المساعد الشخصي الرقمي

مشاهدة النسخة كاملة : شريت عجانة و ندمت عليها قولولي رايكم

الاصالة
2014-02-11, 16:01
:mad:السلام عليكم ورحمة الله
حبيت نسقصي الاخوات الي عندها عجانة كينود كلاسيك 750 و 4.6 لتر شريتها ب 3 ملاين و 400 في الحقيقة قالي زوجي اشري الكبيرة قلت الصغيرة احسن ماتديش البلاصة بزاف في الكوزينة وانا عائلتي صغيرة من بعد كي قريت بالاخوات قالوا الكبيرة احسن ندمت عليها الي عندها عجانة كيما هدي من فضلها تقولي شحال ديرلها كسرة واش رايكم نخليها ولا نحوسلها علي بيعة الرد من فضلكم
:(:(:(:(:(:confused:
ام مهدي 03
2014-02-11, 18:45
انا شريت نتاع 2كغ. امى شرات نتاع 5 كغ ماتستعملهاش يوميا حتى اضطرت تشرى واحدة صغيرة والكبيرة تخليها غير فى المناسبات كى نتلمو كامل. اذا لقيتيلها بيعة بيعيها خير وشرى واحدة صغيرة
سماح 26
2014-02-11, 20:18
وعلاش اختي تبيعيها حجمها مليح ويساعدك مادام عيلتك صغيرة ( بيناتنا إذا ماعجباتكش زيدي اشري الأكبر منها ولابعهالي هههههه)
الاصالة
2014-02-11, 23:29
ماكانش مشكل اختي نبيعهالك
omelhabib
2014-02-11, 23:32
السلام عليكم بالصحة والهناء عليك
ichrak03
2014-02-12, 08:14
ان ما نديرش الكسرة فيهاندير غير المطلوع المسمن وليتارت
نخاف نستعمل فيها عجينة يابسة
R I A D
2014-02-13, 09:30
ما تبيعيهاش مادام عايلتك صغيرة اخدمي بيها هي احسن و مرة اخرى و اشري لكبيرة
أمل عربية
2014-02-21, 19:57
انا نشوف انو الحجم تيعها مليح بالزاااااااف

اختي ما تغلطيش وتبيعيها واذا حبيتي تبيعيها بيعيهالي هههههههههههههه
غزالة 135
2014-02-21, 22:28
اخي العزيزة ماتبيعهاش اناايضاعندى وحدة صغيرة تعجنلي 4 خبزات لكن من نوع اخر
الجزائر 2014
2014-02-22, 15:52
متبعهاش تحتجها
shaimaaa
2014-02-23, 11:34
اممممممممممممممممممممم .. ايش راح تسوي؟؟
M.Nadjet
2014-03-11, 19:41
أنا عندي كنوود 3كغ عجبتني و هناتني من العجين ننصحك فقط ماتبليش فيها أعجني بعد ما التبلي في اناء اخر
ام محمد 05
2014-03-13, 13:44
أنا عندي كنوود 3كغ عجبتني و هناتني من العجين ننصحك فقط ماتبليش فيها أعجني بعد ما التبلي في اناء اخر

اختي معليش نستفسر منك علاه قلتيلها بلي في انا تاني اني حابة نشري نشاء الله
جويدة2
2014-03-13, 16:28
مبروك عليك اختي العجانة بصحتك اما فيما يخص النصيحة لقد انتهى الامر راكي اشتريتي خصك تعرفي كيفية التعامل معها باش تقعد معك اكبر وقت

الشرط الاول متحطيش فيها كميات كبيرة لانك تعرفي السميد ثقيل و كنضيفولو الماء يزيد يكبر و يثقال مثلا ادا كان ا لعجان سعته3 كيلو حطيلو غير 1.5 كيلو حتي ولو على دفعتين

الوقت لازم عليك ترعيه مزيديش على 10 دقائق و ترتحيلو تم تكملي.

