كذبوا علي

[مشكلتي]

سلام عليكم

حابة تعطوني رايكم

انا فتاة الحمدلله على قدر من العلم و الجمال و التربية أتاني خطاب كثيرون و كل مرة اجد في شخص سبب لكي ارفضه هذا قالي ما تخدميش و الآخر اواعرة و و و .........رغم انهم والله اغلبهم لديهم مسكن مستقل و عمل محترم
المهم لم اكن اعيبهم لأنني أتكبر لا والله و لكن كيما يقولو كلشي بالمكتوب كنت مانيش مزروبة على الزواج

مرينا بظروف قاسية قبل عامين بوفاة اختي و كانت صدمة لنا جميعا و جوزنا يامات ما يعلم بيهم غير ربي و الحمدلله ربي صبرنا

بعدها بشهرين اتاني خاطب و انا لم اكن في ظروف تسمح لي بالتفكير في هذه الامور لكن لمست في والدي القبول خاصة انهم حابين يغيروا جو الحزن للي كنا فيه

المهم انا قبلت بهذا الخاطب رغم انه ساكن مع العائلة و مستواه ثانوي و عمله ليس دائم يعني في عام او عامين يتسرح يعني ما لقيتش فيه الشروط للي كنت نتمناها او حتى الشروط للي كانت متوفرة في الخطاب السابقين

لكن قلت الله هو الرازق و في خاطر نفرح والديا ماعليش

نهار جاو خواتاتو قالولي بللي هوما في 8 بنات و طفل لكن 5 متزوجات و واحدة مخطوبة تتزوج قبل ما ندخل انا يعنني يبقاو زوج فالدار و اخوه

انا قلت عادي ماشي زوج للي رايحة نشرط داري وحدي فقبلت عادي و ما شرطنا والو

بعد الخطوبة في احد الايام سقسيتو على دارهم قالي فلانة تخدم و فلانة تقرا و و و ....

قلت شكون هادو؟؟؟؟؟ قالي هادو خواتاتي !!!!!!! قتلو كيفاش شحال راكم؟ قالي حنا 11 بنت و ولد و ولد عمهم متربي معاهم :confused:

انا دخت قالي علاه ما قالولكش خواتاتي قتلو قالولي بقاو زوج في الدار و هوما ظهرو 5 و كاينة واحدة متزوجة قاعدة هي و ولادها لانه زوجها يخدم بعيد


انا لتم هبلت قتلو كون جيت علابالي بللي هكا كون شرطت من الاول داري وحدي

و للي غاضني كتر كذبوا عليا

هو والله خاطيه و ما علابالوش اصلا و كي قالهم علاه درتو هكا قالولو نسينا!!!!!!!!! كاش واحد ينسى عدد افراد عائلته؟ و نفرضو تنسى واحدة علاه الاخرى ما صححتش؟

و المشكل ما هزوش حتى التيليفون باش يعتذروا قالولو نورمال علاه تكبر فالحكاية؟

انا قنعت بيه كيما راه مع انه والله جاوني خير منو الف مرة و حتى الآن والله و انا مخطوبة مازالو يجيوني

لكن هوما شافوني كي شغل طماعة و حابة من الاول داري وحدي و و و و ماشافوش الكذبة تاعهم

عرسي قريب و ما لقيتش روحي...... ساعات نقول هل يستاهل اني نضحي من اجله؟

ما رأيكم؟

[zahra rose24]

انا عن نفسي كون جيت في بلاصتك نحاول نقنعو كيفاش نخرجو بدارنا اذا كان ماعندوش لفراق احسن

باسكو دار لي فيها لبنات والله ما تهناي فيها اكيد تلقاي وحدة غيارة وتحب لمشاكل
وهادي هيا العايلة الجزايرية ماكان لاه تعاودي سيناريو
+
باينتلي بلي اكي رزينة وتخمي بعقلك ربي يسهلك

[داعي الله ياسين]

انا عن نفسي كون جيت في بلاصتك نحاول نقنعو كيفاش نخرجو بدارنا اذا كان ماعندوش لفراق احسن

باسكو دار لي فيها لبنات والله ما تهناي فيها اكيد تلقاي وحدة غيارة وتحب لمشاكل
وهادي هيا العايلة الجزايرية ماكان لاه تعاودي سيناريو
+
باينتلي بلي اكي رزينة وتخمي بعقلك ربي يسهلك



سلام الله

أنصح البعض بل الكثيرين ان يستعملوا الحِكمة والعقل في ردودهم على المشاكل ....
فليس كل صاحِب مشكل ندعّم رأيه رغم أنه مخطِئ أو نأيِّد موقفه رغم أنه لا يعود عليه بالصّلاح


كما أنصح صاحبة المشكل ألاّ تفكّر في الإنفصال كما قالت هته الأخت ..

أنتِ مقبلة على شيء ديني وعظيم والله وحده يُجازي أمثالك ويوفّقهم للخروج بأقل الأضرار وفي هناء وسعادة

نصيحتي لكي أن تثبتي في مشروعِك وتوكلي على الله مادام انتي مرتاحة لزوجِك فأنتي لزوجك ولستي لأخوات زوجِك

إصبري له ممكن في العام الأوّل سيفتحِ الله بينكم باب من أبوابه ويجِد مسكن ولو كراءاً .. المهم أن تسعِدي زوجك هدا فهو لم يختاركِ إلاّ بعد فرز وأخد ورد طوييييلين جداً جِدا .. أي أنه أخد بنت الأصل والأخلاق .. فقابليه بالتضحية واصبري وسط أخواته .. فاحمدي الله أنهنّ كلّهن اخوات وليسوا إخوة (دكور) سيكون أصعب من جهة تحضير الوجبات لهم والغسل وووو

فالأخوات ( الإناث) سترتاحين معهن في النهار للتعاون في الواجبات و الحوارات .. منهنّ تتعلّمين ممكن أكثر الطّهي وتحضير بعض الواجبات لأنّهن إناث أكيد ستكمّل الواحدة منكم الأخرى .. وليلا ترتاحين لزوجك وهو سعيد لسعادتِك مع إخوتِه ,,,,

خلاصتي :

إخواته إن كانوا من عائلة ماشاء الله في الأخلاق وطاعة الوالدين والله سترتاحين عكس ما أنتي تتصوّرين الآن ...
(( كل تفاءلي لأن كلّهن أخوات فلو كنّا دكوراً لكان كلامي آخر ))


أتمنى أت تتعمّقي في التفكير للحقيقة بالجلوس لبعض الوقت مع نفسك فممكن اكون مخطِئ والله أعلم


وفّقكي الله لِما أنتي مقبلة عليه وجمع بينكم في خير ...


سلام الله

[عميروش الحر]

الاخ ياسين بارك الله فيه قال كل شيء وساضيف شيء :
لا تستبقي "سوء النية" بالاك كي تتزوجي وتروحي لدارك يتعاملو معاك مليح و تلقاي فيهم اختك المتوفاة "الله يرحمها ويوسع عليها ويجعلها من اهل الجنة" والا وادا كان العكس لكل حادث حديث ... شحال من وحدة تزوجت وعاشت مع عائلة زوجها و بعد سنوات استقلت بمسكنها ... وهاد البنات ايضا ماراحش يقعدو تما رايحين يتزوجو ادا كتبلهم ربي ... المهم انتي تعاملي معاهم بارتياح و عامليهن كأنهن صديقاتك أو أخواتك

[نسمة الغربة]

صعيبة
من الاول كذب و خداع
علاه لازم الواحدة تضحي و تجرب و يروح عمرها باش تثبت انها بنت أصول
لا بنت الأصول مقامها عالي و نادرة في هذا الوقت اللي يخب يديها يوفر لها واش تحب
و كنصيحة استخيري و الخيرة فيما اختاره الله
بصح ما تدخليش اهم تجربة في حياة الانسان بتردد و شك
و خاصة ان البداية تبشر بواش راح يجئ من بعد

[ابتغي الجنة]

