تسجيل الدخول

مشاهدة النسخة كاملة : سميرة tv

tasnime_ess
2014-02-02, 21:45
:mh92: انشاءالله تكونوا كامل بخير حابة نعطيكم اقتراح انشاءالله يعجبكم هيا نديرو وصفات قناة سميرة اللي عندو وصفة عجباتو والا جربها يحط مقاديرها باش نستفادو اللي ماشافش القناة يستفاد من الموضوع وراح نبدا انا الاولى عندي وصفة صليحة بسكري قاطو البيضة راهو عجبني بزاف
المقادير 5بيض +كاس سكر+كاس زيت+مغرفة صغيرة فاني ونخلط الجميع باليد لازم باليد ونزيد كاس فرينة مع 3 باكيات خميرة ونزيدو النشاء بالشوية حتان تتلم العجينة حوالي كيلو المهم لازم العجينة ماتكونش طرية باش ماتهبطش وماتكونش يابسة باش ماتكونش مشققة بزاف وتخليها ترتاح 10د ثم نشكلوها دمعات ونطيبوها راهي تطيب بيضاء وكي تبرد نديرو واحدة فوق واحدة بالكونفوتور وفي الحواشي نواد كوكو
أم سراج الدين
2014-02-02, 22:13
شكرا لكي اختي

حتى انا نحب نتبعها بصح ماتصحليش مع طيور الجنة

نتمنى كل وحدة جربت وصفة لا تبخل عليا و اجرها على الله
mazer88
2014-02-02, 22:23
شكراااااااااااااااااااا
lahna moka
2014-02-02, 23:01
مبادرة طيبة أختي بصح كاين الموقع الرسمي تاع قناة سميرة
يعطيك الحصة و بارك الله فيك
رمرومة الصحراء
2014-02-03, 11:58
ان شاء الله نتواصلوا مع بعض و نستفادوا
منارة الوفاء
2014-02-03, 12:32
أفضل شي أنو كل وحدة تجرب وصفة وتصلحلها تحطها هكذا تعم الفائدة صح بصحيح
وشكرا على الإقتراح
تحياتي للجميع
cuisineshowdalatifa
2014-02-03, 12:40
صباح الخير أنا جربت كريمة الزبدة لفارس جيدي نحضر الصورة ونقدمها
fleu
2014-02-03, 13:21
شكرا على هدا الموضوع من فضلك اريد وصفة صليحة لقريوش الوردة ان امكن عجبني بزاف
tasnime_ess
2014-02-03, 14:29
شكرا لكي اختي

حتى انا نحب نتبعها بصح ماتصحليش مع طيور الجنة

نتمنى كل وحدة جربت وصفة لا تبخل عليا و اجرها على الله

انا ثاني نضم صوتي لصوتك و كل وحدة جربت وصفة ماتبخلش بيها
tasnime_ess
2014-02-03, 14:30
شكراااااااااااااااااااا

شكرا ليك اختي
tasnime_ess
2014-02-03, 14:35
مبادرة طيبة أختي بصح كاين الموقع الرسمي تاع قناة سميرة
يعطيك الحصة و بارك الله فيك


على بالي كاين بصح انا حبيت حنا اللي نجربو الوصفات ونعطيو راينا فيهم ونستفادو من بعضانا مثلا مليحة الوصفة ولا لالا وشنهي هوما ملاحظاتك كي درت هديك الوصفة قداه خرجتلك من حبة يعني حوايج ونصائح كيما هادو انشاءالله تكوني فهمتيني
tasnime_ess
2014-02-03, 14:36
أفضل شي أنو كل وحدة تجرب وصفة وتصلحلها تحطها هكذا تعم الفائدة صح بصحيح
وشكرا على الإقتراح
تحياتي للجميع

يعطيك الصحة منارة الوفاء
tasnime_ess
2014-02-03, 14:37
صباح الخير أنا جربت كريمة الزبدة لفارس جيدي نحضر الصورة ونقدمها