الاكسسورات نتاعها انتبهي و حطيها في الفتحتين الموجودتين في الالة والا يتكسرولك 02 مسامير الموجودين في الاكسسورات. وتخسرلك العجانة.
و انشاء الله ربي يحفضهالك من كل سوء.

ودرك نقولك علاش نصحتكم باش تختاروالكبيرة
اولا فيما يخص الحجم الخارجي للعاجنة فهو تقريبا متساوى يعني حتى لو المطبخ صغيرمكانش فرق
الصحن كدلك تقريبا نفسه يعني الكمية ليعجنها العجان الصغير يقدريعجنها الكبير و زيدي كيكون الصحن واسع العجين ميطللكش فوق الكروشي لنعجنو به و يبلوكيه و كي ديريبغرير او حلويات السوائل متتطيرش و يقعد العجان نضيف

و الاهم من كل هدا هده العجانة الصغيرة معمولة للحلاويات او خبز الفريتة و لهدا كتشري الكبيرة ليس المقصود الحجم و لكن من حيت القوة التحمل

و المدة مثلا المسمن ياخد وقت كبير في العجن وكتعود عجانتك كبيرة متخافيش عليها متستحملش وتقدرى تعجني حتى عدة مرات في اليوم



ارجو ان اكون وضحت مميزات العجانة الكبيرة
ام رجاء 09
2014-04-30, 23:50
انا راني حابة نشري على حساب واش قريت كبيرة مليحة بصح ماعرفتش نقولو تاع 5كغ ولامارك لازم كونوود وادا تاع 5 شحال لازم ندير فيها باه نعجن 2كغ من فضلكم شرح الله يجازيكم مع راهم غاليين الواحد يحي يستفسر خاطر ادا حصل كاش مشكل نورمال نلبس حجابي ونخرج
om assem et loudjain
2014-05-08, 07:32
mabrouk alik hbiba
bessahha wlahna
jamais tendmi , estahfdi biha brk wetekli ala rabbi
ki tekber 3ayeltek nchalah zidi echri lekbira
دمعة اسى
2014-05-08, 10:34
انا راني حابة نشري على حساب واش قريت كبيرة مليحة بصح ماعرفتش نقولو تاع 5كغ ولامارك لازم كونوود وادا تاع 5 شحال لازم ندير فيها باه نعجن 2كغ من فضلكم شرح الله يجازيكم مع راهم غاليين الواحد يحي يستفسر خاطر ادا حصل كاش مشكل نورمال نلبس حجابي ونخرج

ههههههههههههه قتلتيني بالضحك الله يهنيك وكي تروحي تشري تقراي في العلبة من برا بلاماتسقسي و شوفي القوة تاعها انا ننصحك ب 1600 واط تقدر تتحمل العجين
راني ناوية نشريها باذن الله
صوفيا2000
2014-05-13, 20:49
اختي العجانة الصغيرة ما تعمليش فيها الكسرة يابسة لانه فيها روسول ينفك وتخسرلك ممكن تعملي فيها البغرير المسمن اي شيء الا عجينة الكسرة الا ادا طريتيها شوية
وبشر الصابرين
2014-05-15, 09:09
انا عندي قدها مليحة برك تكفيك انت و عائلتك
الكسرة ندير فيها ثلاث قرصات
نصيحتي ما تبيعيهاش
سوسو الطموحة
2014-06-05, 16:02
ما تبيعهاش.....عن تجربة اختي شراتها كبيرة وندمت لانه العجانة تتحرك وتعجن غير ب8مطلوعات ولا 4كسرة....وندمت بزاف كي شراتها ....وباعتها باقل سومة ....وشرات وحدة صغيرة
crystale49
2014-06-06, 15:41
مبروك عليك انا راهي مهنيتني من العجين ننصح بيها كل وحدة تقدر تشريها
youcefpc
2014-06-08, 11:55
بيعيها وريحي راسك .
وشوفي أي منتج أجنبي وخطيك مالكوندور والايريس ....