كتبت رد اومبعد انعلت بليس وعاودت مسحتو
ختي هادي حياتك نتي لي تقدري تقرري اذا راح تقدري تعيشي معاهم ولا لالا نتي تعرفيهم كيفاش دايرين عاقلين واعرين متعاونين متفاهمين ولا لالا دارهم كبيرة ولا صغير ووو
دوكة وحدة تقولك لالا بطلي تجي لوخرة تقولك كملي بالاك يكونو ناس ملاح وتلقاي روحك
القرار راهو ليك صلي واستغفري واستخيري وشوفي وين راحتك وماتخميش بالعاطفة لانو بعد الزواج العاطفة لا تنفع في مواقف كثيرة
موفقة

[رحمة 20]

اصبري وباذن الله الزرق يجي مع الزواج

[جويرية الإيمان]

أختب لم تذكري لنا إن صليت الإستخارة أو لا .

صليها و أكثري منها و لي فيه الخير ربي يجيبولك .

[lachiche]

السكن وحدك من حقك المشروع

[الجليس الصلح]

السلام عليكم ورحمة الله
انظري اختي الى والديك والى زوجك الذي لم يكذب عليك الصح في الزوج اما اخوته فممكن لا يزعجونك المهم انت لا تفتحين الحرب معهن
وتنسين فكرةالكذب وتعتبرينه سوء تقدير
توكلي على الله وامضي والله معك فالزواج سترة للبنت ووقاية لها في ظل وجود العنوسة وكلام الجارح للناس

[زهرة كل يوم]

اول حاجة كل شيء بالمكتوب يعني اذا مكتوبين لبعض قوى العالم كلها ماتفرقكمش

ثاني حاجة ماتشوفيش الخطابين الي جاوك فما مضى لن يعود

ثالثا لا تستبقي الاحداث كيما قال الاخ من قبل ربما يكونوا ليك احسن عون

ودائما كلما ذاقت فرجت

ماتعرفيش مشيئة الله قد يكون لك مسكن خاص باقرب وقت

اهم حاجة النية الصادقة في تكوين اسرة

وردي بالك تجرحي وليد الناس مدام راه مليح معاك

[أم شروفة]

عادي أختي كواحدة كما10 .انا عندي4 طفلات. و الله الاشياء الجميلة تعلمتها منهم.رغم بعض المشاكل.لكن نقلك اذا ما كنتي صبارة و ثقيلة يااااسر غير ما تروحيش.و الله أعلم

[ساندريلا]

الاخت ام شروفة معاها حق
اختي شوفي انت هل تستطيعين التأقلم مع عائلة بهذا العدد و انسي امر كذبوا علي
عادي تصرا عند بزاف ناس خصوصا كي يحبوا الطفلة تقبل و يخافوا من الحقيقة
صلي استخارة و ربي ينور لك طريقك

[فارس وجواد]

السلام عليكم:
أختي حبيت نسألك فقط.
أنت رايحة تزوجي برجل ولا بخواتاتو .
غريب أمركن فعلا .
كيف تحكمين على أشياء قبل حدوثها .
شكون لي قالك بلي ما كيش رايحة تتفاهمي مع خواتاتو .
و لماذا لا يحدث العكس ربما .
ربما تجدين فيهم أخوة اكبر من أخوة الأب و الأم .
" اجتنبوا كثيرا من الظن ان بعض الظن اثم "
للأسف أختي تفكيرك سلبي جدا و نيتك غير حسنة .
الخلاصة :
اذا كنت ناوية هذا الانسان صح فستتحملين من أجله كل شيء .
و اذا كانت نيتك الهروب و الزواج فقط فوالله ستختلقين المشاكل لو كان يتيما و وحيد الأب و الأم .

