هل السلعة تجمركت ؟؟ مشكل مع ups [الأرشيف] - منتديات الجلفة لكل الجزائريين و العرب

mou3ad.15

2014-02-15, 13:01

السلام عليكم
أرسل لي صديق من أمريكا سلعة عبر ups
و في رابط التتبع هذا ما يظهر

http://wwwapps.ups.com/WebTracking/track?HTMLVersion=5.0&loc=fr_FR&Requester=UPSHome&WBPM_lid=homepage%2Fct1.html_pnl_trk&trackNums=1Z8E6Y086750874658&track.x=Suivi

هل يعني أنها حجزت من طرف الجمارك ؟

خالد الجبلي

2014-02-15, 16:15

ماذا ارسل لك ؟
حسب الموقع سلعتك مصادرة

mou3ad.15

2014-02-15, 21:16

أرسل لي iphone
ما الحل الآن ؟؟

douib

2014-02-15, 22:14

قرأنا من تجارب الاعضاء انه تم مرور الايفون بدون مصادرتها ربما هذ الافون مصنوع من الذهب ههههه

خالد الجبلي

2014-02-15, 23:11

الايفون فيه بطارية ليثيوم مثل ايباد و هذا النوع من البطاريات ممنوع من الدخول الا بتصريح
اتذكر شخص هنا اشترى ايباد و قال انه طلب من الشركة اضافة وثيقة سمحت له بادخال الايباد
اتصل بشركة ups و اسنفسر ربما تسمح لك الجمارك باستعادته

mou3ad.15

2014-02-16, 00:26

قرأنا من تجارب الاعضاء انه تم مرور الايفون بدون مصادرتها ربما هذ الافون مصنوع من الذهب ههههه

ههههه ربما أو ربما سيتركونه عندهم بضعت أيام ثم يرسلونه لي :)

الايفون فيه بطارية ليثيوم مثل ايباد و هذا النوع من البطاريات ممنوع من الدخول الا بتصريح
اتذكر شخص هنا اشترى ايباد و قال انه طلب من الشركة اضافة وثيقة سمحت له بادخال الايباد
اتصل بشركة ups و اسنفسر ربما تسمح لك الجمارك باستعادته

غدا سأذهب اليهم أو اتصل بهم لأنه هناك فرع خاص عندنا في قسنطينة و ان شاء الله ربي يجيب الخير
ممكن معلومة على الوثيقة واش فيها ؟

خالد الجبلي

2014-02-16, 04:35

كي قلت قسنطينة تفكرت كثرة الشكوى من جمارك قسنطينة
الوثيقة اظنها مثل الضمان او التعهد حول استخدام البطارية
ما عنديش فكرة اخي الكريم -
انت اسال اولا شركة ups عبر الهاتف
و اذا الجمارك رفضوا دخول الموبيل لازم تطلب منهم ارجاعه لصديقك ....هذي سرقة باسم القانون الايفون راه في كل مكان

mou3ad.15

2014-02-16, 11:13

كي قلت قسنطينة تفكرت كثرة الشكوى من جمارك قسنطينة
الوثيقة اظنها مثل الضمان او التعهد حول استخدام البطارية
ما عنديش فكرة اخي الكريم -
انت اسال اولا شركة ups عبر الهاتف
و اذا الجمارك رفضوا دخول الموبيل لازم تطلب منهم ارجاعه لصديقك ....هذي سرقة باسم القانون الايفون راه في كل مكان

لقد حاولت الاتصال مرارا ولم يردو درك نشقا ليهم :/

خالد الجبلي

2014-02-16, 11:38

لا اخي الكريم يردون عادي
انا اتصلت ب ups في الصباح
عندهم عدة ارقام حاول معهم افضل من تضييع مالك للذهاب

mou3ad.15

2014-02-16, 14:18

لا اخي الكريم يردون عادي
انا اتصلت ب ups في الصباح
عندهم عدة ارقام حاول معهم افضل من تضييع مالك للذهاب

