تفضلوا جميعا..... [الأرشيف] - منتديات الجلفة لكل الجزائريين و العرب

ريمة89

2014-02-05, 18:11

السلام عليكم
قبل ان ابدابطرح موضوعي ارجو ان تكون الاجابة عليه من واقعنا
فنحن لا نريد محاضرات انما نصائح من مجربين او ممن عايشوا شيئا مماثل
كلمامررت بقسم المجتمع وجدت نفس المشكل لكن بعنوان مغاير
هو
صراع الزواج
لي سلك من مشكل السكن يطيح فمشكل الام اولعجوزة
سبحان الله نحير حتى اللي تخدم وساكنة وحدها تشكي و لله حرت
البنت او الشاب كون يقرى المواضيع والمشاكل عمرهم ليتزوجواهههه
صح كاين مشاكلوصعوبات بصح ماشي خلاصت الدنيا كلش
يجوز العامين اللولين مناصعب لعوام والحمد لله بعدالانجاب راح تروح هدي المشاكل واماظاهرة العجوزة انا نجحت بطريقة وحدة برك اني نعطيهاالحق عمري لنرجعها حتى هي ولات جبدت روحها والحمد لله الهدرةالزايدة كون تعمري بيها راسك تهبلي انا لحقت مرضت ودوك ني بالدوا تاع القلب ننصحكم لوجه االله واالله غير تجي فيكم صافي احملو اوجوزوا باه ديري دار ماشي ساهلة
فالاخير نسال المتزوجات شكون جاوها العامين اللولين ساهلين

sali-sali

2014-02-05, 18:25

السلام عليكم
قبل ان ابدابطرح موضوعي ارجو ان تكون الاجابة عليه من واقعنا
فنحن لا نريد محاضرات انما نصائح من مجربين او ممن عايشوا شيئا مماثل
كلمامررت بقسم المجتمع وجدت نفس المشكل لكن بعنوان مغاير
هو
صراع الزواج
لي سلك من مشكل السكن يطيح فمشكل الام اولعجوزة
سبحان الله نحير حتى اللي تخدم وساكنة وحدها تشكي و لله حرت
البنت او الشاب كون يقرى المواضيع والمشاكل عمرهم ليتزوجواهههه
صح كاين مشاكلوصعوبات بصح ماشي خلاصت الدنيا كلش
يجوز العامين اللولين مناصعب لعوام والحمد لله بعدالانجاب راح تروح هدي المشاكل واماظاهرة العجوزة انا نجحت بطريقة وحدة برك اني نعطيهاالحق عمري لنرجعها حتى هي ولات جبدت روحها والحمد لله الهدرةالزايدة كون تعمري بيها راسك تهبلي انا لحقت مرضت ودوك ني بالدوا تاع القلب ننصحكم لوجه االله واالله غير تجي فيكم صافي احملو اوجوزوا باه ديري دار ماشي ساهلة
فالاخير نسال المتزوجات شكون جاوها العامين اللولين ساهلين

السلام عليكم
اول مادخلت و كنت اقرا مواضيع المجتمع و الحياة الزوجية وجدت اكثرها شكاوي و معاناة .. صدقيني غير غيرت راي وكرهت سيرة الزواج دون مستقبل جيد من جميع النواحي
و لكن لما قارنته بالواقع و بما هو حولي و ما بحث من تجارب لقيت ان كل شخص يكتب مشكل هو احد اسباب وقوعها
لاحظت ان الكل يرى نفسه هو الضحية
الحياة ليست بالصعبة خاصة الزوجية وب فقط تقديم التنازلات و الصبر و الاحترام اولا
اتمنى السعادة للجميع
احترامي

سميرة2

2014-02-05, 19:44

السلام عليكم كون جات كل وحدة كيما تشوف لامها هي تشوف لام راجلها
الدنيا هادي راهي بخير و كون جا كل واحد ووحدة يعيشو اللحظة تاعهم كيما راهي بلاما يخمو فاللي قال و قالت حنا لاباس
بصح هده هي الدنيا تشغلنا اتفه الامور
تقبلو مروري

أم شروفة

2014-02-05, 20:34

صحيح العامين الأولين صعاب.الان برك و بعد 3سنين بديت نلقا راسي في دار شيخي.ربحتهم بالطيبة و الاحترام و القدر.أصبحت نحبهم و يحبوني.الحياة قصيرة بزاف باش نقعدو نخموا.هاذا قال وهاذافعل وشكرا

