ممكن تساعدوني في سلطة الفواكه عاجججل [الأرشيف] - منتديات الجلفة لكل الجزائريين و العرب

مشاهدة النسخة كاملة : ممكن تساعدوني في سلطة الفواكه عاجججل

maissa54

2014-02-20, 08:03

السلام عليكم اخوتي جايني اليوم ضياف حابة ندير سلطة الفواكة شكون عندها وصفة مليحة كاين واحد الوصفة مي ماشفيتش عليها مليح تحطي الما والسكر يغليو مليح وتحطيهم في بوغتمونجي ما شفيتش عالخطوات مليح مقدار السكر والماء تعيشو الي يعرف هذه الطريقة ولا طريقة اخري يفيدني عندي موز كيوي تفاح وبرتقال سلام

*أم كوثر*

2014-02-20, 12:10

وعليكم السلام
اختي الكريمة طريقتي البسيطة
بما اننا في فصل البرتقال حضري عصير برتقال عادي وضعيه جانبا
وقطعي كل الفواكه لي عندكقطع صغير وضيفيلها قطرات قارص وحركي وضيفيلهها عصير البرتقال حتى تتغطى وذوقي ادا محتاجة سكر ضيفيلها
ومن الاحسن ديريها ساعة او2 قبل التقديم تتشرب كل الفواكه وتمد طعم وبصحتكم

الرفيقْ

2014-02-20, 15:05

و الله يل أختي أنا جربتها حطي الفواكه ألي عندك و خلطيها مع ياغورت ذزيرية أو يتباع في الأسواق تاعنا فيه ذوق المكسرات و ماء الزهر و الزبيب و الله هايل و حتى الديكور يبقى عليك ياربي بحبات فراولة بصح و الله تجيك بنينة .

touta2010

2014-02-20, 15:52

هدي طريقتي المعتمدة عليها دائما
قطعي كا ما عندك من فواكه الى قطع صغيرة ما عدا الموز الانه يتغير لونه
ضعي الفواكه المقطعة في صحن غميق وضفي ماء الزهر والسكر وغطيها وخليها في الثلاجة حتى وقت التقديم ضفي الموز المقطع وخلطي الكل وضعيها في كؤوس التقديم وزينيها بياوورت من الفوق خاصة دوق الفراز مممممممممممممممممممممممممم