يعني راهم بعاد علي ب 3 كيلو متر بصح درك نزيد نجرب نعيطلهم

mou3ad.15

2014-02-16, 14:36

تم الاتصال بيهم و قتلوني بالقدر ههههه
قالي الديوانة لي حاكمينو يامات و يفوتوه منين يفوتوه نكونطاكطيوك و رانا نسناو

خالد الجبلي

2014-02-16, 15:25

عادي اخي الكريم اصبر
اخبروني ان كل الاجهزة الالكترونية خصوصا المستعملة يتم فحصها
لان المستعملة قد يكون فيها اشياء او معلومات و معهم الحق في هذا

mou3ad.15

2014-02-16, 15:51

عادي اخي الكريم اصبر
اخبروني ان كل الاجهزة الالكترونية خصوصا المستعملة يتم فحصها
لان المستعملة قد يكون فيها اشياء او معلومات و معهم الحق في هذا

صحيح أخي من حقهم رغم أن الجهاز جديد كليا
عموما لننتظر بضع أيام أخرى و نرى

always1

2014-02-16, 18:09

قولنا اخر الاخبار ما تنساش
حتى لا يترك المووع مبهم

mou3ad.15

2014-02-20, 01:08

حيروني !!!

http://wwwapps.ups.com/WebTracking/track?HTMLVersion=5.0&loc=fr_FR&Requester=UPSHome&WBPM_lid=homepage%2Fct1.html_pnl_trk&trackNums=1Z8E6Y086750874658&track.x=Suivi

قالك
Première tentative effectuée

و هوما ما عيطو ما والو

خالد الجبلي

2014-02-20, 05:55

اخي الكريم انن بعثت شخص في مكانك ؟
لازم لك تروح و تخلص الجمركة و راهم حاطين بلي كنت غايب في الاتصال الاول و ان ups هكذا ما كلفهاش البائع بالتخليص
و لازو تروح سقسيهم واش يقصدو في الموقع انتاعهم

خالد الجبلي

2014-02-20, 06:14

شوف اخي
حسب ما فهمت من الموقع راهم قاصدين
انك انت بعثت شخص و كلفتو يخلص الجمركة و ups راهي برك تشوف و تبرئ الذمة انتاعها
و انك غبت في المرة الاولى
انت قول هم واش قصدكم ؟ و اطلب منهم يخلصو الجمركة و انت من بعد ما يوصلولك السلعة رجعلهم الدراهم
و زيد اشتكي بيهم و قول لصديقك يشتكي بيهم على واش كتبوا

teacher47000

2014-02-20, 08:39

جميع شركات الشحن العالمية التي لديها مقرات في جميع دول العالم "شركات متعددة الجنسيات"
DHL / FedEx / UPS / TNT
رائعة وجميلة وتقدم خدمات لوجيستية قمة في الروعة
إلا في الجزائر !! .. لأنه سيلتقي داخل هذه الشركات نوعان من أفسد الناس .
النوع الأول وهم عمال هاته المؤسسات من جزائريين معقدين نفسيا ،لا يحسنون التعامل مع الزبائن ولا الرد والكذب سمتهم الأكبر "حشى البعض " .. كما أنهم يتعاونون في كثير من الأحيان مع النوع الثاني "الآتي ذكرهم" لسرقة سلع الناس بدون حشمة أو حياء .. بكل راحة ضمير وخيانة للمسؤولية وعدم الخوف من الإله .
أما النوع الثاني وهم أعوان وضباط الجمارك الذين يراقبون هاته الشركات ،"قولي نقولك على هاذ الناس !!"
دينهم الرشوة و صولة الأسد فيهم عندما يسرق سلع الناس ، الكذب عنوانهم و السرقة سمتهم .. أصبح القاصي والداني يعرف أن الجمارك الجزائرية جهاز تجتمع فيه الرشوة + السرقة + الكذب + إستغلال المنصب + كل شئ لا يرضي الله عز وجل .
لكن السؤال المطروح هنا ؟؟ هؤلاء الناس الذين تكلمت عنهم الآن ألم يكونوا في يوم من الأيام مثلي ومثل جميع رواد منتدى الجلفة كانوا طلبة في الجامعة أو الثانويات أو بطالين أو ..... .
لماذا نحن الشعب الجزائري عندما يحكم واحد فينا عمل في مؤسسة أو شركة معينة ينسى كل مبادئه و معاناته السابقة ونذهب للنجر وراء القطيع الذي أصبح الفساد سمة لهم ؟؟
"إن الله لا يغير ما بقوم حتى يغيروا ما بأنفسهم " صدق الله العظيم .
المشكلة فينا أولا و أخيرا .

