مشكلة نفسية عن فتاة أعرفها

[مشكلتي]

السلام عليكم أنا شاب عمري 18 سنة أدرس الثالثة ثانوي مقبل على الباكالوريا ، منذ شهرين كنت أحلم في منامي كثيرا بفتاة أعرفها منذ صغري و هي في نفس عمري و مستواي الدراسي ، حتى أصبحت أحبها في الواقع منذ تلك الأحلام وأنا أنوي خطبتها والزواج بها بإذن الله وكثيرا ما أدعوا في صلاتي بأن يجعلها الله من نصيبي في الزواج، علما أنني أحببتها لأخلاقها وطيب نفسها وجمالها ، وليكن في علمكم أنها لا تعرف أني أحبها وأريد الزواج بها وهي لا تتكلم مع الشبان تتحدث فقط مع صديقاتها ، وأنا أخشى يا اخواني أن يخطبها غيري ، فما آراءكم وماهي نصائحكم ؟.
والسلام عليكم ورحمة الله تعالى وبركاته.

[يونس معبدي]

وعليكم السلام ورحمة الله
نصيحتي لك ان تهتم بدراستك
وتبتعد عن مثل هاته التفاهات..وتترك الفتاة في حالها طالما انها لا تعرف بما تفكر فيه أنت حتى لا تشوش عليها في دراستها
موفقون وربي ينجحكم

[lachiche]

السلام عليكم

والله غير ضحكتني شكرا لك
اخي نقولك حاجة ايلا انت عندك دراهم باه تزوج و عندك باه ادير مشروع تعيش منوا بالاك تقدر تتزوجها
و لا عدت زوالي كيما حالتي غير انساها خطراكش السن لي وقف بيناتكم و لأن المجتمع الجزائري مجتمع مكاش منوا لازم الطفل يكون اكبر من الطفلة
يا اخي انت دير في بالك بلي كي تخطبها لازم على الاقل تكون خدام و عندك دراهم العرس و مصاريف الزواج و تاني حاجة هي في عمرها 18 بلاك العم الجاي يبداو يخطبوا فيها و تتزوج وانت مازلت تقرا
والله مشكلتك شبيهة بمشكلتي و السن بيناتنا 4 سنوات والله ماني طامع لاني مازلت نقرا
المهم يا اخي متقولش راه يسابوطي فيا لــــكن الحقيقة
انت اول شيئ حاول تنساها و ثاني شيء اقرا و دير مستقبل و لي على ربي هذيك هي
ممكن راهي من نصيبك و لما لا هذا شيئ من المكتوب
ادعي ربي بلاك تدي لي تحبها
عطيتك جميع الإحتمالات
سلام

[فارس وجواد]

يا حسراه عليك يا أخي .
أنت في فترة مراهقة فقط .
راك تكبر و تولي تضحك على واش كتبت .
مازالك صغير أخي على التفكير في الزواج خطوة بخطوة .
الان فكر في قرايتك و مستقبلك و مباعد الزواج يجي وحدو .

[MaX32Dz]

نصيحة عن تجربة ..
.تعذب روحك كيما راني معذب أنا

[ابتغي الجنة]

مرحلة المراهقة مليئة بمشاعر الحب و العطف و الحنان ولي تشوفها تقول نحبها
التى بقرايتك خويا مازالك صغير عالزواج منا لعام لجاي تكتشف بلي كنت متوهم انك تحبها ماشي صح حب

[نورسين.داية]

السلام عليكم

نصيحة لا تتسرع .................تحصل على شهادة البكالوريا و تحصل على عمل بعدها ربي يسهل لك أكيد

و سف أعطيك مثال حي ، في ولايتي يوجد عرش معين يزوجون أبناءهم بعد سنة من دخول الجامعة من اجل كبت أبنائهم ، هذا خوف الوالدين

لكن النتيجة الخيانة 100 بالمئة و الشاب
و انا نفسي سألت شخص منهم من باب الصدفة : ما هي العادات التي تريد تغييرها في واقعك : فأجابني مباشرة نتزوج في الوقت لي نحب و مع من أختار انا

صدقي بعد المرحلة الجامعية تتغير شخصية الإنسان بشكل جدري من بينها معايير إنتقاء الطرف الثاني ....و هذا شيئ طبيعي ........

