لا اريد الزواج

[مشكلتي]

عمري 30 سنة وخايف من الزواج خايف نربط روحي وخايف من المشاكل وخايف نطيح في وحدة ما نتفاهمش معاها ونحصل
الا انه احيانا وفي لحظات ضعف نقول لازم نزوج وتغيضني عمري لكن سرعان ما اصفع نفسي و اكبت شهواتي ونقول اياااااااك وهده المخاطرة
في راسي حتى سن 35 والله اعلم

[ابتغي الجنة]

اذا قدرت تشد روحك عن المعاصي و شهوات النساء اقعد ماتتزوجش وانا متاكدة بلي ماتقدرش
اذا كنت قادر على الزواج ماديا وجسديا فالزواج يعتبر واااااااااجب في حقك
خايف مالمشاكل علاش دوكة ماعندكش مشاكل عادي هادي هيا الدنيا ولازم تتفاءل خويا
خفت طيح في وحدة ماتتفاهمش معاها ..اتكلي على ربي وادعيه بزاف يطيحك في وحدة بنت ناس وخير الطفلة المستورة العفيفة الخلوقة
وربي مارحش يخيبك باذن الله
الشباب راهم ميتين علازواج باش يعفو روحهم و يدرو دويرات ودراري ونتا حاب تستنا حتى تولي شيخ ربي يهدينا واياك اخي

[ايمان نور الجزائر]

هاذي غير وساوس الشيطان
يديرها في راسك....مادام راك قادر على الزواج ونتا تعرف روحك بللي انسان مليح
وطيب فلا تخف...صفي نيتك وتوكل على ربي وراح تسهال الامور عليك
وراح تلقى البنت لي توالمك والمشاكل راح تقسموها لثنين...راهي شريكتك في الحياة وفي كل شيء بالحلو والمر
كيما يقولو
والبنت...اذا لقات من يحن عليها ويعاملها بالحسنى راح تتفاهم معاه ما تقلقش روحك من هاذ الجانب
ابدا البحث عن شريكتك ...

[مراد سابقا]

أنا كيما أنت حلفت منزوج أهنا وراح نزوج أجنبية إن شاء الله


أما جزائرية لا وألف لا

[الجليس الصلح]

السلام عليكم ورحمة الله
ان السن الذي انت فيه سن ممتاز للزواج لكن اذا توفرت لك ظروف تساعدك قبل الزوجة كالعمل والسكن أما الزوجة فمعك الحق عليك البحث بجد حتى لا تقع إن المرأة الصالحة تتطلب منك البحث مطولا للظفر بها
نسأل الله ان يوفقك لتنال ما تتمناه

[نورسين.داية]

السلام عليكم

لكن أين هو التوكل على الله عز وجل ؟

[libanarim]

وشكون يضمن تعيش ل 35 سنة

[كلنا راحلون]

السلام عليكم

عمري 30 سنة وخايف من الزواج خايف نربط روحي......................اكيد زواج فيه مسؤولية كبيرة من ناحية الرجل والمرأة اكيد تنسى ابام العزوبية تصبح اكثر انضباط تدخل في الوقت ولا تتأخر ادا كان عندك جماعة اصدقاء ولا تنسى ما بعد الزواج تربية اولاد ................ وخايف من المشاكل.......اكيد فيها مشاكل ومشاكسات وتمرد.............. وخايف نطيح في وحدة ما نتفاهمش معاها ونحصل ..............لا يا اخي كونك متفائل وهل كسرت نظرية كما تدين تدان فقط كان سؤال
الا انه احيانا وفي لحظات ضعف نقول لازم نزوج وتغيضني عمري...........واش بيك راك صغير كاين بزاف زوجو في سن 40سنة الى 45سنة ................... لكن سرعان ما اصفع نفسي و اكبت شهواتي ونقول اياااااااك وهده المخاطرة ...............احذر من شبعة ناقصة وتندم طول حياتك كلنا مرحنا ايام جامعة من هدايا ولكن ليس لدرجة تكسر نظرية كما تدين تدان..............
في راسي حتى سن 35 والله اعلم................هادي الفكرة كفكرتي حتى 40الى 45سنة لكن احسب من كل الجوانب وقرر ولا تبقى في تناقض
نصيحتي ادا راك قادر على مسؤولية تزوج وما تسمع كلام ناس قلت ادا راك قادر على المسؤولية وخاصة تربية الاولاد في هاد الوقت...................اتمنى لك الهناء وذرية صالحة ان شاء الله
وسلام عليكم ورحمة الله وبركاته

[naamane3]

شوف يا خونا اللي يخاف من الطيحات ماركب
وكيما قال الشابي
ومن يخف صعود الجبال *****يعش ابد الدهر بين الحفر
كون راجل و اعطي لكل حق حقه
واذا اخطأت فأعترف واعتذر
ثم اسأل الله العون بعد ما تتوكل عليه
والله المستعان

[جمال المهاجر]

عندما ''' تريد ''' و ''' تتمنى ''' الزواج .. تقدم لخطبة أحدهن ...
أما و أنت في هاته الحالة من التردد ، أخاف ان انت تزوجت ، ستتطور مشاكلك الى ' الجيل الثالث ' ...
بالتوفيق

