مشكلة صديقتي انصحوها

[نجوى لحلوة]

السلام عليكم حبيباتي عندي صديقة مقربة جدا في ورطة حقيقية كانت تحب واحد ومبعد عرفت بلي متزوج لكنني اشهد انه يحبها حقا ونوى الزواج بها لكنها لم تقبل ووقف الى جانبها في كل الظروف لكنها قالت له -لي بيناتنا خلاص- قالتلي لي قاللها هذيك ماتزوجتهاش عن حب يماه زوجتو بها بصح هي حبها نهار قالتلو خلاص قالتلي والله هبطولو الدموع وكان كيما المهبول رغم انو راجل صح يعني ماهوش ضعيف تع يبكي قدامها تخطبت وقريب عرسها وهذا لي عرفتو حسبت روحها تحبو لكنها اكتشفت انو محال يكون كيما الاول
وصدفة تلاقات بحبيبها السابق ولات على اتصال معه قلتلها وش راكي ديري قالتلي ماقدرتش لازمني نتزوج هذا مناه عاقدة وكلش وخافت من باباها وخوتها وقلبها وعقلها ماخلاوهاش تكون فيدال وش رايكم
انا والله راني خايفة عليها

[نجوى لحلوة]

ساعدو صديقتي ربي يخليكم

[سطايفية بكل فخر]

بداية اختي هذا القسم لا يعنى بحل المشاكل
ثانيا اختي هو خان زوجتو وهي خانت خطيبها وشا يجي من علاقة مبنية على الخيانة
ربي يمهل ولا يهمل
وزيد كما تدين تدان
ربي يهديهم ويكتبلهم الخير في زوج
وبالنسبة ليك انت خلي تجربة صديقتك درس ليك
ربي يصلح لحوال

[لحن الحياة.]

نسال الله العافية والله المستعان

[نجوى لحلوة]

شكرا ليكم حبيباتي

[نجوى لحلوة]

بداية اختي هذا القسم لا يعنى بحل المشاكل
ثانيا اختي هو خان زوجتو وهي خانت خطيبها وشا يجي من علاقة مبنية على الخيانة
ربي يمهل ولا يهمل
وزيد كما تدين تدان
ربي يهديهم ويكتبلهم الخير في زوج
وبالنسبة ليك انت خلي تجربة صديقتك درس ليك
ربي يصلح لحوال

امين يا رب العالمين
وعلاه نخليها درس ليا حنونتي انا راني مليحة مع خطيبي بزاف وعندي غير هو وبسسسسسسسسس

[سطايفية بكل فخر]

امين يا رب العالمين
وعلاه نخليها درس ليا حنونتي انا راني مليحة مع خطيبي بزاف وعندي غير هو وبسسسسسسسسس

خليه درس ليك غاليتي واملاي عين خطيبك باش ميخونكش
خليه درس ليك وحبي خطيبك ومتخليش واحد اخر يلعب مشاعرك
هذا وشا قصدت غاليتي
ربي يهنيك وربي يكتب لخير لصحبتك

[دروب التابعين]

ماذا تعنين اختي هل تود ان تكون زوجة ثانية
وتفسخ خطوبتها
مشكله ليست معقدة بل تسبب الدوار

[نارينا]

وافق شن طبقة هي خانت وهو خان والضحايا في غفلة نصيحة ان كان قلبها لازال متمسكا بالاول فعليها مصارحة الثاني وهذا افضل من ان تكسر قلبه بعد الزواج وها نحن نسمع يوميا عن عديد القصص التي كان فيها الزوج مثل الاطرش في الزفة لما اكتشف علاقة زوجته بحبيب الماضي حتى بعد الزواج

[فارس وجواد]

قولي لصديقتك هذه .
الى الهاوية انت و هذا البكاي الخائن لزوجته.

