الدرك الوطني 2014

[oussama el]

السلام عليكم وحمة الله وبركاته، أنا طالب جامعي وضعت ملف للدرك الوطني العام الماضي إلا أنهم لم يتصلوا بي مع العلم أني مقبول في الفحص الطبي والتحقيق. أنا من ولاية ميلة والعام الماضي إتصلوا باللذين وضعوا الملفات قبلنا بعام أما جميع من وضع ملف جديد لم يتصلوا به.
نرجوا من إخواني ذوي الخبرة والإختصاص في المجال أن يوجهوني هل أعيد دفع ملف جديد أم أنتظر أن يتصلوا بي وأعاود التحقيق فقط وشكرا

[faoizi27]

اذا لم يتنم ارجاع ملفك تعتبر في قائمة الانتظار

[anes kardinal]

السلام عليكم
خويا هذي هي الاجراءات ديما بالنسبة لضباط الصف
انا قالولي في مارس يعيطولنا باه نديرو تجديد الملف
وبعدها نعاودو نديرو التحقيق
وفي اوت 2014 ان شاء الله يوصل الاستدعاء باه ندخلو

[oussama el]

بارك الله فيكم خاوتي faoizi27 وanes kardinal
خويا anes kardinal نتا مداير ملف من العام لي فات وفوت الفحص والتحقيق ومقبول فيهم ؟
لكان كيفي أنا تاني نسنى يعيطولي باه نعاود التحقيق ولاكيفاه ؟

[anes kardinal]

هههههه يا خويا انا دفعت العام الي قات في افريل
درت لافيزيت في 22 افريل 2013 ودرت لونكات في 07 ماي
معيطوليش
السمانة الي فاتت رحت سقسيت قالولي في مارس نعيطولكم فالتيليفون باع تعاودو الملف

[oussama el]

شكرا الأخ anes

[توريس22]

بارك الله فيك

[anes kardinal]

وفيبك بارك خويا
المهم يا خاوتنا متتقلقوش رانا في دفعة 2014 اصبرو برك
والي كتبهالنا ربي هذيك هي

[oussama el]

نشالله ياربي

[oussama el]

نرجو من الإخوة من كامل التراب الوطني أن يفيدونا بجديد الدرك الوطني واللذين هم في قائمة الإنتظار (من وضع ملف من العام الماضي) مع ذكر الولاية وشكرا.

[goga]

سلام عليكمخاوتي اريد والافادة في كل مايحصل رتبة سرجان في الدرك الوطني
وقت ايداع الملفات?
وابن?
الاجر?

[oussama el]

وعليكم السلام ورحمة الله وبركاته أخي ، المهم كل مايخص رتبة سارجان في الدرك الوطني أولا توجع الملفات في المجموعة الإقليمية للدرك الوطني للولاية التي يسكن فيها ( le groupement ) نهار يبداو يستقبلوا في الملفات تروح لتم تحط الملف تاعك.
الملفات تبدى توضع إبتداءا من مارس روح للمجومعة الإقليمية لولايتك وسقسي ولكان عندك واحد تعرفوا لتم وصيه كي يبداو يوضعوا الملفات.
عندك وراما تحط الملف ب15 يوم أو أقل يعيطولك تروح تهز إستدعاء باه تروح تفوت الفحص كي تعود مقبول فالفحص وراها يعيطولك للتحقيق تدي زوج شهود فارق العمر بينك وبينهم من 25 سنة فأكثر كي تعود مقبول تاني فالتحقيق أصبر لأوت نشالله باه يعيطولك تمشي لوحدة من المدارس الثلاثة: مداوروش (سوق أهراس )، مليانة (عين الدفلى)، سيدي بلعباس.
عندك ستاج عامين عام فوحدة من المدارس هذوا والعام الثاني يبدلوك.
وعن الأجر خواي من 48000دج وطلع والله أعلم.

[goga]

شكرا علي النوصيح اخي الكريم

[khaledbba95]

وانا مثلكم انتظر التصال ولكن عند اعادة الملف هل نعيد الفحص والتحقيق ام لا وشكرا

[oussama el]

شوف أخي أنا راني ليوم عاودت التحقيق وقالي لي عاودلي التحقيق دير ملف جديد ودفعوا في المجموعة الإقليمية
بصح الفحص كي يعيطولك باه تمشي في أوت نشالله تعاودوا فالمدرسة لي بعتوك ليها بصح درك ماتعاودش الفحص وما تقلقش أم يعيطولكم كامل نشالله ربي يسهل

[anes kardinal]

السلام عليكم
بالتوفيق خويا oussama
iهههه هنا في سطيف مزال ما تفكروناش باه نعاودو الدوسي
مي رانا صابرين حتى يفرجها ربي
اعطيني الفايسبووك تاعك خويا Oussama

[oussama el]

ماتقلقش خويا anes راهم يبداو بالولاية حتى يوصلوا لينا كامل
خويا أنا عيطولي باه عاودت التحقيق والملف مازلت مادفعتوش ونشالله يعيطولكم كامل أصبر برك
"hada houwa lfcb ta3i "ous.sama.1213 سلام

[oussama el]

السلام عليكم ورحمة الله وبركاته، نرجو من الإخوة الذين لديهم استفسار حول الدرك الوطني 2014 أن يتركوا إستفساراتهم هنا للإجابة عنها وشكرا

[miro19]

السلام عليكم
بالتوفيق خويا oussama
iهههه هنا في سطيف مزال ما تفكروناش باه نعاودو الدوسي
مي رانا صابرين حتى يفرجها ربي
اعطيني الفايسبووك تاعك خويا oussama

أهلا أخي أنيس أنا تاني من سطيف وراهم عيطولنا عاودنا الدوسي ولي نعرفهم كامل عيطولهم عاودوا
خويا روه سقسي في لابريقاد نتاعكم
وشكرااااااااااا

[anes kardinal]

السلام عليكم
بارك الله فيك خويا ميرو
مم انا عيطولي باه نعاود لونكات والدوسي
وان شاء الله رانا كيف كيف في دفعة 2014
ربي يسهل لكل واحد حاب يدخل

[khaledbba95]

السلام عليكم و انا من ولاية سطيف
عيطولي عاودت التحقيق وعطيتلهم شهادة وميلاد وعائلية اما الدوسي ما قالوليش عاودو وشكرا

[oussama el]

السلام عليكم ورحمة الله وبركاته، ماتقلقش الأخ خالد أم مايطولوش ويعيطولك تعاود دوسي نشالله هاكا حنا حتى فوتنا التحقيق وراها بشهر باه عيطولنا عاودنا الدوسي سلام.