المساعد الشخصي الرقمي

مشاهدة النسخة كاملة : عندي عرضة عاونوني تعيشو

استبرق4
2014-02-19, 12:39
نهار السبت عندي عرضة فطور ومعرفتش وش ندير الطبق الرئيسي دبرو عليا
وراني باغية ندير حريرة وكوكا بالعجينة المورقة وسلاطة اوردافر فهل هدا يكفي مع الطبق الرئيسي اللي راح تقترحوه عليا ولا نزيد حوايج اخرين تعيشو دبرو عليا راني حايرة:sdf:
هادية 10
2014-02-19, 13:31
قليل بزاف اختي زيدي حاجة مثل دجاج محمر توجد وصفات عديدة في المنتدى و زيدي طاجين زيتون بالفلوفون
زوجة محمد
2014-02-19, 16:36
نتمنى كشما تدي فكرة
http://www.djelfa.info/vb/showthread.php?t=1529306
سمية المستغانمية
2014-02-19, 18:45
تقدري تزيدي ديري لوبيا خضرا مع لحم أو الدجاج المحمر .. أو بطاطا المقلية مع اللحوم

و كاين بزااااااااااف وصفااااااااااات ما شاء الله المنتدى راه باغي ينفجر

بالتوفيييق
mon poupon
2014-02-19, 19:26
شوفي أختي إذا قادرة و عندك زيدي و إذا الإمكانيات أو التعبانة انا نقولك الله يبارك

بالصح إذا تزيدي زيدي حاجة باللحم أو الدجاج أو الداند إذا الإمكانيات تسمح

شوفي كائن poulet rôti يجييييييي رووووووعه. و أحسن من نتاع البرة ديريه مع gratin dophinois
الدجاج نقيه مليح و اغسليه بالملح و الخل و الماء
شلليه و خليه يقطر
شدي مارقارين أو زبدة طيره و ادهنيه كامل بالزبدة ملحيه و ديري لو فلفل اسود
و ديريه في سنيوة فور و
شدي بطاطا قطعيهاا شرائح رقيقة و طي بيها في ماء 5 -7 دقائق قطريها
و ستفيها في سنيوة نتاع gratin و زيديلها 1كاس ماء و اصبع زبدة ملح فلفل اسود و كريم فراش علبة كامله
و دخليها للقرن مع الدجاج في نفس الوقت باش يطيبو مع بعض
اية الرحمن1988
2014-02-19, 20:21
السلام عليكم
أختي تقدري ديريلهم طبق رئيسي مكون من لحم مرحي ودجاج شطيطحة
يجي طبق مليح
ديري مرق ابيض بالدجاج عادي
واشري بيض السمان راه بيض يجي صغير من البيض العادي ومليح
وغليه في الماء ومباعد ديري التوابل للحم المرحي كيما مالفة وغطي كل حبة بيض باللحم المرحي وخليه يطيب مع المرق الابيض نتاع الدجاج راه ميديش وقت بزاف باش يطيب وكي يخلاص نجي الدجاج وحمريه بالزبدة في المقلاة باش يكون ذوق مليح ورده للمرق
واذا تحبي تزيدي زيتون زيدي
أم أسامة 07
2014-02-19, 20:42
بارك الله فيك يعطيك الصحة وكل واحد واش يقدر