خالد الجبلي

2014-02-20, 10:03

هذو كذابين للاسف
نهار وصلتني سلعة عن طريق dhl قالولي لازم تحضر لوهران تستلمها
و في موقعهم كاتبين تم تسليم السلعة للعنوان !
و بعثت شكوى لشركة dhl بصح واش تدير معاهم
للاسف مكانش رقابة من الحكومة
كل الشركات في الجزائر يسرقو باحترافية منقطعة النظير
ابداع في السرقة و الكذب
شركة نجمة موبيليس و كل الشركات الاخرى بلا استثناء

mou3ad.15

2014-02-20, 17:56

اخي الكريم انن بعثت شخص في مكانك ؟
لازم لك تروح و تخلص الجمركة و راهم حاطين بلي كنت غايب في الاتصال الاول و ان ups هكذا ما كلفهاش البائع بالتخليص
و لازو تروح سقسيهم واش يقصدو في الموقع انتاعهم

السلام عليكم
اليوم عيطولي و جابلي avis d'arrivé
و هاو المفيد تاع واش فيه

http://www12.0zz0.com/2014/02/20/16/260231967.jpg

http://www12.0zz0.com/2014/02/20/16/260231967.jpg

آسف على رداءة الصورة
قالولي كاين زوج حلول

يا تكلف transitaire يجيبهالك
يا نكلف ups و في هذا الحالة طلبة سجل تجاري

حسيت روحي جبت كونتونار !!

للأسف هذا واين جاوني الورق و درك ميخدموش كي عيطتلهم

هل من تجارب مشابهة ؟

mr_jalilo

2014-02-20, 18:32

السلام عليكم

كان الله في عونك اخي العزيز والله كل شيء معوج .

خالد الجبلي

2014-02-20, 18:41

واش من سجل تجاري
شوف خوي انا الصباح راسلت شركة ups و حكيتلهم على المشكلة انتاعك
و ردولي و اعتذروا و طلبوا معلوماتك
اذا تحب راسلهم في الفيسبوك و احكيلهم
https://www.********.com/ups

