يريد خطبتي ولكن

[مشكلتي]

السلام عليكم
منكثرش عليكم مراهش يجيني النوم من التخمام تعببببببببببببت
صحبتي قاتلي انو ولد سلفها حاب يتزوج وقاتلو عليا
سقسيتها عليه قاتلي عاااااااااااااقل ومتربي والناس كامل تشهدلو باخلاقو
بصح مش مترسم في خدمتو ويحوس عليها خدامة مع العلم انا استاذة
المهم جا شافني من بعيد
ونهار لي شافني قالها لازم تشوفني باه نقدرنهدر مع باباها
انا قلتلها لالا جيبيلي غير لافوتو تاعو جابتلي لافوتو معجبنيش كاااااااامل بصح كي نتفكر انو عاقل ويخاف ربي
ويصلي نقول معليش الخدمة والشبوب مش لازم ومن بعد نقول لالا
والله غير راني حااااااااااااااايرة وش ندير صليت استخارة وقلت نشوف رايكم

[نارينا]

يا اختي القرار مش ليك وحدك اهلك ثاني راح يقرروا الا الخاطب يناسبك والا لا وهذا بعد السؤال عنه وحاولي تستخيري الله وبعد الصلاة راح يتوضح كل شيء وربي يوفقك

[زرقـآء اليمآمـة]

السلام عليكم اختي
والله حكايتك عويصة ولكن لا يعصى على الله اي امر مادامك استخرت الله سبحانه فذلك عين العقل
ويجب ان تكوني مقتنعة به ان قبلت به وان شاء الله ما يكون غير الخير والله المستعان

[soumiafree]

ربي يجيب الخير زواج ليلة تدبيرو عام

[عبد الرحيم]

المهم الدين والخلق

قال صلى الله عليه وسلم: (إذا جاءكم من ترضون دينه وخلقه فأنكحوه، إلا تفعلوه، تكن فتنة في الأرض وفساد كبير. قالوا: يا رسول الله! وإن كان فيه؟ فقال: إذا جاءكم من ترضون دينه وخلقه فأنكحوه، ثلاث مرات) رواه الترمذي وحسنه الترمذي.

ويجدر التنبيه على أن الرؤية بين الخاطب والمخطوبة يجب أن يكون بالطرق الشرعية.

[مراد سابقا6]

إذا لم يعجبك لم يعجبك

توقفي من الآن

[SKYALGERIA]

قال الرسول عليه الصلاة و السلام : إذا جاءكم من ترضون دينه و خلقه فزوجوه . و لم يذكر جمال الوجه و لا المال في الرجل . إتقي الله و صلي صلاة الإستخارة و شاوري أهلك و إذا كان صاحب دين و خلق فلا تضيعي هذه الفرصة .

[SKYALGERIA]

المهم الدين والخلق

قال صلى الله عليه وسلم: (إذا جاءكم من ترضون دينه وخلقه فأنكحوه، إلا تفعلوه، تكن فتنة في الأرض وفساد كبير. قالوا: يا رسول الله! وإن كان فيه؟ فقال: إذا جاءكم من ترضون دينه وخلقه فأنكحوه، ثلاث مرات) رواه الترمذي وحسنه الترمذي.

ويجدر التنبيه على أن الرؤية بين الخاطب والمخطوبة يجب أن يكون بالطرق الشرعية.

صدقت يا أخي الكريم

[haytoo82]

الفوتو حاجة والوواقع حاجة تاني انت شوفيه من بعيد ربما يليق بيك بالواقع لكن حكاية العمل اذا كام مش مترسم وربما تتحل المشكلة يوما ما ما عليش الاخلاق راهي نعمة وبدات تنقص في هذا الايام وصلاة الاستخارة هي الحل الامثل ليك حنونة ربي يجيببلك اللي فيه الخير

[مواطنة جزائرية]

صلي صلاة الاستخارة محددة فيها القرار إما بالقبول أو الرفض و اتركيها على الله فإن الخير فيما اختاره الله لك


