انا فتاة كسولة

[مشكلتي]

السلام عليكم اخوتي انا فتاة ابلغ من العمر 20 سنة الحمد لله من المجتهدين في دراستي والحمد لله مشكلتي اني غير مرتبة ولا اجيد القيام بالاعمال المنزلية فقليلا ما اقوم بالطهي اوتنظيف المنزل وان قمت باي عمل لااكمله او لا اتقنه امي دائما ما تلومني احس انه من الصعب التوفيق بين الدراسة والاعمال المنزلية اعلم ان المشكلة في وليست في الوقت او في شيء اخر اريد ان اتغير ولكن لا ادري كيف ارجو من بنات المنتدى نصحي وارشادي الى طريقة انظم بها وقتي او الي اي شيء يخليني نحط راسي للدار شوي والله غير كرهت من روحي شكرا

[dilaboni]

.
إذهبي الى طبيب نفساني

[نيفرتيتي.]

ياختي لاطبيب نفساني لا والو راكي معولة على اللفي الدار برك
ابدي بالعقل وحاولي انك تلتزمي مثلا التزمي بانك انت كل يوم تغسلي الماعن ديريها قاعدة لازم كل يوم النهار الاول اغسلي الماعن يرك لغدوة امسحي الثلاجة ونهار اخر سيقي الكوزنا بالشوية بالشوية حتى تتعودي وتولي هذه الحاجة تمشيلك في الدم وكاين عدة طرق في قسم التدابير المنزلية كوني كالنحلة انا نشطوني لدرجة انه الناس كامل لاحظو التغيير بفضل المنتدى
وبالنسبة للطهي شوفي في قسم الطبخ كاش ماعجباتك حاجة وجربيها كل يوم وصفة درك تمشي على هذا المنوال
مع العلم اني قبل مانتزوج كنت زيك لاني معولة على خواتاتي بصح درك الناس الكل تشهدلي ماتعقديش روحك كل ماعقدتاها تتعقد
مشي حاجة كبيرة بصح لازمك تكوني في المستوى لانك نهار اخر تتزوجي وماتلقيش روحك وراح تتبدلي
وكنت قادرة تطرحي موضوعك هذا في قسم التدابير درك يدبرو عليك حراير المنتدى لانه ماهيش حاجة اللي تتخبى وانت حرة

[الجليس الصلح]

السلام عليكم ورحمة الله
اسمحيلى اتدخل نعم كثير من البنات في سنك تعاني ما تعانيه اي عدم التوافق بين الدراسة وشغل البيت
وقد تغضب امك منك وتلومك ووو
امك تريدك اذا ذهبت لدار زوجك تكونين قد تعلمت ان شغل البيت يتبع البنت ولو كانت دكتورة هل فهمت
اعملي على هذا الأساس لتكوني نفسك لا انها اعمال وفقط

[نور8]

انا كنت مثلك و لكن قمت بصنع جدول اسبوعي و علقته على الثلاجة في كل يوم عندي على الاقل واجب او واجبين في المنزل و عندما انسى او اتناسى امي كانت تذكرني

[بيلسان11]

السلام عليكم
أختي حاولي انك تتحملي المسؤولية مع امك خاصة في العطلة , يعني الصيف كامل و انت تطيبي و تخدمي كل شيء في الدار كي يولي وقت الدراسة تلقاي روحك متعلقة بالأعمال المنزلية تقدري تعاوني أمك , و ربي يسهل أمورك,

[أم شروفة]

أنا نقلك ويكتا تكوني شاااطرة.كي تتزوجي .أنا في دارنا بكري ما نخدم والو.نعرف كل شيئ لكن ما نخدمش.و بعد زواجي صدقيني أشياء ما نعرفهاش و خدمتها .فتلت حتى الطعام.راها يماك مدلاتك .غدوة تروحي لعجوز و تبينلك الدلااااااااااااال

[زهرة كل يوم]

كنت كيم راكي تقولي هكذا اذا قالت لي ماما ديري ذيك الحاجة مانحبش
تقولي ارواحي نعلمك تطيبي ذيك الحاجة مانحبش

لكن تجي الظروف وتحطني امام الخيار الصعب

والي كان الطبخ

تخرج امي لاسباب وتبات خارج البيت

مما يخليني مسؤولة عن اطعام بابا واخوتي

وماشاء الله خاوتي شحال مايتشرطوش
ا
بالسيف عليا عدت نطيب

وضرك نحب نطيب ونخدم شغل الدار

وزيد فوق هذا نطيب احسن من امي

بشهادة بابا وخاوتي

مازال الوقت وتجي الظروف الي تخليك تخدمي الشغل وتطيبي

المهم نية التغيير تكون

[وردة زمن]

كنت مثلك تماما عندما كنت ادرس كنت اهمل عمل البيت اوبعبارة اخرى كوني تعودت على وجود امي لم اتحمل المشؤولية فتكاسلت كثيرا لكن عند تخرجي تغيرت من تلقاء نفسي صح وجدت صعوبة في التاقلم مع نظام البيت لكن صدقيني احس بالخجل من كل السنوات التي فاتتني ولن استطيع تعويضها اجد نفسي مبتدئة في كثير من الامور اللتي اراها عند قريباتي وجاراتي امور بديهية لذلك قررت تغير افكاري تدريجيا صحيح لحد الساعة موصلتش لدرجة اللي تحبها امي لكن الكل لاحظ تغيري كل يوم نتعمل حاجة جديدة نحوس نسقسي نجرب وندي عبرة وخاصة مع وجود النت وسلة تعليكية في عدة مجالات وبشوي بالشويا صح نحب نولي مرا ونص هههههه صدقيني واحد مايقدر يغيرك الا محبيتيش انت تتغيري وقتها انا هنا لمساعدتك في اي شيئ تريدينه انا فراني خدمتك ومساعدتك

[جندي الخفاء]

الدعاء الدعاء الدعاء
الذكر الذكر الذكر

[~طَـــمُـــوحْ~]

بالشوية والتواليفة دربي روحك وترين الاحسن انشاء الله

[oumhana]

إنطلقي من مبدأ الكسل من الشيطان يعني كل متروحي ديري حاجه توكلي على ربي أنت فتاة عاديه .و حذاري طبيب نفساني علاه؟ توكلي على ربي في كل أمورك

[saad33ss]

ما زلت صغيره وامامك الوقت لكي تتعلمي كل الشيء اللمهم هو المثابره

[جمال المهاجر]

لا تحسنين القيام ببعض من الاعمال ، لكني أظنك تحسنين القيام بأمور أخرى ، .. ' واحد مازاد معلم ' ..
أنصحك بالتفكير الايجابي ..

[djazia87holi]

.
إذهبي الى طبيب نفساني

هذا ليس سببا للطبيب النفسي فالمشكلة يتم حلها ببساطة وذلك بالارادة والتشجيع من اهلك فقط و راكي تكبري وتوالفي الامور المنزلية