خالد الجبلي

2014-02-20, 18:42

النجوم اكتب فيهم ********
منتديان الجلفة يشفرو الروابط

خالد الجبلي

2014-02-20, 18:42

فيسبوك بالفرنسية

mou3ad.15

2014-02-20, 20:13

جميع شركات الشحن العالمية التي لديها مقرات في جميع دول العالم "شركات متعددة الجنسيات"
DHL / FedEx / UPS / TNT
رائعة وجميلة وتقدم خدمات لوجيستية قمة في الروعة
إلا في الجزائر !! .. لأنه سيلتقي داخل هذه الشركات نوعان من أفسد الناس .
النوع الأول وهم عمال هاته المؤسسات من جزائريين معقدين نفسيا ،لا يحسنون التعامل مع الزبائن ولا الرد والكذب سمتهم الأكبر "حشى البعض " .. كما أنهم يتعاونون في كثير من الأحيان مع النوع الثاني "الآتي ذكرهم" لسرقة سلع الناس بدون حشمة أو حياء .. بكل راحة ضمير وخيانة للمسؤولية وعدم الخوف من الإله .
أما النوع الثاني وهم أعوان وضباط الجمارك الذين يراقبون هاته الشركات ،"قولي نقولك على هاذ الناس !!"
دينهم الرشوة و صولة الأسد فيهم عندما يسرق سلع الناس ، الكذب عنوانهم و السرقة سمتهم .. أصبح القاصي والداني يعرف أن الجمارك الجزائرية جهاز تجتمع فيه الرشوة + السرقة + الكذب + إستغلال المنصب + كل شئ لا يرضي الله عز وجل .
لكن السؤال المطروح هنا ؟؟ هؤلاء الناس الذين تكلمت عنهم الآن ألم يكونوا في يوم من الأيام مثلي ومثل جميع رواد منتدى الجلفة كانوا طلبة في الجامعة أو الثانويات أو بطالين أو ..... .
لماذا نحن الشعب الجزائري عندما يحكم واحد فينا عمل في مؤسسة أو شركة معينة ينسى كل مبادئه و معاناته السابقة ونذهب للنجر وراء القطيع الذي أصبح الفساد سمة لهم ؟؟
"إن الله لا يغير ما بقوم حتى يغيروا ما بأنفسهم " صدق الله العظيم .
المشكلة فينا أولا و أخيرا .

هذو كذابين للاسف
نهار وصلتني سلعة عن طريق dhl قالولي لازم تحضر لوهران تستلمها
و في موقعهم كاتبين تم تسليم السلعة للعنوان !
و بعثت شكوى لشركة dhl بصح واش تدير معاهم
للاسف مكانش رقابة من الحكومة
كل الشركات في الجزائر يسرقو باحترافية منقطعة النظير
ابداع في السرقة و الكذب
شركة نجمة موبيليس و كل الشركات الاخرى بلا استثناء

هيه والله يا أخي تحير
اليوم جابولي ورقة الي صورتها الفوق كتبوا في الموقع تم تسليم الطرد !!!
http://wwwapps.ups.com/WebTracking/track?HTMLVersion=5.0&loc=en_en&Requester=UPSHome&WBPM_lid=homepage%2Fct1.html_pnl_trk&trackNums=1Z8E6Y086750874658&track.x=Suivi

السلام عليكم

كان الله في عونك اخي العزيز والله كل شيء معوج .

شكرا أخي الله يبارك فيك

mou3ad.15

2014-02-20, 20:24

واش من سجل تجاري
شوف خوي انا الصباح راسلت شركة ups و حكيتلهم على المشكلة انتاعك
و ردولي و اعتذروا و طلبوا معلوماتك
اذا تحب راسلهم في الفيسبوك و احكيلهم
https://www.********.com/ups

و الله يا خويا تحير
منين وصلوني الورق هدوك عيطت للرقم لي كاتبينو قالولي هما لي يفريوهالك هزو قالولي خلصنا الخدمة نهار الحد ان شاء الله
رانا نستناو

mou3ad.15

2014-02-23, 20:12

هاو ليكم الجديد
اليوم عيطتلهم هو عليا واحد يهدر بصماطة قالي لا زم تجي لبرج البحري لتم اتفاهم مع الجمارك يا يرودوه منين جا يا تسلك عليه غرامة قالي فالحالة تاعك توصل 2 ملاين !!!!!!!

خالد الجبلي

2014-02-24, 04:30

الجهاز بعثه مع فاتورة ؟
واش هذي الغرامة ؟
انا نظن راهم غير يكذبو المهم الحل انك تدفع لهم و تبيع الايفون و تربح فوق خسارتك وترتاح منه و منهم

خالد الجبلي

2014-02-24, 04:33

اخي الكريم شفت الموقع راهم يقولو تم التسليم و الامضاء يوم 20 فيفري !! من طرف مراد و هذا دليل التسليم
wwwapps.ups.com/WebTracking/processPOD?Requester=UPSHome&tracknum=1Z8E6Y086750874658&refNumbers=&loc=fr_FR

mou3ad.15

2014-02-24, 16:29

الجهاز بعثه مع فاتورة ؟
واش هذي الغرامة ؟
انا نظن راهم غير يكذبو المهم الحل انك تدفع لهم و تبيع الايفون و تربح فوق خسارتك وترتاح منه و منهم

