ماذا يتقن زوجك في المطبخ ؟

[ام نهلة]

السلام عليكم
قد يمر علينا بعض الاوقات لا نستطيع فيها الطبخ اما لمرض او الانشغال بالاطفال .. . فمثلا اليوم لم اتكن من تحضير الفطور بسبب مرض ابني وبكاءه المستمر لكن زوجي قام بالواجب واعد لنا وجبة الغداء طبعا هو يتقن قلي البطاطا واعداد السلطة ..
ماذا عنك هل يساعدكي زوجك في المطبخ ؟؟؟؟؟
ومالذي يتقن طبخه ؟؟

[منال 15]

هههههههه ضحكتيني يعرف ياكل ولا يشري كم برا

[ام مهدي 03]

زوجى اختصاصه الشواء. فاليوم الذى نريد فيه ذلك يحظره ويطهوه ويجهز لنا لى كاسكروت.واكل انا والاولاد ومن بعد انا عليا غسل الاوانى والميناج

[eBusiness]

هههههههه ضحكتيني يعرف ياكل ولا يشري كم برا

خموس على راجلك هههههههههههه، الله يحفظه يا رب
أنا حياتي كلها مفوتها بعيد عن الدار للدراسة ثم من بعد ذلك للعمل ولا أعرف طبخ غير البطاطا المقلية أو كبد الدجاج (les abbas) ولا أطبخ نهائيا قطعيا، أنا لم أطبخ وأنا عازب يعني أطبخ وأنا متزوج، ربما في الأحلام ههههههههههههههههه

[زرقـآء اليمآمـة]

السلام عليكم
سوف تنقلب الاية مستقبلا ويتبادل الزوجين الادوار
الاب في البيت والام في السوق والله المستعان

[ساندريلا]

الحمد لله
زوجي لما كنت نفساء قام بيا خمسة أيام كااااملة
بصح كنت مصفاااارة من سوء التغذية يقلي لحم و الا كبدة و يقولي عييييييييت

[مياسم الصمت]

خموس على راجلك هههههههههههه، الله يحفظه يا رب
أنا حياتي كلها مفوتها بعيد عن الدار للدراسة ثم من بعد ذلك للعمل ولا أعرف طبخ غير البطاطا المقلية أو كبد الدجاج (les abbas) ولا أطبخ نهائيا قطعيا، أنا لم أطبخ وأنا عازب يعني أطبخ وأنا متزوج، ربما في الأحلام ههههههههههههههههه

والله يا خويا كي تقلي البطاطا راك ماخليتش

عندي خويا في الدار يعرف غير يجيب كأس الماء

[أم أماني أريج]

هههههههه ضحكتيني يعرف ياكل ولا يشري كم برا

ههههههه سبقتيني .........أنا كي قريت الموضوع كان زوجي قدامي قلتلو ........حق واش تعرف دير في الكوزينة............قالي نعرف نساميك و ناكل.

[shaydiaa]

انا زوجي يعرف يقلي بيض أو يعمل سلطة لكن والله البنة أحسن من ألي نعملها أنا

[eBusiness]

والله يا خويا كي تقلي البطاطا راك ماخليتش

عندي خويا في الدار يعرف غير يجيب كأس الماء

السلام عليك أختي الفاضلة، ربي يحفظك ويحفظ أخوك الكريم

جيد أنه يعرف غير يجيب الماء على الاقل نكون متأكدين أنه لن يموت عطشا ههههههههه خليه يتقلش بما أن هناك أخت مثلك ترعاه فلماذا يطبخ :sdf:

[الزبرجد]

أذكر مرة أنهم أدخلوني إلى إحدى الغرف مغمض العينين فلما فتحتهم لم أعرف أين أنا

فيما بعد قيل لي أنني كنت بالمطبخ:1:

[حياتي نبع امل]

زوجي احسن حاجة يديرها بشهادة الجميع يعرف ياكل برك هو القهوة لوكان مانحركهاش يشربها مرة ههه مسكين ربي يحفظو ويخليه تاج فوق راسي وانا نخدمو ونطيبلو ونحطلو وهو يتقلش ويتفشش برك هدا واش نطلب منو

[الواثق]

وحتى كي تكون مريضة 4 حبات بطاطا و4 حبات بيض ديرهم في مرميطة وتسكر عليهم 20 دقيقة وكول يالزوالي ...............وعلاه تصعبو فيها .....اما الخبز من بكري راهم يشرو فيه معناه كانت تطلع الكسرى هههه.؟؟؟
والله المستعان

[SKYALGERIA]

السلام عليكم
سوف تنقلب الاية مستقبلا ويتبادل الزوجين الادوار
الاب في البيت والام في السوق والله المستعان

تأكدي لن تنقلب الأية في مجتمعاتنا الأسلامية ربما عند الغرب نعم

[" أبو عبود"]

شخصيا أتقن كل أنواع الطبخ والميناج واعمل كل شيء عدا خبز الدار. ولست لوحدي لدي صديق كذلك ومع انه متزوج ويم لا تكون زوجته في اليتي يحضر انواعا من الاطعمة لا تحضرها - بنت امها- خضوضا السلطة والكسكسي رهيب والله. انا تقكن كل شيء والحمد لله كما اني احضر قهوة مميزة وشاي مميز لكني يوم اتزوج لن ادخل المطبخ بالتأكيذ لاني اكره غسل الاواني بعد الاكل ههههههههههههههههههههههههه

[ام ملاك.]

ههه
موضوع هايل
انا راجلي يعرف يطيب بصح غير القليان بطاطا وبيض وطماطم وفلفل يعني اللي تتقلى قع يخدمها بالاضافة للشوا والسلطة خدمتو ههههه
نهار نكون مريضة بزاف يعاوني يد بيد الحق
ونهار كنت بالحمل وكنا في رمضان تعبانة بزاف يعاوني في كلشي يقولي ديريلي غير الكسرة برك ووريلي كيفاش ندير البقية
ربي يخليهولي ويحميه من كل سوء
بصح يقلبلي الكوزينة ماتتشافش هههههه

[فانيسا]

انا يعرف ياكل في دارهم مدللينو لكن كي يكون خدام لازم ايطيبر باش ياكل يعرف ايدير سلاطة بطاطا مقلية وشكشوكة تاعو خير من تاعي

[غفران 2]

انا زوجي يتقن الاكل فقط مغرف ما يرفدهاش

[eBusiness]

بارك الله في كل رجل يعرف فقط الأكل والشرب وجعل زوجته تطهو له ما لذ وطاب إلى يوم الدين، إن كان على الأمير أن يطبخ فماذا تفعل الأميرة، تتابع المسلسلات التركية مثلا؟ :D:D:D

إعلمن أخواتي النساء الكريمات أنه صدق من قال أن الطريق إلى قلب الرجل معدته فعجا لك لا تستغلي هذا الطريق السريع لكي تصلي إلى قلب زوجك، عل كل حال في حالة أن تكون الزوجة غائبة أو مريضة فأنا لا أجد إشكالا في أن أطعمها بيدي فهي كالطفل الوديع إن مرضت وكاللبوؤة الجريحة إن أهينت فعلى كل رجل أن يغتنم وداعة زوجته ليتقي شراستها :mh31::mh31::mh31:

[محمد جديدي التبسي]

لا عيب في أن يساعد الرجل زوجته في الطبخ لكن أحيانا وعلى فترات حتى لا تتعود الكسل
هناك زوجات يستاهلو المساعدة حقيقة
كما ان على الزوج مرة على مرة يريح زوجته ويحظر الأكل جاهزا خاصة لما تكون مريضة

[halaa801]

الحمدلله زوجي لا يتقن الكثير لكن و بسبب صعوبة حملي مرات يساعدني لانو طبيبة تنصحني بعدم الحركة من فراش ...حتى نستحي على روحي يغيضني كون نصيبو ما يدير والو ربي يطولو في عمرو و يخليهولي يا رب

[melia03]

انا زوجي يعرف يرمرم وعيط وجغبل في الكوزينة ولا في الصالون

[سطايفية بكل فخر]

السلام عليكم
والله موضوع جميل جدا
والاجمل الردود والله ضحكت من قلبي رغم اني كنت مقلقة نحالي الغش
ربي يبارك فيكم
متابعة بصمت لاني لست متزوجة ومزال منعرفش حنة يديه لانو مجهول حاليا ههه

[أم بدر الدين]

صراحة زوجي ادير بطاطا مقلية و الله كون نقعد ننقش و نبنن منلحق بنة البطاطا المقلية لاحضرها ...فيها بنة البطاطا تيع المطاعم

احضر لحليب و القهوة يقلي بيض مرقاز ولا اي حاجة تدار في لحليب ...يحضر السلطة

ربي ابارك في ازواجنا و يهديهم .

شكرا على الطرح.

[ichrak03]

زوجي ربي يخليهولي كان يعرف ياكل ويمد رايو فالاكل برك
لكن علمتو 3 حوايج لقدر ربي ومرضت ولا اضطريت نبات في دارنا ما نتقلقش عليه وما يموتش لشر لانو ما يحبش ياكل برا المهم الان
تعلم يغلي البيض يغلي لحليب ويطيب القهوة

[liyna_24]

و الله شكل رجالنا كلهم كي بعض باستثناء القلة

زوجي لعزيز ما يعرف وااااااااااااااااااااااااااااالووووووووووووووو حتى لكويزينير ما يعرفش يشعلها ؟

يوقف قدام لفريجيدار و يقولي اعطيني نشرب هههههههههههه

كي مانكونش فالدار الفطورالصباح فالقهوة لغداء و لعشاء فلي ريسطورون ..........

ربي يخليني ليه انشاء الله

[lilouchaf]

انا رجلي الكسرة يديرها المواكل كامل يعرفهم بسساح المواعن ما يغسلهمش يخلي الكوزينة تمرميدة

[نخله.]

بعلي ماشالله عليه يعرف ياسر لحوايج وعدو وحد شووووووووووربه فريك روعه بصح كي يولي وحدو فالدار

وكي نرجع نلقى الكوزينه مقلوووووووووووووبه

اما كي نولي معاه يتقن فن الانتقااااااااااااااااااااد

[ريتاج 09]

السلام عليكم
بالنسبة لزوجي بعرف يطيب القهوة والحليب وويطيبهم نهار يشوفني مريضة برك و بالفشوش وتعلم يغلي البيض نهار ولى يربي الفراخ (العصافير) وادا حصل كانش نهار ربي يكتر من les restaurants

[manonti]

pffffffffffffffffffffffff مايعرف يدير وااااااااااااااااااااااااااالوا يعرف غي مين نقوله عجباتك الماكلة اتاعي يقولي ياك الجوع يوكل هههههههههههههههههههههههههه

[" أبو عبود"]

غريب أمركن يا نساء. ولا واحدة منكن ذكرت زوجها بخير اهكذا تكون الزوجة الصالحة؟ استغفرن الله فقد آذيتن ازواجكم واغتبتموهم

[" أبو عبود"]

إياك ان تذكري زوجك بعيب وكلامك عنه بهذه الطيرقة انقاص من قيمته وتأثمين عليه. كيف تكون ردة فعلك لو ان زوجك تكلم عنك هكذا في غيابك؟

[ryma221]

إياك ان تذكري زوجك بعيب وكلامك عنه بهذه الطيرقة انقاص من قيمته وتأثمين عليه. كيف تكون ردة فعلك لو ان زوجك تكلم عنك هكذا في غيابك؟

اتقبل نصيحتك على الرحب و السعة و مشكوووووووووووور ساحذف مشاركتي

[sahora]

انا زوجي الان بجانبي فهو يتقن الشاي اولا و الارز و الللوبيا و الشواء رغم انو من قبل الزواج ما كان يدير والو لكن الان و بحكم انو يبقى وحدو ف الدار مين نروح يضطر للطبخ .....يهني من روحو
هههههههههههههههههههههههه

[ام مهدي 03]

غريب أمركن يا نساء. ولا واحدة منكن ذكرت زوجها بخير اهكذا تكون الزوجة الصالحة؟ استغفرن الله فقد آذيتن ازواجكم واغتبتموهم
اخى اقرا جيدا انا ذكرت ان زوجى يعرف الشواء ويطيبلنا ويحضرلناانا و الاولاد

[رحمه المغامسي]

قبل ما نتزوج نسقسيه إذا ما يعرفش نقولو روح دير ليكور خير لك هههههههههههههههه

[~اسيل ريحانتي~]

الحمد لله زوجي يعرف يطيب لكني منخليهش يدخل لكوزينة نحب انا لي نطيبلو ونقلشو ربي يحفظهولي لكن مين نكون مريضة مانقدرش نخدم حاجة يطيب :d:d يعرف يدير لوبيا ومسكوتشا وفريت ولمشاوي :d:d:d هههه

[ام نهلة]

السلام عليكم
حقيقة اسعدتني كثيرا ردودكم ....وددت لو كنت معكم وشاركتم لكن اظطررت للغياب


هههههههه ضحكتيني يعرف ياكل ولا يشري كم برا

ربي يحفظلك زوجك اختي .. لكن علميه يطيب ههههه افرضي المطاعم دارو اضراب ... واش يدير ؟
انا زوجي يعرف يقلي بيض أو يعمل سلطة لكن والله البنة أحسن من ألي نعملها أنا

زوجى اختصاصه الشواء. فاليوم الذى نريد فيه ذلك يحظره ويطهوه ويجهز لنا لى كاسكروت.واكل انا والاولاد ومن بعد انا عليا غسل الاوانى والميناج

[/quote]

الحمدلله على الاقل يساعدك .. الله يحفظكم
[quote=ebusiness;1055654522]خموس على راجلك هههههههههههه، الله يحفظه يا رب
أنا حياتي كلها مفوتها بعيد عن الدار للدراسة ثم من بعد ذلك للعمل ولا أعرف طبخ غير البطاطا المقلية أو كبد الدجاج (les abbas) ولا أطبخ نهائيا قطعيا، أنا لم أطبخ وأنا عازب يعني أطبخ وأنا متزوج، ربما في الأحلام ههههههههههههههههه

اخي الكريم
لو فهمت الموضوع جيدا نحن نتكلم عند الضرورة الزوج يساعد زوجته ... نظن لا هو عيب ولا حرام
السلام عليكم
سوف تنقلب الاية مستقبلا ويتبادل الزوجين الادوار
الاب في البيت والام في السوق والله المستعان

شكرا لكي اختي الفاضلة .. تبقى وجهة نظر .
الحمد لله
زوجي لما كنت نفساء قام بيا خمسة أيام كااااملة
بصح كنت مصفاااارة من سوء التغذية يقلي لحم و الا كبدة و يقولي عييييييييت

الحمدلله على الاقل يفعل شئ لاجلك .. اسعدني ردك اختي الكريمة

[ام نهلة]

أذكر مرة أنهم أدخلوني إلى إحدى الغرف مغمض العينين فلما فتحتهم لم أعرف أين أنا

فيما بعد قيل لي أنني كنت بالمطبخ:1:
هذي كارثة ههههه شكرا اخي

زوجي احسن حاجة يديرها بشهادة الجميع يعرف ياكل برك هو القهوة لوكان مانحركهاش يشربها مرة ههه مسكين ربي يحفظو ويخليه تاج فوق راسي وانا نخدمو ونطيبلو ونحطلو وهو يتقلش ويتفشش برك هدا واش نطلب منو

ولكن عند الضرورة ؟ ماذا لو تعبتي يوما او ؟؟ الا تتمنين انه يلقشك ويفششك انتي ايضا ؟ شكرا عزيزتي
وحتى كي تكون مريضة 4 حبات بطاطا و4 حبات بيض ديرهم في مرميطة وتسكر عليهم 20 دقيقة وكول يالزوالي ...............وعلاه تصعبو فيها .....اما الخبز من بكري راهم يشرو فيه معناه كانت تطلع الكسرى هههه.؟؟؟
والله المستعان
وكأنك متحامل على المرأة ؟؟؟؟؟ الا يجب ان ترتاح قليلا اذا مرضت ؟

تأكدي لن تنقلب الأية في مجتمعاتنا الأسلامية ربما عند الغرب نعم
شكرا اخي بوركت



شخصيا أتقن كل أنواع الطبخ والميناج واعمل كل شيء عدا خبز الدار. ولست لوحدي لدي صديق كذلك ومع انه متزوج ويم لا تكون زوجته في اليتي يحضر انواعا من الاطعمة لا تحضرها - بنت امها- خضوضا السلطة والكسكسي رهيب والله. انا تقكن كل شيء والحمد لله كما اني احضر قهوة مميزة وشاي مميز لكني يوم اتزوج لن ادخل المطبخ بالتأكيذ لاني اكره غسل الاواني بعد الاكل ههههههههههههههههههههههههه
ماشاء الله .. قد تظطر لمساعدة زوجتك ان مرضت او تعبت .. الله يرزقك الزوجة الصالحة

[ام نهلة]

ههه
موضوع هايل
انا راجلي يعرف يطيب بصح غير القليان بطاطا وبيض وطماطم وفلفل يعني اللي تتقلى قع يخدمها بالاضافة للشوا والسلطة خدمتو ههههه
نهار نكون مريضة بزاف يعاوني يد بيد الحق
ونهار كنت بالحمل وكنا في رمضان تعبانة بزاف يعاوني في كلشي يقولي ديريلي غير الكسرة برك ووريلي كيفاش ندير البقية
ربي يخليهولي ويحميه من كل سوء
بصح يقلبلي الكوزينة ماتتشافش هههههه

شكرا اختي الله يحفظك انتي وزوجك .
بارك الله في كل رجل يعرف فقط الأكل والشرب وجعل زوجته تطهو له ما لذ وطاب إلى يوم الدين، إن كان على الأمير أن يطبخ فماذا تفعل الأميرة، تتابع المسلسلات التركية مثلا؟ :d:d:d
ومن قال هذا ؟
إعلمن أخواتي النساء الكريمات أنه صدق من قال أن الطريق إلى قلب الرجل معدته فعجا لك لا تستغلي هذا الطريق السريع لكي تصلي إلى قلب زوجك، عل كل حال في حالة أن تكون الزوجة غائبة أو مريضة فأنا لا أجد إشكالا في أن أطعمها بيدي فهي كالطفل الوديع إن مرضت وكاللبوؤة الجريحة إن أهينت فعلى كل رجل أن يغتنم وداعة زوجته ليتقي شراستها :mh31::mh31::mh31:

لا عيب في أن يساعد الرجل زوجته في الطبخ لكن أحيانا وعلى فترات حتى لا تتعود الكسل
هناك زوجات يستاهلو المساعدة حقيقة
كما ان على الزوج مرة على مرة يريح زوجته ويحظر الأكل جاهزا خاصة لما تكون مريضة

شكرا
الحمدلله زوجي لا يتقن الكثير لكن و بسبب صعوبة حملي مرات يساعدني لانو طبيبة تنصحني بعدم الحركة من فراش ...حتى نستحي على روحي يغيضني كون نصيبو ما يدير والو ربي يطولو في عمرو و يخليهولي يا رب
آمين
السلام عليكم
والله موضوع جميل جدا
والاجمل الردود والله ضحكت من قلبي رغم اني كنت مقلقة نحالي الغش
ربي يبارك فيكم
متابعة بصمت لاني لست متزوجة ومزال منعرفش حنة يديه لانو مجهول حاليا ههه
شكرا عزيزتي.. الله يرزقك الزوج الصالح




[quote=liyna_24;1055675885]و الله شكل رجالنا كلهم كي بعض باستثناء القلة

زوجي لعزيز ما يعرف وااااااااااااااااااااااااااااالووووووووووووووو حتى لكويزينير ما يعرفش يشعلها ؟

يوقف قدام لفريجيدار و يقولي اعطيني نشرب هههههههههههه

كي مانكونش فالدار الفطورالصباح فالقهوة لغداء و لعشاء فلي ريسطورون ..........

ربي يخليني ليه انشاء الله

ههههههههههههههه والله ضحكتيني اختي ربي يخليك لزوجك
غريب أمركن يا نساء. ولا واحدة منكن ذكرت زوجها بخير اهكذا تكون الزوجة الصالحة؟ استغفرن الله فقد آذيتن ازواجكم واغتبتموهم

إياك ان تذكري زوجك بعيب وكلامك عنه بهذه الطيرقة انقاص من قيمته وتأثمين عليه. كيف تكون ردة فعلك لو ان زوجك تكلم عنك هكذا في غيابك؟
لا اخي الكريم هذا ليس انقاص من قيمة زوجي ان قلت انه لا يجيد الطبخ مثلا لان هذا ليس عمله في الاصل هو اختصاص الزوجة وامر عادي جدا ان رجلا لا يطبخ ......

الحمد لله زوجي يعرف يطيب لكني منخليهش يدخل لكوزينة نحب انا لي نطيبلو ونقلشو ربي يحفظهولي لكن مين نكون مريضة مانقدرش نخدم حاجة يطيب :d:d يعرف يدير لوبيا ومسكوتشا وفريت ولمشاوي :d:d:d هههه

الحمدلله الله يحفظكم لبعض

[hloukaman]

السلام عليكم ورحمة الله وبركاته
عني مشاء الله يتقن كل الطبخ مشاء الله
كي ولدت حمصلي طمينة الحمد لله

[ام نهلة]

السلام عليكم ورحمة الله وبركاته
عني مشاء الله يتقن كل الطبخ مشاء الله
كي ولدت حمصلي طمينة الحمد لله

ماشاء الله .. الله يحفظكم لبعض

[zahratamar]

y9li bidha

[غصن البآن]

زوجي يعمل بعيد و يجي بل wekend .........و بحكم انو عايش مع زملاؤو تعلم الطياب........البطاطا يعجبو بيها كل انواع طيابها ..........كي يجي للبيت يتوحش اكلي...........مازال ما جربتش ماكلتو يحكيلي فقط.............لكن يعرف يذوق بجدارة وانا هذا ما احتاج..........واحد يذوقلي...........

[HANANE 82]

:dj_17: شكرا على الموضوع الجميل .. الذي اعرفه ان الرجل يتقن انتقاد زوجته فقط .....

[رقة زمان]

انا عندما اكون مريضه لا اسمح لزوجي بدخول المطبخ فقط يأتيه من المطعم .(مرات يصر ويقول اريدك ان تدوقي من اكلي ).....ابي يعمل طباخ ولم اره في حياتي دخل مطبخ امي

[fofo annabia]

بطاطا و لا املاتتت

[zizy princess of alg]

يا حسراه على بابا كان يدير لماما كل شىء حتى يسيق و يغسل المواعن معاها و دوكا خويا يطيب وكي نحصل يعاوني..... اتمنى زوجا مثل ابي يقدر الظروف

[النجمة القطبية]

ميعرفش الطبخ اصﻻ واذا غبت عن المنزل نعمل حسابى
ل كن هو على العموم شخصية متعاونة ورغم ذلك ﻻ احب ان يدخل احد مطبخى خاصة الرجال

[moonlight19]

انا زوجي يفرزلي الطابلة بعد ما نكملو الاكل و يمسحها
و الله غير يقلبها تشعل و يحطلي لماعن فوق البوتاجي و يقولي ذك اغسلي ماعنك على روحك

[oumhana]

الله يبارك في كامل الأزواج .أنا زوجي عجوزه بامتياز يعرف يطيب و يغسل لماعن ويخدم كلعجيوزه بصح أنا اللي منخليهش يمس والو نقوم بgاع الواجبات وحدي خاطر من صغري تربيت نتكل غير على روحي الحمد لله.وفيما يخص الأكل دايمن عندي الزياده قليل قليل وين نكون مريضه ويدخل هو للكوزينه يرجعها تولول ويعرف كل أمور النسا خطرات أنا حجات يغيبولي هو يعرفهم ولذلك سميتو "عجوزتي"ههههههه ربي يحفظهولي و يخليه ليا.

