من ارسل الى المدرسة التطبيقية للهندسة بجاية انا هنا للاجابة على اي استفسار

[amine-rooy]

اي استفسار فانا هنا لمساعدتكم اخواني

[SoFiAnE 05]

واش من بلاصة جاية في بجاية

[khaledski]

كيفاه لاروتين تع فترة التدريب و المعاملة تم و الهاتف مسموح و هل يوجد فيها فائض و كاش معلومات على الميطاسيو

[kadi 23]

السلام عليكم انا جاتني لبجاية مي روحت عملت السورسي

[Buffalo]

كيف يكون التدراب تاعها الالية .. و الاكل مليح و لا ..

و بعد التدراب وين يرسلوك ؟

و بارك الله فيك

[أحمد بيبرس]

أنا بعثوني لبجاية وزني 105 كغ طولي 1.82 سم لدي شهادة الماجستار في الرياضيات متزوج. ما هو احتمال باه يرجعوني بالفائض؟؟؟؟؟؟؟؟؟؟؟؟؟

[hicham500]

واش من بلاصة جاية في بجاية


جاية قبل الدخلة تاع بجاية من الجهة الشرقية بحوالي 5 كلم

في الطريق بين بجاية وتيشي

[hicham500]

كيفاه لاروتين تع فترة التدريب و المعاملة تم و الهاتف مسموح و هل يوجد فيها فائض و كاش معلومات على الميطاسيو


التدريب رياضة عادية باش منقولوش شيئ اخر ويولي افشاء للاسرار العسكرية

المعاملة في اطار الاحترام لي مقادر روحو واحد ما يتوشيه ولكن ممكن واحد يديرها والغاشي كامل تسلك

الهاتف مسموح ولكن ليس كل الهواتف الهواتف العادية فقط المسموحة حتى وان كان فيها اذاعة واmp3 اما لي فيها

كاميرا فممنوعة وتصادر ، الفائض حسب عدد الملتحقين عند بداية وصول الطلبة ، الميطاسيون في هذه المدرسة ترسل

الى جميع ولايات الوطن وجميع الاسلحة ولكن في اغلبها الميطاسيون نتاعها مليح

[hicham500]

كيف يكون التدراب تاعها الالية .. و الاكل مليح و لا ..

و بعد التدراب وين يرسلوك ؟

و بارك الله فيك


التدريب عادي لي موالف بالرياضة

الاكل مليح طبعا

بعد التدريب انت وزهرك ترسل الى اي ناحية عسكرية والى اي نوع من السلاح في كل النواحي العسكرية 6

في اغلبها ترسل الى اماكن جيدة في وسط المدن

(:

[hicham500]

أنا بعثوني لبجاية وزني 105 كغ طولي 1.82 سم لدي شهادة الماجستار في الرياضيات متزوج. ما هو احتمال باه يرجعوني بالفائض؟؟؟؟؟؟؟؟؟؟؟؟؟


كان معانا واحد بنفس المواصفات لكن تم قبوله وتدرب معنا بشكل عادي

الافضلية عندك هي انك متزوج فقط وبالتالي سوف تحصل على الاعفاء اذا كونت ملف خاص به عقد الزواج

وحالتك العائلية ولكنك ستمكث بالمدرسة لمدة ليست قصيرة لتحصل على ذلك على الاقل 15 الى 20 يوم

وهناك من مكث اطول من ذلك

(:

[amine-rooy]

واش من بلاصة جاية في بجاية

ف الدخلا تاع بجاية كيما تروح على جيجل ورا تيشي 5 كيلو تقريبا وتدخل لبجاية تلقاها على الطريق حداها الجامعة وقريبة للمطار

[amine-rooy]

كيفاه لاروتين تع فترة التدريب و المعاملة تم و الهاتف مسموح و هل يوجد فيها فائض و كاش معلومات على الميطاسيو

التدريب عادي اخي كيما شفت انا يبدا 7.30 12 تروح تغدا ولعشيا ساعات كاين ساعات ماكانش المهم التدريب خفيف في بجاية على حساب واش شفت المعاملة نورمال عادي
الهاتف نحوهولنا كيما دخلنا انا خرجت فائض بالصح قالو كيما تفرز ويبقاو غير لي حكموهم يردولك نورمال الهاتف مسموح
الفائض يوجد وبكثرة اخي حنا سبتمبر لي فات خرجنا حوالي 500 فائض و 200 بالملف الطبي وحكمو 350 الميطاسيون صحابي قالو عموما الصحرا ونتا وزهرك

[amine-rooy]

السلام عليكم انا جاتني لبجاية مي روحت عملت السورسي


موفق اخي الكريم ربي يسهلك ان شاء الله

[amine-rooy]

كيف يكون التدراب تاعها الالية .. و الاكل مليح و لا ..

و بعد التدراب وين يرسلوك ؟

و بارك الله فيك

1/ التدريب عادي اخي انا عجبني كيما شفت الصباح من 7-12 والمساء ساعة كاين ساعات وكان والو
2/ الاكل كيما دخلنا ماش مليح لانو كنا في بزاف قالو كيما يبقاو لي حكموهم برك يتحسن
3/ الميطاسيون اغلبها للصحرا ونتا وزهرك

[amine-rooy]

أنا بعثوني لبجاية وزني 105 كغ طولي 1.82 سم لدي شهادة الماجستار في الرياضيات متزوج. ما هو احتمال باه يرجعوني بالفائض؟؟؟؟؟؟؟؟؟؟؟؟؟

اخي الفائض على حساب ما شفت كاين بزاف امل تخرج في سبتمبر خرجنا 500 فائض لكن نتا وزهرك واش مكتبلك ربي توكل على الله وموفق اخي الكريم
فيما يخص الوزن لا اعتقد يفيدك لانو يخيرو بزهر وزنك عادي كاين حكموهم وكاين طلقوهم يعني مكاتيب اخي الكريم

[amine-rooy]

