مشكلة هشام

[مشكلتي]

السلام عليكم ورحمة الله وبركاته
نحكيلكم القصة
المشكلة ما تتعلقش بيا، تتعلق بابن خالي هشام
أنا وهشام ملي كنا صغار وحنا مع بعض، ومن الإبتدائي وحنا نقراو مع بعض وهاذ العام نجوزو الباك تاني مع بعض
خالي و مرتو راهم يتشاجو بزاف وخالي هو الغالط، عندهم 2 شقق في دارهم، خالي خلاهم وراه عايش في شقة اخرى وخلاهم وحدهم ماراهش يسقسي عليهم، راهم في 3شهور هاكداك وماحبش يحشم على روحو، حتى ولادو الصغار ما علابالوش بيهم.. هشام هو الكبير و عندو الباك، ما ولاش يقرا مليح، راه سامح في قرايتو وقاعد غير يخمم في المشكلة تاع والديه.. راني حابة نعاونو مي ماعرفتش كيفاش لأنو اللي يقولها على باباه عندو الصح، خالي راه مخسر بزاف.. جرب هشام يهدر معاه باش يحلها ولا باباه يكفر عليه.. قالي كون غير ضربني وماقاليش هاذيك الهدرة.. وراه يقولي تانيك بلي باباه راه يخسرلو حياتو باغسكو علا جالو ماراهش يقرا مليح، وحتى ايلا جاب الباك ميقدرش يروح يكمل قرايتو ويخلي يماه وخاوتو الصغار، راه يحس روحو مسؤول عليهم ويماه ماراهيش تقدر وحدها..
حتى واحد من العايلة ماعلابالو بلي كاينة هاد المشكلة.. هشام حاكيلي غير أنا ومنقدرس نقول لوالديا باش يسيو يحليوها سينو هشام يزيد يحصل معا دارهم
كان عندنا أحلام باش نروحو نكملو قرايتنا في الخارج مي هشام ما يقدرش حتى يخرج من المدينة تاعنا
غادي يضيع المستقبل ديالو و مايقدر يدير والو لباباه و يماه..
كيما يدير ما يقدرش يحل المشكل، غير ايلا ربي هدى خالي باش يفيق بروحو

راني حابة نعاون هشام باش يولي يقرا و ما يخممش بزاف باغسكو وليت نتقلق كتر منو
راني حاباتو على الأقل يجيب الباك و ما يضيعش هاذ العام و يكون قدوة لخاوتو،، بالاك منا لرمضان كي يصيب خالي روحو وحدو حتى واحد واحد ما يطيبلو بالاك يهديه ربي و يرجع لمرتو اللي صبرت عليه وولادو

عاونوني الله يجازيكم كيفاش نقنع هشام باش يرجع يقرا و نطلعلو المورال مع العلم أنو ذكي بزاف ر قادر يروح بعيد

شكرا لكم مسبقا وأعتذر على الإطالة

[نورسين.داية]

السلام عليكم

هو شيئ جميل أن تحسي بمشاكل غيرك و تحاولين حلها .....لكن لاحظي صفتك و سنك و تتحدثين عن السي هشام و كأن حياتك مرتبطة به ............؟؟؟

ما عليش ماش مشكل .....لكن عزيزتي إذا حابة فعلا تحلي المشكل أخبري بقية العائلة بمشكل هشام لأنه كا يبدو أنتي صغيرة في السن يعني سنك من سن السي هشام

بالتالي خلي لكبار يحلوا المشكل لأنهم ادري بمعرفة مشكل الكبير الدي هو والد السي هشام و المسؤولية التي يتكبد عناء حلها السي هشام

و لستي أنتي ................................................فه متي عزيزتي

و الوالدة و بقية الأعمام و الأخوال ..........وين راهم .......................

أرجو أن تتقبلي رأي صغيرتي ............