[ابوبكر17.00]

السلام عليكم و رحمة الله و بركاته :
عذرا أختي حاب نلومك شوي

انا قنعت بيه كيما راه مع انه والله جاوني خير منو الف مرة و حتى الآن والله و انا مخطوبة مازالو يجيوني
هاذي حكاية جاوني خير منو و راهم يجوني و ماعلاباليش ؟؟؟؟؟؟؟؟؟؟؟؟
غير ماتزيديش تعاوديها كي جاوك خير منو علاش ماقبلتيش؟؟؟؟؟
الإنسان لازمو يدير نقطة و يرجع للسطر ، لأن هذه النظرة ماتخليكش تتزوجي نهائيا لأنه كل إنسان فيه نقائص
و إذا تزوجتي رايحة تشوفي روحك بلي راكي مظلومة
المهم : قضية أنهم كذبو عليك من دونها ، ماعندهاش فائدة في الوقت الحالي لذا ما عليك إلا نسيانها ثم التفكير مجددا
لكي لا تظلمي نفسك حاليا و كي لا تظلمي هذا الخطيب مستقبلا بخصوص السكن و و و يلزمك
التفكير جيدا و لا أحد يمكنه تقرير مصيرك مكانك إسألي على عائلته كيفاش عايشين
إذا كانو ناس ملاح و إجتماعيين ، أظن بلي المشاكل يكونو قلال
أما إذا كانو في صراع دائم بينهم و عندهم مشاكل مع جيرانهم و الناس اللي يعرفوهم أظن بلي تكونلك مشاكل
و زيدي أهدري مع خطيبك
كان الله في عونك
سلام

[ام حسا الدين]

جابلي ربي راكي شايفة العيب في الراجل ميش في اخاتاتو

[خيط الروح]

استخيري اختي، فإن أصل معنى الاستخارة هو طلب الخيرة في الشيء، أي أنك تدعين اختيارك لاختيار الله وتفوضين أمرك إلى الله وإلى حكمته الكاملة وعلمه الشامل جل وعلاا.


عَنْ جَابِرٍ رضي الله عنه قَالَ : كَانَ رَسُولُ اللَّهِ صلى الله عليه وسلم يُعَلِّمُنَا الاسْتِخَارَةَ فِي الأُمُورِ كُلِّهَا كَمَا يُعَلِّمُنَا السُّورَةَ مِنْ الْقُرْآنِ يَقُولُ : إذَا هَمَّ أَحَدُكُمْ بِالأَمْرِ فَلْيَرْكَعْ رَكْعَتَيْنِ مِنْ غَيْرِ الْفَرِيضَةِ ثُمَّ لِيَقُلْ : ( اللَّهُمَّ إنِّي أَسْتَخِيرُكَ بِعِلْمِكَ , وَأَسْتَقْدِرُكَ بِقُدْرَتِكَ , وَأَسْأَلُكَ مِنْ فَضْلِكَ الْعَظِيمِ فَإِنَّكَ تَقْدِرُ وَلا أَقْدِرُ , وَتَعْلَمُ وَلا أَعْلَمُ , وَأَنْتَ عَلامُ الْغُيُوبِ , اللَّهُمَّ إنْ كُنْتَ تَعْلَمُ أَنَّ هَذَا الأَمْرَ (هنا تسمي حاجتك ) خَيْرٌ لِي فِي دِينِي وَمَعَاشِي وَعَاقِبَةِ أَمْرِي أَوْ قَالَ : عَاجِلِ أَمْرِي وَآجِلِهِ , فَاقْدُرْهُ لِي وَيَسِّرْهُ لِي ثُمَّ بَارِكْ لِي فِيهِ , اللَّهُمَّ وَإِنْ كُنْتَ تَعْلَمُ أَنَّ هَذَا الأَمْرَ (هنا تسمي حاجتك ) شَرٌّ لِي فِي دِينِي وَمَعَاشِي وَعَاقِبَةِ أَمْرِي أَوْ قَالَ : عَاجِلِ أَمْرِي وَآجِلِهِ , فَاصْرِفْهُ عَنِّي وَاصْرِفْنِي عَنْهُ وَاقْدُرْ لِي الْخَيْرَ حَيْثُ كَانَ ثُمَّ ارْضِنِي بِهِ . وَيُسَمِّي حَاجَتَهُ ) وَفِي رواية ( ثُمَّ رَضِّنِي بِهِ) رَوَاهُ الْبُخَارِيُّ

http://3.bp.blogspot.com/_MtdzTxHJnXs/TNvmvdK0w7I/AAAAAAAAA7M/9xtdFCzmpRw/s400/0yh19295.gif