[عبد الله 22]

ياخي راك ضيع في وقت ثمين من عمرك كثير من الشباب يتمنى القدرة، أما الخوف فهو مبرر من حيث المسؤلية ياخي توكل على ربي إن شاء الله لن تندم

[kamel76]

قال تعالى :"إنما ذلكم الشيطان يخوف أولياءه فلا تخافوهم و خافون إن كنتم مؤمنين"

[dahmane42]

أتزوج ما تخاف والوا اتكل على ربي

[hodahodahoda]

الزواج لازم في حياة الانسان
شرط ان يكون مهيا نفسيا و بصفة اقل ماديا

[فارس وجواد]

أخي 30 سنة راك كبير و راك روطار بزاف و انت مازلت تخمم .
اتكل على ربي و زوج و تأكد بلي ربي راح يعاونك و الله عز و جل توعد باعانة طالب الزواج و العفة.
أما عن تاجيلك لموضوع الى 35 سنة فتأكد انك اذا لحقت لهذا راح تروح لك الرغبة في الزواج نهائيا.
ديننا أخي رغب في الزواج و لاداع لذكر النصوص في ذلك فانت اكيد تعرفها .
ذكرني معنى قول احد الصحابة رضوان الله عليهم لو علمت انه بقي من عمري يوم لتزوجت خوفا من ان ألقى الله اعزبا .
تزوج يا اخي و سيفتح الله عليك و لما تتزوج ستندم أصلا على كل هذا الوقت الذي ضيعته .
و أبعد عنك كل هذه الأفكار السلبية عن الزواج .

[djazia87holi]

انصحك بصلاة الاستخارة والله غير يتفتحو ابواب عليك كثيرة وربي يكون الخير انشاء الله

[ikramm]

خوفك هذا دليل على تقدريك للحياة الزوجية وعلمك انها ليست لعب و لهوكما يظن بعض شبابنا اليوم ......اما عن نصحيتي فعلى الاقل ابدا بالبحث عن الفناة الصالحة التي تجد فيها مبتغاك ووفقك الله.

[dounia2013]

سلام غليكم ايها الشباب انتم غلطانين والله زواج مليح وما يخوفش ادا توكلت على ربي ومن قال يتزج اجنبية فهو يضيع حياته باطل لان الاجنية تريد العربى في صغره عندما يكبر ترميه لمواليه ويكون فات الاوان باش يغود حياته يولي ازرو 0 اما انت ياخي ادا كنت قادرا على الزواج فعليك تتوكل على الله وان شاء الله كلشي يجيك ساهل نتملك من كل قلبي حياة سغيدة

[أم عروة]

السلام عليكم ورحمة الله وبركاته،،

جاء في حديث ابن مسعود في الصحيحين قال صلى اللهُ عليه وآله وسَلَّم: «يَا مَعْشَرَ الشَّبَابِ، مَنِ اسْتَطَاعَ مِنْكُمُ البَاءَةَ فَلْيَتَزَوَّجْ، فَإِنَّهُ أَغَضُّ لِلْبَصَرِ وَأَحْصَنُ لِلْفَرْجِ، وَمَنْ لَمْ يَسْتَطِعْ فَعَلَيْهِ بِالصَّوْمِ، فَإِنَّهُ لَهُ وِجَاءٌ».


قال صلى الله عليه وسلم: "تزوّجوا فإني مكاثِر بكم الأمم " الحديث...



وفي صحيح سنن ابن ماجه عن أمنا عائشة رضي الله عنها قالت: قال صلى الله عليه وسلم: [النكاح من سنتي فمن لم يعمل بسنتي فليس مني وتزوجوا فإني مكاثر بكم الأمم ومن كان ذا طول فلينكح ومن لم يجد فعليه بالصيام فإن الصوم له وجاء ]

والله الموفق للصواب

[mounaminou]

خويا لازم تتوكل على ربي و تحوس برك على بنت فاميليا ....المخاوف الباقية هي كامل من الشيطان
و زيد علاه حنا في بلادنا نكبرو بزاف في حكايت الزواج....الزواج هو حاجة عادية جداا ...فيه مسؤولية صح مي لازم شوية تفاؤل ...لازم تزدم و تدير الكوراج غدوة كي تشوف صحابك تزوجو و دارو ولاد رايح تسخف و تقول كون غير ديرت عايلا

من غدوة ابدا حوس على الزوجة الصالحة و كي تلقاها أكيد ماش رايح تخليها تضيع من بين يديك

[مايسترو عمران]

يا سبحان الله
عندي نفس التخمام تاعك ^^

[شهرزاد أم التوأم]

اخي قال رسول الله صلى الله عليه و سلم من استطاع منكم الباءة فليتزوج الا راك قادر يااخي علاش تزيد تسنى علاش متجيبش اولادك وانت صغير يكبرو معاك خير يا اخي الزواج نعمة من الله عزوجل كاين ناس مصابوهاش حايبين يتزوجو لكن الله غالب مكاش امكانيات توكل على الله اخي اكيد مش راح تندم