المدرسة العليا للعتاد - الحراش [الأرشيف] - منتديات الجلفة لكل الجزائريين و العرب

amine eco

2014-02-07, 15:29

شكرا اخي dophiiin بارك الله فيك ووفق الله في فعل الخير ومساعدة ناس ......سؤالي واش رأيك في طبيب حراش يقولو عليه خبير بزاف ؟؟؟ وهل صحيح في سبتمبر تم اعفاء اقل من مواليد 88 جميعا

dophiiin

2014-02-07, 15:38

اي سؤال نقدر نجاوب عليه ما نبخلش خاوتي
طبيب الحراش يسيميوه الميكانيسين علا خاطر ما عندوش الرحمة كيما لارمي بصفة عامة .
كاينة منها اخي في سبتمبر حكمو لكتارا صحاب 88 و كاين بعض من 89 & 90 لكنًً كل من هو اكبر من 88 طلقوه .

ripa kefs

2014-02-07, 16:36

ya rab wfarj 3lina

صالح القسنطيني

2014-02-07, 21:13

هل لا زال يعمل بدفع الملابس المدنية

و الهاتف ممنوع مدة 6 اشهر كاملة

و هل لا تزال ترسل جميع طلبتها مرشحين

و هل لا تزال هي آخر مدرسة يتم التحويل منها اي المطسيو

و هل لا تزال معاقبة

و هل لا تزال ترسل بعض المحولين بمفردهم

hamzaka07

2014-02-07, 22:32

يا خويا الحراش كيما قلك الاخ الطبيب فيها يسموه الميكانيسيا و زيد فيه القيادة بزاف لذلك مزيرة شوي في التدريب
بالنسبة للهاتف مش ممنوع انا من لي دخلت ومازال التيليفون عندي ..
الطلبة كاين لي يروح مرشح وكاين لي يروح ملازم احتياطي ..
الدفعة السابقة اختارو على اساس السن .. 90 و 89 كامل شدوهم اما 88 مايفوتوش 15 " زهرهم انه كملو بيهم القائمة برك "

بالتوفيق للجميع ..

amine eco

2014-02-09, 01:29

للرفع للتستمر الافادة

algeriano2009

2014-02-10, 19:16

أين أنت يا أخي
أحكيلنا على اصحاب الملف الطبي؟ أين يتم الفحص ؟ في عين النعجة؟

jalal17cr2

2014-02-11, 01:28

algeriano2009

2014-02-11, 11:27

أنا أيضا رحت وخبير في هذي المدرسة نقلكم الطبيب صح مزير شويا بصح ملي يعطيك التأجيل يني يعقبوكم للبليدة و عين النعجة ، انا رحت في مارس و طلقوني بالتأجيل ورجعتلها في سبتمر و طلقوني بالمؤهل لا يجند و الأغلب من 89 و روح، بصح لي عقبوها ثمة قالك رايحة و طالقة و الهاتف مسوح و حتى الهواتف الذكية و الألواح شفتها.

وش هو الملف الطبي نتاعك يا أخي؟ و مــاهي الملفات الطبية اللي طلقوهم؟ في أي مستشفى دارولكم الفحص أخي ؟ و ماهو تاريخ التحاقك في مــارس ؟ في التاريخ المحدد او تأخـــرت ؟

جــــزاك الله خـــيـــرا و جــعلها لك في ميزان حسناتك.

dophiiin

2014-02-11, 19:53

يا خاوتي والله كلشي بالمكتوب أولا و أخيرا الواحد يصلي استخارة و يمشي !
الطبيب ماش عبد خلاه قادر تكون مريض و يديرك مقبول و الخاوة لي راهي تفوت في الستاج دوك يشهدوا ما يداويوهم ما والو وكيلهم ربي !
نصيحة من عندي لي يجيه الاستدعاء في 15 يدير روثار حتي 21 و لي يجيه في. 22 يدخل في الوقت خير علي خاطر يجي غاشي كبير و ما تلقاو وين ترڤدو حتي الزاورا باش تغطي ماكاه المهم هذا رأي الشخصي .
الملابس المدنية ممنوعة وانتا و اشطارتك .. الهاتف ينيحيوهولك 45 يوم الاولي ونتا واشطارتك .. الميتاسيون مرشح وملازم و كاين لي يتعاقبو يروحو سارجان و كابران .. المدرسة كانت في الماضي معاقبة ..
أي أسئلة أخري راني في الخدمة و اسمحولي ايلا نطول عليكم !

algeriano2009

2014-02-11, 20:52

كيف تكون فترة ماقبل التجنيد أخي؟ من الدخـــول للمـــدرسة.

و بـــارك الله فيـــك.

algeriano2009

2014-02-11, 20:56

كيف تكون فترة ماقبل التجنيد أخي؟ من الدخـــول للمـــدرسة.

و بـــارك الله فيـــك.

abozaidyacine

2014-02-13, 15:49

لكل من لديه اي استفسار حول هذه المدرسة أنا في الخدمة .

