شكون عندها فور السعادة تدخل

[&أسيل&]

ااااااااه واااااه
قريت هنا فالمنتدى بلي كاين اللي عندهم فور السعادة ويشكرو فيه من هذا المنطلق رحت شريتوو اول حاجة جربتها فيه هو خبز السميد راني في شحال من كيلو وللا مرة نجحت معايا يطيبولي من الفوق ويبقى ابيض عجين من تحت ونار الفوقانية اكثر من تحتانية قولولي حتى كرهتو للعلم راني دايتلو قرعة نتاع الغاز يعني ماشي غاز المدينة
انصحووووني :confused::confused:كيفاش ندير معاااه حسيت دراهمي راحو خسارة ومن فور السعادة راح نعود في فور التعاسة :o
هذي الصورة نتاعوhttp://sub5.rofof.com/img3/011lqzvs22.jpg

[fofol]

ياحتي ان جربت فيه البقلوة ولقطو تع العراس وخراجلى مليح اطيب كولش

[oum radja]

شوفي اختي انا عندي هاذ الفور من 7 سنين
وينجحلي فيه الخبز
انا نعجن مطلوع بالسميد و الفرينة و كي يخمر نحط كويرات العجين فوق الفوطة المخصصة للخبز بلا ما ندير السميد ماتخافيش مايلصقش غطي الكويرات لمدة 5 دقايق و اقلبيهم تاني 5 دقايق اخرى راح ينشفو لازم تغطيهم باش ما يديروش القشرة
قرصيهم بالحلال تاع القاطو باش يجو مسويين وشعلي الفور تاعك من فوق برك على نار متوسطة ماشي ناقصة
وخليه يسخن مليييييييييح
امسحي هاذيك الحديدة لي في الفور وجيبي المطلوع تاعك يكون عاود خمر وهو مقرص اجبدي هاذيك الحديدة شوية و ارمي فيها المطلوعات تاعك انا ندير 3 في خطرة و خليهم يطيبو من فوق كي تشوفيهم حمارو واتنفخو عاودي اقلبيهم يحمارو من الجهة الاخرى
ما تخافيش ماراحش يلصقو على خاطر الفور سخون
ورايحة تتحصلي على الذ خبر محمر و منفوخ وبدون لباب
انا سوفريت كيما انت وبقييت مدة باش عرفت الطريقة الصحيحة واذا مافهمتيش راسليني وراني في الخدمة اختي

[تغرينية]

منكم نستفيد شكرا

[zah11]

أخت ام رجا كيفاش تغطي الخبز داخل الفور؟ باش

[روعة الصحراء]

اختى بشحال شرتيه ومن اين؟

[&أسيل&]

ياحتي ان جربت فيه البقلوة ولقطو تع العراس وخراجلى مليح اطيب كولش

بارك الله فيك على الرد بصح قوليلي كيفاش تريقليه يعني تنقصيلو من الفوق وللا كيفاش ودايرتلو الغاز نتاع المدينة وللا نتاع القرعة عادي انا بانلي النار الفوقانية اكثر من التحتانية

[&أسيل&]

اختى بشحال شرتيه ومن اين؟

شريتو بمليون و300 من الاغواط

[oum radja]

أخت ام رجا كيفاش تغطي الخبز داخل الفور؟ باش
انا ماقلتش تغطي الخبز داخل الفور
تغطي الكويرات تاع العجين فوق الطابلة لي تقرصي فوقها و لا فوق الكونتوار

[oum radja]

الاخت اسيل راها وصلتني رسالتك وبغيت نجاوبك هنا بالاك يستفادو الاخوات معاك
انا هاذ الكوشة خليناها بالغاز تاع القارورة على خاطر مارانيش حاطتها في الكوزينة ونارها قاوية بالزاف دايما عسيها على خاطر مرات تزيد وحدها بالنسبة للخبز ماكانش مشكل نقص من النار شوية ونخليه يطيب من فوق برك وراه يطيب بالخف
و القاطو تاني نخليها تسخن مليح ومن بعد كي نبغي ندخل السنيوات ننقص النار و ما نغفلش عليها
اما البقلاوة نخاف تحرقهالي ندير دايما حاجة ثقيلة تحت السنيوة سيرتو اذا كانت سنيوة خفيفة
يعني ندير الطاجين تاع المسمن ونحط فوقه السينية تاع البقلاوة او حتى الكيك و الجينواز باش ما يتحرقوليش
ونطيب فيها تاني البيتزا و السوفلي و الكوكا وكلش وكي توالفيها ما تقدريش تستغني عليها ههههههههههه
وكاين لي ربطووها بالغاز الطبيعي قالولي النار تنقص شوية يعني اذا تقدري ديرها احسن من تقعدي تبدلي في القرع تاع الغاز كل مرة
وبالاك بالاك تقولي ندير سنيوة كبيرة تاع بقلاوة يعني هاذيك الطويلة انا كانت عندي مناسبة وقلت ندير خطرة وحدة توخذت في 300حبة بقلاوةيعني3كيلو لوز بلا العجينة و التعب تحرقتلي كامل وهي تبان بيضة من فوق من هاذاك الوقت وانا نير في سنيوة صغير
نتمنى نكون افدت ولو بقليل

