من الخائن

[مشكلتي]

السلام عليكم اما بعد انا تعلقت بواحد وكنا راح نتخطبو من بعد رجعت نلقاه يحكي فليل بزااف اون اتونت المهم مرت الايام السيد تبدل بزاف يعني كي نحاسبو وين كنت مع من كنت يقولي تبدلتي رجعتي توجعيلي راسي نورمالمو اطلعيلي المورال :mad: انا ماحبيتش بزاااف المهم قولت لصاحبتي هاكي النيميرو ديالو عيطيلو وسيه عيطت قاتلو انت هو فلان مادتلو اسم واحد اخر قالها لالا واقطع موراها بخمس دقايق عاوادلها وبدا يحكي معاها :confused: قالها وسمك وين تسكني .... المهم صحبتي حكاتلي بتفصيل انا رجعت مانديرش لمان فيه نهائيا جازت ليام حكيت معاه قوتلو اجيني تخطبني قالي حتى نشوفك للعلم شافني مرة عندها 3شهور من بعد رفضت قالي مانقدرش ندي وحدة ماخرجتش معاها مانعرفها مليح واش تحب واش تكره انا بقيت حايرة في نفس الوقت تشبتت بلموقف ديالي وهو كدالك مرت الايام انا لقيت روحي نديع فليام معاه قوتلو خطبني وليد خالتي وراحا نتزوج في هادا مارس انا كدبت عليه قالي ربي يهنيك ارجع يعيط لصاحبتي ويقولها نتلاقاو ادا عجبتيني نخطبك كوني وفية برك وماحكاتليش صحبتي حتى عيطلي هو وقالي انا انفجعت المهم عييتلكم رسانكم جاوبوني شكون خاين هو ولا انا وادا مافهمتوش حاجة راحة ندير تعقيب راني هنا24ساعة باااي

[طالبة علم شرعي]

السلام عليكم
لا حول ولا قوة الا بالله
راكي غراااف راه فيك مرض خطير يا مخلوقة
وهو تصديق الدئاب
اسمعي يرحمك الله كل ما قلته تفاهة في تفاهة وحرام في حرام
اسمعي
اول خطا انك تعلقت بيه وتكلمت معه هدا حرام انت مسلمة اليس لك دراية بلا تواعدوهم سرا
يا اختي الا تخافين من الموت الا يؤنبك ضميرك ابدا
مادا لو توفيت كيف تلقين خالقك الا تفكرين في هاته الامور الله المستعان
ومن انت لتساليه اين كان ومع من هل انت زوجته ام مادا
لم تبيعون عفافكم وطهركم للدئاب بثمن بخس لمادا يا اختي
كلاكما خائن فقد خنت والديك وخنت الامانة يا اختي خنتها
ما دنب من سيتزوج بك انت خنتيه من الان
وزيادة على هدا ضيعت معك صديقتك ايضا وادخلتها معك
يا اختي اسمعي توبي الى الله توبة نصوح واكثري من الصيام عل وعسى يغفر لك دنبك
وان تقدم لخطبتك شاب صالح تزوجيه وانسي هدا التافه
بسبب هاته العلاقات الغير شرعية راه عدة شباب قاعدين بدون زواج راكم تبيعوا انفسكم للصعاليك وتحرمون الصالح من الزوجة العفيفة والاعظم من هدا تاتين هنا وبكل برودة تروين القصة وتجاهرين بالمعصية
لا تحكي هاته القصة مجددا وضعيها في طي النسيان وابدئي من جديد
واكثري من الاستغفار والله المستعان
ويا ريث تطلبي من المشرف يحدف الموضوع لكي لا تشتهر قصتك والله المستعان
هداني الله واياك
سلااام

[amine9mm]

غفر الله لنا ولكما

[محمد جديدي التبسي]

هو خائن وأنت ساذجة
كوني أوعي وابتعدي عن العلاقات وحذاري من الكذب
اللي يبغيك يجي يخطبك مش تحكي معاه بالهاتف وتتعارفوا
مكانش منها هاذي
تعلمي دينك أختي والتزمي ولا تصدقي رجل يكلمك في الهاتف أو الانترنت ولم يأت لبيتك

[ryma221]

كملي حياتك بعيدا عن الاحلام و فكري في مستقبلك و انو اللي خلق ما يضيع

[ميمي سمية]

في زوج خائنين لامانة ربي ......