اي استفسار اخواني انا هنا للمساعدة و الاجابة على اي استفسار انا ايضا قبل ما نروح كنت نحب نستفسر ونفرح كيما يعطوني معلومات فانا هنا للاجابة على اي استفسار وشرح كل شيئ استطيع مساعدتكم به ان شاء الله

[amine-rooy]

بالتوفيق للجميع ان شاء الله

[bibo1]

السلام عليكم اخوتي انا متخرج في سنة 2010 وجاوني 2 استدعاءات ومازال الثالث
وعندي ملف الكفالة العائلية
هل يوجد جديد فيما يخص متخرجي 2010 وهل يصلح معي ملف الكفالة العائلية وبماذا تنصحونني
وبارك الله فيكم

[amine eco]

شكرا الاخ امين على موضوع ذي غيبة بصح محكيتناش كيفاه خرجوك ههههههه

[cherif872009]

أخواني اللي جاتو لوردر ابال لبجاية...انا ننصحكم....لا تخمم..لا تتردد..لا ترجع للوراء هزء الكابا و قلع...أجمل خدمة وطنية على الاطلاق...حتى بعد التكوين.التوفيق للجميع

[ripa kefs]

merci khawti ana jatni le 22 fi bejaia wrani takel 3la rabi wrayeh nch

[amine-rooy]

السلام عليكم اخوتي انا متخرج في سنة 2010 وجاوني 2 استدعاءات ومازال الثالث
وعندي ملف الكفالة العائلية
هل يوجد جديد فيما يخص متخرجي 2010 وهل يصلح معي ملف الكفالة العائلية وبماذا تنصحونني
وبارك الله فيكم

ليس لدي معلومات ربي يوفقك اخي

[amine-rooy]

شكرا الاخ امين على موضوع ذي غيبة بصح محكيتناش كيفاه خرجوك ههههههه

اهلا اخي امين الله لا يغيبك خرجت فائض والحمد لله

[صالح القسنطيني]

التدريب رياضة عادية باش منقولوش شيئ اخر ويولي افشاء للاسرار العسكرية

المعاملة في اطار الاحترام لي مقادر روحو واحد ما يتوشيه ولكن ممكن واحد يديرها والغاشي كامل تسلك

الهاتف مسموح ولكن ليس كل الهواتف الهواتف العادية فقط المسموحة حتى وان كان فيها اذاعة واmp3 اما لي فيها

كاميرا فممنوعة وتصادر ، الفائض حسب عدد الملتحقين عند بداية وصول الطلبة ، الميطاسيون في هذه المدرسة ترسل

الى جميع ولايات الوطن وجميع الاسلحة ولكن في اغلبها الميطاسيون نتاعها مليح

أضحكتني بكلمة افشاء الأسرار العسكرية

و كن على بينة يا اخي انه لو كان سرا عسكريا لما وصل اليه اصلا ايها الاحتياطي لأننا الاحتياط كما الخضرة فوق العشا .......

و اما زعمك انها ترسل لجميع الاسلحة فانت خاطئ

لان المدرسة تابعة للقوات البرية

و التحويل يكون لأسلحة القوات البرية و فقط

و ليس لجميع الاسلحة.........

لكل قوة أسلحتها و المدرسة التطبيقية للهندسة لا تدرب على جميع الأسلحة للقوات البرية فضلا عن القوات الجوية و البحرية و الدفاع الجوي عن الإقليم

[papatika]

أخي الكريم شكرا وبارك الله فيك
أود أن أسئل عن الطبيب وأصحاب الملفات الطبية
وكدلك أفضل تاريخ للإلتحاق بالمدرسة مع العلم أنه مكتوب في الأمر الإلتحاق يوم 15 مارس فماهو الوقت المناسب للإلتحاق وهل من الطبيعي أن يأتيك الإستدعاء مرتين لنفس المدرسة لأنه في سبتمبر جاني في تيشي وحتى في مارس كدلك في تيشي جابلي ربي بجاية راها حاباني هههههههههه
وأخي شكرا وبارك الله فيك على المعلومات القيمة الله يرحم والديك

[mouha barca]

هل من الافضل الذهاب مع الأوائل ام مع الاواخر ؟

[amine-rooy]

merci khawti ana jatni le 22 fi bejaia wrani takel 3la rabi wrayeh nch

ربي يوفقك ان شاء الله اخي

[amine-rooy]

أخي الكريم شكرا وبارك الله فيك
أود أن أسئل عن الطبيب وأصحاب الملفات الطبية أنا عندي عملية جراحية على الأمعاء عفاكم الله مند سنة تقريبا فماهي الحالات التي صادفتها من المرضى الدين تم إعفائهم
وكدلك أفضل تاريخ للإلتحاق بالمدرسة مع العلم أنه مكتوب في الأمر الإلتحاق يوم 15 مارس فماهو الوقت المناسب للإلتحاق وهل من الطبيعي أن يأتيك الإستدعاء مرتين لنفس المدرسة لأنه في سبتمبر جاني في تيشي وحتى في مارس كدلك في تيشي جابلي ربي بجاية راها حاباني هههههههههه
وأخي شكرا وبارك الله فيك على المعلومات القيمة الله يرحم والديك


اخي العزيز الطبيب هدا اسوء شيئ في بجاية حكاولي عليه قبل مانروح هنا وكيما رحت شفت اكثر من واش حكاولي او صعيب بزاف انا ماهدرش معايا خلاص رغم اني عندي ملف طبي
على حسب ما شفت لا يوجد افضل تاريخ للالتحاق نتا والمكتوب كاين دخلو الولين طلقوهم وكاين لعكس توخرو حكموهم انا رحت يوم 29 سبتمبر وكتبلي ربي خرجت المهم نتا ماتروحش ف 15 بعد حاول ما بين 20 و 24 مليحة والله اعلم ربي يوفقك اخي

[amine-rooy]

هل من الافضل الذهاب مع الأوائل ام مع الاواخر ؟


اخي نتا ومكتوبك المهم روح فالنص وتوكل على ربي لانو كاين لي خرجو جاو مع الاوائل وكاين العكس جاو الاواخر

[mouha barca]

شكرا ربي يحفظك

[Guillain-Barre]

شكرا على الموضوع
15 مارس بجاية ط ض ا
انا تاكل على ربي ندخل في اليوم المحدد ان شاء الله

[amine-rooy]

شكرا على الموضوع
15 مارس بجاية ط ض ا
انا تاكل على ربي ندخل في اليوم المحدد ان شاء الله

ربي يوفقك اخي اي اسئلة انا هنا للاجابة

[khaledjsk]

من اين انت يا اخى

[khaledjsk]

شحال باش تلبسو خويا

[walid des]

اخواني انا زايد في بجاية ولكن ساكن في العاصمة

يعني وين يبعثوني ؟؟!!