هيه كتب بلي قيمته 500 دولار و هذا خطأه
أنا يظهرلي لازم نشقى و نشوف معاهم و خلاص

اخي الكريم شفت الموقع راهم يقولو تم التسليم و الامضاء يوم 20 فيفري !! من طرف مراد و هذا دليل التسليم
wwwapps.ups.com/WebTracking/processPOD?Requester=UPSHome&tracknum=1Z8E6Y086750874658&refNumbers=&loc=fr_FR

كما قلت لك من قبل أنا أمضيت على avis d'arriver لكنهم في الموقع كتبو أنني استلمته هذا لم أفهمه !!!

خالد الجبلي

2014-02-24, 19:09

راسل شركة ups مباشرة و قدم شكوى انك ما استلمت حتى شيء قبل فوات الاوان
الموقع يقول انك استلمت و الشركة عندها انك استلمت
قدم شكوى و صديقك يقدم شكوى و ما تخاف ما والو
و راسلهم في الفيسبوك واش راك تستنى خوي ؟

خالد الجبلي

2014-02-24, 20:03

انت درت غلطة كبيرة كيفاش تمضي على ورقة الاستلام ؟
لازم تقدم احتجاج في موقع ups بعدم استلام شيء
لانو ups الجزائر حاطين انك استلمت لو كانت قصة جمركة بسيطة
لازم تقدم شكوى
اذا ما حبيتش انسى الايفون

mou3ad.15

2014-02-24, 20:30

راسل شركة ups مباشرة و قدم شكوى انك ما استلمت حتى شيء قبل فوات الاوان
الموقع يقول انك استلمت و الشركة عندها انك استلمت
قدم شكوى و صديقك يقدم شكوى و ما تخاف ما والو
و راسلهم في الفيسبوك واش راك تستنى خوي ؟

نعم أنا بصدد ارسال شكوى و نزيد نشقى لبرج البحري و نشوف

انت درت غلطة كبيرة كيفاش تمضي على ورقة الاستلام ؟
لازم تقدم احتجاج في موقع ups بعدم استلام شيء
لانو ups الجزائر حاطين انك استلمت لو كانت قصة جمركة بسيطة
لازم تقدم شكوى
اذا ما حبيتش انسى الايفون

لا يا أخي ممضيتش على ورقة الاستلام
قريت الورقة جيدا قبل الامضاء
و الدوبل عندي الورقة لي مضيتها هي avis d'arriver تقول بلي لازم نتقدم لمصلحة الجمارك في برج البحري في أقرب وقت + معلومات على الطرد هداك علاواش مضيت

خالد الجبلي

2014-02-24, 21:16

لازم الان تدخل موقع ups وتقدم شكوى ضياع او عدم استلام الشحنة
و راسلهم الان في الفيسبوك لانه خلاص ups الجزائر حاطين استلمت الشحنة
هم يطلبوا منهم وصل التسليم و يتحققوا بصح اخي راك في ايام تقول درك نروح و التاخير مشي في صالحك
و ما رحت ما قدمت شكوى ما اتصلت ب ups والموقع حاطك مستلم الشحنة من يومين

mou3ad.15

2014-02-24, 21:38

لازم الان تدخل موقع ups وتقدم شكوى ضياع او عدم استلام الشحنة
و راسلهم الان في الفيسبوك لانه خلاص ups الجزائر حاطين استلمت الشحنة
هم يطلبوا منهم وصل التسليم و يتحققوا بصح اخي راك في ايام تقول درك نروح و التاخير مشي في صالحك
و ما رحت ما قدمت شكوى ما اتصلت ب ups والموقع حاطك مستلم الشحنة من يومين

نعم هو خطئي لم أنتبه للتغير في الموقع
أرسلت شكوى و غدا اتصل بال ups في الجزائر و استفسر و مقدرتش نروح والله ظروف :(

mou3ad.15

2014-02-25, 00:48

رد علي ups support على الايميل و هذا ما قالوه

Dear Mouad,

Thank you for taking the time to reach out to our team for assistance. I'm very sorry you did not receive your package as indicated in our tracking system. At this time, I have reached out to the local management team for your area in order to request their attention to this shipment, as they are in the best position to address your concerns. You can expect a follow up call from them no later than the end of the day Wednesday, 02/26/14, in order to discuss this further.

