تحري صغير ما هي الحلويات المفضلة لدى الرجال

[La perle rare]

السلام عليكم و رحمة الله تعالى و بركاته
حابة اعمل تحري صغير عن الحلويات التي يحبها الرجال فالكثير من الحلويات جميلة و لكن أغلبية الرجال يتفاداو تناولها كيما الحلويات لي فيهم الطلية، يمالا كل واحدة فيكم تقوللنا وشنو هوما الحلويات لي لاحظت بلي راجلها،خطيبها، باباها و لا خوها يحبهم ؟
أنا شخصيا لاحظت بلي يحبو القريوش البقلاوة و المقروط

[لين دعاء]

انا شخصيا راجلي يحب مقروط و كروكي وبقلاوة

[fofol]

مساء الخير ان زوجي احاب الطابع

تشرك

[عطرالذهب]

انا زوجي يحب البقلاوة والمقروض والغريبية وما يسيبورتيش الجديد

[أم إناس]

انا زوجي يخب الغريبيه المخبز وقاطر اللوز. ويحب الحلويات لي مخدومه بلاموس و شانتي صافي مايحبش تاع المقروط والبقلاوة ولي فيهم العسل

[La perle rare]

شكرا لكم على الردود أسعدني مروركم

[PEF ALGER]

الصابلي و المقروض

[ام ملاك.]

انا زوجي يحب غير القريوش والسفنج والمسمن ههههه
مايحبش كامل القاطوات لاخرين

[♡folla♡]

Ana zawji y7ab ba9lawa ma9rodh m3assel et les gateaux aux chocolats e b la mousse et chantilly e may7abech les gateaux secs

[اماني البتول]

انا زوجي يحب المدلان والمقروط والبسبوسة وكل حلوة تكون طرية

[yacef hayet]

سلام ان رجالي يحب صامصه تاع العجين وجزيريه

[moslihe29]

انا زوجى يحب كل ماهو تقليدى مقروط قريوش حلوة الطابع الناشفة ومشتقاتها كروكى ....الخ والبقلاوة ومايحبش الى فيهم القلاصاج او سكر مثل تشاراك

[حمودية]

انا راجلي يموت على البسبوسة

[البحث هن العلم]

انا وليدي يحب الغريبية والثاني يحب الطمينة والباقلاوه
اما زوجي يحب الطابع وطابع القلاصاج وليقالات والكروكي
هذا حساب بنتي انا{{ نسمات البشرى }}

[إلهام07]

ابقلاااااااااااااااااوة يموتو عليها كامل رجال عائلتي يهبلو عليها في المناسبات كل واحد يقلك أعطيني سهمي كامل بقلاوة :d:d:d

بصح هذا لا يعني أنو يحبو غير البقلاوة ثاني يحبو قاطوات اخرين : التشاراك المسكر ماشي نتاع الطلية وبابا يهبل على المقرقشات :d

[حسيبة2010]

أنا زوجي يحب البقلاوة و الدزيريات و المشكلة و يحب المسمن أكثر :)

[فانيسا]

انا ايحب البقلاوة ايموت عليها والكروكي وميحبش القاطو لي فيه الكولورو ايعافو وايحب مسكوتشو ولي طارط

[romiss22]

انا راجلي احب تاع شوكولا و نستلي والمقروط وما يحبش تاع الطليةو تاع التسكار

[mariaanfel]

صباح الخير
أنا راجلي يحب حلوة الطابع و غريبية

[ادرارية]

كل الرجال يحبون المسكوتشو او وانا زوجي يحب قاطو كحلوشي للاخت رماضنة


http://www.djelfa.info/vb/showthread.php?t=794889

[fati57]

راجلي يحب الكسرة و المسمن و الحلوى لي نديرها ناكلها وحدي

[karimabatna]