[محمد جديدي التبسي]

ادعي ربي يصلح حالهم وأكيد خبرهم سينتشر لدى كل العائلة هذه الأمور ما تتخباش
اهتمي بدراستك أختي وخليك من هشام وابتعدي عن الحديث مع الذكور ولو كانوا أقارب

[بريق امل]

هادي حاجة مليحة كي راكي تخمي على غيرك لازم في حاجة كيما هكا يدخلوا لكبااار psk يعرفوا كيفاه يحلوا المشكل هادا ربي يجيب الي فيه الخيير

[nibou]

هشام ولد خالك و لا ,,,,,,راني نشوف فيك نتي اللي راح ضيعي قرايتك،تقبلي مروري

[bonbon]

سلام عليكم

اختي الصغيرة مهما فعلتي فهذه المشاكل اكبر منك و من هشام و حلها ليس بيدك و لا بيده

انت ايضا عليك التفكير بدراستك و ليس هشام وحده

ارى انه عليك اخبار والدتك بالامر و هي تذهب لبيت اخوها و تحاول الاستفسار عن الوضع دون ان تلمح الى انها على علم بالموضوع

يعني تقوم بزيارة عادية و تحاول ان تفهم المشكل من خلال الاستدراج في الكلام

ان صارحوها بالمشكل كان بها و تحاول حله بتدخل الاقارب

اما ان كتموه عنها فسيكون جليا انهم لا يريدون اقحام اي كان في الموضوع

و بالتالي انت ايضا لا يمكنك فعل شيء


ربي يصلح الاحوال

[ميمي سمية]

ايه صح كيما قالت نورسين

اخبري العايلة تاعك وسيرتو الوالدة لخاطر تكون اخت والد السي هشام .......... خلي الكبار يحلو المشكل لخاطر هوما قادرين عليهم

ونتي اتهلاي في قرايتك لتضيعيها قبل مايضيع هشام قرايتو

[*بيتي مملكتي*]

السلام1


بنيتي يجب أن يعلم الأهل بهذه المشكلة حتى يتم حلها
لذلك لابد من مصارحتهم بالأمر حتى لا تتفاقم الأمور أكثر

كأن يقترح ابن خالك على أمه أن تفاتح هي والدتك بالموضوع لعلها تجد عندها المساعدة
بما أنها أخت والده

ما زلتم في سن صغيرة على تخطي مثل هذه المشاكل بمفردكم لابد من تدخل الأهل المقربين

و لا تنسي بنيتي أن لا تشغلك هذه المشكلة عن دراستك فتضيع في الطريق

و حاولي أن ترفعي من معنوبات ابن خالك فهناك من لا أب و لا أم لهم و هذه المشاكل صغيييييرة جدا مقارنة مع آخرين من سنكم في أماكن أخرى لا نعلمها

و دائما اجعلي الصلاة و الدعاء ملجأك في السراء و الضراء

والله المستعان

[sanax]

لازم يتدخلو الكبار وربي يفرج

[جازيا ام البنات]

عليك باخبار الام ديالك خصوصا انها اخت اب هشام هكذا يمكن يتحل المشكل اذا كان فيه حل اما هشام قوليلو خليك من المشاكل وقابل قرايتك وما تضيعش مستقبلك ولي بين امك وابوك امور لايعرفها غيرهما وانت راكي تسمعي من هشام فقط يعني انت ما تعرفيش السبب الحقيقي لي خلا الاب يسمح في وليداتو كاين امور اكبر منك ومن هشام على بيها خليو الكبار يتدخلو لربما تتحل المشكلة نتمى تتوفقي في الباك انت وابن خالك

[زهرة كل يوم]

توجهي بالدعاء لله كي يفرج كربكم

فهو القادر يقول له كن فيكون

[nadia mimi]

ادعي ربي يصلح حالهم وأكيد خبرهم سينتشر لدى كل العائلة هذه الأمور ما تتخباش
اهتمي بدراستك أختي وخليك من هشام وابتعدي عن الحديث مع الذكور ولو كانوا أقارب