I completely understand your frustration, and I appreciate your cooperation as we work to rectify this situation.

Sincerely,

Rebecca N.
UPS Social Media Team

سأنتظر الاتصال و أخبركم

mr_jalilo

2014-02-25, 08:59

السلام عليكم

اخي العزيز ماتتقلقش برك باذن الله لاتجمرك مرة شحنت nexus 7 2013 عبرها ووصلت عاذي لاتتقلق اخي العزيز اصبر فقط.

mou3ad.15

2014-02-25, 17:56

السلام عليكم

اخي العزيز ماتتقلقش برك باذن الله لاتجمرك مرة شحنت nexus 7 2013 عبرها ووصلت عاذي لاتتقلق اخي العزيز اصبر فقط.

و عليكم السلام

لا يا أخي لقد تعرض للجمركة و أخبروني أن ادفع الجمركة أو يرجع من حيث أتى

بالنسبة لخطأ Delivred في الموقع أتصلوا بي اليوم صباحا قالولي استملت avis d'arriver قلتلهم نعم قالولي خلاص مالا قلتلها بصح مستلمتش الطرد يعني متحطوش بلي استلمت في الموقع قالتلي بلي علاباهم و دارو ملاحظة بلي avis d'arriver برك و بلي لازم نروح للـ la douane

Mahboub_222

2014-02-25, 20:24

اي بي س...شركة ذات سمعة كبيرة لا تقللق من هذ لناحية يعني متخفش يسرقوك من جهتها تبقى المشكلة في الجمارك لازم تروح ليهم مع لاريفي ...

mou3ad.15

2014-02-25, 23:20

اي بي س...شركة ذات سمعة كبيرة لا تقللق من هذ لناحية يعني متخفش يسرقوك من جهتها تبقى المشكلة في الجمارك لازم تروح ليهم مع لاريفي ...

هيه صح كاينة منها
المشكل مع الديوانة السمانة الجاية ان شاء الله نروح و نشوف ظروف تاع القراية مخلتانش :'(

soumia124

2014-02-26, 16:19

هل حلت مشكلتك او لا؟

kaka17

2014-02-26, 19:41

يعني اذا كان الايفون يجمرك حتى وان كان جديد هذا مشكل انا راح يأتــيني ايفون عبر الشركة ماذا افعل ؟

kaka17

2014-02-26, 19:46

انا راح يأتي لي ايفون من الشركة يعني راح يجمرك وكم ثمن الجمركة وكيف الحل لتفادي الجمركة

soumia124

2014-02-27, 11:02

ان يكتب على انه هدية و ينقص من قيمة المنتج

mou3ad.15

2014-02-27, 17:31

هل حلت مشكلتك او لا؟

لا ليس بعد سأذهب يوم الأحد ان شاء الله

يعني اذا كان الايفون يجمرك حتى وان كان جديد هذا مشكل انا راح يأتــيني ايفون عبر الشركة ماذا افعل ؟

انا راح يأتي لي ايفون من الشركة يعني راح يجمرك وكم ثمن الجمركة وكيف الحل لتفادي الجمركة

يجب أن تكتب هدية و تخفض السعر
هذا هو الخطـأ الذي فعله صديقي حيث كتب هدية لكنه وضع السعر 500 دولار فأخبروني أن الفرامة ستكون حاول 2 ملاين