السلام عليكم ورحمة الله
معاكم خوكم ياسين من ولاية الشلف من مواليد 04/02/1990
متحصل على شهادة ليسانس علوم تجارية تخرجت 2012
وبعثولي الأولى في 15/09/2013 في الحراش وما رحتش
دفعت ملف كفالة في ديسمبر 2013 لكن تم رفضه بعد شهر والله اعلم لماذا
ولحقتني الثانية في نفس الثكنة (المدرسة العليا للعتاد بالحراش) في 15/03/2014
ممكن نصيحة واش ندي معايا و كيفاش ندير وقت آش نروح
ولمزيد من التواصل هذا رقمي 0770701972
وَبَارِكْ الله في الجميع

safirmed

2014-02-13, 21:20

كلشي بالمكتوب

بلقاسم البيتر

2014-02-14, 14:30

رد على الأخ ياسين : أنا فوت السطاج في المدرسة العليا للعتاد الحراش ننصحك خويا روح كان شدوك راك فوتها كان طلقوك بصحتك

dophiiin

2014-02-15, 20:19

السلام عليكم ورحمة الله
معاكم خوكم ياسين من ولاية الشلف من مواليد 04/02/1990
متحصل على شهادة ليسانس علوم تجارية تخرجت 2012
وبعثولي الأولى في 15/09/2013 في الحراش وما رحتش
دفعت ملف كفالة في ديسمبر 2013 لكن تم رفضه بعد شهر والله اعلم لماذا
ولحقتني الثانية في نفس الثكنة (المدرسة العليا للعتاد بالحراش) في 15/03/2014
ممكن نصيحة واش ندي معايا و كيفاش ندير وقت آش نروح
ولمزيد من التواصل هذا رقمي 0770701972
وَبَارِكْ الله في الجميع

ya akhi maktoublek tfowetha nshallah khir
shouf akhi ne7i la7ya 9bel ma teji lazem tkoun rasi mli7 kayen li makhalawhemsh yedokhlou f beb ra7ou na7awha f 9ahwa w welaw .. jketar les sous vetment .. les jetable jib m3ak mé am kayen yetba3ou l dakhal c pa un pblm .. jib m3ak shwi 9ash zayed au début pck tawal 9bel ma ylebsoukem ta7taj besh tbedel .. hhhhhnrmlmnt hada hwa sa7

dophiiin

2014-02-15, 20:21

كيف تكون فترة ماقبل التجنيد أخي؟ من الدخـــول للمـــدرسة.

و بـــارك الله فيـــك.

la periode 9bel ma ylabsou .. lyebda yjilgashi m le 15 f lowel makan walou 7ata yokter l gashi yebdaw yeba3tou s7ab dwassa medical l 3ain na3ja w koul khatyra tokhrej liste nta3 inapt sema li yraw7ou bsa7athem ..
hkda 7ata yrey7ou ghir l apt

dophiiin

2014-02-15, 20:22

رد على الأخ ياسين : أنا فوت السطاج في المدرسة العليا للعتاد الحراش ننصحك خويا روح كان شدوك راك فوتها كان طلقوك بصحتك
wa9tah fowet stage kho .. wesh men diplome .. win ba3touk apré ?

algeriano2009

2014-02-15, 21:14

الــهاتف يا أخي مسموح أم لا؟ هل من الممكن تعطينا فكرة على الأمــراض الي خرجوهم Inapte.

جـــزاك الله كل الخير.

ali.dje

2014-03-06, 22:11

بارك الله فيك خويا على الموضوع

سيدعلي مدريدي

2014-03-06, 22:16

ممكن سؤال هل الطبيب متساهل بعض الشئ او لا يعني اي مرض مزمن ومعدي يترك صاحبه او لا واصحاب الوزن الزائد لهم فرصة في نيل الاعفاء او لا في مدرسة الحراش

hamzaka07

2014-03-06, 22:27

جواب على االاخ algeriano2009 (http://www.djelfa.info/vb/member.php?u=219334)

يا اخي في العسكر كلش ممنونع كلش مسموح .. يعني اذا الهاتف ممنوع مش لازم عليك تدفعو . خليه عندك و اعطيلهم هاتف اخر يكون خاسر

اما بالنسبة على الامراض اللي يخرجوهم inapt لازم يكون مرض مزمن او عملية او كسر او زيادة الوزن " اظن اكثر من 100 كغ " .

ونصيحة من عندي اللي عندو اي مرض قديم او جديد يعملو ملف طبي ويديه معاه باش يستفيد من الاعفاء
وايضا نقولو يروح من الاوائل على خاطر باش يبعثوه يفوت لافيسيت في البليدة ويستفيد من االاعفاء لأنه اذا تأخر ماراحش يبعثوه وهكذا الملف نتاعو ما يكون عندو حتى فائدة .

بالتوفيق ان شاء الله

hash_xDx

2014-09-08, 14:35

سلام عليكم جماعة
كاين واحد صحبي عندو ماستر في الحقوق تخصص علم اجرام
راح دوموندا على لوردابال البارح يعني متطوع
السؤال:
هل عندو حظوظ باش يخرج مع الفائض ولا والو
وأيضا أعطونا الوقت المناسب لي يروح فيه للكازيرنة مع العلم أنو لوردابال تقول يلتحق يوم 15/09/2014
اعطونا كلش جماعة في سبيل الله
والله يفتح على الجميع
وربي يسلككم على خير من هاد الهم تع العسكر انا الحمد لله قضيت صالحة في مارس لي فات وخرجونا مع الفائض
نصيحة لي رسلولو لوردابال في الاغواط المدرسة التطبيقية للدفاع المضاد للطائرات
يروح في الموعد المحدد وخاصة أصحاب 15 من الشهر
راه عندهم حظ 95% يخرجوهم فائض
والله يوفق الجميع