ممكن حسب رأي الرجال الأغلبية يحبو المقروط البقلاوة المقرقشات القاطو سامبل مش كيما النسا يحبو الديكور بزاف حنا في الأعراس هدا الأنواع لي قلتهم لي يمشيو مي لخرين يقعدو ديكور

[R I A D]

انا زوجي يحب قاع الحلويات خاصة البقلاوة و المقروظ
و اولادي يحبوا الكروكي و حلوة الطابع مع الحليب و كلهم يكرهو الغريبية

[kaid13000]

انا زوجي يحب biscuit roulé بزاااااااااااااااااااااااااااااااااااااااااااااااا اااااف و في المرتبة التانية يجيو
+مقروط+مسمن+......الخ.........

[بنت الطيب]

قطوات الحليب كيما صابلي والكروكي وتاع الطابع والبقلاوة والمقروظ و التريدة تاع الطاجين والجديد ما يحبوش خلاص
جابلي ربي الرجالة ما يحبوش لحلاوة بزاف كيما النسا

[وردة زمن]

بابا يحب المقروط وكروكي ويفضل حلويات ناقصة سكر بصفة عامة وي ايفيتي اللي فيهم القلاصاج والكرام شانتي والمعسلين والمسقين بالسكر ( يحاول يهتم بصحتو كحال موضفي قطاع الصحة هههههههه)
خويا اللي اصعر مني يموت حلى حلويات الشيكولا
خويا الكبير يحب الليكس تاكلو عينو قبل حمحمحم
وخطيبي يحب حاجة طرية تذوب في الفم كيما لي صابلي ولي طارت
وكامل يشتركو في فرد جاجة يموتو عالبقلاوة

[JIMI17]

الكروكي و التشاراك العريان و مايحبش القلاصاج والوووووووووووووووو

[hiba71dz]

البقلاوة الأولى بدون منازع
المقروط الصامصة
الكروكي

[nawelz]

تقريب اغلب الرجال يحبو القاطو التقليدي كيما البقلاوة المقروط الدزيريات و انا زوجي واحد منهم مع العلم انو كل القاطو الي نديرو يعحبو

[lahna moka]

خطيبي يحب الباتيسري يعني كل حلوى اسفنجية فيها الكريمة بعكس أخي اللي يحب الحلوى الجافة مثل الصابلي بأنواعو و البوتي فور

[hadjer hadjora]

قطو ساك موسكوتشو مقروط بسبوسة و كل العجاجن بغرير خفاف مسمن كسرة هو و اولادى الكل و ما يحبوش تاع الطلية و بات داموند و سكاكر

[سليلة ذات النطاقين]

انا بابا يشتي المقروط البسبوسة الكروكي
خوبا لكبير يشتي البقلاوة
وخويا الثاني يشتي قاطو روس
ولاحظت انهم يشتيو لي صابلي

[oumzaid]

انا زوجى يحب لقاطو باتسرى لانا نخدمو فى الدار وخاصة لبابا اما فيما يخص ابنى يموت على البقلوة والمقروط والثنين يكرهو القاطوات المعسلة لكثرة تواجدها فى البيت وكدلك لا ياكلوا الغربية تماما

[daif_etbh]

انا زوجي يحب القاطو الطري كيما الكروكي والصابلي وقلب اللوز حتى بابا وخويا ثاني

[ام سراج وملاك]

الغاشي اكل تقريبا كيفكيف انا زوجي ماعندو حتى حاجة في القاطو نديرو بصح مايكلوش غير بالنفحة يحب بسبوسة نتاع سميد برك

[zamilio]

انا راجلى يحب البقلاوة والطابع ولا انقولك المهم متحطيلوش القهو ة بالخبز والتالى يحب كلش

[oum khadidja]

انا زوجي يحب المقروض و البقلاوة و القاطو لي فية مكسرات

[سماح 26]

زوجي يحب كل شيء هههههه
لدرجة منعرفش واش يحب بالظبط؟؟؟

[lyzzabel]