[ripa kefs]

شكرا على الموضوع
15 مارس بجاية ط ض ا
انا تاكل على ربي ندخل في اليوم المحدد ان شاء الله
Guillain-Barre (http://www.djelfa.info/vb/member.php?u=532757) ماعليهش نيميرو نتاعك ولا فايس بوك

[fatih84]

انا عمري 30 سنة الأن .مواليد .1984تحصلت على البكالوريا في 2003درست درست في الجامعة 8 سنوات و بعدها تم طردي من الجامعة لأني اعدت السنة عدة مرات و في الاخير تم طردي في السنة الثالثة اي في 2010دون دبلوم ...مع العلم ان اول lordr appel استلمتها في 2007و لم اذهب نهائيا إليهم و لم اعطيهم اي شهادة مدرسية منذ تحصلت على البكالوريا و
واليوم ارسلو لي lord appel االثانية في 22مارس2014 sarjan في بجاية ...
..بماذا تنصحوني إخواني هل اذهب إليهم لتسوية و ضعيتي ام ان هناك امل في حصولي على الإعفاء
و السورسي بشهادة مدرسية لجامعة التكوين المتواصل هل مقبول ام لا ...لا،ي سجلت هذا العام فيها ....
بحكم ليس لدي دبلوم جامعي و ما العمل بارك الله فيكم........شاركت في 5 مسابقات توضيف هذا الشهر ...و إن نجحت سيكون مشكل كبير و يضيع المنصب

[djozef_19]

30sna moumkine toukraje

[Guillain-Barre]

من اين انت يا اخى

برج بوعريريج

[khaledjsk]

اين هم ناس البويرة ليروحو لبجاية يوم 15-03-2014 المدرسة النطبقية للهندسة

[amine-rooy]

شحال باش تلبسو خويا

يبداو من 15 فالشهر يلبسو بالفرقة يعني كل مرة يلبسو مجموعة

[psycotect89]

ممكن اخي التوضيح بخصوص الملف الطبي لمرض العينين قصر النظر شكرا

[karim_staifi]

راني جبت الاستدعاء اليوم
خاوتي حاطينلي 22 مي قالولي روح ل 15 مع الاوائل
و راني مدي معايا ملف طبي تاع ضعف النظر
ارشدوني لو سمحتم

[soufianewds]

اخوتي انا جبت لوردابال كمتطوع وخيرت بجاية في 15/03/2014 ولكن قالولي انو الطبيب تاعها مزير بالزاف . هل أذهب بكري ولا روطار مع العلم اني موجد دوسي مديكال نقص في النظر وأيظا راني نستعمل في العدسات اللاصقة والنظارات الطبية جاوبوني الله يجازيكم

[soufianewds]

اخوتي انا جبت لوردابال كمتطوع وخيرت بجاية في 15/03/2014 ولكن قالولي انو الطبيب تاعها مزير بالزاف . هل أذهب بكري ولا روطار مع العلم اني موجد دوسي مديكال نقص في النظر وأيظا راني نستعمل في العدسات اللاصقة والنظارات الطبية جاوبوني الله يجازيكم
هل يوجد رد ارجوكم

[soufianewds]

اخوتي انا جبت لوردابال كمتطوع وخيرت بجاية في 15/03/2014 ولكن قالولي انو الطبيب تاعها مزير بالزاف . هل أذهب بكري ولا روطار مع العلم اني موجد دوسي مديكال نقص في النظر وأيظا راني نستعمل في العدسات اللاصقة والنظارات الطبية جاوبوني الله يجازيكم
هل من رد الاخ amine-rooy

[karim_staifi]

السلام عليكم
اليوم سوف اقترح عليكم بعض المعلومات التي جمعتها حول المدرسة التطبيقية للهندسة ببجاية والتي يجمع اغلب انها من احسن المدراس في الجزائر و معروفة ببجاية الجال و مرايا :1::1::1::1:

المدرسة ببصراحة نظيفة ومصنفة من بين الاوائل على مستوى الجزائر مقابلها البحر والمطار وتقع في تيشي
كل صباح راح تصبحوا على البحر. اما المطار كل ما تكونوا رايحين الى المطعم راح تستمتعو بمناظر الطائرات :1::1:
هكذا تنحيو شوي على بالكم....:19::19::19:
عند الدخول
راح تدخلوا على 2eme poste
تلقاو طابلة وقاعدين عليها ضباط كيفكم باه يمركيو عدد الدخول وتعبيو استمارة خاصة بيكم فيها اسمك ولقبك واسم الوالدة والوالدة وتاريخ الازدياد ...الخ وفيها رقمك
الطبيب
من بعدها مباشرة الى الطبيب
اذا ما عندكش ملف طبي يحطوك مقبول........واذا عندك ملف طبي هنا فيها امل.....اذا كان ملفك باين مثل حروق او اصابة في الجسد كالرجل واليد او السكري او...الخهنا مباشرة توضع في خانة instance اما اذا كان ملفك النظر والعصب فيمكن يقبلوك في هاته الحالة هنا انت ومعريفتك
اما اذا كان ملفك مترافيكي..:1::1:.. واغلب الملفات هي مترافيكيا
هنا لازم تكون عندك معرلايفة قاااااااااااااوية لانو الطبيب لا يرحم
كاينة ناس عندها ملف طبي وما سمعلهمش الطبي سواء العنين او امراض اخى والله غير يشفو فما بالك اللي ما عندوش ملف راهو الطبيب ما يقيمكش اصلا (انا نحكي على الطبيب اللي في بجاية) وبالتالي اذا ما عندكش ملف غير انسى حكاية الملف الطبي
وراهو قبائلي من بجاية :confused::confused::confused::confused:
فيما يخص اللي حطوهم instance بعدها تستناو لجنة تجي من قسنطينة مكونة على الاكثر من شخصين كذلك اللي عندو معريقة ما يخافش
اما اللي ما عندوش ممكن يقبلوه ويحطوه مقبول وينظم الى المجندين.....اما اللي ما قبلاتوش اللجنة ينتقل الى المرحلة الاخيرة وهي expertise
وهي مرحلة الحسملانكم ستتوجهون الى المستشفى العسكري بقسنطينة وهنا الاغلبية يرجعو غير مقبولين الا في بعض الاحيان
الشاليات
بعد االطبيب
تتوجهون الى الشاليات
وقبل ما تطلعو يعطوكم كوفرطة وكاس ومغرف :1::1:ومن بعد تطلعو الى الشاليات وكل شالي فيه 6 غرف
وكل غرفة تحوي 8 (سرير) وفي كل شالي يوجد 6 تواليت (حاشاكم) والماء ديما كاين غير كي يحبو يمكرو فيكم يحبسوه
ساعة ساعة ويجيهم لهبال
الاكل
فيما يخص الاكل
***الفطور راح يكون على الساعة 5.30
يعني النهوض يكون حوالي 5.00
الفطور تفطرو خبز + معجون وساعات زبدة
*** الغداء كل مرة كيفاه مرة على 12.00 ومرة على 13.30 ومرة على 14.00....المهم عيينا نفهمو الوقت الصحيح للغداء
كي يوصل الغداء ما تراطي والو المهم الحالة مليحة في الغداء وساعات الدجاج المحمر وساعات البقري مع الكسكسي....الخ
***العشاء ماذابيك ما تعولش بزاف اكيد الكل يسمع ب السانك ساك
والعشاء يكون في حوالي 18.30
التدريب
التدريب ليس بالشاق يعني عادي
بجابة انو التلفون 24/24 ساعة مسموح بشرط ما يكونش كاميرا لانو تلفون كامرا ينحيوهولك عند الدخول اما اذا ما فيهش الكامرا مسموح
انسى حكاية الفائض في بجاية لانو الفائض يرسل الى الثكنات الاخرى كيما اللي كانو معايا نصف بعثوه الى باتنة (مدرعات) والنصف الاخر بعثوه الى ترانزيت البليدة
معلومات اخرى :19::19::19:

واش باغي نقولك اخي هادي تاع كيفاش يخرجو و شعال هل الاولين ولا الاخرين ماشي ثابتة لاني انا في وقتنا قالولي بلي يطلقو الاخرين و درت شوية روطار كي ركبت و دخلت طلقوا الي جاو الاوائل و طلقو لاننا كنا بزاف
يعني خلاصة القول مانقدرش نفصلك في هاد القضية لانها كل مرة وكيفاش لكن انت توكل على ربي و ان شاء الله ربي يوفقك
اما بخصوص المدرسة فهي من بين احسن المدارس على مستوى الوطن من حيت النظافة و حسن المعاملة و ظروف المعيشة الغرف 6-8 افراد في الغرفة الماء متوفر طول اليوم
تقع في مدينة تيشي و قريبة من ولاية بجاية ب 11 كلم و النقل متوفر طول اليوم وتقع امامها جامعة و المطار و منظر الميناء وجبال يماقورايا بالمقابل يعني شوية تفاجي عليك هديك المناظر كي تكون الداخل و يعني انت عادي تفوتها في مرحلة الصيفتروح تبحر شويةفي تيشي و تحوس فها ان شاء الله
اما من حيث كيفاش رايح تفوتها
نحكيلك عليها بالمراحل اخي العزيز
ا لمرحلة الولى...مرحلة التكوين (المدة 6 اشهر)

- عند الالتحاق بالمدرسة يخليوكم بالسيفيل و فيها تكون مرحلة الانتقاء و الفحص الطبي(ملاحظة هنايا الطبيب يعرف يفوت برك الا الحالات الباينة زائد اصحاب العرف) ممبعد يلبسوكم الكومبا و تدخلو في مرحلة تدريب شاق تتعلمو فيه مختلف الحركات العسكرية(الاستعداد -الاستراحة-التحية-المراوحة-السير العادي...زائد تتخللها بعض العقوبات.....هههه كيباداشي و وضعية البطة و الزحف و ....صدقني مالقري هد المرحلة صعيبة بزاف الا انها فيها دكريات جد رائعة ما تتنساش) و تدوم هده المرحلة مدة شهرين تقريبا 45 يوم بالطبع ما تخرجوش فيها من الثكنة ممبعد يعطيولكم اجازة لمدة 10 ايام
-المرحلة الثانية تبداو فالدراسة في الاقسام على مختلف العلوم العسكرية(الاسلحة -القتال-تعليم الرمي-و مواد التخصص حسب المدرسة اللي راك فيها)و تتخللها حصص رمي بالاسلحة سيمينوف-كلاشينكوف-اف ام-البيا........ممبعد تديرو حفل التخرج و تولي ضابط في الجيش
ملاحظة بالطبع كي تكو ن عاد طالب في هد المرحلة تخدم كلشي الكورفي و القاريتا و جميع الخدمات منها نزع الحشيش بيدك و تنظيف محيط المدرسة و....مانحكيلكش خير ههههههههه)wc
الدفعة تاع مارس تسوفري شوية لانه تتدربو في فترة تاع سخانة و بالنسبة للكرفي تاع الحشيش حدث و لا حج و تكترو من "لورد سيري "لانه ديرو حفل تخرج في الاخير "la parade"
مالقري هد المرحلة صعيبة و فيها ضغط بزاف الا انها حلوة و فيهادكريات روعة صدقني
المرحلة التانية مرحلة الخدمة (المدة عام واحد)
وممبع فيها الميتاسيون هنا يوزعوكم على الوحدات و هنا انت و زهرك الا رسلوك للبلاسة شابة راك تفوتها بقدرك و الا بعتوك للمناطق الصحراوية النائية (تندوف-اليزي-ادرار-تمنراست.و لا بلايس تاع مكافحة الارهاب فالجبال راك تسوفري حبيبي.....و في الاخير هي مرحلة وتفوت مالغري السوفرونس تاعها تتعلم فيها امور و تتعرف فيها على ناس وتكتشف عقليات لمختلف مناطق بلادك و تتعرف على بعض الولايات اللي بعيدة عليك و صراحة تعاونك باش تكون شخصيتك المستقبلية لتحمل المسؤولية...
و في الاخير نصيحة ليك خويا العزيز الا عندك شي حل باش تديها يعني كفالة و لا سبب طبي ولا اي حل سواء كان بالطرق الشرعية اوالا شرعية غير اكتيفي على روحك و ادا ضاقت بيك الحلول اكتيفي و اتكل على الله و فوتها و قلعها من طريقك مادامك صغير
-----منقول للافادة----------------------

