لابات جينواز ساعدوني

[magni]

مساء الخير للجميع
اخواتي راني في ورطة ماتصلحليش عجينة الجينواز شكون اللي عندها عجينة مليحة ومجربتها من قبل تعطيني الوصفة اذا امكن وشكرا

[nawelz]

اليك هده الوصفة دايما نديرها وعمرها ما خجلتني
05 بيص +150 غ سكر + فانيليا طلعيهم مليح بالباتور حتى يتضاعف الحجم و يولي لون ابيض
ثم زيدي 150 غ فرينة + 1 لاليفوع يكونو معربلين ديريهم على 03 مرات و ديريها قي المول ديالك و ديريها طيب

[tasnime_ess]

6 بيض +كاس سكر ونطلعوهم مليح على 3سرعات يعني حتان يبياض الخليط +شوية فاني + كاس فرينة تحطيه بالشوي وطلعي من الاسفل الى الاعلى في بلاطو30سم ونصيحة كي تعودي طيبي ماتحليش عليها الفور باش ماتهبطش يعني حتان تشمي ريحة القاطو بدات تفوح نتمنى نكون افدتك وانشاء الله تنجحلك

[ريمه]

http://www.djelfa.info/vb/showthread.php?t=1523456

[magni]

شكرا ليكم الله يخليكم ذرك نجربهم ونقولكم على النتيجة

[شوق الليالي]

وصفات الجينواز لي حطوهم الاخوات في المنتدى كامل جربتهم ونجحولي الحمد لله
شوفي طريقة ام رامي بسيطة ممكن تنجح معاك

[lahna moka]

تفضلي حبيبتي تاع ام رامي
http://www.djelfa.info/vb/showthread.php?t=972381

[magni]

شكرا ليكم كامل

[أندلس]

الوصفة الناجحة و الشهادة لله منذ بدأتها و الناس يمدحون في كعكاتي و الوصفة للأخ فارس جيدي
ببساطة :
6 بيضات
200غ سكر
200غ فرينة
لافاني
1 أو 2 خمارة حلويات
ضربي البيض جيدا مع السكر ما تقسميه ماوالو المهم ضربيه جيدا بالخلاط حوالي 15 دقيقة ثم أضيفي الفرينة و لافاني و الخمارة و خلطي شوية و أحضري مول متوسط الحجم و ادهنيه بالزبدة و الفرن يكون مسخن مسبقا و لا تفتحي الفرن قبل أن تشمي رائحة الكعكة يعني حوالي نصف ساعة طبعا على حساب كوشتك
جربي و ردي لي الخبر

[magni]

merci حنونة ذرك نجربها ونردلك