لدي رأي شخصي هنا


واحد غير مرسم جاي ليك و أنت مرسمة لماذا؟؟؟ و الله ستعانين كثيرا من جهة


لاه يحوسك تشوفيه قبل ما يتقدم مالا كي يجي في الرؤية الشرعية واش يدير؟؟


وما تتسرعيش و ما دخليش المشاعر لأنك ربما ستندمين فيما بعد


ربي يهنيك و يعطيك على قد نيتك و يرزقنا أزواج صالحين

[douane hadjer]

نفس المشكل اللي كان عند الاخت


يا اختي اول حاجا شوفي اخلاقو اذا كانت مليحة اما الجمال والله مع الوقت ابنل ان شاء الله اجمل

كي تصلي صلاة الاستخارة لاوم ترتاحي ونتي اذا شفتيه انسان ذو اخلاق روحية الاحسن متفرطيش فيه واذا كان هو من جهتو حابك كيفكيف والحاجة الثانية الاهل تاعك




انا مخطوبة ودك نقنعك بلي صرالي انا



انا مثلا في البداية عرفتو 3 سنوات كل مرة اقولي نجي نخطب تعرفي الجواب تاعي واش كان لالالالالالالالا
والسبب اللي راكي حاسا بيه كنت نشوفو ماشي شباب مع العلم والله مخصو والو اللي اشوفو اقولي ما شاء الله اخلاق وجمال ونزيدلك حاجا ماهوش شباب كيما راكي تتصوري عادي منبعد 3 مرة قالي راني ناويك هادي اخر مرة نزيد نعاودلك تعرفي واش درت؟؟؟؟قتلو خليني نخمم صليت صلاة الاستخارة والله غير ارتحت والحمد لله قبلت وجا خطبني وهدر ليماه عليا هدا قبل الخطبا وعيطلها وصقسيت عليها بعد مرور اشهر قليلة جاو خطبوني مع العلم الوالد مقبلش حتا شديت في رايي واقنعتو

والان راني اسعد وحدة وراني نشوف فيه اجمل واحد في هاذ الدنيا سورتو عقليتو ويصلي ويخاف ربي هاذو اهم النقاط اللي لازم تفكري فيهم ومع الوقت اذا حبيتي اخلاقو رايحة تشوفيه في نضرك اجمل واجمل مخلوق

قال رسول الله صلى الله عليه وسلم:"اذا اتاكم من ترضون دينه وخلقه زوجوه"


هنا مذكرش جمال الوجه بل جمال الروح

ومادام جا هو نواك هاداك هو الصح

ونتي مدرتيش في بالك بالاك اقول نفس الكلام عليك؟؟؟؟ولكن ديري في بالك الراجل عمرو ميتعيب يا اختي اتهلاي فيه مليح اذا كنتي متاكدة من اخلاقو متفرطيش فيه نصيحة من اختك سارة مع العلم في عمري 19 سنة مي ان شاء الله نكون افدك بشي وربي اهنيك ويرزق كل فتاة بالزوج الصالح ويخليكم لبعضاكم



متخافيش اجي نهار وين تشوفيه اجمل انسان

مي نصيحة اخرى متسمعيش لهدرة الناس وخاصة العائلة

مثلا انا كي جا خطبني وحد معجبو الحال وكل يوم نسمع كلام يجرح ويخلوك تبطلي زواج مي انا الحمد لله ربي معايا وهذاك هو الصح

احبك في الله واحب كل الاخوات
سلام

[موسى عبد الله]

السلام عليكم ورحمة الله وبركاته يا أختاه
قال: - صلى الله عليه وسلم -: (انظر إليها فإنه أحرى أن يؤدم بينكما) حتى قال الصحابي: (كنت أتخبأ لها) وهذا الحق للفتى وللفتاة، وعند الحنفية أن الفتاة أحوج للنظر من الشاب، أن تنظر لهذا الرجل الذي يريد أن يكون شريكًا لها في مسيرة الحياة الطويلة بأهدافها الكبيره
نسأل الله أن يسهل أمرك، القضية لا تستحق هذا القلق والانزعاج طالما كنتِ على يقين أن الخلق الحسن
و الدين موجود، وإذا وجد الدين فإن كل خلل أمره سهل، وكل كسر فإن الدين يجبره، وما لكسر فالدين يجُبره.

