مشكلة تؤرقني

[مشكلتي]

السلام عليكم
انا عندي مشكلتين :
جاء خطبني شاب وليد فاميلية و مربي و دو اخلاق حتى الوالد تاعي يعرفوا و بالزيادة انسان خدام ,,, بعد مدة من التفكير قبلت بيه و حتى والديا كانوا راضيين.
المشكل الاول : في الفترة اللي فكرت فيها فكرت فقط من الجوانب الايجابية فيه يعني انسان خلوق ويعرف الدين و متربي اخسن تربية و ماشفتش فالشكل تاعوا بصح الان بديت نتوسوس و نخمم فالشكل تاعوا لأنو هاد الشاب عندو زيادة فالوزن أي سمين و انا ايضا انسانة و نحب يكون زوجي شباب و عندو جسم رياضي و غير مترهل بالاضافة راني خايفة يكون مريض لأنو كيما تعرفو الزيادة فالوزن تجيب امرض كثيرة مثل السكر و القلب ؟؟؟

المشكل الثاني : خطيبي هادا ملي خطبنا ما عيطليش ولو مرة يسأل عليا مع انوا عندو النيميرو تاعي فقط فالعيد يبعتلي لي ميساج و كي يحب يسقسي عليا يعيك للوالد حتى اني نسيت صوتو,,, راني حاسة روحي كي شغل مانيش مخطوبة يعني المرأة قبل ما تتزوج لازم تحكي شوية مع خطيبها و لو مرة واحدة يسطرو الخطوط العريضة لحياتهم ولا واش رايكم ؟

[محمد جديدي التبسي]

شوفي للأخلاق فقط أختي
هذا يظهر إنسان متربي وحشام لأنو ما يتصلش بيك ويعرف قيمتك ويقدر سمعتك لذلك يحكي مع والدك
اللي يحكو بالتلفون واش جابو لأنفسهم غير وجع الراس والمشاكل
اما سمين ولا رقيق ما تهمكش بعد العقد انصحيه يدير رياضة
ربي يوفقكم

[ANA FOOR]

كيما قال الاخى هذا السيد يبان متربي

وكان على ان سمين تقدري تنصيح كشما يدير رياضة ينقص على روحو شوية وزن

[نورسين.داية]

السلام عليكم

إسمحيلي على سؤالي ....و أرجو أن تتقبليه لكن : علاش تقبلوا و من باعد الخطبة تبداو تخرجو في لي ديفو ......................؟؟؟

من البداية أنا آخد وقتي في التفكير ميش من باعد ......قصير طويل أحمر أو خضر ....أصفر .............ها و الله العظيم

أرجو ان تتقبل رأي عزيزتي .....لكن الإنسان يفكر في رأي و رؤية الجانب الآخر أيضا ......

[MaX32Dz]

اصلا الكلام أثناء الخطبة الكثير من العلماء لا يجيزه

[حسناء اليمامة]

كل انسان وكيفاه داير قلتي باباك يعرفو معناها هذا الانسان عفيف طاهر حاب يكمل كيما بدا وفيه خيرماتخافيش صح على الاقل يسال عليك بصح فترة وتكوني في دارو ويتهلى فيك اما عن الشكل راكي توسوس في روحك انتكلي على ربي .......... ربي ما فيه غير الخير

[oumyacine]

el khira fima ikhtar allah istakhiri wa incha allah lan youkhyib dhanaki amma soumna goulilou ydir regime bel mouzah hatta la yafhamha khataa

[فانيسا]

يا اختي واحد ماسيف عليك كنتي تاخدي وقت في التفكير وتشوفي لكل الجوانب اما الهدرة اكيد راهو حاشم كي تعقدو تهدرو نرمال وربي يكمل

[sali-sali]

السلام عليكم

كلنا نتمناو يكون فارس الاحلام ذو جسم رياضي رشيق ووسيم ... لكن يا اختي ما نقدروش نفصلو على حساب هوانا

و يكفي انو ذو دين و اخلاق و قصد الباب
اما عن الحديث في الهاتف راكي متهنية ... لانو يجيب المشاكل

ربي يهنيك اختي

[bonbon]

