مساعد ة لتأثيث بيت جديد

[sofinour]

السلام عليكم
حبيت اطلب مساعدتكم خاصة اني شفت كثير خبيرات بالديكور المنزلي لذا وددت ان تفيدوني ولوقليلا
المهم، انه بيتي يتكون من صالة وثلاث غرف ومطبخ واحترت في تأثثيثه لان الغرف صغيرة وحتى الصالة شكلها منحني وماعندي اي فكرة عن الاثاث الدارج هالايام لان ماكنت شارية اي شي ماعدا الاشياء الضرورية مثل الافرشة والثلاجة والغسالة والتلفزيون والفرن ... تقريبا لكني اليوم بحاجة لشراء الاثاث وكثير اشياء تخص الصالة والمطبخ وغرفة الاطفال
وليست لي اي فكرة عن الديكور او كيفية التنسيق بين الالوان ،اريد ايضا تغيير الارضية لونها ابيض وماشي عاجبني خاصة انه اولادي صغار وضيافي كثار ياريت فكرة عن Dalle de sol الدارج
وشكرا لكم

[salima14]

السلام ليكم أختي نحاول نسادك باللي نقدر
أختي صراحة إذاكنت حابة تبدلي الأرضية ماتزربيش تشري لقش حتى تبدلي
الأرض وعندك لحق لأبيض وساخ لازم لون شوي فونسي ومش أملس رح يتعبك
حتى هو يبان فيه لوسخ بزاف

والأثاث عندي تبداي بالصالة هي لولة إذا كانت كبيرة ديري نص عرب
ونص فرونسي وإذا كان صغير ودار ضياف دييه عرب خير وباش تكسبي
لمساحة علقي لاتيلي فالحيط وبلاما تديري مابل ماعندو حتى فايدة يحكم لبلاص
برك

والديكور نقترح عليك لأسود والفضي
مطارح بالأسود والفضي ولي ريدو كيف كيف وتابي
وطوابل باس نوار يجي تحفة وليستر وفاز آرجونتي
نتمنى تعجبك الفكرة و هاذ الشي أذواق نتي شوفي

[جيجلية]

وعليكم السلام ورحمة الله وبركاته

ربي يبارك في المنزل الجديد وتعميروه بطاعة الله

بالنسبة اللارضية والله يا اختي كاين بزاف انواع تاع البلاط فالسوف تحيري واش تخيري انا للاسف ما عنديش خبرة فيهم

داري درتها ب المونوكوش الكبير بصح ما عجبنيش لادال دوصول خير

والاثاث ان شاء الله كتخدمي الارضية صورينا الصالون ونساعدوك

بالتوفيق

[linouwasoleil]

اختي لازم تبداي بالارضية قبل القش لانو من بعد فيه تعب وشقا اخنا النسا نحبوا الشقا تقوليلي معليش بصح وثاني اهم حاجة انوالراضية راح تتحكم في الديكور ولون الدهان يعني اذا درتي لون مارون اسبغي باج اكريو كرام ابيض وثاني البلاط يساهم في الديكور اذا حبيتي الدار مودرن واخترتي الاسود الابيض والفضي كيما قالت الاخت سابقا اختاري فرش اسود قري وفضي واذا اخترتي الباج اوالكريم كلش يخرج معاهم ختى لو درتي الفكنابيات خضورا قرونا ازرق دوري كلش يخرج
المهم اذا دارك صغيرة وعندك الضياف بزاف افضلك التقليدي صالون ماروكان مغربي لانو ما يشدش البلاصة ويرفد الناس خاصة في برتما وزيدي ميدة ومهاها ميدات صغار وديري ارجوتنري للماعن باش تشبح الصالة وممكن تستغناي عليها واذا حبيتي نحطلك صور الارجنتري
وخلي البيت معلوق للضياف مكلاه تلفاز فيها الا في حالة ماتكون هي غرفة جلوسكم معليش حطي تلفزة
الالوان اختاري اولا ومن بعد نقولولك كياف تنسقي يعني لازم يكون عندك الوان شفتيها من قبل وعجباتك على اساسها نقولولك كيفاش تنسقي بيناتهم باش تديري الكنابيات الزربية والريدو والكاش ريدو اذا حبيتي

[linouwasoleil]

البلاط ما نقدرش نحطلك لاني صراحة مايش عارفة المودة الدراجة حاليا في الجزائر لازم تخرجي وتروحي تشوفي بعينك لانو اذا دراك ضيقة الافضل فاتح ومن غير ديكورات شارجي
الفاتح والسابل يزيد في المساحة والعكس االفيلات يديوا الشارجي لانو عندهم مساحة وانا ختى في الفيلا نفضل لون باهي وسامبل ومن رايي ادخلي لصور ارشيف المنتدى راهم حاطين صور بيوتهم خذي نطرة عن الالون والانواع

[linouwasoleil]

هاكي رابط الاخت mounia hseتلقاي الالوان باش تاخذي فكرة وشوفي لارض ثاني الرابط ما قدرتش نحطوا عدد مشاركاتي لا تسمح المهم ادخلي باسم الاخت تلقايهم وان شاء الله نكون افدتك
وانا عجبني هادوا74348

74349

74350

[Basketteuse]

السلام عليكم ،،انا تاني راني كيفك بصح تقريبا لقيتلها الحل ، حبيت نديرها مودارن ، كاين واحد لوجيسيال home design 3 d
رسمت فيه مخطط البيت بالقياسات وهذا سمحلي باه نخرج خزانات حائط، وبنيت طاولة اكل في الصالون بحجم البار و،،،،،،، وموبليت الدار نظريا هههههههه باه نعرف واش نقدر نحط في المساحة كيعاد الصالون والغرف صغاار بزاف ،،، والصبغة والارضيه تاني درتهم باه نشوف كيفاه تخرج ،،، والحمد لله
بالنسبة للصبغة كاين درك سبغات ملاح كيما satinè ، فيها الوان عصرية جدا كيما الموتارد وفار بيستاش والغوز وتتغسل تاني
من جهة الموبل ننصحك ماتكثريش ،مثلا ممكن تعملي des etagere murales ، يتعلقو في الحيط مثلا في الصالون تحطي فيهم كتابات ، وفي الكوزينة تحطي البايط وما اكثرهم، وايضا تستعملي المساحات اللي فوق الباب في الحمام والمرحاض تحطي المنظفات
وممكن ايضا تستعملي الحيط ،في اماكن يكون سمكه كبيرdouble murette حفرت فيه اي نقصت قيس سمك تاع طوبة وراح نعملو ان شاء الله مكتبة ،،، وكاشما سؤال راني في الخدمة ،:mh92: