شكون يجيها الشاي مليح تفيدني تعيشو [الأرشيف] - منتديات الجلفة لكل الجزائريين و العرب

مشاهدة النسخة كاملة : شكون يجيها الشاي مليح تفيدني تعيشو

manita

2014-02-02, 09:22

السلام عليكم اخوتي انا الشاي دايما يجيني خفيف حبيت هداك الشاي الي تجي فيه الرغوة كيما نتاع برة فيدوني بطرقكم في تحضير التاي بارك الله فيكم

mama halouma

2014-02-02, 17:50

تحطي مقدار 2 كيسان ماء يغليو و تحطي في اناء فنجان شاي وشوية نعناع كي يغلي الماء صبي في الاناء وغطيه شوية ومن بعد رديه يغلي مع بعض شوية برك مش حتى يتحرق تصفيه وتحطي السكر وان شاء الله يجيك مليح
تحياتي

أم ياسين الزهراء

2014-02-02, 19:58

حوسي على زهور 70 دارت موضوع على الشاي

manita

2014-02-03, 07:26

بارك الله فيكم ععلى الافادة شكرااااااااا

اسيرة المطبخ

2014-02-03, 07:38

التاي باه يجيك فيه الرغوة لازم تخدميه بعدما ايطيب

manita

2014-02-03, 20:41

اختي تعيشي اشرحيلي كفاه نخدمو بعد ما يطيب

wafa1208

2014-02-03, 21:37

كي تغلي الما لوحي فيه أوراق الشاي وخليه يطيب على نار ناقصة خلاص كي تشوفيه طلق مليح نحيه صفيه و باش تخدميه تبقاي تفرغي فيه من اناء لاناء سوا طاس و لا كاسرونة و كي تصبيه طلعي يدك وصبي تتكون الرغة و كاينة طريقة أخرى تجي فيه الرغوة بزااااااااف ديريه في قرعة ماتكونش معمرة كامل نصها ولا شوية كثر اقفليها و خلطي مليييييح رايحة تتكون الرغوة ومنبعد كي ديريه في الابرق لوحي معاه النعناع باه يطلق بنتو
ان شاء الله راني افدتك

wafa1208

2014-02-03, 21:49

نسيت ما قلتلكش بلي مالازمش ديريلو سكر باش يدير رغوة مليح حتى تخدمي رغوة باش تسكريه

zamilio

2014-02-03, 23:52

طريقتى مثل ماقالتلك الاخت وفاء 1208

بنت الحاج

2014-02-04, 18:25

وعليكم السلام ورحمة الله

http://www.djelfa.info/vb/showpost.php?p=12910170&postcount=12

ام ملاك.

2014-02-06, 20:15

انا كنت نخدمو بطريقة عادية وابي صحراوي يعني من صحاب الشاي وخبرتو كبيرة بزاف وهو اللي يطيب لاتاي على اصولو كي جاني اخر مرة ورالي طريقة الشاي على اصولو بالرغوة كيما يحب قلبك وجامي تروح رغوتو حتى ولو يخلاصلك من الكاس وزيد بنين بطريقة رهيبة
اذا كتب ربي غدوة ان شالله نطيبو ونصور المراحل بالتفصيل الممل خاطرش قد مانفهمك بالكتيبة رايح يجيك صعب التطبيق

فانيسا

2014-02-07, 22:05

رانا كامل نستناو فالاخت مونية تدرنا طريقة التاي هكدا نستفادو

manita

2014-02-09, 10:57

بارك الله فيكم اخوتي على الافادة والله فدتوني راني جربتو بصح الى ما فهمتوش كي حطيت الماء وحدو يغلي مليح زدتلو التاي ورديتو يغلي على نالر قليلة طول شويا جاني التاي مر بزاف ما فهمتش علاه حبيت نسقسيكم في 2 كيسان ماء قداة تحطو تاي ربي يجازيكم كل خير

