الارز البسمتي

[شوق الليالي]

ممكن تفيدونا بطريقة طبخ الارز البسمتي

[خيط الروح]

السلام1

اختي انا نطيبو غير هو لان زوجي يموت عليه

لكن هناك انواع من البسماتي منها البيض ا..لبني ا..لطويل .. الايراني ....
http://i00.i.aliimg.com/photo/v0/103294842/Different_varieties_of_rice_Basmati_IRRI_6.jpg

على العموم انا نطيب الابيض العادي

اولا نشلو مليح ونخليه شوية قي الماء حوالي نص ساعة الى ساعة باش مايتعجنش

ثم كي نكون راح نطيبو ابيض وحدو_ يعني ناشف بلا مرقة_

ندير لكل كيلة روز 2كيلات ماء

نغلي اولا الماء ثم نديرلو شوية ملح و زيت ثم الروز

كي يبدا يغلي ونشوفو دار ثقابي انقص للناركامل ونغطيه حتى ينشف

ثم نطفي عليه ونخليه شوية يكمل يطيب في البخار نتاعو ثم ندهنو

وكي نحب نطيبو في المرقة ندير كيف كيف برك في بلاصت الماء ندير 2 كيلات مرقة

والمرقة اللي تبقى نخليها للي يحب يزيد يسقي

ملاحظة .. ماتحركيش الروز بالمغرفة حتى ينشف باش مايتكسرش

هذه هي طريقتي وناجحة بها والحمد لله

وانت اختي حاولي تجربي كمية صغيرة باش تقدري تتحكمي في كمية الماء

ربما تزيدي ولا تنقصي شوية ماء على حسب النوع اللي تستعمليه


بالتوفيق وا نشاء الله نكون افدتك اكثر ملي هدرت :mh31::mh31::mh31:

[شوق الليالي]

شكرا ليك اختي وربي يجازيك