وفقك الله أخي

[كلنا راحلون]

السلام عليكم شفتها في المنام حبيتها زعمة لا يا اخي حذاري من الخطر ابق مع هدفك الدراسة فقط ونهار تكبر راح تضحك كثيرا وتقول كم كنت مغفل بطبيعة الحال كحالي ايام زمان كنت مغفل لكن في وقتنا لم يكن انترنت اما وقتكم كل شي موجود فقط اكبس ايقونة اضافة موضوع وتجد كل انسان ينصحك وسلام

[ibrahimm]

18 سنة مازلك الكثير

الدراسة و العمل و تامين الزواج

كل هذه السنوات تنتظرها الافضل ان لا تتعلق بها حتى لا تتعذب بعد ذلك

[ZAKARIA.BOUNASLA]

اخي هذي لحضة مراهقة فقط اخي لا تتسرع اتمنى لك التوفيق من اعماقي قلبي

[naamane3]

كون جينا فالسبعينات والستينات نقولك
روح اخطبها وما تخليهاش تروح من يدك
ولكن يا بني رانا في 2014 والعقليات تختلف
والمادة طغاة والاهل اصبحو يتفاخرون بالزواج
و و و و و
ربي يكون في عونك

[Malek12]

كل كلام الاخوة كان في الصميم

فخذ بالنصيحة

[جمال المهاجر]

هدفك هو الزواج بها .... هناك احتمالان يا صديقي :
1- التعايش مع هذا الحلم ، و بطريقة ما ، في يوم من الايام ، .. ترتبط بها بعقد شرعي .. .
2- عند مرور بعض من السنوات ، ستكتشف عالما اخر اسمه ' الحياة العملية ' ، حيث ستواجه شبح تحقيق ' الحلم الجزائري ' سكن و عمل و زوجة .. و هنا ، ستعرف جيدا أن '' أريد الزواج '' ليست بالسهولة التي تتصورها ..
أنصحك بالاجتهاد في دراستك ، .. دراستك

[kamel76]

اعلم يا أخي أمرين :

الأول : إن كانت من نصيبك فلن يأخذها منك كائن من كان و إن لم تكن لك فلن تتزوج بها و لو افتديت بها ملئ الأرض ذهبا .
ثانيا : إيا أن تفتنها في دينها . واتركها على حالها و لا تظهر تجاهها أي شعور أو أي شئ قال تعالى :"إن الذين فتنوا المؤمنين و المؤمنات ثم لم يتوبوا فلهم عذاب جهنم و لهم عذاب الحريق "فإن لم تقدر على كبت مشاعرك ... فآتوا البيوت من أبوابها . وارض بما قسمه الله لك .

[djazia87holi]

اخي مازالك في سن المراهقة ومازال كي تروح للجامعة بلاك تبدل رايك اول شيء كمل قرايتك ومن بعد يريرحمها ربي رااايي بمنتهى الصرااااااااااااااااااحة

[عادل عبد الله]

السلام عليكم خويا كمل قرايتك وكي تتخرج وتصيب خدمة ويكون لاباس بيك والحمد لله روح أخطبها، ربي يحققلك ما تتمناه ويلقيك بها .

[nadia mimi]

يا حسراه عليك يا أخي .
أنت في فترة مراهقة فقط .
راك تكبر و تولي تضحك على واش كتبت .
مازالك صغير أخي على التفكير في الزواج خطوة بخطوة .
الان فكر في قرايتك و مستقبلك و مباعد الزواج يجي وحدو .

[faty05]

شوف نويتها في قلبك زوجتك المستقبلية ما تخممش بزاف و تضيع مازالك صغير
اقرا و كون روحك و كي تكون قادر علا الزواج تم سقسي عليها و روح اخطبها
اذا راهي مكتوبك راح تلقاها و اذا العكس الجزائر معمرة ببنات ما شاء الله
ربي يوفقك

[heureuse05]

شر البلية ما يضحك
اضحك الله سنك يا بني و هداك و ثبتك
مرااااهقة و تمر يعني ستجد ان شاء الله افضل منها مستقبﻻ ان صدقت النية مع الله و ان كانت من نصيبك فلن ياخذها منك احد
النطلوب اﻻن الدراسة ثم العمل ثم التفكير بالزواج موفق

[حسناء اليمامة]

ربي يجعلها من مكتوبك ولكن اهتم بدراستك اولا هي اللي تفتحلك الابواب ربي يجيب اللي فيه الخير

[soumia islam]

لازم تخمم في المستقبل تاعك اولا ممبعد تخمم فيها ماشي امليح تعطيها وعد ممبعد متعرفش واش يصرا متخليهاش توالف بيك من الاحسن فترة التعارف مطولش