ادرة مكنونة

2014-02-09, 11:16

شوفي اختى انا تايي ديما يجينى مليح الرغوة فيه وبنين مذبيك متحبسيش من شربو منحسبش ندير القاميلا او الغلاية فيها ماء لما يغلي نمصمص الزريعة ونلوحها في الماء المغلى تغلى دقيقة بركعلى نار متوسطة ونكون محضرة ابريق فيه السكر والنعناع نفرغ الاتاى فيه ونزرب نغطيه دقيقة باش النعناع يفوح فيه مليح من بعد نجيب اناء كبير ونبدا وبسرعة نخلط من اناء لاناء وتهزى ايدك الفوق 4مرات يكفو غطي الابريق وسربى التاي وكان جاك مليح هاتى كاس نموت على التاي المنعنع تحياتى اختى

mounia hse

2014-02-09, 11:31

وردة زمن

2014-02-09, 13:17

ختي انا ثاني حليت موضوع نستفسر فيه عن طريقة مليحة لاعداد الشاي هاو ليك اقرايه بلاك تسفادي منو
http://www.djelfa.info/vb/showthread.php?t=1205307

ادرة مكنونة

2014-02-09, 18:05

الماء يا اختى ديرينص لتر ماء ومغرفة ونص كبيرة زريعة انى مينتلك لكن انا عينى ميزانى متنسيش تعرضينى كي يجى مليح انشاء الله يوفقك ربى ويجى تاي مكشكش وبنين

ادرة مكنونة

2014-02-09, 18:11

manita

2014-02-10, 08:27

بارك الله فيكم اختي ادرة مكنونة كي ندير اني نخليلك كاس تعيشي وربي يجازيك خيرا على الافادة

نخله.

2014-02-10, 13:52

انا من الصحرا و حبيت نوريك طريقتنا فالتاي

اولا في القهاوي راهم يزيدولو الشب باش يجي قارص وهذاك تاي مهفوف

و كاين اللي يديروه في قرعه ويرجوه باه يدير رغوه

هي لازم من الاول تشري اتاي مليح تعرفيه لازم تكون ورقه التاي مكوره على روحها وما تجيش طويله

و كيفيه غسلو راهي اساسيه والكثير يجهلها

غلي مليح كميه كبيره تع ما لازم تطبخ ماشي تسخن برك

غسلي لاتاي تاعك بسخاوم بالماء المغلي وصفيه وعاودي مره ثانيه

اما الغسله الثالثه لازم تكون بالما البارد

ديري التاي مع الماء المطبوخ يعني مغلي ويغلي وحطيهم على النار بما انو الما سخون دقيقه ورح يغلي كي تشوفيه بدا يغلي نقصي على النار لازم تكون قليييييييييله حنا نقولو يجمر يعني كأنو يطيب على الجمر وهذا السر الثاني تع التاي

انا نخليه مرات حتى ساعه يجمر فوق النار

وجدي النعناع في اناء مايهمش يابس ولا أخضر

اذا كان يابس غسليه بما طابخ و صفيه وديريه في ما بارد يرجع جديد بصح انا النعناع تاعي انا اللي نيبسو نجفو فالظل في مكان فيه الهواء

كي تشوفي لون لاتاي ولى غامق تقدري تذوقيه واذا قاطع ولا مازال

تصفيه من التاي وتصبيه فوقبريق اللي فيه النعناع مباشرة مالازمش تخليه يبرد وتوجدي بريق وحدوخر فيه السكر

وابداي سربي من بريق النعناع الى بريق السكر ونت مطلعه يدك هذا سر الرغوه لازم طلعي يديك في هاذالعمليه اللي نقولولها تغيم او تلغام التاي

و ترجعي من بريق السكر لبريق النعناع و طلعي يدك اللي راهي تسربي قدر الامكان ما تخلطيش السكر خليه يذوب وحدو كي تكرري العمليه او 4 مرات يعني من بريق لبريق

اما المقادير

مثلا انا ليا لداري بريق تع 6كيسان اتاي نستعمل 2 مغارف كبار معمرين اتاي من النوعيه الجيده

و السكر 2 كيسان اتاي نحبو قاطع وماشي بنين واذا تحبيه حلو زيديلو

نتمنى يكون شرحي مفهوم

بالتوفيق ختي لعزيزه

نخله.

