طاجين الدجاج بصلصة الجبن والكرام فراش [الأرشيف] - منتديات الجلفة لكل الجزائريين و العرب

أم مبين

2014-02-14, 02:24

السلام عليكم ورحمة الله وتعالى وبركاته
نتمنى الاخوات يكونو لاباس عليهم
ليوم للغداء عملت طاجين الدجاج بالجبن
المقادير :
دجاج حسب الكمية او عدد الافراد
توابل تتمثل في : فلفل اكحل كسبر مطحون ثوم غبرة زنجبيل مطحون اعشاب ويمكن الاستغناء عليها شويا زيت وفنجان ماء يعني نعملو صوص بلونش انا ما حطيتش البصل فقط
نحطو كامل المقادير في لاكوكوت ونغلقو عليها حتان يطلق الجاج لاصوص نتاعو ويطيب يبقىناقص شوي برك طياب
نفتحو لاكوكوت نحطو لاكرام فراش والفرماج ونخلطو ونعاودو نغلقو ونخلوها 10 دقايق
ونفتحو عليها
نخلوها تخثار حسب الرغبة انا عملتها شوي خاثرة
وفتت في لاصوص صدر دجاج وقدمتها مع شة معدنوس وعصرة ليمون وبصحتكم
نتمنى تجربوه راه هايل

cuisineshowdalatifa

2014-02-14, 11:32

شكرا أختي , في كل مرة نشوف الخليجيين يضيفو كرام فراش في أكلاتهم و في الحقيقة ما تجرأتش نديرها , بصح معاك راح نجربها