رانا نستناو حبيبتي:1:
tasnime_ess
2014-02-03, 14:39
شكرا على هدا الموضوع من فضلك اريد وصفة صليحة لقريوش الوردة ان امكن عجبني بزاف

انا ماشفتش هدي الوصفة بصح قاتلي عليها اختي نوعدك نحوسلك عليها واي اخت تعرف الوصفة تحطهالنا
bouchra ahlam26
2014-02-03, 15:20
شكرا ليك اختي
fleu
2014-02-03, 18:41
شكرا اختي جزاك الله خيرا انتظر ردك . اليك وصفة مقروط الفواكه لصليحة 500غ فرينة 500غ سميد متوسط 250غ مرغرين طرية 2مك مايزنة 0.5كاس زيت ماء الزهر ........الحشو لوز بالقشور او تمر كما الحشو تع المقروط .........التزيين لوز منسل
مزال ما جربتوش ا
tasnime_ess
2014-02-03, 19:16
هدي وصفة مقروط تاع مقلة ناجحة 100 ب100 انشاءالله 2كيلات سميد اي دشيشة 2 كيلات فرينة+ كيلة مرغرين نبسوها ونخليوها تبات والغدوة نغربلوها ونشمخو بالشوي ونحلوها ونديرو الحربوش تاع الغرس ونقطعوها ونقليوه ومن المقلة الى العسل ثقيل وبارد مباشرة
ملاحظة تحبي تضيفي المنكهات كيما تحبي
cuisineshowdalatifa
2014-02-03, 21:34
عجبني بزاف هذا الموضوع و خاصة أننا ننقشوا الوصفة
أنا حضرت كريمة الزبدة تع فارس جيدي
المقادير
250 غ زبدة طرية (عادية)
350 غ سكر ناعم
نصف كأس زيت
نصف كأس ماء
ملعقة فانيلة