[سلمى_2008]

سلام الله

أنصح البعض بل الكثيرين ان يستعملوا الحِكمة والعقل في ردودهم على المشاكل ....
فليس كل صاحِب مشكل ندعّم رأيه رغم أنه مخطِئ أو نأيِّد موقفه رغم أنه لا يعود عليه بالصّلاح


كما أنصح صاحبة المشكل ألاّ تفكّر في الإنفصال كما قالت هته الأخت ..

أنتِ مقبلة على شيء ديني وعظيم والله وحده يُجازي أمثالك ويوفّقهم للخروج بأقل الأضرار وفي هناء وسعادة

نصيحتي لكي أن تثبتي في مشروعِك وتوكلي على الله مادام انتي مرتاحة لزوجِك فأنتي لزوجك ولستي لأخوات زوجِك

إصبري له ممكن في العام الأوّل سيفتحِ الله بينكم باب من أبوابه ويجِد مسكن ولو كراءاً .. المهم أن تسعِدي زوجك هدا فهو لم يختاركِ إلاّ بعد فرز وأخد ورد طوييييلين جداً جِدا .. أي أنه أخد بنت الأصل والأخلاق .. فقابليه بالتضحية واصبري وسط أخواته .. فاحمدي الله أنهنّ كلّهن اخوات وليسوا إخوة (دكور) سيكون أصعب من جهة تحضير الوجبات لهم والغسل وووو

فالأخوات ( الإناث) سترتاحين معهن في النهار للتعاون في الواجبات و الحوارات .. منهنّ تتعلّمين ممكن أكثر الطّهي وتحضير بعض الواجبات لأنّهن إناث أكيد ستكمّل الواحدة منكم الأخرى .. وليلا ترتاحين لزوجك وهو سعيد لسعادتِك مع إخوتِه ,,,,

خلاصتي :

إخواته إن كانوا من عائلة ماشاء الله في الأخلاق وطاعة الوالدين والله سترتاحين عكس ما أنتي تتصوّرين الآن ...
(( كل تفاءلي لأن كلّهن أخوات فلو كنّا دكوراً لكان كلامي آخر ))


أتمنى أت تتعمّقي في التفكير للحقيقة بالجلوس لبعض الوقت مع نفسك فممكن اكون مخطِئ والله أعلم


وفّقكي الله لِما أنتي مقبلة عليه وجمع بينكم في خير ...


سلام الله


بارك الله فيك وجزاك الف خير
اختي علبالي الغلطة كي كذبو عليك هاذي هيا الي واعرة بزاف اما عندو 11 ولا 7 سينورمال والله عادي كي تكوني انتي بنت اصل ورزينة واحد ليقدر يتعدى حدودو معاك و
نصيحتي اختي لكي اكثري من الاستغفاااااااااار وصلي صلاة الاستخارة وباذن الله سيصبح كل شيء بين لكي باذن الله لانو الدنيا هادي مكاتيب وكل شيء بيد ربي سبحانوو

[ines_dz]

wach rako tjawbou fiha kamel machi sah, ya khti nssa wa3rine, sal mjareb, makach ga3 menha balak ykounou mlah, ila kanet wahda mliha ykounou 4 sam, en plus kedabine, kima ykolo echega bayna 3la hwachiha, ila darlek darek wahdek mliha lik o lih, ma darlekch rabi yjiblek o yjiblou men jiha wahdokhra, machi sahel chi ya khti, o li kalek 3aks wach rani nkol kbed 3lik

[sissi123]

عن تجربة إذا ماكيش مرتاحة لخواتاتو و تعرفي روحك ماتقدرش تعيشي ف عايلة كبيرة اطلبي منزل لوحدك أو انفصلي عليه
لانك رايحة تغبنيه قبل ماتغبني روحك شوفي انتي علاواش تربيتي و تعودتي و إذا تقدري تغيري نمط حياتك أو لا .