[أم سهام 1997]

شكرًا يا أخت ام رجاء انا تاني عندي وحدة في سنتين انخافها دائماً من اول مرة جربت فيها المسكوت شو اتشوط اسالك على الخبز النار ماهي شاعلة من الأسفل وكيفية التقراص نضع الكويرة 5د ثم نقلبها 5د وحلها بالحلال وكيف؟وتدخلها مباشرة قبل ان تستريح للمرة الثالثة وهل تقلب في الفرن على وجهها الاخر ؟ارجوك ان توضحي لي اكثثثثثثثثثثثثر انشاء الله

[شهرزاد3]

انا راه عندي اكثر من 4 سنواة ولن نستعملو لاكن دايراتو في غاز المدينة ماش في غاز القرعة ولاكن سمعت بالي تقدري تديه الخدام يسويهلك و يرجع كيما الفوق كما لتحت اسالي لي شريتيه علية يقولك
انا حتى نقصلو من تحت لخاطر قاوي بزاف وقالولي بلي يحبطو السنيوة للنحت و يحطو فوقها كارلاجاة نتاع القرانيطو40 سم على 40سم يستفوهم قدام بعض باش يولي ثقيل ويطيب مليح والله اعلم مزال مجربتهاش رايح نجربها ونردلك الخبر

[oum radja]

شكرًا يا أخت ام رجاء انا تاني عندي وحدة في سنتين انخافها دائماً من اول مرة جربت فيها المسكوت شو اتشوط اسالك على الخبز النار ماهي شاعلة من الأسفل وكيفية التقراص نضع الكويرة 5د ثم نقلبها 5د وحلها بالحلال وكيف؟وتدخلها مباشرة قبل ان تستريح للمرة الثالثة وهل تقلب في الفرن على وجهها الاخر ؟ارجوك ان توضحي لي اكثثثثثثثثثثثثر انشاء الله
اسمحيلي اختي هاذا وين شفت سؤالك
انا مانبغيش الخبز لي يتقرص في السميد ولا الفرينة
وباش ما يلصقليش في السربيتا نحط الكرة تاع العجين ونغطيها ترتاح شوية نلقاها نشفت من فوق
نقلبها ونخليها تنشف من الجهة الاخرى و هنا نقرصها بلا ما نخاف و ما تلصقليش بهاذ الطريقة
ونشعل الفرن من فوق برك ولازم يسخن مليح
نرمي القرصات تاعي فوق هاذيك الحديدة لي في الكوشة و نغلق
راح يتنفخ و يحمار من فوق بلا ما يلصق من تحت
كي تشوفيها حمارت مليح اقلبيها وخليها تحمار من الجهة الاخرى
انا هاذي طريقتي في سنين

[ichrak03]

الله يعوض عليك
ما دام جربتيه سافي ما هوش مليح

[أم سهام 1997]

شكرًا يا أخت ام رجاء والله ينورك كيما نورت ينا اااااامين يجعلها الله لك في ميزان حسناتك شكرًا جزيلا على الرد

[ام هاديل وياسين]

السلام عليكم
ياختي انا قبل مانشري سقسيت على الماركة المليحة للفوروالكل حذروني من فور السعادة املا شريت فور اخرالي ينفتح من الجنب يعني يشبه تقريبا لفور السعادة بصح الحمد لله خرجلي هايل نطيب فيه الخبز الحلويات اما البيتزا مانقولكش روعة اما نصيحتي ليكياختي انو الفورنتاعك كي طيبي فيه حطي السنيوى من التحت يعني الطيبى بسني واحدفقط هذه تجريبتي دائما ان اشاء يفرحك سلام

[mereyoucef]

شكرا على هاته المعلومات

[ام هاديل وياسين]

السلام عليكم

اختي المبتئة نجاوبك على سؤالك في ما يخص الفرن انا الصراحة مشريتش لاماغك السعادة لان البائع

نفسو حذرني منو قالي اشري ماركة kumtel والحق خرجلي هايل نطيب فيه الخبز القاطو ولا البيتزا تخرج فووور

كي القطن اما اختي عن الدخان الي راه يطلق فيه نظن كي راه جديد حتى تاعي دارلي هذا المشكل

ومن بعد خلا ص ولا عادي نتمنى نكون افدتكي لكن فرن السعادة عمري ما جربتو

[ايمانو الجزائرية 01]

سلام



كي نحطو السني علداخل الفور يتعوج و يحصل علاش في رايكم ؟؟
و النار تطفى وحده
و هو فيه 3 طبقات اما وحدة نطيبو فيها الخبز ؟؟

[facebetter17]

شكرااااااااااااا عل موضوع

[ام عمر النجدي]

شكرا جزيلا