتقدري حتى تماركي روحك باه تقراي شوية وتتعلمي اللغة وثاني اشغلي وقتك بالقران وقلبي على المساجد اللي قراب ليك تلقاي مسلمين وعرب وتواصلي معاهم ومافيش مشكل حتى بنتك تكون معاك تلقاي اخوات يلقو دروس اتعلمي وعمري وقتك تولي ما تقدريش تحكي شعرك انا كنت مثلك العام الاول وغير زادت بناي ولحقت ثلث سنين وليت نشتكي من الجري وعييت هنا ماشي كيما البلاد دايما نجرو عندي ثلاثة كلي عشرة القراية الحوايج البارك خرجيهم اشريلهم وماتنسايش قلبيعلى الجامع او المصلى خاصة اذا كان عندك علم ممكن تدرسي عربية وتولي تفيدي غيرك ان شاء اللهوما تنسايش قولينا واش. درتي

يعطيك الصحة اختي على كلامك والافكار اللي عاونوني بزاف

[مغتربة uk]

واذا حبيتي راني جارتك كلميني ونكلمك ما شي مشكل

ان شاء الله تكون وسيلة للتواصل

[Malek12]

اللهم ارجع كل غريب الى اهله

[مغتربة uk]

اللهم ارجع كل غريب الى اهله

اللهم امين شكرا اخي

[وهج الحياة]

يا اختي الفاضلة الغربة قاتلة لكن في جانبها المضلم لكن وحدك القادرة على تحويل هذا الظلام الى نور ما دمت مؤمنة قلتي ربي رزقك ببيبي ربي يهنيك كاين لاكثر من عشر سنوات ومازال ما جهمش قلتي عندك زوج الحمد لله كين الالاف تستنى نصيبها قلتي راكي في الغربة اظن الولايات الالاف تتمنى المكان الذي انت فيه رايحة تقوليلي نتبادلوا الاماكن لا يا اختي كل واحد وظروفو والوقت ليغترب فيه ما نطولش عليك اختي الافكار لي حابه نمدهالك تتوقف على شخصيتك :
1-احمدي ربي انك على خير في صحتك وصحة وليدك وزوجك وبالتالي داومي على العبادة ديري برنامج لحفظ القران مثلا او الاحاديث النبوية
2-فكرة الاخت عن ال***** او المنتديات ادخلي وفتشي رايحة تلقاي اهكار هايلة بلاك كاين امور كنت ديريها قبل الزواج ومن بعد حبستي ارجعيلها اختي ,
3-ما تركزيش على فكرة انك بعيدة على عائلتك بل العكس اعتبريها عطلة وراح تخلاص وابعدي على اي شيئ قادر يخليك تحسي بالفشل التعب الحزن ،،،،،،،حاولي تلقاي مشروع واستثمري فيه
ربي يهنيك اختي ويعطيك راحة البال

[omaymen]

salam ukhti.inshallah raki labass,ana tanit mortariba fi uk ..matkhamich inshallah twalfi falawal siiba bessah min baad twalfi inshallah..alabali lhala rahi jdida aandak wehassa rouhak wahda ana marrit ala had tajriba wekolt mohal nwalaf rorba wedork hamdollah aandi 15 sna rorba wenahamdou rabbi wanashakrouh

eda htajtii ayi haja abaatili ala lkhass ana rana khwatat makach moshkil :mh31:

[مغتربة uk]

بارك الله فيك اختي

[مغتربة uk]

salam ukhti.inshallah raki labass,ana tanit mortariba fi uk ..matkhamich inshallah twalfi falawal siiba bessah min baad twalfi inshallah..alabali lhala rahi jdida aandak wehassa rouhak wahda ana marrit ala had tajriba wekolt mohal nwalaf rorba wedork hamdollah aandi 15 sna rorba wenahamdou rabbi wanashakrouh

eda htajtii ayi haja abaatili ala lkhass ana rana khwatat makach moshkil :mh31:
شكرا لك اختي ربي ان شا الله يقدرني على الغربة و يعطيك الصحة على عرض المساعدة

[sissi yasmine]

اشغلي وقتك فيما هو مفيد في الصلاة وذكر الله وقراءة المصحف

[نسائم الصباح]

السلام عليكم

الله يعينك أختي على غربتك

أختي أنا مغتربة أكثر من 10 سنوات ولا أملك أولاد .مررت بحالات نفسية كبيرة وتجوزتها ولله الحمد بالرجوع إلى الله
وبعدما عرفة هذا المنتدى غيرلي حياتي كليا .
تعرفت على أخوات طيبات .سعدوني بنصائحهم وسعدتهم بنصائح
تعلمة صنعة من المنتدي .وراني نتسل بيها
ذخلت لعالم المطبخ ونجرب كل ما يحطوه هنا ونفرح بيه زوجي
والله وقتي تعمر وماوليتش نلحق .نذخل كل الأقسام

هنا في المنتدى منافسات ومسبقات جميلة أذخليلها .بش تحسي بنشاط
حولي تجتهدي وتربي بنتك أحسن تربية
أتعلمي هنا حياكة الصوف وخدمي لبنتك .ستجدينا متعة رائعة
بالإضافة إلى التحدث مع عائلتك في الس ك ي ب
وربي يعينك ويعنا على غربتنا

[مغتربة uk]

السلام عليكم

الله يعينك أختي على غربتك

أختي أنا مغتربة أكثر من 10 سنوات ولا أملك أولاد .مررت بحالات نفسية كبيرة وتجوزتها ولله الحمد بالرجوع إلى الله
وبعدما عرفة هذا المنتدى غيرلي حياتي كليا .
تعرفت على أخوات طيبات .سعدوني بنصائحهم وسعدتهم بنصائح
تعلمة صنعة من المنتدي .وراني نتسل بيها
ذخلت لعالم المطبخ ونجرب كل ما يحطوه هنا ونفرح بيه زوجي
والله وقتي تعمر وماوليتش نلحق .نذخل كل الأقسام

هنا في المنتدى منافسات ومسبقات جميلة أذخليلها .بش تحسي بنشاط
حولي تجتهدي وتربي بنتك أحسن تربية
أتعلمي هنا حياكة الصوف وخدمي لبنتك .ستجدينا متعة رائعة
بالإضافة إلى التحدث مع عائلتك في الس ك ي ب
وربي يعينك ويعنا على غربتنا
شكرا جزيلا اختي على النصائح و اسال الله العلي القدير ان يرزقك الذرية الصالحة في القريب العاجل.

[Babinaall]

السلام عليكم اختي كيف احوالك الان. و كيفاش راهي بنوتك. ان شاء الله يكون جاز عليك الحال و والفتي شويا