سلااااام أنا زوجي يبغي les gâteaux secs كيما صابلي بكل أنواعه و المقروظ و ما يبغيش القاطو لي فيه السكر أو الطلية من فوق

[oum 3abdou]

انا زوجي ايحب الصابلي بالمعجون الكروكي و القريوش و البسبوسة فقط

[منهاج]

السلام عليكم

رجال العائلة كلهم يموتو على البحلاوة والالمقروط

مهما نوعو في الجديد ما يبغوش

[AMEL1234]

راجلي يحب غير المادلان فوري بالكونفيتير

[om rahma]

ana rajli yhab tcharak w w labraj w fles tartes yhab gateau li bles fruits

[ريمه]

انا مانيش متزوجه مي في الدار يحبو كلش ههههه
اكثر شي لاحظت يبغو التقليدي بزاف وخصوصا قاتو صابلي ويكون بشوكولا ولا عادي والكعك لامونه اما الباقي ياكلوه اوقات
حتى في حلويات العيد هكذا يروحو للحاجه الخفيفه ومافيهاش الحلاوه بزاف

[sahora]

انا راجلي يحب البقلاوة و امثالها يعني كامل الحلويات اللي فيها حشو مكسرات و بابا يحب الصامصا و المقروط و خاتي يحب الغريبية يعني كلو ماااااشي

[نورانيات]

هههه، موضوع مميز أنا زوجي يحب كل ماهو تقليدي مثل البراج، المقرود والكروكي والسمنيات. يحب الماح خير من الحلو. بصح بابا وأخواتي الذكور الله يبارك يحبو القاطوات بجميع انواعهم. بابا في العيد الصغير يقولي ديريلي علبة كبيرة فيها كل الحلويات اللي درتهم باش ما ياكلوش معاه خاوتي ويخلصوهالو ربي يطولي في عمري يفرحني كي نشوفو ياكل في القاطو اللي نديرو ويشكر فيا ويعود.

[السلطانة هيام]

المقروض والبقلاوة حسب ما شفت

[ام الرميصاء]

وانا زوجي يحب كل شيْ المهم يكون من صنع يدي،ما يحبش المشري وخلاص.

[noha selmi]

السلام عليكم انا زوجي مش من محبي الحلويات المطورة عندو المقروظ في الاول والاخير

[samaxtm]

انا زوجي يحب البقلاوة قاطو ساك وتاع الشيكولة والبغرير

[سماح 88]

اكيد الباقلالالالالاوة رقم واحد ثم القريوش والصابلي انا الي حببته فيه

[ام اريام]

السلام عليكم ورحمة الله وبركاته انا زوجي يحب التشاراك المسكر و البقلاوة و مقروط اللوز

[La perle rare]

بارك الله فيكن على الردود و التفاعل مع الموضوع دمتم رائعات

[fatima2002]

المقروط ثم البحلاوا

[ام بلبل]

انا زوجي يحب البقلاوة و الكروكي بزاف و ما يحبش تاع القلاصاج

[المدير2012]

اي نوع يكون مبسس ووحلوووووووووووووووووووووووووووووووووو

[tatadamizour]

انا راجلي يحب كامل القاطوات عدا الي مخدوم بالطلية و الطمينة يقولك بزاف حلوين
بصح انا مافهمتش علاه كي ياكل مقروط اللوز و لا قاطو المعسل ماشي حلو ؟؟؟؟؟؟؟؟!!!!!!!!!

[ام سهام 02]

السلام عليكم و رحمة الله و بركاته انا زوجي يحب دزريات وطرطة الليمون.

[السلطانة هيام]

الحلويات الجديدة

[souzzi6]

الله يعطيك الصحة يبنو هايلين

[شقراء]

سلام
انا زوجي يهرب من كل شي معسل ومطلي ومرمد
ويحب حلوة الطابع والغريبية ولي روشي وبتي فور