أم وائل ولؤي

2014-04-07, 12:45

نقولكم حاجة كل واحد واصلو كانو ناس فيهم الصيل وناس مهما درت فيهم ميقرش سكتي ولا قابضتي ولا نحيتي من روحك ميقادروش ميقادروش ويحقرو برك
وكانو ناس على الاول ميتفهموش لكن من بعد العشرة يرجعو حباب وكانو الي يقولك دبر راسهم كل وحد يعوم بحرو العقليات والنفسيات تختلف
لكن في الاخير نقول كل شوشو يبني عشوشو
خلو اولادكم يتهنو مع نساهم ولادهم كل واحد يعيش وقتو

حورية38

2014-04-07, 14:26

الموضوع قمة اختي
لكن انا نقول لوكان البنت نهار رايحة تتزوج قالت عندي زوج يمات والعجوزة قالت عندي بنت مع لبنات اكيد رايحة تعيش هانية وقدرك تصنعيه بيديك ومعزتك من معزة بناتها كان عرفتي تتعاملي معاها // راني نجمع ماشي قصدي غير انتي// والايام الاولى للزواج هي لي لازم كل زوجة تقلبها لصالحها والله نعرف بنات طاحو في عجايز ...................... ولات عجوزتها كان تساليها تقولك اعز من بنتي والعكس وصح ولينا في وقت كلشي غالي وقليل لي قادر على دارو من نهارو لول هاني ................ وبعض التنازلات مرات تكون احسن نتيجة
وفي الاخيرتقبلي رايي اختي

نسائم الهدى

2014-04-10, 00:48

نفس الشي و نفس الكلام و نفس النصائح

لاحظي اختي حتى وحدة ما ردت و جاوباتك على سؤالك و الذي هو :

هل كانت اول سنتين زواج سهلة ام صعبة عليك؟؟؟؟؟

الكل دارولك افلام مع مجموعة نصائح ماهيش من الواقع اصلا

انا في ما يخصني اول سنة ونص هبلت قبل ما نكمل سنتين

ناس داري حرت فيهم والله العظيم دوخوني

قادرتهم و عاملتهم كيما دارنا و شيخي و عجوزتي كي ماما و ابي و اولادهم كي خاوتي

قالو عليا منافقة و نشيت و نزيد عليها و مستحيل وحدة ممكن تحب ناس دارها / اهل زوجها /

جبدت روحي و رجعت نحكي معاهم غير في الامور الضرورية و بلا دسارة

قالو عليا تبدلت و بعدت عليهم و ما رجعتش دايرتهم كي اهلي و........... و......... و............. و

و للآن مازالني ندرس فيهم باش نفهمهم مليييييييييح مليح

و من بعد نشوف

سلام

نسيبة2012

2014-04-11, 23:36

كيما قا تلك الاخت نسائم .....الزواج مع دار الشيخ صعيبة بزاف .....لازم تقدمي تنازلات رهيبة و نتقصي من كبريائك خاصة على جال راجلك باش تشريه لازم تجاملي تضحكي معاهم و كي يحرجوك تتعاملي بروح رياضية تبلعيها وكانك ما سمعتيش هكا يبطلو لانهم يتقصدو احراجك ....ويحبو يشوفوك محرجة ومنزعجة وماكيش هانية ولا مرتاحة عييت نفهم علاش ......مي كي ما تتفاعليش مع تفاهاتهم يتفحمو ......على كل حال لازم تتحملي كيد النساء بذكاء على جال راجلك ....وربي يهدينا اجمعين .......اما لعجوزة هي راهي ام حبينا ولا كرهنا لازم نكرموها ونقادروها هكذا تربحي راحة بالك وحب راجلك.....سلام

نسيبة2012

2014-04-12, 16:05

يبدو انك حطيتي الموضوع ونسيتيه انت...............

نسائم الهدى

2014-04-12, 18:34

اختي

عفوا ولكن لدي سؤال

كتبتي موضوع و شهرين ما طليتيش عليه؟؟؟؟؟

هدي الجاست واش يسموها؟؟؟؟؟

ريمة89

2014-04-12, 20:55

essalam alaikoum
wallah ya okhti
ana dart mawdo3 walakin malgach tafa3ol alabiha mahabitch nwali lih
lakin bima anak jawabti
ok rah nkoun malyoum hna

ريمة89

2014-04-12, 20:58

ana sakna m3a dar kbira wsadgonni kima dart hart wallah wsal daght win rani mkhlya dari wkharja nkri
tellement nraja3 lgalbi mradt wrani bdwa wmazal mosalsal taa lm3ayra ykamlo fih
hhhhhhh hmd wsalt win ana zoji nkro wnthanaw whmd kano kayn dorof li 3awnona hh
wya khy