انا في عذاب كبير

[مشكلتي]

السلام عليكم ..اعاني في حياتي الزوجية مع العائلة حيث اني اعيش وسط عائلة كبيرة و انا بطبعي انسانة هادئة و نحب الهدوء ....الوضع معاهم راه مقلقني بزاف نحس روحي مارانيش إجتماعية و أحيانا نحس بعقدة نفسية تجاهم خاصة لما يكونو يحكو و مندمجين مع بعض نحس بالنقص تجاهم و اني غير إجتماعية ..مشكلتي اني إنسانة كثيرة التحليل ...على هذا مانقدرش نعبر ولا نحكي بطلاقة ..وراهي تكبر هاذ المشكلة كل يوم...حيث راه ينتابني إحساس باللي انا مريضة...نفسيا..تقولولي إستشيري طبيب نفسي ...لايوجد في المنطقة التي اسكن فيها ..ارجو منكم المساعدة خاصة اللي مرت بمثل تجربتي

[نورسين.داية]

السلام عليكم

ماذا تقصدين بكثيرة التحليل .....؟؟؟؟؟

الإنسان من المفروض إجتماعي لكن تاتيه فترت يحب يكون فيها منفرد .......سبحان الله هذي طبيعة الإنسان .....
الحل حاولي طرح المشكل مع قريب بدل طبيب نفسي ....و لا تطرحي الموضوع أمام أهل زوجك .....نصيحة ....

وفقكي الله عزيزتي

[ندرومة49]

عادي جدا بل تحفظك وعدم كلامك يجعل الغير يقول بأنها متزنة المهم المشاركة بكلمة أو كلمتيين

وللتواصل معهم موجودة النت اقرئي نكتة أو قصة عن الصحابة قصيرة واحكيها لحماتك أو طفلتك رايحة بشوية تكوني اجتماعية

وكل مرة احكي نكتة يشبعو ضحك ومنها بشوي تندمجي

عادي جدا ...لا تكبري الموضوع اكثر من حده

[bonbon]

سلام اختي

نظن راكي عادية جدا ماكالاه توسوسي روحك بحاجة ماكانش

كل انسان و طبعه كاين للي تلقايه يندمج مع اي شخص يقابله و يتأقلم معاه و كاين للي ما يحبش يدخل روحه و ما يحبش يهدر بزاف

نتي حاولي تدخلي معاهم في احاديثهم و شاركيهم افكارك لكن في حدود

لانه حتى المخالطة بزاف موش مليحة و كثرة الكلام تجيب المشاكل احيانا

كوني وسطية و ان شاءالله تلقاي راحتك

لكن نشوف فيك انسانة عادية فقط ابتعدي عن التحليلات التي احيانا تجيبلك سوء الظن

و ربي يوفقك

[الفاتحة]

حاولي اقناع نفسك بأنك اجتماعية وأعيدها بصوت خافت انا اجتماعية أنا ذكية انا ناجحة انا ..... ما أريد قوله لا تحبطي نفسك بكلمات تقلل من قيمتك وتضعف من شخصيتك ، بل حاولي أن تقنعي نفسك بكلمات ايجابية ستستقر في عقلك الباطن وستتحسنين أكثر وأكثر .....وقبلها حافظي على صلواتك واكثري الدعاء والاستغفار ربي يفرج عليك

[أم شروفة]

لا تضيقي على روحك الحال.عيشي لنفسك و زوجك.وش يهموك تكوني اجتماعية أو لا.صدقيني خلطة أهل الزوج راها غير ندامة.خلي الاحترام بيناتكم.اذا خالطتيهم راهم غير يعفسو عليك.خليك كما أنتي.أنا في دار شيخي من صباح الخير.ما يسمعو مني والو.وهاك أحسن.لان القيل و القال تجيب المشاكل

[naamane3]

ثقفي نفسك بقدر استطاعتك
وهذا هو حلك

[dori]

الله يعيينك اختي

حاولي تندمجي معاهم وما تبينيلهمش باللي راكي مزعوجة من العيشة معاهم .. هما يحسو بتصرفاتك وياخدو نظرة مش مليحة عليك
شوفي واش هي المواضيع اللي ترتاحيلها وناقشيها معاهم وما تقعديش وحدك . لانو الوحدة احيانا تكون مضرة تخليك تفكري انك مريضة نفسيا .. وهذي مجرد شكوك ووساوس ... الله يصلح الحال

[الجليس الصلح]

السلام عليكم ورحمة الله
أسرة كبيرة هذه هي أجواؤها ربما لم تعتادي على ذلك لكن عليك أولا ان تندمجي معهم دون حساسية بالتدريج
فالذي يبقى وحده كثيرا ما يصيبه ذلك الأمر
شيئ من الثقة والهمة وقوة الشخصية تدفعك لتزيحي هذا العذاب
موفقة بحول الله

[دروب التابعين]

يندمج من يتسلح بالايمان
من هو الذي يصبر على اذى الناس ويخالطهم
انه المؤمن قوي الايمان
اذا كان ايمانك يتارجح يوما يطلع ويوما يهبط ويوما تتفاهمين ويوماتتتنافرين معهم
ان استطعتي الصبر اصبري
وان العكس حاولي انك تجبدي فلوقت لي تشوفي انو رح توصل الامور للتوتر وان كان الجو هادئا خالطي
متجبديش حتى تولي وحيدة ومتخالطيش حتى السماطه
نتيا عندك عقل
اذن حكمي عقلكي

[shaydiaa]