سلام اختي

بالنسبة للحديث عبر الهاتف ماهوش مشكل

المشكل لو كان ما يسقسيش عليك خلاص لكن هو يسأل الوالد عنك و هذا يكفي بالعكس يزيد يكبر في عين الوالد تاعك

اما مشكل الشكل و الوزن راني فاهمتك اختي لان كل بنت فينا تحلم بمواصفات معينة لزوجها و هذا الشيء من حقها لاننا رانا نشوفو في الرجال كيفاش يشرطوا على خطيباتهم للي تعاني من السمنة يقولولها لازم تديري ريجيم و للي نحيفة يقولولها لازم تاكلي مليح ...... الخ

السمنة موش مليحة ليس فقط من حيث الشكل و لكن للمشاكل الصحية للي ممكن تسببها

لكن كيف ستتكلمين معه في هذا الموضوع و هو لا يتصل بك؟ و انت اصلا ما تعرفيش واش راح تكون ردة فعله لو جبدتيلو عليه؟



تعرفي ختي؟ التربية و الدين هوما الصح و ان شاءالله بعد الزواج راكي تعاونيه في ان يخفف وزنه من اجل صحته اولا و من اجلك انت ثانيا

و ما تقلقيش روحك و تقعدي تخممي لأنه ماكانش شخص كامل و قولي الحمدلله ان المشكل للي راكي تشوفي فيه في شكله و ليس في عقله

ربي يسهلك امورك

[عبد الرحيم]

شوفي للأخلاق فقط أختي
هذا يظهر إنسان متربي وحشام لأنو ما يتصلش بيك ويعرف قيمتك ويقدر سمعتك لذلك يحكي مع والدك
اللي يحكو بالتلفون واش جابو لأنفسهم غير وجع الراس والمشاكل
اما سمين ولا رقيق ما تهمكش بعد العقد انصحيه يدير رياضة
ربي يوفقكم

أؤيد هذا الرأي

بارك الله فيك

[yousra14]

خطيبك يرى فيك الجوهرة المصون التي يحافظ عليها إلى أن تصبحي زوجته على سنة الله ورسوله .فلا تفسدي عليك هذه النظرة بالمكالمات التخريبيّة التي لن تريك حقيقته ولو تكلمتما آلاف السنين ...
فلن تعرفيه إلاّ بعد الزواج وهذه خذيها نصيحة منيّ .
بالنسبة لمشكل السمنة إطلبي من أحد اخوتك أن يلمّح له بدذلك وبدون تجريح وإنني جدّ متأكّة أنّه سيفهم وينقص من وزنه .
شيئ آخر لابدّ من السؤال على حاته الصحيّة قبل الزواج فلربّما فيه مرض معيّن حتى تفكّري ولا يغرّر بك وتكونين على درياية
وتختارخين الذي يناسبك وتقبلين عن قناعة .
وفقك الله لما فيه الخير وللجميع

[ryma221]

خطيبك يرى فيك الجوهرة المصون التي يحافظ عليها إلى أن تصبحي زوجته على سنة الله ورسوله .فلا تفسدي عليك هذه النظرة بالمكالمات التخريبيّة التي لن تريك حقيقته ولو تكلمتما آلاف السنين ...
فلن تعرفيه إلاّ بعد الزواج وهذه خذيها نصيحة منيّ .
بالنسبة لمشكل السمنة إطلبي من أحد اخوتك أن يلمّح له بدذلك وذون تجريح وإنني جدّ متأكّة أنّه سيفهم وينقص من وزنه .
شيئ آخر لابدّ من السؤال على حاته الصحيّة قبل الزواج فلربّما في مرض معيّن حتى تفكّري ولا يغرّر بك وتكونين على درياية
وتختارخين الذي يناسبك وتقبلين عن قناعة .
وفقك الله لما فيه الخير وللجميع


و الله كلامك درر الكلام الكثير في الهاتف يجلب المشاكل

[نور الرحمان 94]