[samira135]

بففففففففففف ومزلتي تسقسي من الخائن !!!!!

ولي حيرتني اكثر انك طلبتي منو يتقدملك بعد ما عرفتي انو يهدر مع البنات !! يعني لو تقدملك راح توافقي ؟؟

يا بنتي فوقي لعمرك و انهي علاقتك بيه

[سمية المستغانمية]

لا تنصتي إلــية و قيسيييه في الثقيييل و ابتعدي عن العلاقــاااات المحرمه و اقتربي من ربكــ
و تشبثي فيه ... و خليك من الحكاياات نتع الكذب و الخرطي

هذا السيد يبــان نتع تضياااع الوقت

الله يهدينـــــا

[سامية كريم]

يا أختي راح يلعب فقط انا تاني صرالي كيفك درك راه متزوج ويحمص في ويزكر في بمرتو مي كاين ربي والله غير نخرج فيه بنيتي كما تدين تدان والدنيا لادالات وراح يجيه بنات ويحس واش كان داي حسبي الله ونعم الوكيل

[ABDOU ELE]

كلاكما خــــــــــــــائن...........كوني صريحة.......اقمت علاقة غير شرعية و بالتالي خنت والديك و اسرتك و خنت زوجك المستقبلي و قبل ذلك عصيت الله.........و هو خان تربت باباه و خان زوجتو المستقبلية و عصى ربي و ضحك عليك مثلما ضحكت على صديقتك و ادخلتيها في مجال العلاقات و تتحملين الوزر.....................توبي الى الله و اوقفي العلاقة و خافي ربي و انصحي صديقتك ..............ري يهديك.

[نارينا]

وانت وش غاضك فالحكاية غير شكون خاين هذا برك ,,,,,,,ربي يهديكم البنات تديرو علاقات مش شرعية ومع رجال يقولولكم رانا خلاطين وبزيادة تحللوهم بش يدوكم الدنيا ماتوقفش عند واحد الله لا يرده وربي يعوضك ما خير منو برك حاولي توبي لربي وهو بفتح عليك

[طالبة علم شرعي]

يا أختي راح يلعب فقط انا تاني صرالي كيفك درك راه متزوج ويحمص في ويزكر في بمرتو مي كاين ربي والله غير نخرج فيه بنيتي كما تدين تدان والدنيا لادالات وراح يجيه بنات ويحس واش كان داي حسبي الله ونعم الوكيل
السلام عليكم ورحمة الله وبركاته
لقد حدث ما حدث لك واكيد انت تبت لله اليس كدلك اختي والله غفور رحيم يستر عباده الصالحين فلا تجاهري بالمعصية اختي

لان اللمجاهرة بالمعصية اعظم من ارتكاب الدنب



ففي الصحيحين من حديث أبي هريرة ـ رضي الله عنه ـ أن النبي صلى الله عليه وسلم قال: كل أمتي معافى إلا المجاهرين، وإن من المجاهرة أن يعمل الرجل بالليل عملاً، ثم يصبح وقد ستره الله عليه فيقول: يا فلان عملت البارحة كذا كذا، وقد بات يستره ربه ويصبح يكشف ستر الله عنه.

وفقك الله اختي
سلااام

[مريم العدراء]

كلاكما خائن لله عزوجل

[عبد الرحيم]

من الخائن !

لا أكاد أصدق ما أراه أحيانا في هذا القسم

هل حقا التبس علينا الحلال والحرام إلى هذه الدرجة

يعني علاقتك بهذا الشاب وما تقومين به معه حلال طيب

فقط هناك من خان هذه العلاقة الطيبة الشريفة

وأنت لا تعلمين أنت الخائنة أم هو ؟؟؟

[tata ben ahmed]

لا حول ولا قوة الا بالله العلي العظيم

[أندلس]

العلاقة من البداية خطأ فتوبي إلى الله أختي فمن أراد شيئا قبل أوانه عوقب بحرمانه و مادام لا توجد علاقة شرعية بينكما فلا تتوقعي إلا الألم و السهر و الشك و البكاء ...

