عطلة الامومة لتشغيل الشباب

[soltana]

السلام عليكم حابة نعرف عندها الحق المراة في عطلة الامومة و هي موظفة تشغيل الشباب نتاع 15000 دج
و اسكو يرودولها دراهم و شعال يردولها و شعال يقعدوا
على زوج دورو رانا دايرين حايحاية :1:

[fadilasor]

تدي عظلة ثلاث اشهر عادي ويدخلو دراهمها عادي لكن ماكانش دراهم زيادة تدخل المليون ونص في وقتها

[الانسة زينب]

سلام اختي انا تاني موظفة في عقود الادماج و جازت عليا عطلة الامومة و حبيت نعلمك بيها و كيفاه اختي راكي عندك الحق في عطلة الامومة 3 اشهر و 8 ايام اي 98يوم و اذا حبيتي تزيدي تمددي حتى شهر او نصف شهر راكي عندك الحق واما السلاك الدراهم مايدخلوش طيبة هذه العطلة ثم تهزي 8 ملايين مرة وحدة هذا بلا الشهر لي درتيه تمديد و قادر توصل حتي 9 ملاين و نصف انا هكا هزيتهم بعد la paprasseو ربي يكون في العون

[fadilasor]

علاش تهزي ثمن ملاين كل صحباتي لي يخدمو معايا داو عطلة عادي ودراهمهم دخلوا في وقتهم وعلى اي اساس يعطوك ثمن ملاين يااختي

[سعد بن العدوية]

نعم صحيح تأخذين من الضمان الاجتماعي منحة الأمومة +الراتب = ضعف الراتب

[ظلال الورود]

أرجو التأكد من هادي تاع 8 ملايين راها فرحتني بزااااااااااف وكيفاه ندفعو في الضمان الاجتماع ملف ولا كيفاش ؟؟؟؟؟؟؟؟؟

[درب الأمل]

أرجو التأكد من هادي تاع 8 ملايين راها فرحتني بزااااااااااف وكيفاه ندفعو في الضمان الاجتماع ملف ولا كيفاش ؟؟؟؟؟؟؟؟؟
مؤكدة مئة بالمئة بالطبع تدفعي ملفي للضمان الاجتماعي

[soltana]

شكرا اختي و الملف ؟

[lila z]

فعلا مؤكدة 100/100 تدي 8 ملاين أخت صديقتي داتهم

[ام ملاك.]

والله مليح قالتلي اختي اللي يخدمو معاها رفدو 10 ملاين وزدت سقسيتها قالتلي ايه صح رفدوهم
يتسمى نولد ونطمن هههههه
ربي يجيب الخير ان شالله

[hadou_os]

ربي يسلك وحلك انا رجعت اليوم من عطلة الامومة نتاعي
غدوة ان شاء الله ندفع dossier في l'assurance
و كاين منها السلاك تقريبا 10 ملاين

[فخورة بحجابي]

اذا ما سنيالكش المدير لبوانتاج كل شهر ودفعتي ملف عطلة الامومة للضمان الاجتماعي يدخلوك 08 ملاين

[نور الجنة س]

ana fani 9aloli 3liya w 9aloli yarfdo 9 mlayain

[منتهى الاخلاص]

السلام عليكم و رحمة الله و بركاته
فهموني كيفاش ندير الملف هذا، أنا ما فهمت والو واش قولتو، أنا درت في بالي الملف نحطو في المؤسسة لي نخدم فيها، و درت في بالي ينقسولي من الشهرية سورتو حنا تع l'anem محقورين
الله يعيشكم راني نستنى في الرد

[ika2012]

إذا ممكن اختي الملف واش فيه انا راني في شهري و اريد تسويتي وضعيتي قبل

[ايمان نور الجزائر]

واش من دوسيي...تدفعي الورقة نتاع الطبيبة
لي مكتوبة فيها عطلة امومة 98 يوم بعد الولادة بايام قليلة
واحدة تدفعيها للضمان الاجتماعي والاخرى في الادارة لي تخدمي فيها
وما تدفعيش البونتاج نتاع كل شهر

[fraise88]

السلام عليكن
انا في بنتي الأولى قالولي ماعندكش الحق نردولك على أساس ماحدمتش في 3 أشهر الأولى من الحمل
ديت شهر مالادي لكن نفس الشيء ...مانردولكش خاطرش مالادي تاع ولادة مع العلم درت ولادة قيصرية (هادي عند الضمان الاجتماعي)
ورقة الحضور دارولي عطلة مرضية و تفاجات بدخول منحة الشهر....
المهم أنا أسأل هل مين تدفعوا للضمان هل في نفس الوقت تدفعو ورقة الحضور في مكان عملكم( في هادي الحالة نتي وزهرك مع المدير )
و مين يعمرولكم هاديك الورقة الزرقاء في وكالة التشغيل ما يتفقدوش اذا خلصتو هادوك الأشهر أم لا
أرجو الافادة و أجركم على الله