[douane hadjer]

السلام عليكم ورحمة الله وبركاته يا أختاه
قال: - صلى الله عليه وسلم -: (انظر إليها فإنه أحرى أن يؤدم بينكما) حتى قال الصحابي: (كنت أتخبأ لها) وهذا الحق للفتى وللفتاة، وعند الحنفية أن الفتاة أحوج للنظر من الشاب، أن تنظر لهذا الرجل الذي يريد أن يكون شريكًا لها في مسيرة الحياة الطويلة بأهدافها الكبيره
نسأل الله أن يسهل أمرك، القضية لا تستحق هذا القلق والانزعاج طالما كنتِ على يقين أن الخلق الحسن
و الدين موجود، وإذا وجد الدين فإن كل خلل أمره سهل، وكل كسر فإن الدين يجبره، وما لكسر فالدين يجُبره.




وعليكم السلام


اعتذر على التدخل ولكن كلامك جد مهم بالنسبة للاخت لان الكثيرات مثلها وصعب التقبل والسبب وسواس الشيطان
استغفر الله


اتمنى من الكل فهم بان الدنيا متاع وغرور

شكرا

[ibrahimm]

بصح مش مترسم في خدمتو ويحوس عليها خدامة

هذا يخطب فيك و لا مرتب نتاعك

[عبد الله 22]

ياختي بالتوفيق أن شاء الله لكن حاولي أن تفكري بانه يبحث عن عاملة ؟؟؟؟؟؟؟؟؟؟؟؟؟؟؟؟ إي بالمختصر المفيد ccp

[amine9mm]

وعليكم السلام


اعتذر على التدخل ولكن كلامك جد مهم بالنسبة للاخت لان الكثيرات مثلها وصعب التقبل والسبب وسواس الشيطان
استغفر الله


اتمنى من الكل فهم بان الدنيا متاع وغرور

شكرا

اولا الحديت غير صحيح تانيا وهل الشبوب للمراة ام الرجل سبحان الله في هذا الجيل يحوسوا على الشبوب كلام غريب والله مع ان الحديت الرسول واصح وصوح الشمس من ترصون دينه اذا فانت المشكلة اذا اردت شخصا جميلا فللاسف عليك

[douane hadjer]

ياختي بالتوفيق أن شاء الله لكن حاولي أن تفكري بانه يبحث عن عاملة ؟؟؟؟؟؟؟؟؟؟؟؟؟؟؟؟ إي بالمختصر المفيد ccp




اذا كان همو الدراهم غير تجبد روحها وخلاص حتى هيا لازم تشرط حاجا واللي هيا اكون خدام علا خاتر هو اللي لازم يصرف عليها وربي مايرضاش الانسان التاكل على دراهم لوخرين ولي فيه الخير اجيبو ربي وخلاص

[رحمه المغامسي]

خمي مليح و رب ييسر إن شاء الله

[tanhinane24]

انا ليا غير حبسي ادا ما عجبك اديها من روحك كي تخرجي مع واحد ماش زين و عاقل تصبري تصبري او مبعد تتفلقي ما تحملي او تبطلي او مادام هادي الفكرة بانتلك من الاول غير باعدي خاطر اول خطوة راح اتجي بالشك و ماش مقتانعة و مشوشة والله اعلم

[bonbon]

سلام اختي

استخيري جيدا و فكري بتأني و لا تتسرعي

لانها هذه حياتك و انت من تقررين

+ ليس كل سلفي هو سلفي فهناك من يأخذون من الكلمة غير المظهر

و ايضا لم تعجبني كلمة انه يريدها عاملة؟ و هل السلفي الحق يسمح لامرأته بالخروج و العمل و الاختلاط؟ أم انه يقبل بهذا مقابل الشهرية؟