[R I A D]

قولي لصديقتك
وعلاش ما تحبيش الراجل الفحل الي جا وخطبك من والديك و انت معززة مكرمة
وتحبي الخاين الي خان زوجته و يلعب بيك
ما معنى يحبك و هو متزوج و ماصارحكش؟
يسمى يلعب.... و لنفرض انكم تزوجتوا هل ستثقين فيه؟؟؟
روحي يابنتي كملي مع خطيبك و فرغي راسك من هذوك المشاكل
الله المستعان

[أم أماني أريج]

والله يا أختي نجوة الحلوة موضوع صديقتك راهو خيانة في خيانة
أصلا وحتى وإن كان أخذ زوجته بدون حب هذا ليس مصوغ للخيانة
كان قادر يدخل من الباب ويعدد ....على الأقل ما يخونش مولاه
أما عن صديقتك انصحيها تبعد عليه وتكثر من الاستغفار
والأيام راهي كفيلة باش تنسيها وكاينة حكمة تقول
الحب يذهب بالزمن و الزمن يذهب بالحب
هذا إذا كان حب عفيف وما بالك بالخيانة
وقوليلها تحط نفسها مكان زوجته المسكينة .................وكما تدين تدان .............والدنيا دوارة

[نجوى لحلوة]

ماذا تعنين اختي هل تود ان تكون زوجة ثانية
وتفسخ خطوبتها
مشكله ليست معقدة بل تسبب الدوار
هذا وش صايرلي انا درك

[نجوى لحلوة]

والله يا أختي نجوة الحلوة موضوع صديقتك راهو خيانة في خيانة
أصلا وحتى وإن كان أخذ زوجته بدون حب هذا ليس مصوغ للخيانة
كان قادر يدخل من الباب ويعدد ....على الأقل ما يخونش مولاه
أما عن صديقتك انصحيها تبعد عليه وتكثر من الاستغفار
والأيام راهي كفيلة باش تنسيها وكاينة حكمة تقول
الحب يذهب بالزمن و الزمن يذهب بالحب
هذا إذا كان حب عفيف وما بالك بالخيانة
وقوليلها تحط نفسها مكان زوجته المسكينة .................وكما تدين تدان .............والدنيا دوارة


الف شكر لك على الرد الطيب
والله راني غير ننصح فيها حالتها تشف ماتاكل ماتشرب ماتضحك كيما بكري حتى يماها ولات تسقسيني كي نتلاقاها تقولي وش بيها كشماصرالها راهي مخوفتني ولات توقف تطيح من الشر عياتني معاها ماقدرتلهاش وحبيبها هذاك حب يديها هي قالت لا مافهمتهاش خلاص

[نجوى لحلوة]

قولي لصديقتك
وعلاش ما تحبيش الراجل الفحل الي جا وخطبك من والديك و انت معززة مكرمة
وتحبي الخاين الي خان زوجته و يلعب بيك
ما معنى يحبك و هو متزوج و ماصارحكش؟
يسمى يلعب.... و لنفرض انكم تزوجتوا هل ستثقين فيه؟؟؟
روحي يابنتي كملي مع خطيبك و فرغي راسك من هذوك المشاكل
الله المستعان
راهي عياتني يا اخي انا شخصيا ماقدرتلهاش

[ABDOU ELE]

السلام عليكم حبيباتي عندي صديقة مقربة جدا في ورطة حقيقية كانت تحب واحد ومبعد عرفت بلي متزوج ; ولماذا احبته ! لكنني اشهد انه يحبها حقا و كيف شهدت ذلك ! ونوى الزواج بها كان يجيب بيها الوقت لكنها لم تقبل ووقف الى جانبها في كل الظروف بصفته من ! لكنها قالت له -لي بيناتنا خلاص- قالتلي لي قاللها هذيك ماتزوجتهاش عن حب يماه زوجتو بها بصح هي حبها لقاها نية زيادة فجوز بيها لوقت نهار قالتلو خلاص قالتلي والله هبطولو الدموع دموع التماسيح وكان كيما المهبول و لما لا يمثل و قد وجدها انسانة بلهاء رغم انو راجل صح اوه باين عليه راجل كيعاد يلعب ببناة الناس يعني ماهوش ضعيف تع يبكي قدامها راجل و نص تخطبت وقريب عرسها وهذا لي عرفتو حسبت روحها تحبو لكنها اكتشفت انو محال يكون كيما الاول تع الصح لانها اصلا ما ندمتش على العلاقة السابقة و ما تابتش و لم تتركه خوفا من الله و بالتالي مازال الحنين يجذبها
وصدفة تلاقات بحبيبها السابق :confused: ولات على اتصال معه قلتلها وش راكي ديري قالتلي ماقدرتش لازمني نتزوج هذا مناه عاقدة وكلش وخافت من باباها وخوتها وقلبها وعقلها ماخلاوهاش تكون فيدال يعني تكمل في الحرام وش رايكم هذه هي الفياقة تاع لبنات هذا الوقت يخليو الحلال و يروحو للحرام
انا والله راني خايفة عليها