[midou2583]

هذا يا اختي حق من الحقوق وهو الضمان الاجتماعي فمعلوم ان كل شهر تقتطع نسبة معينة من الراتب الى صندوق الضمان الاجتماعي وهذا الاخير هو الذي يدفع نيابة عن مديرية التشغيل في حالات المرض
وعطلة الامومة (الماتارنيتي) 98 يوم يتكفل بها صندوق الضمان الاجتماعي لوحده
فمثلا اذا كانت العاملة متحصلة على شهادة ليسانس اي راتبها الشهري 15000دج صافي لكن هي في الاصل راتبها 15780دج فصندوق الضمان يأخذ 780دج كل شهر ويبقى المبلغ 15000دج صافي
فصندوق الضمان رغم انه يقتطع كل شهر 780دج الا انه في حالة المرض يعوضك بنفس المبلغ نضير لكل يوم
فعطلة الامومة 98 يوم وكل يوم بـ750دج الناتج 98×780دج = 7644دج اي بعدما تباشر عملها تأخذ مبلغ سبعة ملاين وستمئة واربعة واربعون الف سنتيم
وهنا حق اخر يمكن للمرأة ان تستفاد من 15 الى 20 يوم بعد 98 يوم تتمت امومة
suite d'accouchement اما في حالت العملية القيصرية فيحق ان تطلب 30 يوم
suite d'accouchement par cesarienne ولهذا نصل الى 30 يوم × 780دج =2340دج اي مليونان وثلاث مئة واربعون الف سنتيم ومنه 7644+2340= 9984دج اي تسعة ملايين وتسعمئة واربعة وثمانون الف سنتيم تاخذه المراة في عطلة الامومة
واذا ذخلت مثلا من عطلة الامومة في اوائل الشهر اومنتصفه فعند دخولها تبدا بتحضير الملف لدفعه لصندوق الضمان وبعد 15 يوم كاقصى تقدير تستفاد من 9984دج وراتب الايام التي عملتها خلال هذا الوقت فيكون المبلغ ككل اكثر من 10 ملايين سنتيم

عند بداية عطلة الامومة تدفع للادارة شهادة توقف عن العمل لمدة 98 يوم وبعد انتهاء هذه المدة تدفع شهادة مباشرة العمل تستخرجها من صندوق الضمان الاجتماعي وتملأ من قبل الادارة وتاخدينها الى لانام التي بدورها وبناءا عليها تملا ورقة اخرى لمباشرة العمل من قبل لانام ثم بعد ملئها والتأشير عليها تضاف اليها شهادة المكوث وشهادة الطبيبة المعاينة لثلاثة اشهر الاخيرة وشهادة مباشرة العمل من قبل لانام وشهادة الاجير ورقة زرقاء وشهادة الاجر تستخرج من قبل الضمان الاجتماعي و تملا من قبل لانام ورقم الضمان الاجتماعي (ورقة الشفاء ضرورية)
كل ماسبق ذكره يدفع لصندوق الضمان الاجتماعي وبعد 15 يوم كما قلت من دفعه تستفاد من مبلغ 10 ملايين
ارجو ان اكون قد اوضحت بعض الامور ولكم كل احتراماتي وتحياتي

[ظلال الورود]

شكرا أخ ميدو
حفضك الله على هدا التوضيح أرجو منك افادتي في موضوعي
http://www.djelfa.info/vb/showthread.php?t=1525522

و جزاك الله كل خير

[shahinaize]

لسلام عليكن اخواتي :dj_17:انا موظفة في مديرية التشغيل حبيت نعاونك بمعلومات نعم عندك الحق في عطلة الامومة 98 يوم وتقدري تزيدي شهر عطلة استاناف الامومة لكن بشرط في 9 اشهر تاع الحمل مالازمش يكون عندك حتى نهار غياب ولا عطلة مرضية ماشي مكاشية في الضمان الاجتماعي هادو الشروط ودرك نوليو للملف
كي تكوني في عطلة الامومة كل شهر تبعثي مع ورقة الحظور تاعك شهادة تاع 98 يوم (photocopi ) كي تكملي خلاص 98 يوم لحبيتي تزيدي شهر لازم يكون بعد متخلاص 98 يمم بالظبط كي تكملي خلاصصصص و ترجعي الخدمة يديرلك المدير تاعك شهادة استاناف العمل تديها هي و شهادة 98 يوم لمديرية التشغيل التابعة ليك يعمرولك وراقي تديهم la sirance وتخلصي في 98 يوم 8 ملايين والشهر لي زدتيه تسلكيه عادي كيما الاجر تاعك يعني ( 8 ملايين +15000 ) هدا ماكان نتمنى نكون افدتك وربي يسلكك على خير اختي ودعوة ليا انا راني تاني قريب نشاء الله والسلام مسك الختام :mh31:

