الاضرابات ارواحوا بالخف

[Nour Al Hayat]

اليوم راح نحكي على عباد كان من المفروض يكونوا قدوة لهادي البلاد هوما المعلمين هوما الاساتذة المحترمين الي قالونا عليهم خليفة المرسلين علمونا بلي راهم مبجلين شوفوهم اليوم واش دايرين يعذبوا فينا وماشي حاسين واش نحكي او واش نشكي نوكل عليكم رب العالمين! تحكوا وتتحاكوا بالرباية والاخلاق والدين وتلعبوها زعما مسلمين وتقولو علينا مهمشين صح حنا مهمشين صح شبيبة مجانين بصح الكل بسبتكم يا شاطرين واش حابينا نكونوا وحنا نشوفوا في قدوتنا ضايعين ورى الدراهم لاحقين كي المهابل تقول عليهم ماشي عايشين وتقولوا علينا طايشين ياخي مهابل ومجانين وتعلو في اصواتكم وتقولو حنا مضربين وتقولو نحوس على حقوقنا كجزائريين مقلتش بحقوقكم ماتطالبوش بصح حقنا ماتدوش حنا الجيل الي مات على جالوا بن مهيدي وزيغود يوسف ومراد ديدوش شوفو حالتنا اليوم جيل حتى حق القراية ماعندوش تقولوا على رواحكم مظلومين بصح ضرك راكم انتم الظالمين نروحو كل يوم لليسيات نبقاو فم بالساعات نسنوا فيكم باه تتكرموا وتقرونا للاختبارات وانتوما ماعلابالكمش وحاكمين في جو الاضرابات ولاد وبنات كرهتونا هادي الليامات ملينا من الروحا والجيات هادا الكل على خاطر انتم تحوسوا على التيكيات والوزير ماعلابالوش والرئيس ماهموش لكن حنا على حقنا مانسكتوش بعدما زادوكم الصوارد جيين فارحين وتقروا بعدما هلكتونا يا محترمين وحابين تقرونا اياماتنا تاع الراحة شفتو يا ناس الجياحة ادوا الدراهم ودارو علينا وحابين يدو حقنا بلقباحة هادي معادتش قراية ولات وقاحة وماعدناش متحملين بصراحة منكم ملينا ومن الاضرابات عينا ومن سماطة المراقبين سوفرينا كرهنا الاضرابات وكرهنا من عدم المبالات علمتونا السيبة والهملة في الكارتييات علمتونا انكم تقرو على جال الدراهم ماشي في خاطر المبادئ والرسالات الي فهمتونا وخدعتونا قلتونا على جالها خيرنا هادي الميتي وكاين الي قالنا جيت باش نقري ولاد بلادي هادي هي نيتي بصح في
la véritéكلكم تحوسو على التيكي كلامي ماشي هدرة فارغة كلامي مستيكي psqنحكي علي وصلنالو اليوم في بلاد ميكي شوفو التعليم طاح شانو ولا بالدراهم يا شريكي
ياحكومة حسي بينا يا حكومة رانا هنا شوفينا حنا شباب دزاير حنا الي راح نخلو علمها في السما طاير شوفو اليوم واش راو صاير
هم المستفيدين وحنا الرايحين في الرجلين وهم الظالمين وحنا المظلومين ادعوا معايا وقولو ربي يرجعنا حقنا من هاادول الحقارين والي معايا يقول اااااامين وفي الاخير تحية لكل الاساتذة الي ماكانوش مضربين لانهم صح خلفاء المرسليين قدوة للجزائريين ونقلهم انتم المخييرين:19:

[جمانة العلمة]

عند ك الحق كلامك عسل كي سكر وزيد وزيد هاذا هو صح صح

[Nour Al Hayat]

عند ك الحق كلامك عسل كي سكر وزيد وزيد هاذا هو صح صح

مرسي عليك هادا حقنا وماشي لازم نسكتو عليه

[يسرى.سوسو]

عندك الحق اليوم الاستاد تاع الادب قاللنا باش تتسقم البلا د لازم يديرونا نخدموا من8 حتى14 ومنبعد نروحوا نديروا الدروس الخصوصية

[safia 35]

بارك الله فيك...................