[karim_staifi]

السلام عليكم
اليوم سوف اقترح عليكم بعض المعلومات التي جمعتها حول المدرسة التطبيقية للهندسة ببجاية والتي يجمع اغلب انها من احسن المدراس في الجزائر و معروفة ببجاية الجال و مرايا :1::1::1::1:

المدرسة ببصراحة نظيفة ومصنفة من بين الاوائل على مستوى الجزائر مقابلها البحر والمطار وتقع في تيشي
كل صباح راح تصبحوا على البحر. اما المطار كل ما تكونوا رايحين الى المطعم راح تستمتعو بمناظر الطائرات :1::1:
هكذا تنحيو شوي على بالكم....:19::19::19:
عند الدخول
راح تدخلوا على 2eme poste
تلقاو طابلة وقاعدين عليها ضباط كيفكم باه يمركيو عدد الدخول وتعبيو استمارة خاصة بيكم فيها اسمك ولقبك واسم الوالدة والوالدة وتاريخ الازدياد ...الخ وفيها رقمك
الطبيب
من بعدها مباشرة الى الطبيب
اذا ما عندكش ملف طبي يحطوك مقبول........واذا عندك ملف طبي هنا فيها امل.....اذا كان ملفك باين مثل حروق او اصابة في الجسد كالرجل واليد او السكري او...الخهنا مباشرة توضع في خانة instance اما اذا كان ملفك النظر والعصب فيمكن يقبلوك في هاته الحالة هنا انت ومعريفتك
اما اذا كان ملفك مترافيكي..:1::1:.. واغلب الملفات هي مترافيكيا
هنا لازم تكون عندك معرلايفة قاااااااااااااوية لانو الطبيب لا يرحم
كاينة ناس عندها ملف طبي وما سمعلهمش الطبي سواء العنين او امراض اخى والله غير يشفو فما بالك اللي ما عندوش ملف راهو الطبيب ما يقيمكش اصلا (انا نحكي على الطبيب اللي في بجاية) وبالتالي اذا ما عندكش ملف غير انسى حكاية الملف الطبي
وراهو قبائلي من بجاية :confused::confused::confused::confused:
فيما يخص اللي حطوهم instance بعدها تستناو لجنة تجي من قسنطينة مكونة على الاكثر من شخصين كذلك اللي عندو معريقة ما يخافش
اما اللي ما عندوش ممكن يقبلوه ويحطوه مقبول وينظم الى المجندين.....اما اللي ما قبلاتوش اللجنة ينتقل الى المرحلة الاخيرة وهي expertise
وهي مرحلة الحسملانكم ستتوجهون الى المستشفى العسكري بقسنطينة وهنا الاغلبية يرجعو غير مقبولين الا في بعض الاحيان
الشاليات
بعد االطبيب
تتوجهون الى الشاليات
وقبل ما تطلعو يعطوكم كوفرطة وكاس ومغرف :1::1:ومن بعد تطلعو الى الشاليات وكل شالي فيه 6 غرف
وكل غرفة تحوي 8 (سرير) وفي كل شالي يوجد 6 تواليت (حاشاكم) والماء ديما كاين غير كي يحبو يمكرو فيكم يحبسوه
ساعة ساعة ويجيهم لهبال
الاكل
فيما يخص الاكل
***الفطور راح يكون على الساعة 5.30
يعني النهوض يكون حوالي 5.00
الفطور تفطرو خبز + معجون وساعات زبدة
*** الغداء كل مرة كيفاه مرة على 12.00 ومرة على 13.30 ومرة على 14.00....المهم عيينا نفهمو الوقت الصحيح للغداء
كي يوصل الغداء ما تراطي والو المهم الحالة مليحة في الغداء وساعات الدجاج المحمر وساعات البقري مع الكسكسي....الخ
***العشاء ماذابيك ما تعولش بزاف اكيد الكل يسمع ب السانك ساك
والعشاء يكون في حوالي 18.30
التدريب
التدريب ليس بالشاق يعني عادي
بجابة انو التلفون 24/24 ساعة مسموح بشرط ما يكونش كاميرا لانو تلفون كامرا ينحيوهولك عند الدخول اما اذا ما فيهش الكامرا مسموح
انسى حكاية الفائض في بجاية لانو الفائض يرسل الى الثكنات الاخرى كيما اللي كانو معايا نصف بعثوه الى باتنة (مدرعات) والنصف الاخر بعثوه الى ترانزيت البليدة
معلومات اخرى :19::19::19:

واش باغي نقولك اخي هادي تاع كيفاش يخرجو و شعال هل الاولين ولا الاخرين ماشي ثابتة لاني انا في وقتنا قالولي بلي يطلقو الاخرين و درت شوية روطار كي ركبت و دخلت طلقوا الي جاو الاوائل و طلقو لاننا كنا بزاف
يعني خلاصة القول مانقدرش نفصلك في هاد القضية لانها كل مرة وكيفاش لكن انت توكل على ربي و ان شاء الله ربي يوفقك
اما بخصوص المدرسة فهي من بين احسن المدارس على مستوى الوطن من حيت النظافة و حسن المعاملة و ظروف المعيشة الغرف 6-8 افراد في الغرفة الماء متوفر طول اليوم
تقع في مدينة تيشي و قريبة من ولاية بجاية ب 11 كلم و النقل متوفر طول اليوم وتقع امامها جامعة و المطار و منظر الميناء وجبال يماقورايا بالمقابل يعني شوية تفاجي عليك هديك المناظر كي تكون الداخل و يعني انت عادي تفوتها في مرحلة الصيفتروح تبحر شويةفي تيشي و تحوس فها ان شاء الله
اما من حيث كيفاش رايح تفوتها
نحكيلك عليها بالمراحل اخي العزيز
ا لمرحلة الولى...مرحلة التكوين (المدة 6 اشهر)

- عند الالتحاق بالمدرسة يخليوكم بالسيفيل و فيها تكون مرحلة الانتقاء و الفحص الطبي(ملاحظة هنايا الطبيب يعرف يفوت برك الا الحالات الباينة زائد اصحاب العرف) ممبعد يلبسوكم الكومبا و تدخلو في مرحلة تدريب شاق تتعلمو فيه مختلف الحركات العسكرية(الاستعداد -الاستراحة-التحية-المراوحة-السير العادي...زائد تتخللها بعض العقوبات.....هههه كيباداشي و وضعية البطة و الزحف و ....صدقني مالقري هد المرحلة صعيبة بزاف الا انها فيها دكريات جد رائعة ما تتنساش) و تدوم هده المرحلة مدة شهرين تقريبا 45 يوم بالطبع ما تخرجوش فيها من الثكنة ممبعد يعطيولكم اجازة لمدة 10 ايام
-المرحلة الثانية تبداو فالدراسة في الاقسام على مختلف العلوم العسكرية(الاسلحة -القتال-تعليم الرمي-و مواد التخصص حسب المدرسة اللي راك فيها)و تتخللها حصص رمي بالاسلحة سيمينوف-كلاشينكوف-اف ام-البيا........ممبعد تديرو حفل التخرج و تولي ضابط في الجيش
ملاحظة بالطبع كي تكو ن عاد طالب في هد المرحلة تخدم كلشي الكورفي و القاريتا و جميع الخدمات منها نزع الحشيش بيدك و تنظيف محيط المدرسة و....مانحكيلكش خير ههههههههه)wc
الدفعة تاع مارس تسوفري شوية لانه تتدربو في فترة تاع سخانة و بالنسبة للكرفي تاع الحشيش حدث و لا حج و تكترو من "لورد سيري "لانه ديرو حفل تخرج في الاخير "la parade"
مالقري هد المرحلة صعيبة و فيها ضغط بزاف الا انها حلوة و فيهادكريات روعة صدقني
المرحلة التانية مرحلة الخدمة (المدة عام واحد)
وممبع فيها الميتاسيون هنا يوزعوكم على الوحدات و هنا انت و زهرك الا رسلوك للبلاسة شابة راك تفوتها بقدرك و الا بعتوك للمناطق الصحراوية النائية (تندوف-اليزي-ادرار-تمنراست.و لا بلايس تاع مكافحة الارهاب فالجبال راك تسوفري حبيبي.....و في الاخير هي مرحلة وتفوت مالغري السوفرونس تاعها تتعلم فيها امور و تتعرف فيها على ناس وتكتشف عقليات لمختلف مناطق بلادك و تتعرف على بعض الولايات اللي بعيدة عليك و صراحة تعاونك باش تكون شخصيتك المستقبلية لتحمل المسؤولية...
و في الاخير نصيحة ليك خويا العزيز الا عندك شي حل باش تديها يعني كفالة و لا سبب طبي ولا اي حل سواء كان بالطرق الشرعية اوالا شرعية غير اكتيفي على روحك و ادا ضاقت بيك الحلول اكتيفي و اتكل على الله و فوتها و قلعها من طريقك مادامك صغير
-----منقول للافادة----------------------

[amine-rooy]

راني جبت الاستدعاء اليوم
خاوتي حاطينلي 22 مي قالولي روح ل 15 مع الاوائل
و راني مدي معايا ملف طبي تاع ضعف النظر
ارشدوني لو سمحتم

يا اخي درت غلطة متطوع يحكموك الف بالمئة لانو المتطوع محروم من الفائض والطبيب مزير شوية يعني دير امل كبير قادر تتحكم وربي يسهل ان شاء الله وتفكها بالملف الطبي

[amine-rooy]

اخوتي انا جبت لوردابال كمتطوع وخيرت بجاية في 15/03/2014 ولكن قالولي انو الطبيب تاعها مزير بالزاف . هل أذهب بكري ولا روطار مع العلم اني موجد دوسي مديكال نقص في النظر وأيظا راني نستعمل في العدسات اللاصقة والنظارات الطبية جاوبوني الله يجازيكم
هل يوجد رد ارجوكم

روح بين 22 و 25 مارس بالصح يا اخي متطوع ماش مليحة يعني محروم من الفائض وكون مايصلحلكش الملف الطبي يحكموك الطبيب مزير بزاف وربي يهلك ان شاء الله

[karim_staifi]

لالا خويا عندي المعريفة كي قالولي بلي راهم وجدوهالي رحت جبتها باش ما يجيونيش للدار
و حطوني في 22 مارس
واش تقول خويا نروح في الوقت او قبل و شكرااا

[karim_staifi]

يعني مانيش متطوع

[fateh090]