[مواطنة]

اختي الكريمة استخيري الله تعالى و ادعي و اسغفري
اذا الله كتبلك تعيشي معاهم حتى لوكان جاو ك متزوجات كل مرة جي وحدة ولا تبعث ولادها لانو دار الجد تاع الجميع
امال انتي حاولي من الاول تكوني متحفظة معاهم عاونيهم كي تقدري و احكي معاهم مرات خارج اطار حياتك مع زوجك و حاولي مادصريهمش وما دخليش بيناتهم هكذا تكون عندك قيمتك بلا ما تدصري او تتكبري لكن احتياط للتجنب المشاكل

[الواثق]

نبرتك فيها نوع من التكبر وانا لا اعاين مشكلتك بقدر معاينتي لكلامك.... فبين كل لحظة واخرى تذكرين انك قبلت بهذا الشخص شفقة (هذا مايظهر من كلامك والله اعلم) فان كان هذا الرجل لوحده دون عائلة وساكن قصر لوحده فلن تكونا بخير مادام عندك هذه النظرة ............
تواضعي لله والرجل هذا كان قادر يجيب الافضل منك فلا تكوني مغرورة

اعذريني على لهجتي ............فهذا الذي عندي الان
والله المستعان

[جمال المهاجر]

تصوري معي أختاه أن خطيبك دخل المنتدى و قرأ الجملة التالية ''' انا قنعت بيه كيما راه مع انه والله جاوني خير منو الف مرة و حتى الآن والله و انا مخطوبة مازالو يجيوني ''' ،
لن أقول لك : اصبري و اقنعي و و و و و ... أريد أن أقول : لديك صورة واضحة لحياتك المستقبلية ، لزوجك ، للمنزل الذي سيحتضنك ، لافراد عائلة زوجك ، و بالتأكيد ، لديك صورة لطبيعتك في التفكير و مدى تأقلمك مع الاوضاع و ذكائك العاطفي و قدراتك الاجتماعية ...
ان أستطعت الربط بين الصورتين و رأيتي توافقا بينهما ، فتلقي بهاته المشكلة عرض الحائط و مبروك عليك ...

[b.mayssouna]

السلام عليكم جميلتي...
اريد ان اذكرك بشيء انو واحد مايد كتر على حقو وواحد مايغلط في مكتوبو ... كل انسان سطرلو ربي مجموعة من الارزاق ماراح يضيعها مارايحة تهرب عليه
نصيحتي بسيطة لو لقيتي فيه الدين والخلق وارتاحت نفسك معاه انساي الفراق رغم كلشي ففي النهاية هو لكي وانت له وليس لاخوته .... بالاك ربي يعوضك خير في صبرك وتضحيتك ماش بالاك اكييييييييييييد فهو يمهل ولا يهمل باين عليك رزينة ماتخافيش الله المستعان
ربي يكملك ويجمع بينكم في الخير

[عصـــام]

سلام عليك أيها الأخت ، أظن أنّك مخطئة كثيرا في فهم واقع الحياة الزوجية وفكرك في إتجاه سلبي للأسف ، حتى من خلال طرحك للموضوع لمست فيه بعض التفاخر ولو بكبر على وصف نفسك ، مع كل الإحترام والتقدير لك ، أرى أنّك بعيدة كل البعد عن الهدف النبيل في إختيار الشريك الآخر ، ليس الرجل مادة وسيارة وبيتا مستقلا ، الرجل شخص وشريك وخلق وتمسك بالدين هو هذا الرجل الذي ماديا روحيا معنويا سيسعدك حتى ولو تعانين في الحياة الزوجية فترة من الزمن ، فهذا هو الواقع تأتينا أياما سعيدة وتمر فترات حزينة ، الله هو الكامل فقط ، الزوج يكمل الزوجة والعكس ، لا تفكري بإنتقائية في تأكيدات لا تشمل الشروط الشرعية والأساسية في إختيار الشريك الآخر ، وبخصوص " مشكلتك " أرى عليك أن تفتحي الحوار مع زوجك في إطار ( الصدق - الحوار الهادف ) والله الموفق .