ســـــــــــــــــــــــــلآم

يا جماعة واحد يفهمني كيفاش يخمموا النساء....................تروح تخطبها من الدار ديرلك الف شرط و مشكل بينما اذا طلب منها احدهم علاقة و حب توافق بل و تعشق حبيبها على خطيبها..............................والله عييت نفهم مقدرتش..........المهم هو خائن لزوجتو و هي خائنة لخطيبها و كما تدين تدان......................الي غايضني زوجتو و خطيبها مساكن..............................انصحي صديقتك باه تخاف ربي و تبطل علاقة او تفسخ خطبة و ما تخدعش خطيبها لانو ما تستاهلوش...............اصبح الحرام سهلا و الحلال صعبا.

[نجوى لحلوة]

ســـــــــــــــــــــــــلآم

يا جماعة واحد يفهمني كيفاش يخمموا النساء....................تروح تخطبها من الدار ديرلك الف شرط و مشكل بينما اذا طلب منها احدهم علاقة و حب توافق بل و تعشق حبيبها على خطيبها..............................والله عييت نفهم مقدرتش..........المهم هو خائن لزوجتو و هي خائنة لخطيبها و كما تدين تدان......................الي غايضني زوجتو و خطيبها مساكن..............................انصحي صديقتك باه تخاف ربي و تبطل علاقة او تفسخ خطبة و ما تخدعش خطيبها لانو ما تستاهلوش...............اصبح الحرام سهلا و الحلال صعبا.


والله راني مرا وامقدرتش نفهم النساء كيما راك تقول يا اخي راح ينبت الشعر في لساني وانا ننصح فيها مقدرتلهاش

[زوجة الغول]

يا ختي لي ما هو ليك يعييك
مادامو متزوج خلاص تبعد على جرتو
وتحاول تتأقلم مع هاذا الثاني
يا ختي ممكن سؤال ؟
هي من الأول تعرف بلي متزوج أو لالا ؟
إذا من الأول تعرف وكملت حباتو معليش
وإذا قالها غير كي طاحت معاه
أو اكتشفت الخبر من ناس أخرين
صافي راهو غير يتمسخر بيها
قوليلها الراجل مش كي المرا
ماكانش راجل في هاذ الدنيا يحب من غير شرفو يعني مرتو على سنة الله ورسوله
الباقي نزوااااااااااات فقط
يا ختي نزيدلك حاجة
أنا كنت نحب واحد وهو يحبني
طبعا لا توجد علاقة مش مليحة بيناتنا
من غير القدر الكبير والحب الكبير لي الطرف الأول ما أعلنوش للطرف الثاني
جاو دارهم وخطبو والأب لم يوافق
اقتنعت بهدرة بابا
بالرغم من قلبي المجروح وبعدت عليه
وحاول يرجع ويحاول مع بابا لكني رفضت.
وجا آخر وخطب . هو يعلم بأن هناك آخر قبله ولغاية الآن أحاول أن اتأقلم مع الوضع . ما حبيتش تكون خطوة أخرى بعد الخطوبة حتى نكون موافقة 100/100 ومتأكدة بلي مش راح نندم ف المستقبل .
المرا إذا تبعت قلبها تضيع صح

[نجوى لحلوة]

وينك زوجة الغول

[نجوى لحلوة]

ترجو من الادارة والمشرفين حذف موضوعي هذا

[رقيه الحضنه]

مشكلة البنات تاع ه\ا الوقت انهن مغفلات ويدعين الفطنه وغبيات ويدعين ال\كاء وجاهلات ويدعين العلم و متهورات ويدعين العقل اللهم اصلح حال بناتنا المشكله الخرى هي الاختلاط ال\ي قتل كل شئ جميل في المجتمع

[فانيسا]

وعلاه ليهاكل هاد التعقاد راهي رايحة تتزوج وتنسى وربي يهدينا والله مشكلة متعبة

[little smile]

الله يصلح الحال

[لحن الحياة.]

