¤¤¤.........نكت جزائرية.........¤¤¤ [الأرشيف] - منتديات الجلفة لكل الجزائريين و العرب

sami1212

2014-02-14, 19:00

1 - قالك واحد يغير بزاف..... بزاف على مرتو ........ tjrs يضارب على جالها

مرة كانو قاعدين في الصالون ....جات دبانة و حطت على صدرها ...

الرجل ناض يجري ضربها ( الدبانة )....

قالتلو مرتو : واش بيك يا راجل يخي دبانة ...

قاللها : ......و بالاك دبون

2- قالك جزايري و الماني و مريكاني تبحرو في الصحراء

ممبعد لقاو مصباح سحري ....حكوه خرج العفريت قالهم شبيك لبيك لي تطابوا بين يديك بصح بشرط .....!

طلب واحد فقط لكل واحد فيكم

الألماني طلب يولي لبلادو

المريكاني طلب يولي لبلادو ومعاه سيارة دراهم ....الخ

الجزايري واش طلب ..........

قالو رجعهم كيما كانوااااااااااااا

3- قالك واحد مريض ...عندو الحنوشه في كرشه مالا راح بزاف لطبة مافراوهالوش

الحنوشه غير يزيدوووووو في كرشه

قالولو روح لواحد العشاب هندي تبرى

راح عندو قالو عندك حل واحد برك احكم حبة دلاع حلوة و اقعد عليها كيهبطوالحنوشه ياكلوا نوض......... و انت بريت...

السيد دار واش قالو

ممبعد هبطت وحدة برك(حنش) ذاقت الدلاعة طلعت لخاوتها قالتلهم ........

ياو حلوة بزافففففففف أيا نطلعوهاااااااا

4- قالك وحد العجوزة كذابة بزاف بعثوها ولادها للحج باش تحبس الكذب قالك كي ولاة قلولها ولادها احكينا على الحج قالتلهم حبستنا الطيارة في السماء ونظنا نطبعو فيها