في أول مرحلة نضع في الخلاط الماء مع السكر الناعم
خلط خفيف لان السكر بيدأ في الذوبان ثم نضيف الزبدة مقطعة إلى مكعبات صغيرة
تتحصلي على خليط غير متجانس , هنا ضنيت أنني أخفقت في الكريمة , لكن واصلت
ضفت الزيت على دفعة واحدة , و على سرعة عالية
واصلي الخفق حتى تصبح الكريمة مائلة للبياض
وهي جاهزة للاستعمال
ملاحضتي على الكريمة أنها بالنسبة لي ثقيلة و ذوق الزبدة يبقي باين لكن شكلها جميل في التزيين
اما للدهن بين الطبقات أنا نفضل كريمة الزبدة بالمورنق خفيفة بزاف عليها
أسفة الصور مطلعتش لكن راح نعاود المحولة
idron0
2014-02-03, 21:41
يعطيك الصحة
ilinelina417
2014-02-04, 10:55
شكرا على هدا الموضوع من فضلك اريد وصفة صليحة لقريوش الوردة ان امكن عجبني بزاف
انا راهي عندي هديك الوصفة في المساء ان شاء الله نحط هالك
كوثر86
2014-02-04, 11:14
شكراااا رايع
fleu
2014-02-04, 15:24
شكرا الاخت ilinelina417نتظرك
أم أحمد عبد الصمد
2014-02-04, 15:38
شكرا لك على الوصفة ، و على الفكرة
ilinelina417
2014-02-04, 18:58
قريوش بلمسة عصرية لصليحة بسكري
المقادير
250غ سمن دائب و بارد
كيلو فرينة
ملعقة ملح
ملعقة سكر
باكي خميرة الحلوى
ملعقة كبيرة خميرة الخبز
للتزيين
لوز حب
مايزيينا
عسل
الطريقة
نضع الفرينة في اناء و الملح والسكروخميرة الخبز و خميرة الحلوى نخلطوهم كامل مع بعض و نزيدهم السمن ونخدموخ مليح بيدينا و نزيدو حبة البيض و نطمو بالماء دافئ و ندلكوها شوي و نحطوها في كيس بلاستيكي نقسموها على ثلاث كريات و نرشو المايزينا و نقرصوها بالحلال ونحلها في الالة على رقم 1 عدة مرات ثم في الرقم و 2
نسخن الزيت
ونجيب مول عباد الشمس واحد كبير و الثاني متوسط و الثالث صغير نضع الوردة الاولى نقلبها و نمسحها بالبياض البيض و نلصق واحة ثانية من الوردة الكبيرة لاكن ما نقلبهاش ونمسحها بالبيض ونزيد الوردة الكبيرة الثالثة ونزيد نمسحا بالبيض و نلصق فوقها الوردة المتوسطة و نمسحها بالبيض و نلصق الوردة الضغيرة يعني ثلاث وردات من الحجم الكبير و وردة من الحجم المتوسط و وردة من الحجم الصغير ونضع وسط الوردات حبة لوز و نقليهم في زيت ساخن ونخليهم يبردو و تغطسيهم في عسل ساخن و تسقطريهم و تقدميهم و شهية طيبة
ilinelina417
2014-02-04, 19:00
من فضلكم اريدوصفة الدزيريات لدلهوم فاطمة الزهراء
ملكةزوجي
2014-02-04, 19:26
فكرة هالة ختي انا ما تصحليش نتبعها بارك الله فيك
fleu
2014-02-04, 19:48
وعد الحر دين عليه ولقد وعدتني واوفيت بوعدك دمت وفية وجزاك الله خيرا على تعب ساجربها ان شاء الله الاخت ilinelina417
اسمهان79
2014-02-04, 20:23
فكرة رائعة أختي الكريمة
بارك الله فيكي
sarra5
2014-02-04, 21:20
ya3tik lsaha khti
tasnime_ess
2014-02-05, 20:54
راكم فرحتوني وانشاءالله نكملوا
tasnime_ess
2014-02-05, 21:00
راني جربت قاطو البيضة وعندي عليه ملاحظات اول حاجة راهي الخميرة 3 بزاف راهي تجي فيه مرارة الخميرة وثاني صغري الحبة على قد ماقدرتي خاطر يجي كبير و يبسي العجينة شوي خاطر تنطرح وبغض النظر على هده الملاحظات راهو يجي مليح وجربوه وماتندموش
تيماء الله
2014-02-06, 09:11
صباح الخيييييير علا الامورات والله غير اصبتي يا اختييييييييي وهكاك نستفيدو وش يعجبني فيكم انكم صادقيييييييين والله رغم التعب في التصوير انا وحدة من الناس والله تعلمت منكم يوميا لازم طلة الله غالب ماعنديش الكميرا وراني نسعى اول مانتحصل عليها بربي نحط ان شاء الله في ميزان حسناتكم تقلي بنتي كثر خير الانترنات وانا نقلها كثر خير خواتاتي في الله تاع منتدى الجلفة
om mouhamed
2014-02-06, 11:37
يعطيك الصحة هدا موضوع مليح شكرا انا نطلب منكم وصفة تاع فارس الجيدي راهو دار خبز با الزيتون و كي بقا راح يقرصو دارلو دشيشة و قرصو ب هديك الدشيشة انا تفرجت الحصة بصح ما لحقتش با المقادير بليززز لي تفرجت و هزت الوصفة تكتبهالي و الوصفة هدي دارها في كل يوم طبخة و شكراااا
رزيقة16
2014-02-06, 11:58
ana hadi djarabtha ou hable kamal a3liha
ميسا55
2014-02-06, 12:11
فكرة هايلة
انا شفت بسبوسة فارس جيدي عجتني وجربتهاومقاديرها كالاتي
6بيضات كاس حليب كاس زيت قشور حبة قارص تخلطيهم مليح ثم تضيفيلهم 2 ملعقتة كبيرة من الفرينة و2ملعقة كبيرة نواد كوكو و2باكي خميرة الحلوى وتخلطيهم مليح وبعدها تضيفلها سميد متوسط وتخلطي ماتكونش جارية وماتكونش ثقيلة تحطي الخليط في بلاطو ودخليها الفرن حتى تحمار وتكوني مجهزة الشاربات باردة 500غ سكر 1ل ماء على النار حتى تعقد وطفي عليها اسقيها غير بشوية
ملاحظة البسبوسة والشاربات ديما يكون واحد سخون والثاني بارد هذي نصيحة الشيف فارس
أم ماجد
2014-02-06, 12:20
فكرة رائعة
لو كل واحدة تجرب وصفة تخبرنا وتحط الصورة وتقلنا على النتائج والنصائح
noha selmi
2014-02-06, 12:57
السلام عليكم
انا جربت قريوش الوردة وجاني روعة بصح الوصفة جبتها من منتدى آخر
المقادير هي
250غ مارغارين ذائبة-بيضة -قرصة ملح-ملعقة كبيرة خل-ملعقة كبيرة خميرة الخبز -خميرة الحلوى واحدة-فانيلا-ماء وماء زهر دافيين حسب الحاجة-كلغ فرينة
جربيها ما راحش تندمي بصح نصيحة ديري نصف الكمية باه ما تغلبكش
هذي الكمية قطعتلي حوالي 50حبة من 4طبقات يعني 2زهرات كبار ووحدة متوسطة ووحدة صغيرة
ان شاء الله نكون افدتك
tasnime_ess
2014-02-07, 21:51
يعطيك الصحة هدا موضوع مليح شكرا انا نطلب منكم وصفة تاع فارس الجيدي راهو دار خبز با الزيتون و كي بقا راح يقرصو دارلو دشيشة و قرصو ب هديك الدشيشة انا تفرجت الحصة بصح ما لحقتش با المقادير بليززز لي تفرجت و هزت الوصفة تكتبهالي و الوصفة هدي دارها في كل يوم طبخة و شكراااا