السلام عليكم
احمدي ربي يا أختي على النعمة اللي عطاهالك المهم في الراجل ان يكون ذو خلق و دين و يكون خدام و يخاف ربي فيك و ديري في بالك الكمال لله أي واحدة تحب تلقى فارس الاحلام كيما راسماتو في بالها بالصح ماكاش منها تلقى كلش كيما حبت هي و على هكا راهو الشيطان قاعد يوسوس فيك على الشكل حتى يفسد عليك انتي استعيذي بالله و حاولي تناقشي معاه هذا الموضوع بعد الزواج ان شاء الله بلباقة و فطنة اما عن المكالمات الهاتفية متقلقيش روحك و تبقي تقارني مع ناس اخرين كل واحد وش كتبلو ربي ممكن راهو يحشم باش يكلمك و انتي لو كان تفكري مليح تلقي راهو صح وليد فاميلية و مربي و ذو اخلاق يحبك و يقدرك و داير ربي في بالو على خاطر راكي مازلت أجنبية عليه و راهو يقدر باباك ربي يهنيك معاه سلام

[سلسبيل حياة]

يا اختي الصح في الدين و الاخلاق اما الشكل ما يهمش وبالنسبة للهاتف راه سبب االمشاكل بين المخطوبين هكدا خير راكي متهنية

[أبو الياس الجزائري]

تبعي المسلسلات التركية ، و الا المكسيكية ، تنسايه

[ابوبكر17.00]

السلام عليكم و رحمة الله و بركاته :
في نظري
هذا هو الرجل الشهم (الفحل) و من واجبك أن تفتخري و تعتزي به
كل شيئ يتبنى على الصّح و زيدي أنا أظن أن والدك عقله أرجح من عقلك
و منين ولدت يمّاك بيك لا بد كان فرحان و لحد الساعة أظنه يحبك و يحبلك الخير
لو كان يرى بأنّ هذا الشخص لا يصلح لما قبل به
أمّا عن تسطير الأمور هناك جلسة شرعها الله للمخطوبين تسمى
الرؤية الشرعية : ديروا رؤية شرعية بوجود محرم و تفاهموا على كل شيئ
راكي في مكان أختي : و الله ما نحبلك الحوايج الخايبة أخطيك من الهاتف
و هذا مجرّد وساوس حاب الشيطان يقذفها في قلبك
كان الله في عونك
سلام

[فارس وجواد]

عجيب أمر بعض الفتياة تحلم بتقدم خطيب لها و تقل شرطي الوحيد في الرجل هو الدين و الاخلاق و لكن للأسف.........
لما يتقدم لها شاب متدين و متخلق تبدأ باظهار سلبياته الخلقية .
أختي لابد ان تكون لديك قناعة في نفسك ....... ماذا تريدين بالضبط.
رجل متدين و متخلق و لا يهم الشكل او ...........
رجل وسيم و لا خلق و لا دين له .
هكذا حتى لا تقعي في حيرة.

[oumhana]

نهبل كنسمع بعد ما خطبني شفت العيب الفلاني و الفلتاني وين كانو عينيك . وزيد مركيش رايحة تعلقيه في كادر ولا حبيتي الزين هاو ليك مهند ورباعتو بصح السعاده ؟؟؟؟؟ مشكيتش .المهم كما قالو لقبلي من بعد قوليلو يدير الرياضة وهذا إنسان فاهم و متربي خاطر ميعيطلكش و يعيط لباباك . تصوري برك حاجة يعيطلك و نهار كامل تلفونك يرن متقدري تخدمي و مديري والو غير التلفون رانا شفناهم

[faty05]

ما تقلقيش روحك عادي يا اختي
هذا باين وليد اصل و متربي
كيعاد يعرف الواجب و يتفكرك في المناسبات و يسال عليك ما تخافيش
و زيد كي يقرب العرس ان شاء الله يولي كل يوم يعيطلك
عندو الحق خاصة اذا العرس مازال
هكا تتجنبو المشاكل و مداخل الشيطان
الله يسهل

[الجليس الصلح]

في الأول قدمتيه لنا انها انسان متخلق وفيه صفات جمبلة وحتى الوالدين رضوا به لكنك ذكرت ان الوسواس اخذك في تغيير رأيك فيه لأسباب واهية كالوزن مثلا فهذا الأخير سيختفي مع الزواج اذا عرفت كيف تقنعيه بممارسة الرياضة اما بخصوص المكالمات فربما يستحي من ذلك الأمر واصلا هي عادة تجلب المشاكل بين الخطيبين وهي بالطبع حرام حسب رأي العلماء