انصحيها قد ما تقدري..................

[النجمة القطبية]

اولا علاقة غير شرعية وكان ممكن يكون مجرد خطا لو تابت ولكن هى استمرت وهدى البداية
والمشكل انو داخل هذه العلاقة الرجل يكذب لانو متزوج ولم يخبرها يعنى خيانة داخل الخيانة الاولى
ثم يقولها زوجتى لا احبها اسطوانة قديمة يقولها كل زوج خائن وهو بالاك كان يموت على زوجته
واذا قرر الزواج بالثانية يقول للاولى انتى الاهم وانتى الحبيبة والثانية نديها باش ندى الاجر فقط :d:d
ثم بدا يبكى امام صديقته وهو الرجل القوى مثل روميو ودخلنا في الدراما
وفي لحظة صحبتك فاقت لنفسها وجاها خاطب من الباب عززها وجاب مواليه مسكين ودارلها قيمة وخطب ودفع مهر شقى عمرو وجاب مهيبات ودارهم راحين جايين والناس سمعت ودارو العقد وجبتو الامام والرجال مدو الكلمة والامام فتح والبلدية كتبت العقد وولات هذى الاخت ==صحبتك == متزوجة يعنى ربي سترها قلنا الحمد لله وربي غفور رحيم ولكن للاسف حدث الجزء الثانى من القصة
بعد كل هذه الفرص اللى مدهالها ربي سبحانو راحت للاول ==وهى متزوجة == وخانت العهد هى الاخرى ورجعت لللاول الخائن لزوجته ==يبدو ان الخبانة عدوى ==وبدات تبكى وتندب من جديد ==عدنا للدراما ==
المشكل اخافت اهلها ومخافتش ربي
والسؤال المطروح هل صحبتك تعرف معنى الزواج هذا الرباط المقدس
غلطت وهى عزباء وانتهى ودرك راهى رابطة اسمها باسم راجل ماشى كون تخاف ربي خير
وهل ذلك الرجل الاول يعرف معنى الزواج هذا الرباط المقدس لانو لو كان فيه ريحة الاحترام عمرو ما يقبل على نفسو يكلم واحدة متزوجة وعاقدة
وهل فكرت للحظة اذا سمع زوجها بهذه المهزلة ماذا سيحدث
اتصور انو مازال امامها فرصة اخيرة وشوفى رحمة ربي بعد كل هذى الخلوطة مازال عندها فرصة
اذن قوليلها تنعل بليس والله يمهل ولا يهمل

[مريم الصابرة]

السلام عليكم اختي
والله موقف صعب لكن الحقيقة المرة أنو الرجل متزوج وهي بكل صراحة راهي خائنة لانو مخطوبة وعاقدة راهي زوجة رجل حرام عليها ما دارلها والو ربي راح يعذبها راه الراجل داير فيها امان لاخر لو كان يحبها لو تزوجها رغم هو متزوج يديرها زوجة ثانية وهكذا ما يظلم مرتو وما يسمح فيها وهي مضطرة كي تحبو تقبل بيه متزوج هكذا معناها رضاو كل الأطراف لكن هنا راهي تخون في راجلها قوليلها ديري إنسايه وتزوجي ربي يسهلك ودعي ربي يسمحلك راكي تبعت قلبك داك للواد هذي ممكن حتى يديها راجلها وتبقى تحكي مع لاخر يا لطيف قولها فيقي لروحك واش راكي ديري هذا اللي بكا عليها يبكي على روحو كيفاه راه يخون في مرتو وهي تخون في راجلها لو دارو حل وتزوجو على الأقل حلال وشرع ربي يعدد وهي قبلت راجل متزوج تكمل وتقبل مرتو تبقا معاه
ربي يهديها قولها راكي غالطة غير ولي لعقلك وروحي ديري دارك وعفا الله عما سلف راكي ديري في حاجة كبيرة وهو لو كان راجل ما يهدرش مع مرت راجل هذا واش تحب فيه وإسمحيلي على نبرتي الله غالب لو جا يحبها عمرو ولا يكون سبب إنها تسمى خائنة الله غالب الإسم هكا مخطوبة وعاقدة راهي خانت راجلها ربي يهديها