المقادير 2مغارف كبار لحظة + 50غ سكر+2 مغارف سينوج+2مغارف جلجلانية+2مغارف اعشاب عطرية +2 بيض +200غ زيتون اخضر +ماء حسب عدد الفرصات ونخلطو كلش +2 مغارف خميرة الخبز +الفرينة باش نلمو حتان نتحصلو على عجينة طرية ونخليوها تخمر ثم نفرصوها بالسميد المتوسط ونخليوها تخمر ومطيبوها
tasnime_ess
2014-02-07, 21:53
راني راح نحط صفحة اخرى خاصة بالطبخ باه يسهل علينا التصفح
sabahs
2014-02-08, 00:36
merciiiiiiiiiiiiiiiiiiiiiiiiiii
tasnime_ess
2014-02-08, 13:38
شكررررررررررررراااااااا
دموع تائبة
2014-02-08, 13:49
الفكرة جميلة
ياريت كل وحدة تحط تجربتها مع وصفات قناة سميرة
hobbio
2014-05-16, 16:05
نقطرح عليكم ديرولنا سلسلة من حصص سميرة الي فاتها شيء تشوف في المنتدى
قمر الخلق
2015-03-17, 17:19
شكرا على الفكرة
هادي وصفة تع البسبوسة
فارس جيدي

المقادير
3كيسان سميد متوسط
كاس تع سكر
كاس زيت
كاس حليب
2خميرة+م.ص فاني
4 بيض
2 مغارف كبار فرينة+2 مغارف كبار نواد كوكو
http://im68.gulfup.com/vTVaFs.jpg
روضة من رياض الجنة
2015-03-17, 19:15
طرح جيد وكل وحدة تقولنا تجربتها
انا جربت لكستال تع لطفي حيمر من حصة استراحة القهوة وخرجلي رووووعة من بعد نحطلكم الصورة
وجربت المشوك بالورود بنكهة البراليني ورني حطيته موضوع هذا الرابط

http://www.djelfa.info/vb/showthread.php?t=1770861