صح أنت لست إجتماعية و جاتك فرصة باه تعودي إجتماعية ما عليك إلا تصفي نيتك و تجلسي مع أهل زوجك لما يكونو يتبادلو أطراف الحديث كوني مستمعة في الاول ثم شاركي بكلمة أو إثنتين حتى تتعودي على الكلام وتتخلصي من العقدة لي عندك و أكثري من قراءة القرآن تنشرح نفسك و تنحل عقدة لسانك

[imadsoft07]

mercimercimercimercimercimercimercimercimercimerci mercimercimercimercimercimercimercimercimerci

[الناصِح الصّادِق]

هناك شيء تهتمّين به أكثر وهو ما جعلكي منشغلة به ... ..؟؟

إدا كان لااا

فأنتي هكدا هادئة ولا نقول غير اجتماعية فحتى قلّة الحديث .. أو كل كلمة في مقامها تسمّى الخلُق الجميل

ممكن كلام من حولك جلّه لَغو ( أي لا فائدة فيه .. أو لا يستحِق آراء ) فهدا يجعلكِ تدخلين تحت الآية التي تصِف المفلِحين حيث يقول الله :

وَإِذَا مَرُّوا بِاللَّغْوِ مَرُّوا كِرَامًا


ممكن أنتي هكدا (( لأني طِبق الأصل معك )) لم أراه مشكل أبداً ولا يستدعي النفسانيين

هناك من ستنفتِحين معه للحديث أكثر و تكونين إجتماعية معه عادي


فهدا نوع من الناس.. فهم محترمين أكثر من الجميع

الهدوء والحِكمة

حتى الرّؤية للحياة تكون أدق من اللّدي يلغوا ويتحدّث كثيراً
ممكن تُوافِقيني إدا قلت أنّكي موفّقة في قراراتك الشّخصية وأنّكي مرتاحة نفسِياً في شخصِك
؟

[شوشو 11]

اختي موضوعك هدا جا في نفس الوقت وكنا نهدرو فيه مع بنت عمي

امرك عادي لانك جديدة والعقبية جديدة عليك
انصحك انك تزيدي ثقتك بنفسك وبعدي تماما على التحليل والتانيب .....وزيدي ثقفي روحك من النت يعني الموضوع اللي يفتحوه تلقاي معلومات فيه ومع شوية جراة تكوني حققت التوازن الدي تبحثين عنه
قدري طاقاتك الداخلية وامكاناتك يترفع مورالك
موفقة

[امونة الشاوية]

اختي كل واحد وطبعو واحد يهدر واحد ساكت
وانت بطبيعة الحال بالشوي بالشوي راح تندامجي مع الحكايات ومع الاجواء العائلية

[mounaminou]

ndon eli maykattarch lhadra khir

[ابوبكر17.00]

ألا بذكر الله تطمئن القلوب

[رحمة 20]

حاولي تلجئي لاستماع الدروس وقراءة الكتب باه تنمي معلوماتك وتقدري تحكي في حوايج بزاف

[fati 17]

اشعر بك اختاه ربما ليس هناك مواضيع مشتركة معهم اوطريقة تعاملهم لا تروق لك

[أندلس]

هذا أمر طبيعي لأنك وسط عائلة غير عائلتك و طبيعي أن يكون تفكيرهم مختلف
أظنك حديثة عهد بالزواج و مع الأيام ستتأقلمين

[faty05]

راكي عادي جدا يا اختي
حتى انا كيما انتي نتكلم غير في المفيد و نضحك كي يضحكو و خلاص
و هكا تبقاي بقدرك بالعكس راكي رزينة خير ما تهدري في حاجة خاطية ياك شفتي النسا كي يتلمو و يبداو فلانة و فلتان ربي يعافينا
المهم انا جيتيني عادية و ماكان لاه تمرضي روحك و نتي راكي لاباس و زيد و كل واحد و طبيعته مش لازم تكوني كيما هوما
سلام

[oumyacine]

hata ana haka kima nti hadiya ou ma nebghich el hadra bezzaf ou nebta3id 3an ennass li yahadrou bezzaf ou bla fayda ou 3andi 3jouzti tahdar bezzzzzzzzzzzzaf ou bla fayda bessah waleftha nssa3afha ngoul wah wah ah bessah ou na 3akli b3i louken ysaksouni wach galetlek ma na3kal walou oukhti ma rakich mrida 3adiya ou tab3ek haka ghi r indamji tadrijiyan m3ahoum bi houdoue w rah twalfihoum inchallah

[أم بلوكة]

ماتخليش هاذ التفكير يتغلب عليك كنت كيفك ماقدرتش نتعامل معاهم انا ثاني هادئة ونحشم بزاف ومانهدرش بزاف وهما فهموها لعكس وبداو يدخلو فلكبيرة وصغيرة وبدل مانكون قوية وفحلة كيما يقولو جبدت روحي عليهم طول وهذهالغلطة الولى وذرك انا نسكن بعيدة بزاف عليهم انا في ولاية هما في ولاية و كي نروح عندهم يعاملوني كي البراني الضحكة في وخهي ماكانش صدقيني عمري لا غلطت في حقهم بصح عدم ثقتي في نفسي وسكوتي خلاهم يكرهوني بالمختصر لازم تكوني قوية الحجة للي تعجبك قولي مليحة ولا دريها ولي ماتعجبكش قولي مايش مليحة ونزيد نقولك انا ثاني مانيش اجتماعية وعندك تصرالك كيفي الوحدة قتلتنيلا اصدقاء ولاجيران ولا احباب حتى المقربونيحبو اختي علي خطراكش تهذر واش كاين في قلبها مليح ولا حاير