تسهيل

2014-02-28, 01:58

وتتواصل معاناة المواطن الجزائري
والله كاني في فلم رعب ملئ بالسوسبانش وعدم الامان
تشري الحاجة وتبقى على اعصابك طلع وتهبط وتستنى في قدرك المحتوم
ويقلك كيفاش الشعب يمرض بالقلب
ياو مع هدا المسؤولين وهكدا قوانين المرارة تتفقع
انا مرة عيطت للجمارك تع قسنطينة وقلتلو يرحم باباك قلي وش الممنوع والمسموح عندكم باش مانغلطوش, قلتلو ماناش ضد القانون وحماية الوطن بصح عطيني اجابة علمونا فهمونا وعونا لاحياة لمن تنادي هو بعد ماعلابالوش
المشكل علاش مايبعتوش جد الايفون لقسنطينة وتروح عندهم وتفري قصتك علاش يبعتو فيك للبرج
والله حقرة وجوه الفقر كون جات في يدي نرمي عليهم برميل نفط نقتل جدهم كل
حط صديقي اغنية بلادي هي الجزائر واستنى وان شاء الله خير وادا مالقيتش لي يهاودك للبرج اتصل بيا نروحو كيف كيف ههههه موفق

Mahboub_222

2014-02-28, 11:55

بلاد ميكي ماوس صحبي ..لا تعب حالك

mou3ad.15

2014-02-28, 15:58

وتتواصل معاناة المواطن الجزائري
والله كاني في فلم رعب ملئ بالسوسبانش وعدم الامان
تشري الحاجة وتبقى على اعصابك طلع وتهبط وتستنى في قدرك المحتوم
ويقلك كيفاش الشعب يمرض بالقلب
ياو مع هدا المسؤولين وهكدا قوانين المرارة تتفقع
انا مرة عيطت للجمارك تع قسنطينة وقلتلو يرحم باباك قلي وش الممنوع والمسموح عندكم باش مانغلطوش, قلتلو ماناش ضد القانون وحماية الوطن بصح عطيني اجابة علمونا فهمونا وعونا لاحياة لمن تنادي هو بعد ماعلابالوش
المشكل علاش مايبعتوش جد الايفون لقسنطينة وتروح عندهم وتفري قصتك علاش يبعتو فيك للبرج
والله حقرة وجوه الفقر كون جات في يدي نرمي عليهم برميل نفط نقتل جدهم كل
حط صديقي اغنية بلادي هي الجزائر واستنى وان شاء الله خير وادا مالقيتش لي يهاودك للبرج اتصل بيا نروحو كيف كيف ههههه موفق

هههههههه ياو كون جات فالبرج برك معليش ياو برج البحري في دزاير -_-
الجمارك تاع قسنطينة و الله منين نعدي عليهم في زواغي نسبهم علا خاطر سرقولي من قبل سلعة و لقيت الباط فارغ
كرهنا يا خويا و الله

mou3ad.15

2014-02-28, 16:00

بلاد ميكي ماوس صحبي ..لا تعب حالك

اييي وي واش راح تدير
راح تكون آخر مرة نديرها و نبعت سلعة ههههه

mou3ad.15

2014-03-02, 23:56

السلام عليكم

اليوم رحت للحزائر العاصمة للعنوان المذكور في avis d'arrivée
و محبوش يمدوهولي قالك ممنوع منعا باتااا عييت فيهم و كي قنع الشاف تاعهم زاد شاف لقا بلي المرسل حط prix مع أنها gift اذن قالي ممنوع و لازم تردها و لا ترسلها لفرنسا ولا تروح سيزي
أني ارسلتها لعنوان في فرنسا و على ربي

خالد الجبلي

2014-03-03, 00:47

فعلا ممنوع
اليوم كنت نسقسي dhl على اللابتوب حسبوني سقسيتهم على الموبيل
قالولي ممنوع و يرجع للعنوان

خالد الجبلي

2014-03-03, 00:49

فعلا ممنوع
اليوم كنت نسقسي dhl على اللابتوب حسبوني سقسيتهم على الموبيل
قالولي ممنوع و يرجع للعنوان

تسهيل

2014-03-09, 16:43

ربي يعينك هدا وش نقولو