مشكلة مع خطيبتي ....(2)

[مشكلتي]

السلام عليكم ورحمة الله وبركاته
اولا احب اشكر كل من تفاعل مع موصوعي و كل من قدم لي نصائح وبارك الله فيكم
انا صاحب هذا الموضوع مند حوالي 15 يوم http://www.djelfa.info/vb/showthread.php?t=1520468
اولا اسمحولي نجاوب ونقولكم بلي نصتعرف بلي غلطت وطلبت السماح لكن المشكلة مزالها حابسا وخطيبتي مزالها في قرارها للعلم انا هدرت مع اهلي قالك اصبر عليها برك منيش عارف حدود هذا الصبر هي راها متمسككة بالانفصال و قالتلك مانحبش واحد يهدر حاجة ومايطبقهاش .... والله يا خاوتي حياتي سماطتلي ومانيش عارف كفاه ندير خدمتي نشوف فيها رايحة تضيع الملل هلكني والمشكلة ننعيط نصقصي عليها تقابلك بوحد البرود تاع راني نقلق فيها بصح والله لحد الان راني حاكم في اعصابي ومازالت ما تخدت اي قرار بصح المشكلة اني ماعرفتش كفاه نخمم والمدة طالت رانا في قريب شهر ملي صرا المشكل ارجوا المساعدة والنصح وشكرا...

[نورسين.داية]

السلام عليكم

ماذام لإعترفت بخطاك و إعتذرت من الفروض ....لم يبقى أي إشكال ........................

في رأي و شخصيا إذا اخطأت مع شخص ما أعتذر و أوضح أسباب خطئي ....و لا أنتظر قبول إعتذاري ممن أعتذر منه المهم بالنسبة لي أني أديت واجبي قبله و قبل الله عز وجل ................قبل اللهم بارك ما قبلش .............الله إسهل عليه ................و الحياة متواصلة طبعا المهم انا ضميري مرتاح

وفقك الله أخي

[shaydiaa]

أضن أنو أشياء أخرى لم تقلها خطيبتك تعلمها عنك و هذه الشيء وجعها بزاف لو تتكلمو و تتناقشو في الموضوع ربما تتحل المشكلة

[bonbon]

سلام اخي

نظن مع هذه المدة للي فاتت و مازالت ترفضك

فخطيبتك لا تريدك و لا تريد ان تكمل معك لانها لا يهمها ان خسرتك

+ نظن راهي حاكمة عليك حاجة اخرى

من رأيي تكلم معها لآخر مرة و قل لها لن اصبر اكثر و سنحلها بالتراضي ما دمتي تريدين ذلك و انتظر ردة فعلها

ان قالت لك ببرود نعم فاتركها

أما ان بدأت تذكرك بما فعلته و بأنك أنت المخطئ فمعناه تريد ان تناقش معك المشكلة لعلها تقتنع بكلامك

تكلم معها و لا تترك الامور معلقة هكذا

لكنك اسمحلي تستاهل واش راه صاري فيك لانها لو فعلت هي نفس فعلتك لأقمت الدنيا

فتحمل نتيجة خطئك فالخيانة مُرة جداااااااااااا و مؤلمة

[مواطنة جزائرية]

حاول أن تتناقش معها و تسمعلها و توضحلها وجهة نظرك و تفهم منها و يكون هذا اللقاء هو الذي يتم فيه اتخاذ القرار بخصوص العلاقة بينكما و يجب أن يكون القرار مشترك


ربي يصبرك

[بنت لبحر]

ربي يكون معالك

يا اخي متخسرش خدمتك على سبة كيما هكا

ربي يصلح الاحوال صلي صلاة الاستخارة و خليها عللى ربي و لي فيها خير يقدمهالك

الا كانت هي مكتوبك لا هي و لا اي واحد في الدنيا يبعدك عليها و ان مكنتش من مكتوبك ما عندك ما دير

[الفاتحة]

خطيبتك فقدت الثقة فيك ، حاول كسب ثقتها من جديد ، وتأكد أنه معها الحق 100/100 ، وكما قلت لك سابقا وأعيدها لك ضع نفسك مكانها ـ اعتقد انك لما كنت سامحتها مهما فعلت ، عموما اشتري لها هدية معتبرة واعتذر لها واعطيها وعد رجل بانك لن تكلم نساء أجانب عنك مهما كانت صفتهن ...وإن سامحتك فلا تعد الكرة ابدا ـــ .... شخصيا مكانها لما كنت سامحتك مهما فعلت ...

