من يستطيع ان يساعدني

[سماح04]

السلام عليكم
يوم الثلاثاء ان شاء الله عندي امتحان في رخصة السياقة في الكرينو ولحد الان مازلت ضعيفه ومشكلتي في خروج السيارة
ممكن مساعده من فضلكم وشكرا

[ryma221]

اسفة لا علم لي بالسياقة نرجو من الاخوات ان يساعدنكي موفقة باذن الله

[منهاج]

السلام عليكم

قولي لبوك ولا لخوك يعلمك اذا عندكم لوطو في الدار واذا مكانش روحي عند auto ecole وحدوخرا وتعلمي بالدراهم لي راكي ديري عندها تمدلك غير الاساسيات فقط وما تهتمش بيك بزاف المهم عندهم توفي وتخسري حتى يربحو هوما

الله يسهل

[pro24]

كان الافضل منك اخيتي ان لا تجري الامتحان
هكذا اشياء اخيتي تكون بالتطبيق لا بالنظري
اطلبي من الشخص الذي تقومين بالتعلم لديه ان يزيدك ساعة اوساعتين خاصة يوم الاحد والاثنين
وان تشرحي له انك مزلتي لا تعرفي جيدا وهو يقوم بعمله
المهم اخيتي عندما لاتكوني متعلمة جيدا اطلبي منه ان لاتجري الامتحان لانك انت الخاسرة في الاخير 2200دج بزاف
المهم عليك بالتركيز وعدم الخوف فقط
بالتوفيق

[eBusiness]

على كل حال للأسف في الجزائر إمتحان السياقة ليس له علاقة بالسياقة الجيدة أو لا ولكن بالعرف ولكتاف، أنا مثلا في امتحان الكرينو الأول أدخلت السيارة حتى أحسن من شوماخر نفسه والله تقول دخلتها بالحاسوب وكانت سياقتي رائعة جدا يعني بالميليمتر لكن خسروني الكرينو ولاد لحرام وفي الامتحان الثاني دخلتها عوجة ربحوني لكرينو نورمال، هده هي بلاد ميكي الله غالب

أما عن نصيحتي لك أختي الكريمة وهو أن لا تخافي ابدا لأنك إن خفتي واندهشتي فلن تنجحي بتاتا، سياقة السيارة ليست علم فلك وإنما سهلة جدا، فقط وجب عليك أن لا تخافي وأن لا تندهشي وكي تربحي الكريون لازم تكوني متمكنة من التحكم في الدواسات، يعني قبل ما تروحي تفوتي الامتحان تعلمي في سيارة ابوك أو أخوك أو كراء سيارة من طرف أبوك ويعلمك النهار كامل، يعني ركزي على كيفية التحكم في الدواسات وكيفية التلاعب بين الدواسات ومن تم انتقلي إلى التدرب على الركن والذي يركز على احترام المقاييس (les repères) يعني الحاجة ساهلة وجب لعيك فقط أن لا تندهشي وحتى وإن حاول المهندنس إقلاقك أثناء الامتحان فلا تعيريه اهتماما أبدا

وإليك لعبة صغيرة كي تتمرني على ركن السيارة، هي لعبة لكن يمكنك من خلالها أن تتمرسي على التموقع الجيد الذي سيساعدك على الركن :
http://jeux-flash.jeu-gratuit.net/jeux_simulation/garer-la-voiture-_2620.html

وهذا فيديو يشرح لك بالتفصيل كيف تجتازي الامتحان
http://www.youtube.com/watch?v=EDKZoZVsqOI

وبالتوفيق أختي الكريمة

[eBusiness]

إليكي مقاطع فيديو أخرى لكن الأهم هو التحكم الجيد في الدواسات فوجب عليك التمرن على اتقانها :
http://www.trucs-astuces.info/video/CMCXoPVOkZg/Le-Crneau-Simulation-3D-II.html

وهذا فيديو رائع بالأعمدة كما في الامتحان :
http://www.trucs-astuces.info/video/CMCXoPVOkZg/Le-Crneau-Simulation-3D-II.html

الله يعاونك أختي الكريمة

[دروب التابعين]

اسمعي اختي اذا كنتي خوافه ننصحك ماتديريش هذا الكرينو
شوفي ديري الاستخارة قبل ماتخاطري بحياتك
منيش عارفه تبانيلي صغيره والله اعلم
اتعرفين شيءا
انا احب السرعه الفائقه لاني اجد فيها المتعه
كون يجيبولي سيارة في نهاري لول يدوني للجبانة
هههههههههههههه
احذري اختي اذا كنتي حابة تتعلمي لازم تتخلصي ملخوف
وسوقي بسرعه واحدة سنتيمتر في الدقيقة ومتتعلميش ديراكت في طريق السريع
روحي لبلاصة مافيها لا شجرة ولا حفرة ولا اي شخص
وحاذري على نفسكي
موفقه اختي
وهنيئا لكي السيارة

[tuba21]

ارواحي هنــــــا نعلمك شوية هههههههه

راني غير نضحك معاك في امتحانات السياقة الكرينو هو الاصعب انا تعلمت مليح و روحت نعgب
نجحت فيه من اول مرة
مي سيركوي كنت كيما نتي متعلمتش مليح و روحت نمتحن النتيجة ..............
ماديتوش
المرة الثانية زدت ساعات اضافية و تعلمت مليح مليح بشهادة monitrice نتاعي حتي قاتلي دوكا خلاص راكي مليحة نسجلك باش تتمتحني
قتلها ok
روحت نفوتو و في زهري جانا انجنيور !!!! (تاع رشاوي )دخلت للسيارة سألني l’ingénieur كي العادة الاسم اللقب المهنة جاوبتو المهنة (استاذة) و مبعد جبد portefeuille تاعو .....
و مدلي بيت شعري قالي كمليه وراكي ناجحة ( يحوس نمدلو دراهم )..........
اسكت شوية و قتلو معلاباليــــــــــش

معجبوش الحال قالي هيا انزلي و انا والله مازال مسقتش

المرة الثالثة رحت نفوتو و كنت خايفة شوية (قلت بلاك يجيني انجنيور كيما المرة اللي فاتت بديت درت كونتاكت و بديت نسوقet hop طفاتلي الطوموبيل
ليه ليه عاودت شعلتها و كملت امتحاني و في الاخير انجحت malgré طفاتلي الطوموبيل

هدي باش نقولك تقدري تكوني متعلمة مليح و متنجحيش وتقدري ماكيش متعلمة و تنجحي
انا ننصحك تعلمي مليح و روحي فوتي الامتحان وان اشاء الله يطيحك ربي في انجنيور مليح
بالتوفيق