المساعد الشخصي الرقمي

مشاهدة النسخة كاملة : ماساة حادثة الطائرة :

المنتصر1
2014-02-13, 17:11
كلمات متواضعة حول ماساة تحطم الطائرة العسكرية ..اوجهها لاهالي الشهداء..وكل الاحرار :

انصبر في خاطري..مابى يهــــــــدا

غاضوني لحبـــــــاب حرقتهم النار..

ما تنفع دمعــــــــــات...ولا قصيدة .

ذا المحنة....يا خاوتي كي صهد النار...

ابكي...يا عيني كل الشهـــــــــــدا

شبان..وشابات..ومعاهم كبـــــــــار

جمرة في قلبي ...راهي وقــــــاده

هذا المصيبه...ما ليها تعــــــــــــبار

يا من تفهمني....راني في ش،،،ده...

قلبي يتقطع ..والخاطر محتـــــــــار ؟؟

كي نتفكرهم..تحكمني رعــــــــــدة

ونتالم...حتى واناي صبــــــــــــــار...

يا قمة ـــ فرطاس ــ جيتيني كوده..

ما نقدرش نجيكتحكي لي ما صار..

ثم احبابي فيك ..راحو في وهــــده

وشافو ذاك الهول في وسط النهار

كاين فيهم لي خاطب..مقدوده..

ويحلم..بالافراح...كي عرسو يندار..

وكاين لي ما شافش امه من مده..

يجيها في صندوق...مقطع اشطار..

وكاين لي مشتاق لاولادو بعــدا..

ما شافوهش...ما قدر يدخل للدار..

ارحمهم يا خالقي..فردا فــــــــردا

وسكنهم لفوق...في جنة لابــرار..

وصبر هلهـــم ياك راهم في شده

وعوضهم بالخير...يا عالم لاســرار

يا جيش الابطال ..ما هيش جديده..

كل التضحيات للوطن..تصغـــــــــار

الله يحفظكم...ويحفظ القــــــــــاده..

ويحمي المسلمين..من ظلم الكفار

تحيا الجزائر...ارض الشهـــــــــــدا

ارض العز ..اللي كتبوه الاحــــــــرار..

=== الجلفة في 12/02/2014
الإدريسي العلوي
2014-02-13, 17:18
بارك الله فيك وجزاك خيرا
مناد بوفلجة
2014-02-13, 17:53
ربي يرحمهم جميعا
الملتزمة بالدين
2014-02-13, 18:04
السلام عليكم

ربي يرحمهم اجمعين
نورة مروان
2014-02-13, 20:02
ربي يرحمهم اجمعين و يتولاهم برحمته و يلهم دويهم الصبر و الصبر و الصبر