[أم شروفة]

اذا كانت ترد عليك معناها مش حابة تفسخ الخطبة.هذا دلال و فقط دللها.اشريلها هدايا و اكتبلها بأنها امراة حياتك و بانك لن تخونها.وبان لو تركتك ستنتحر......هذاك الكلام المعسول .صدقني راح ترجع.وربي يكتبهالك ان كان لك فيها الخير

[النجمة القطبية]

شوف يا اخي هناك من النساء من تحب ان يكون زوجها عندو كلمة تعتمد عليه وتثق فيه و لا تنسى ان حياتها كلها ستكون مرتبطة بك لانك ستكون زوجها طاعتك واجبة فكيف تطيع زوج تشك فيه ادن اختيار الرجل امر اساسي فلا تستغرب
باختصار يبدو ان ثقتها بك اهتزت او تلقت صدمة قوية وبرودها رد فعل طبيعي وحتى فسخ الخطوبة بالنسبة لها امر طبيعي لانها تشعر انها اساءت الاختيار في لحظة من اللحظات
حابة نقول فقط ان بعض النساء يفكرو بهده الطريقة لدلك لا تسمع للردود اللى تقولك دارتها سبة ولا ادرى مادا لا يوجد امراة على وجه الارض تضيع سنتين من عمرها مع شخص لا تريده زوجا في حين انه من حقها ان تسترجع ما تبقى من عمرها ادا اكتشفت انها اساءت الاختيار
اعرف ان الكثير من النساء اللواتي عندهم فكرة المهم الزواج والسلام وتقوى الزوج واخلاقه لا تهم وعندهم فكرة انو كل الرجال يخالطو لن يفهمو كلامي لاني راجعت الردود وشفت ردود بعض الاناث تسبب الدوار يا اخى لا تنسى انك ستكون اب لاولادها و لازم تلشوف فيك القدوة وحسن التعامل
وانا نقولك ادا كنت متاكد ان خطيبتك فتاة صالحة وتحبك وتستحق التضحية وتخاف ربي سبحانو فالافضل ان تسترجع خطيبتك خير ما تطيح في وحدة لا يهمها ان خالطت الاخيار ام الاشرار اما ان كنت ترى ان الفتاة لا تستحق العناء فمتعبش روحك واتركها القرار لك
وادا كان قرارك المواصلة اعطها الوقت الكافي للتفكير يعني لا تلح وتبقى تتصل وتعاود خليها تراجع حساباتها وهدا حقها
انت تصرف بطريقة عادية ولا تبالغ فقط فهمها حقيقة الامر وخليها تشوف انها غلطت في تقديرها بلا الحاح وهي اكيد راح تكتشف جوهرك وحدها وبصراحة لن تفسخ خطوبتها بسهولة ادا كانت متاكدة من صلاحك هو كلام في لحظة غضب مثل هده الامور الوقت كفيل باصلاحها
في حالة اصرت على قرارها انت درت االلى عليك وكل شئ مكتوب ولن تندم ما دمت احسنت التصرف وواثق من نفسك وتصرفك
موفق

[محمد جديدي التبسي]

أرجو أن لا يكون حديثكم في المشكلة بالهاتف أو اللقاءات خارجا واهلكم لا علم لهم!
سأحسن الظن بك أخي
إذا أهل الفتاة وأهلك لديهم علم بالمشكلة وصارحتوهم فإليك الحل إن شاء الله
وهو أن تحدد موعدا وتذهب لبيتها وتقابلها مع وليها وتحسم الأمر
ولتذهب معك والدتك أو أختك تحدثوا بصراحة وضع النقاط على الحروف أنت أخطأت واعتذرت وأدركت خطأك ومكانش اللي ما يغلطش
بعد هذا اللقاء انتظر النتيجة بعد يوم على الأكثر وهناك يكون الحسم إما مواصلة المشوار وإما الانفصال وفي الحالتين تأكد أن الخير ما اختاره الله
سيكون قرارها الرجوع في الغالب لأن تأثير عائلتها وعائلتك سيكون كبيرا والله أعلم
ربي يفتح عليكم ويوفقكم للصواب ..سلام

[أبو الياس الجزائري]

صلاة الاستخارة لعلها تفيد

[عصـــام]

السـلام عليكم أخي ، بخصوص مشكلتك ...يجب عليك التأكيد على أن تكون صارما صارما وذو شخصية حازمة في إتخاذ القرارات ، ربما أخطئت ، لكن لا أعتقد أن الخطأ الذي تكلمت عنه لا يغتفر خاصة أنك رجل ، لذلك أقول لك من باب الأخوة والنصيحة :

إتصل بخطيبتك ، وإذا لم يكن راسلها تقـول لها وبوضوح شديد ، أنك تريد محاورتها وتوضيح الأمـور والجلوس في بيت أهلها أو أي مكان تراه هادئا هـي ، كلمها عن قناعتك بأنك تريدها هي وفقط ، وحاول أن تعطيها مهلة 15 يوم لكـي تفكر وأنت راضي عن نفسك من دون أي تراجع .

