تسجيل الدخول

مشاهدة النسخة كاملة : أريد سساعدة عاجلة

fatiha83
2014-02-07, 20:29
السلام عليكم من فضلكم طلب أريد كيفية صنع طلأ هشيش وما ييبسش
مليديا 08
2014-02-08, 17:50
مرحبا

صراحة لم أفهم طلبك بالظبط وضحي؟
touta2010
2014-02-09, 13:07
السلام عليكم من فضلكم طلب أريد كيفية صنع طلأ هشيش وما ييبسش

يوجد قلاصاج ام رامي يبقى هشيش وبنين روعة
إلهام07
2014-02-09, 15:28
هذا قلاصاج درتو في عرس اختي في الصيف مهما يطول ما ييبسش وبنين وريحتو تهبل :

راهي وصفة أم محمد تاج

شوفي حنونة حطي في بول بياض بيضة وفنجال تاع قهوة حليب وفنجال زيت مخلط مع الزبدة يعني نص بنص وفنجال ماء الزهر ومغرف كبيرو اكتخي تاع اللوز ومغرف صغيرة فاني وملون ابيض لازم باه كي تضيفي اللون لي تحبيه يخرجلك ناصع ومايخرجش باهت ضرك نعتلك التشاراك لي قلاصيتو خرجلي ازرق خيرمن تاع البارح رووووعة ومبعد ضيفي السكر قلاصي مغربل حتان توصلي للقوام المطلوب وضيفي في الأخير الملون راه على ضمانتي روووعة


وهذا نتاع ام رامي ثاني هايل هايل كيف كيف يبقى طري مهما يطول :

كيلة زيت
كيلة ليمون
كيلة حليب
و سكر مسحوق

لكن كي تضيفي سكر مسحوق خصك تضيفي بزاف حتى يثقل
انا نثقله و نسيي حبة و نحطها و يليق القلاصاج ما يسيلش خصه يبقى في بلاصته باه يخرج زين
و لاكان سال القلاصاج من الحبة زيدي ثقليه بالسكر مسحوق حتى تولي تمشي فيه باصبعك فوق الحبة تاع الحلوى
و لما ينشف القلاصاج مسحي عليه الملمع لكن بقطنة جافة ديريها في الملمع و مسحي فوق القلاصاج



مجربين في زوج حبيبتي ومضمونين

شوفي هاهو :

http://www.up.djelfa.info/uploads/139195603225351.jpg
om mostafa
2014-02-10, 10:27
السكر اختى احرش عادى انتاع القهوة موش السكر الرطب وانديروه على حمام مريم ولا لا وشكرا
لينا11
2014-02-10, 11:26
جربي هذا راه روووووعة والي ياكلو يدي الوصفة مع دعوة الخير

نعطيك طريقتي يخرج لك روووووووعة
ديري في صحن غامق بياض بيضة زيدي عليها شوية برك ملح+03مغارف كبار ماء زهر+03مغارف كبار عصير قارص+03مغارف كبار زيت عادي خلطيهم مليح مليح (هنا لاحبيتيه بيض كاين ملون ابيض ذوبيه مع 03مغارف ماء زهر حليه مليح لاكان بودرة باش مايقعدولكش حبيبات كي تقلاصيه )
بداي زيدي فالسكر قلاص مغربل03مرات مهم جدا حتى تتحصلي على قلاصاج ثقيل جربي حبة وشوفي لاجا حاكم روحو بصحتك
كي تنشف طلية تاعك توجدي ناكري تمسحيه من فوق بواسطة اسفنجة باش يبرق وبصحتك عسولة
بنات الي سالوني واش هو ناكري
هي بريون يجي غبرة كي تنشف طلية تاعك مسحيه باسفنجة من فوق باش يلمع قلاصاج تاعك فالاخير
https://fbcdn-sphotos-g-a.akamaihd.net/hphotos-ak-frc3/t1/p320x320/1459802_620864404645972_2054473953_n.jpg
(https://www.********.com/photo.php?fbid=620864404645972&set=gm.488470564598562&type=1)