اخواني لي فوت السطاج في بجاية ص ض أ يفيدنا كيفاش جوزو باش نعرفو كيفاش نسيرو مع العلم راني رايح يوم 22 مارس ان شاء الله و بارك الله فيكم

[minou dz]

السلام عليكم شوف خويا لعزيز انا دخلت لبجاية و بقيت تما مدة طويلة باه ديت الاعفاء انت شوف لوردابال تاعك ادا لقيت فيها كلمة متطوع راه يروحلك الحق في الفائض وادا ماكانش كلمة متطوع وعندك ملف طبي مليح ازدم وماتخافش وربي يسهلك خويا

[minou dz]

اي استفسار فانا هنا لمساعدتكم اخواني

واش خويا ان شاء الله تكون مليح عولنا نتلاقاو في المدرسة وراك شفت الحالة كفاه كانت المهم ان شاء الله تكون بخير

[amine-rooy]

لالا خويا عندي المعريفة كي قالولي بلي راهم وجدوهالي رحت جبتها باش ما يجيونيش للدار
و حطوني في 22 مارس
واش تقول خويا نروح في الوقت او قبل و شكرااا

ادا كنت ماشي متطوع مليح توكل على ربي وروح قبل 29 فالشهر لكن تاكد من الاستدعاء لاكان كاتبيلك متطوع لانو متطوع يروحلو الحق فالفائض

[amine-rooy]

اخواني لي فوت السطاج في بجاية ص ض أ يفيدنا كيفاش جوزو باش نعرفو كيفاش نسيرو مع العلم راني رايح يوم 22 مارس ان شاء الله و بارك الله فيكم

يا اخي عادي اتوكل على ربي وان شاء الله خير عندك 6 اشهر تم تدريب وقرايا على السلاح اي استفسار انا هنا

[عبد السلام Dz]

السلام عليكم ورحمة الله
بارك الله فيك اخي امين وفي جميع من نصح وافاد
بالامس رحت لمقر الدرك عندنا بالرغاية وجبت لوردابال الى بجاية يوم 15 راني معول نروح متأخر شوي بسبب بعض المشاغل
استفساري الاول هل الذهاب متاخرا مثلا يوم24 فيه مشكل و متى يجب التواجد امام مدخل الثكنة اي ساعة اقصد ؟
هل يمكن تادية الصلوات في مصلى الثكنة خلال الايام الاولى او لا ؟؟
بخصوص الهاتف ماكنتش راح نديه معايا مي راني نشوف بلي مسموح كيما راهم يقولو الخاوة!!

كاين واحد صاحبي خرج فائض في سبتمبر الماضي قالي غير وجد شورت لانو راح يعروك ثما هههههه

وربي يجزيكم بالخير

[amine-rooy]

السلام عليكم ورحمة الله
بارك الله فيك اخي امين وفي جميع من نصح وافاد
بالامس رحت لمقر الدرك عندنا بالرغاية وجبت لوردابال الى بجاية يوم 15 راني معول نروح متأخر شوي بسبب بعض المشاغل
استفساري الاول هل الذهاب متاخرا مثلا يوم24 فيه مشكل و متى يجب التواجد امام مدخل الثكنة اي ساعة اقصد ؟
هل يمكن تادية الصلوات في مصلى الثكنة خلال الايام الاولى او لا ؟؟
بخصوص الهاتف ماكنتش راح نديه معايا مي راني نشوف بلي مسموح كيما راهم يقولو الخاوة!!

كاين واحد صاحبي خرج فائض في سبتمبر الماضي قالي غير وجد شورت لانو راح يعروك ثما هههههه

وربي يجزيكم بالخير

اخي الكريم ماكان حتا مشكل لانو الثكنة تقفل ما بين 29 و 30 فالشهر انا دخلت يوم 29 الصباح تفتح على الساعة 8 صباحا اتوكل على ربي وفيها خير ان شاء الله الهاتف بنحوهولك بالصح يرجعوه من بعد عادي الصلاة تصلي لكن ليس فالمصلى ماشفتش انا مصلى تم والله اعلم الطبيب عادي تدخل يقلبك بالشورط ما تقلقش وربي يوفقك ان شاء الله

[عبد السلام Dz]

يعطيك الصحة خويا امين ان شاء الله يوم 24 ساكون في بجاية
وربي يوفق كل من هو مقبل على الخدمة ونرجعوا لبيوتنا بالصحة والعافية

[amine-rooy]

ربي يفقكم اخي

[karim_staifi]

اخي ماذا بالنسبة للملف الطبي الخاص بالعيينين

[fateh090]

انا تان راني رايح لبجاية يوم 24 بعد الكلاسيكو طبعا ان شاء الله يكون فيها خير

[amine-rooy]

اخي ماذا بالنسبة للملف الطبي الخاص بالعيينين

توكل على ربي المهم الطبيب على قدو ان شاء الله فيها خير

[amine-rooy]

انا تان راني رايح لبجاية يوم 24 بعد الكلاسيكو طبعا ان شاء الله يكون فيها خير

ربي يوفقك اخي

[khaledjsk]

لدي استدعاء يوم 15-03-2014 هل استطيع الدهاب يوم 22-03-2014 المدرسة التطبقية بجاية

[karim_staifi]

و انا معاك الاخ فااتح

[khaledjsk]

من اين انت يا فاتح

[papatika]

ياأخوتي على حسب الأخبار فيما يخص المدرسة التطبيقية للهندسة بجاية أن عدد الملتحقين لحد الان مايقارب عن 185 مجند وراهم ينحولهم البورتابل ودلك حسب مصدر من أحد أصدقاء صديقي لي راه يفوت العام لي بقاله من الخدمة الوطنية لتما وربي يسهل نشالله

[fateh090]

انا من البليدة

[karim_staifi]

اخواني
كيف نصل اليه اي حافلة توصل الى الثكنة و شكراا
انا من سطيف

[kheiredin]