[saber beussafer]

ههههههههههه الصراحة أنا نعرف نطبخ خير من مرتي
مرات ندير أكلة تكون شابة بزاف تبعث لدارهم و تقولهم ذوقو خدمة يديا هادا طبعا بعد ماتحلفني أني مانقولش بلي أنا لي درتها الطبخ يعتبر من هواياتي خاصتا أني كان عندي زمان مطعم صغير

[nihal159]

هو ماعليهش يبريكولي شوية؛ يعرف يقلي البطاطا فقط؛ لكن أنا مانحبوش يذخل للمطبخ لسببين: أوّل شيء مانحب حتي واحد يخربط في كوزينتي.
وثاني شيء ما نقنعش بطيابو؛ حتى لو نمرض أنا لي نطبخ؛ الله غالب ضريبة التوسويس

[بعيدة المنال]

يعرف يأأأأأأأأأأأأأأأأأأأأأأأأأأأأأأأأأأأأأأأأأأأكل

[fatisousou]

انا زوجي يعرف ياكل فقط حاجة ما يديرها لكن والله زوج رائع بمعنى كلمة لايتدخل في شؤون العمل المنزلي عمري ولا اسمعت كلمة منوا ذرتني نخدم ولا مانخدمش كيفكيف والله الحمد لله معليش مام ميطيبليش ولا ميعونش لكنه عاقل جدا ومتفاهم جدا
مع تحياتي للجميع :mh31:

[TOFNINE]

فكرتوني بجاري غابت زوجته ولم يجد ما ياكل فتدكر ان يوجد شئ بسيط فعله هو المقلاة والبيض فاحضر المقلاة واشعل البوتاغاز وكسر البيض في المقلاة التصق البيض وبدا يسب البيض ويقول حتى البيض هي يصدق ليها وانا معنديش الزهر كيفها حتى البيض جابها ورايا
وكي جات مرتو خبرها بالقصة قلت ليه نسيت توضع الزيت في المقلاة قبل قلي البيض
قلها وعلاه مخبرتينيش
اما عن زوجي عندما اغيب واكرر اغيب يفكر في روحو يعني يطيب ويعرف يقلي البيض مع التون يخلطهم ومنظم كي نلرجع نلقى المكان منظم
لكن وانا حاضرة كوزينة يدخلها يحط القضيان ويخرج لكني سعيدة بخدمته وخدمة بيتي ربي يخليه ويديمه تاج فوق راسي يارب

[jawada22]

السلام عليكم
ضحكني هاذ الموضوع
راجل شاطر في قلي البيض عنده غوسات كي نكون مريضة يديرها يقلي البيض مع الفرماج و الكاشير و الطون هذه الوصفة بارع فيها

[nadjib_unreal]

في شهر رمضان راح الوالدين للبقاع المقدسة
ولا بنت و لا اخ اكبر متزوج
رمضان هذا ما تقدرش تهمي فريت برك
امالا نقلكم سليباتيغ و طيبت شربة، مثوم، شطيطحة جاج، طاجين زيتون، لحم لحلو، تشكشوكة، السلق نعرف نطيبو، سلاطات بمختلف انواعها ، دولمة
يادرا شكون المزهورة اللي راح ندخل القفص الذهبي معاها

[توتة2008]

انا زوجي يعرف ياكل برك ...في يوم كنت نتوحم و مريضة قتلو اعصرلي حبة قارص قالي مانعرفش..هههه
وكي نغيب ياكل فرماج وتن وكاشير
بصح كي نخرجو للغابة هو يشوي اللحم لكن في الدار ابدااااااا

[mio mio]

ههههههههههههههههههه :) مليح نشتي شوا بصحتك انا :) كي نجوج ساهل لحال :) خخخ

[يوسف زكي]

أتقن كل شيء و أساعد زوجتي في كثير من الأعمال تَأَسّيا بالحبيب المصطفى صلى الله عليه و سلم.
تقول أمنا عائشة رضي الله عنها "كان يكون فى مهنة أهله ، فإذا حضرت الصلاة خرج إلى الصلاة" و تعنى بقولها "مهنة أهله" أى "خدمة أهله" أى كان يقضى وقت فراغه مشتغلآ بخدمة أهله ، فهو يخدم نفسه ويخدم أهله فيرقع ثوبه ويغسله ويصلح نعله ويعجن خبزه ويحلب شانه ...!) إلى غير ذلك من الأعمال والخدمات التى كان يفعلها عن طيب خاطر لنفسه ولأهله دون ترفع عن شيء منها مادام فى فعلها الراحة والهناء لأهل بيته .

[سر البقاء]

بعد عام نقوللكم هههههههههه مازلت مارحتش ليه.بصح اكيد يعرف ياكل