[نوال لطيفة]

صباح الخير اختي راكي تضحكي على روحك هذا باين بلي باغي يضيعة في وقتوا انا كنت مع واحد 11 سنة راح وخلاني وقالي مكتوب ربي

[دروب التابعين]

الذيب بريئ براءة الذئب من دم يوسف
ختي هذا ماهوش ذيب
هذا راه عفريت كبير
كون باغي صح يتزوج مايقلكش اصلا اذا مادرتش علاقة مانتزوجش
هذا ولد طائش
ونتي تبعتيه
بعدي عليه
وقطعيه واقطعي تيليفون والنات وشوفي اذا كان صحححححححح متعلق بيك يحس روحو ضايع ويولي وحدو يحوس عليك من باب داركم واذا العكس يبدلك بسرعه
البنت التي تسهل على الولد الامور وتحكي معاه ومتزيروش يزيد يستهبل ومايوليش جاد
اخطيك منو ماهداهش ربي
ونتيا متزيديش تثيقي فحتى واحد من غير ربي نكاش حبيب لانو ربي قلنا بلي العباد بالفطرة يغلطو وهو لي يغفر
وهو لي يدخل الجنة وللنار كيما يشاء
اذن اختي اخطءتي وجنيتي ثمارا مرة وعانيتي المرارة
بعدي عليه بكل قوة
صدقيني يبدا الضمير تاعه يءنب فيه ويقول كون غير مالعبتش بيها
كون غير مافرطتش فيها
انا سبة روحي
خليك منو وربي يجيبلك واحد صالح يجي يخطبك من عند باباك

[فـرح]

نقولك حاجة واحدة منزيدش عليها "أخطيك من السوق هادا"

[nadal3omr]

ربي يصلح الحال ان شاء الله هي العلاقة من أولها خيانة في خيانة و الله المستعان

[faty05]

يا الهي
ارمي علا روحك هذا حثالة كبير كان يلعب بيك
تهنيتي منه ,,,, انصحي صديقتك تبدل الشريحة
اختي نصيحة لوجه الله اتقي مولاك و بالاكي ترجعيلو و توبي و اصبري ربي يرزقك بالزوج الصالح

[فانيسا]

يا اختي المهم اخطيك منو وشوفي حياتك واهتمي بنفسك وادعي ربي يعوضك براجل صح ويغفرلك وهو متزيديش تخممي فيه

[قَاسِمٌ.قَاسِم]

السلام عليكم ورحمة الله وبركاته،..
يا اختي الكريمة المباركة
إن كانت قصتك حقيقية (الكثير من القصص في هذا القسم غير صحيحة والله أعلم) اقول لك

كل ما فعلته غير جائز
لأنك خنت ربّك بالحديث مع الأجنبي والذهاب لرؤيته ومحادثته ليلا..
وخنت والديك الكريمين وأسرتك ككل
..
إذا كان هذا الشخص خطبك خطبة شرعية(الخطبة وليس العقد الشرعي) لا يحق له أن يحدّثك او يلاقيك
فالخطبة مجرد وعد بالزاج لا يترتب عليه أيّ أثر
فما بالك وهو وعدك بالخطبة التي هي وعد في حدّ ذاتها

احمدي الله أنك لم تقعي في الفاحشة
وتوبي إلى الله وتجنبي الكلام في الهاتف إلا مع محارمك ومن تثقين فيهن من صالحات

والله الموفق سبحانه
سلا..م

[منهاج]

السلام عليكم

اسمحيلي نتي الغالطة مازلتي تأمني نتي هديتي صحبتك لصاحبك ولا لهدا حبيبك

الله يفرج عليك واخطيك منو وبلاكي غذوا ان شاء الله تنخطبي ولا تتزوجي تروحي تسيي زوجك كي تشكي فيه

[sali-sali]

السلام عليكم

انت من صدقت خائن ... و قبل تصديقك له .. كنت خائنة لنفسك و اهلك بهاته العلاقة .....