ربما اكون مخطئة لكن فكري جيدا و صلي و ادعي الله ان يهديكي الى القرار السليم

ربي يوفقك اختي

[khawlita.dz]

اعطى لنفسك كل الوقت
لدراسة شخصيته و دراسته
ولا تستمعى كثيرا للناس فالناس ليس لها الا الظاهر يحكمون على المظاهر ليس كل من اطلق لحيته او لبس قميصا متدين
يمكنك ان تتكلمى معه ولما يتقدم لخطبتك و تساليه كل ما يجول بخاطرك و ايضا عن قضية العمل
خدى الوقت الكافى بالتفكير ثم قررى يا نعم يا لا

[lalib40]

هذا الشخص يريد راتبك فقط

[kadid]

السلام عليكم اريد ان اساعيدك يا اختي ان كان ابن عائلة محترمة و على خلق فانشاء الله يتميم بخير و لكن قبل كل شيء يجيب من عائلتكي ان تبحث عليه جيدا و الف مبروك مسبقا

[سماح04]

السلام عليكم
يا أختي فكري مليح قبل ما تخطي اي خطوه لأنو هذا زواج ماشي لعبه اذا كان انسان متربي ويخاف ربي ومسؤول لاترفضي وان شاك انو طامع فيك لي جابو يجيب غيرو

[ابوبكر17.00]

السلام عليكم
يا أختي نصيحة لوجه الله
ما تعبيش روحك بهذه الأفكار
الأصل في الرجل رجولته و أخلاقه و تحمله للمسؤوليات
و علاقته مع الناس ( يكون راجل مع الناس و أهلك)
المشكل اليوم هو أنه الرجل يحوس عليها ملكة جمال
و المرأة تحوس عليه سيدنا يوسف
كي يكون أوسم رجل رايحة توالفيه و يولي مثله مثل الآخرين
الصح الصح في الأخلاق هي اللي لا تكره

[محمد جديدي التبسي]

وعليكم السلام ورحمة الله وبركاته
راني حاير وين شفتو كلمة سلفي وبديتو تحكو على السلفيين واللحية والقميص؟؟ الله يهديكم
هي قالت ابن سلف صديقتها ! اقراو مليح المشكلة
أختي لما يأتيك في جلسة الرؤية وتشوفيه ويشوفك وتتحدثوا تعرفيه وتكون الأمور أوضح
قضية إنو يريد عاملة عيب رجل يطلب امرأة خدامة ما دوره هو؟ ننصحك تحبسي الخدمة
وأخبريه عن نيتك في التوقف عن العمل بعد الزواج وشوفي رايو ..ربي يوفقكم

[Napia]

السلام عليكم
منكثرش عليكم مراهش يجيني النوم من التخمام تعببببببببببببت
صحبتي قاتلي انو ولد سلفها حاب يتزوج وقاتلو عليا
سقسيتها عليه قاتلي عاااااااااااااقل ومتربي والناس كامل تشهدلو باخلاقو
بصح مش مترسم في خدمتو ويحوس عليها خدامة مع العلم انا استاذة
المهم جا شافني من بعيد
ونهار لي شافني قالها لازم تشوفني باه نقدرنهدر مع باباها
انا قلتلها لالا جيبيلي غير لافوتو تاعو جابتلي لافوتو معجبنيش كاااااااامل بصح كي نتفكر انو عاقل ويخاف ربي
ويصلي نقول معليش الخدمة والشبوب مش لازم ومن بعد نقول لالا
والله غير راني حااااااااااااااايرة وش ندير صليت استخارة وقلت نشوف رايكم


:confused::confused::confused::confused::confused: :confused::confused::confused::confused:

[رحمة 20]

استخيري وزيدي اسالو عليه