إذا رأيت فيها قلبا طيبا وروحا مسامحة في أن تغفر لك هذا الخطأ البسيط والذي لا أعتقد أنه يؤثر على علاقتك بها كخطيبة طيلة المدة 15 يوم الذي ستقدمها لها . إذا لم يكـن فأفسخ خطوبتك نهائياً ولا تتصل بها مجددا ، وتأكد يا أخي أنك رجل رجل قادر على أن تفوز بفتاة أخرى عفيفة وإيمانها يفوق حقدها وفكرها يفوق عاطفتها . والله الموفق .

[oumhana]

ربي يفرج عليك و على كل المؤمنين.درت غلطه مي جاب لي ربي مشي هادا هو السبب أنا من رايي تقصدها لدارهم وتكلما قدام والديها. صح عندها الحق تزير شويه مي باه تتطلب الفسخ هذي ماشي سبة كافيه . ثم حذاري من تقديم الهدايا في موقف كما هذا انا ضد الفكره جملا في موفق كما هكذا.خلي دارهم يتفامو معاها و يقنعوها. وكلشي مكتوب الله.

[ابوبكر17.00]

ربي يوفقك لكل خير

[الجليس الصلح]

الصدمة كبيرة عليها وأثرت فيها كثيرا لكن لا تقطع الأمل ان تريدها فعلا عليك بمرسال أختك مثلا تشرح له موقفك وندمك مما حدث المهم تحاول ارضاؤها لتعود المياه لمجاريها

[نورالهدى بيولوجيست]

بعد ماقريت موضوعك الاول فمت الحكاية نوعا ما

انا لوكان جيت منها نزعف اكيد لكن مانوصلش لحكاية نفسخ الخطبة

قلها يا طفلة النسا وش راها تعاني مع الرجال من خيانة و حوايج اكثر

و صابرين اما على كلمة ولا زوج تطلب فسخ الخطبة !!!!!!!!!!!

يا اما مدللة ياسر لازم توليلها ملاك و هذا شئ مستحيل رايحة تعييك ياسر

شوف كاش ماعندها سبة اخرى حبت تخليك على جالها انا كطفلة نفهم بلي مش سبة نتاع فراق

ربي ييسرلكم اموركم و يوفق بيناتكم ان شاءالله

[سارة نورر]

انا صرتتلي نفس المشكلة مع خطيبي وهو اضاف بنات وقت كنا متفاتنين ولحقنا لفراق على جال هدي السبة وزعفت منو بزاف
ومن بعد عاود وعدي باه ميهدرش مع اي وحدة ومدلي كملة السربة تاعو مي والله مرجعت ندير فيه الثقة كيمافي الاول وليت سبة واش عليه نقولو نتفارقووو
ومن بعد شفت بلي مكانش ناوي يدير حاجة مشي ملحية غلطة وفاتت والحمد لله عادت المياه لمجاريها
انت خليها 3ايام ومتعيتش وخليها هي وحدها ترجع
ولا ماعيطتلكش وماحوستش عليك معناها كاين حاجة وحدوخرا في راسها وبالتوفيق

[iman dadou]

ربي يهديها بصح ماتلومهاش و الله ماهي ساهلة تصدمت حاول تتقرب منها باه تقدر تنسى و تسامحك

[amina260]

السلام عليكم ورحمة اله وبركاته
نفس مشكلتي مع خطيبي في الفيس بووووووووك وفي التليفووووووووووون وبرا وياربي ياربي ما اصعبها والمشكل انو يحبني !!!!!!!!!!!!!!!!!!!!!!!!!!!
الاولى عديتها غطلة وصرات سيمانةب رك وفوتها ومن بعد عاودهالي في رمضان قعدانا 3 اشهر ووصلنا للفراق نيشان اهدرت مع دارنا كامل بصح مبغاش يخليني ننساه وتمسك بيا ومبغاش يبعد وحلفلي بربي بلي تبدل على جالي وتاب لربي وميعاودتش وراهي غلطة انا تعقدت نفسيا ولحد الان مزالت الشوك فيا ومزال ثقتي مذبذبة ومزا لنسقسيه شكون راه يعيطلك حتى خطراتش يتنارفا ويقولي صي مننسوش هذيك الغلطة صي خلينا نفوتوها خلينا ننسوها والله لصعيبة متلومهاااااااش وخصوصا اذا كنت تبغي انشان بزاااااااااااف وومخلص ليه ويخونك تجيك بيزااااااااار متصدقهاش ومتقدرش تسامحو بلخف بصح اذا مكنتش تبغيه راهي تجيك نرومال مدة قصيرة وتعاود ترجعلك والله لصعيبة بزاف مزال قلبي مجروح مجروح ربي يسهل لكل مؤمن يارب ادعولي معاكم