السلام عليكم خاوتي
انا من العاصمة و قريب ليا القطار
و لكنه يصل لبجاية الساعة 7 مساءا
و ربما اصل للثكنة على الساعة 8 مساءا
هل يمكنني الدخول تلك الساعة ؟ ام استقل الحافلة مباشرة ؟

[عبد السلام Dz]

السلام عليكم خاوتي

هل يمكنني الدخول تلك الساعة ؟ ام استقل الحافلة مباشرة ؟

اظن ان الافضل التواجد قبل الساعة الرابعة مساء

[عبد السلام Dz]

عندي استفسار للاخوة بخصوص موقع المدرسة

هل تتواجد امام مدرسة الجبيرة من جهة البحر و في جنوبها جامعة عبد الرحمان ميرة على بعد حوالي 400 او 500 متر
وعن اليسار المطار على حسب ما يظهر لي في غوغل

[khaledjsk]

انا من البويرة لدي استدعاء يوم 15-03-2014 هل يمكن الدهاب يوم 22-03-2014 ورهم صحاب البويرة

[kasoft2008]

عدد الأفراد بالمدرسة الأن هو 492 بين سارجون و اسبيرون ، هدوين هاتفني صديقي وأخبرني بذلك ،،

[karim_staifi]

عدد الأفراد بالمدرسة الأن هو 492 بين سارجون و اسبيرون ، هدوين هاتفني صديقي وأخبرني بذلك ،،

و هل الهاتف مسموح اخي

[net87]

كاش جديد على المدرسة العليا للاشارة القليعة؟؟

[صالح القسنطيني]

اخواني لي فوت السطاج في بجاية ص ض أ يفيدنا كيفاش جوزو باش نعرفو كيفاش نسيرو مع العلم راني رايح يوم 22 مارس ان شاء الله و بارك الله فيكم

ههههههههههههههههه ضباط صف في بجاية عايششين عيشة الأنانيش هههههههههههه

[صالح القسنطيني]

اخواني
كيف نصل اليه اي حافلة توصل الى الثكنة و شكراا
انا من سطيف

من سطيف تركب في حافلات صغيرة تاع بجاية

و تنزل مقابل المدرسة مباشرة

اي يفصل بينك و بين المدرسة سوى طريق

[صالح القسنطيني]

عندي استفسار للاخوة بخصوص موقع المدرسة

هل تتواجد امام مدرسة الجبيرة من جهة البحر و في جنوبها جامعة عبد الرحمان ميرة على بعد حوالي 400 او 500 متر
وعن اليسار المطار على حسب ما يظهر لي في غوغل

لالا المطار يقابلها و ليس مباشرة لانه بعيدا عنها و ترى المطار من وسط المدرسة من طريق المطعم لأنه عالي

و نعم جامعة عبد الرحمن ميرة هي التي بجنبها و تبعد عنها حولي 500 متر

المدرسة سهلة جدا هي مع الطريق مباشرة

[fateh090]

و التلفون نحاوهولهم اعطونا شوية اخبار الله يخليكم

[karim_staifi]

بارك الله فيك اخ صالح

[عبد السلام Dz]

بارك الله فيك خويا صالح

[1matador1]

يا جماعة انا من دفعت 30d عقبت العسكر فيها في سبتمبر 2010 مدرسة جيدة جدا من حيث النظافة فالماء يوجد 24/24 اما من حيت التدريب لايوجد ارهاق كبير بالنسبة لبافي المدارس الجزائرية ..التدريب الليلي ساعات فقط ماش ديما .. لي جاب دوسي ميديكال وراح مع الاواخر يبعتوه معفي .......الماكلة 00....... المستاسيون اغلبها الصحراء وانا واحد من الناس بعتوني تمنرست

[Haiki]

السلام عليكم
ماهو موعد انطلاق اول حافلة صباحا من محطة خروبة العاصمة نحو بجاية ؟ وكم تدوم الرحلة ؟
وهل هناك رحلات بالقطار من محطة الاغا ؟ وموعد اول رحلة صباحا ان وجدت ؟
بارك الله فيكم

[صالح القسنطيني]

انصحك اخي بالذهاب في الحافلة افضل و القطار لست ادري هل ويجد ام لا و لكنه جميع القطارات تستغرق وقتا طويلا

يوم تم تحويلي من بجاية الى الغرب

ثم نقلنا في القطار

كربنا و نبت الشعر في رؤوسنا

[bigarchi]

اريد ان اسال ما هي افضل طريقة للوصول الى الثكنة علما اني من مدينة عنابة هل ادهب الى سطيف اولا ؟؟؟
وبارك الله فيكم .

[karim_staifi]

مبروك للحميع
مبروك خويا فاتح و خاوتنا كامل
و ناس المربع 8 خاصة

[fateh090]

يعطيك الصحة خويا السطايفي مبروك علينا جميعا الحمد لله و خاصة المربع العاشر هههه والله جازت ايام صعبة و حلوة

[karim_staifi]

صاعقة صاعقة
جيش جزائري وطني شعبي
خاصة خاصة خاصة شعار
قوة فتوة حرقة نار
نار لهيبة حرقة همة
همة عزيمة شرسة اسود
اسود خضر شرسة
نسور خضر كاسرة
نار نار استقلال
انظر يمينك انظر شمالك
تلقى رجال الصاعقة امام
الجو لنا البر لنا ولنا البحار
خاصة خاصة خاصة شعار
صاعقة قالت قالت ايه
هيا شباب في الجبال و الوديان
والبراري والصحاري نقتل
نذبح و نشرب الدماء
خاصة خاصة خاصة شعار
جو بر بحر
يحكي عنا
انا ايه
انا جيشا جيشا ايه
جيش عربي عربي ايه
عربي مسلم مسلم ايه
مسلم جزائري جزائري ايه
جزائري مظلة مظلو ايه
مظلة صاعقة
صاعقة صاعقة
طلبة طلبة نحن الغلبة
طلاب اليوم ضباط الغد

[karim_staifi]

ايام صعبة و جميلة