2014-02-10, 14:13

نسيت ماقلتلكش

ماديريش النعناع يطيب مع التاي يعطي اريارغو لغمي بيه السكر برك وديريه منبهد في بريق او ترموس اللي تحطيها

واذا كنت مش راح تستهلكيه فورا ما ديريش السكر لانو التاي المسكر اذا عاودتي سخنتيه بنتو تتبدل

miral2000

2014-02-10, 21:59

اختي العزيزة هدا لتاي نتاع الصحرا اولا اغسلي الاواني مليح لازم متكونيش غاسل قبلهم باشي تجيك الرغوة طبخي الماء مليح ديري لتاي قيس كاس لتاي اغسليه مليح بالما سخون من بعد ديرله الما طابخ وطبخية على نار هادية كيطبخ صبيه في براد اخر فيه النعناع ومن بعد ديريله سكر و خلطي مليح وطلعي البراد باش يجي مرغوي وبالهنا عليك اختي

manita

2014-02-12, 09:32

بارك الله فيكم على الافادة عدت نتبع طريقتكم جاني شويا ثقيل وملر مي خير من تاعي انشاء الله نعاودو ونتع مليح طريقتكم ربي يجازيكم

نخله.

2014-02-12, 14:52

هاذاك هو ذوق اتاي الصحرا الاصلي يجي مر يعني ثقيل و تقدري تزيديلو السكر

بقلاوة

2014-03-31, 07:40

شكرا ليك يا نخلة حتى أنا كان عندي مشكل في الشاي و راكي أفدتيني كثيرا

عماد الدين2

2014-03-31, 08:39

السلام عليكم
اولا النوعية = شاي السهم حنا نقولو الشعرة او ال 71
https://encrypted-tbn0.gstatic.com/images?q=tbn:ANd9GcQ2QfnxbH3GNy2gTNltgGWEX4_EvO8zW SgsAVw94K_Vv28OheOoFw
يشبه للعلبة الصفراء بين هذه الانواع هو فعلا غال 130 دج للعلبة 100غ
تلقاي مكتوب بها A A A A A A خمسة الجودة في عددهم
التحضير (( هذه الطريقة احترافية و التاي يكون مدوزي لذلك كمية الاستهلاك تكون قليلة
يستحسن ابريق
https://encrypted-tbn0.gstatic.com/images?q=tbn:ANd9GcQZpLyTjmLYrV8RI3TcG_0RHWeuJ3Jo2 8YfO9ySXTq6vqbzOOfT
نديرور مثلا 05 كيسان ماء يغلو ((كيسان الشاي)) عند درجة الغليان نرفع الابريق عن النار
و نظيف له كاس (( ورقة )) شاي و نغطيه لمدة دقيقتين او ثلاث ثم نصب ذاك الشاي في كاس
https://encrypted-tbn1.gstatic.com/images?q=tbn:ANd9GcTzMghzzoRb3dfNYem7ANlT7DQRA7kdT 2vRSGQQrPN4KUD_hkfo7Q
كبير و نتركه جانبا ثم نظيف على الابريق ماء بارد كاس و نحركه قليلا و نرمي هذا الماء (( تشليلة))
https://encrypted-tbn3.gstatic.com/images?q=tbn:ANd9GcT-L6q32hxnhztPA_XVNe7-DPAoCyVtG353ctJeqMK62XidOF9x0g
ثم نظيف ماء ساخن نصف لتر او اكثر (( حسب لا دوز )) ونضعه على النار حتى الغليان
بالصحة عليكم (( النار تكون قليلة )) و من اراد النكهة فليظف النعناع اليابس اثنا الطبخ
شهية طيبة بصحتكم
https://encrypted-tbn2.gstatic.com/images?q=tbn:ANd9GcTo3hIo9NMaDUgAb-YdUjbO64mU8KbNK5lZSRrKenmxPtWsF7OO7A
ملاحظة
الكاس اللي عمرناه في الاول نظيفو مع الشاي اذا حضرنا ابريق ثاني

mereyoucef

2014-06-01, 14:16

شكرا كثيرا على هاته المعلومات