[fraise88]

بارك الله فيكم
اللي ولدت مبروك عليها واللي مازال ربي معاها

[fraise88]

السلام عليكم
انا دفعت الدوسي و خلصوني 49800 يعني 5 ملايين ومشي مقفولة...وهي التعويض تاع خلصتي العادية 15000 في حين كاين اللي يخدمو معايا و يخلصوا 8000 و عوضولهم قريب 8 ملايين
يا ناس اذا كان قانونيا يخلصوني 8 قولولي باش نروح نشكي و اذا لا أعطوني تفسير لماذا شي ناس يخلصوا زيادة على اخرين ....

[kameld1982]

تأخدي حوالي 9 الى 10 ملايم من الضمان الاجتماعي...لكن لن تاخدي شيءا من راتبك

[fraise88]

تأخدي حوالي 9 الى 10 ملايم من الضمان الاجتماعي...لكن لن تاخدي شيءا من راتبك

يا أخي هذا هو تعويض الضمان الاجتماعي ..دفعت الدوسي يوم 18/02/2015.....درت اليوم كشف الرصيد لقيت 49645 دج...هل هذا منطقي؟؟؟؟ أرجو التوضيح من فضلكم

[soltana]

يمدوها على 2 دفعات اختي

[fraise88]

يمدوها على 2 دفعات اختي
شكرا أختي طمنتيني.....ربي يفرحك ان شاء الله

[الاسود يليق بي]

شوفي اختي عندك عطلة الامومة الاقانونية لهي 3 اشهر و 8 ايام ممكن ميدخلوكش دراهمك فالوقت حتى تفضلك العطلة ومبعد تتصلي بالضمان الاجتماعي لتكملة الملف وراح يدخلوك دراهمك زائد تعويض وتصل الة 8 ملاين لكن احدرك من العطل المرضية ان تدفعي شهادتها في وقتها وحاولي تجنب الشهر الاخير مديريش الملاضي خاطر يمرضوك ومبعد بحكايتهم كما تقدري تهزي عطلة الامومة مسبقة ب 15 يوم عن تاريخ الولادة

[magic21]

يا أخي هذا هو تعويض الضمان الاجتماعي ..دفعت الدوسي يوم 18/02/2015.....درت اليوم كشف الرصيد لقيت 49645 دج...هل هذا منطقي؟؟؟؟ أرجو التوضيح من فضلكم
السلام عليكم
هل عقدك la das او lanem و كم تتقاضين في الشهر .و كم المدة التي دفعتي فيها الملف و تلقيتي التعويض؟؟

[shahdanfal]

ااختتي انا تاني درت عطلة امومو العام الي فات وخلصت عليها 10 ملاين

[meryem top]

انا عندي سنتين كي دفعت الاوراق ردولي حق 3 اشهر و 8 ايام برك ماكانش 8 ملاين ...... وضرك عندي 12 يوم كي ولدت لازم نسقسي مليح اذا مامدوليش حقي المرة الماضية

[fraise88]

السلام عليكم
هل عقدك la das او lanem و كم تتقاضين في الشهر .و كم المدة التي دفعتي فيها الملف و تلقيتي التعويض؟؟

عنداي لانام و اتقاضى 15000و المدة المستغرقة للتعويض كانت حوالي 18 يوما

[fraise88]

ااختتي انا تاني درت عطلة امومو العام الي فات وخلصت عليها 10 ملاين

أختي هل تقاضيت المبلغ دفعة واحدة أم على عدة دفعات ؟؟؟

[ياسمين03]

السلام عليكم و رحمة الله تعالى وبركاته . ارجوكم افيدوني كيف اعمل بالضبط حتى اتحصل على تعويض عطلة الامومة و متى قبل او بعد انتهاء مدة 96 يوم للقيام بتلك الاجراءات علما انني اعمل بعقد لانام

[samia menadi]

أرجو التأكد من هادي تاع 8 ملايين راها فرحتني بزااااااااااف وكيفاه ندفعو في الضمان الاجتماع ملف ولا كيفاش ؟؟؟؟؟؟؟؟؟

oui hata ana neakdelk hada chi welakan konti tekhlssi 15000 rayha tji aktar mn 9 mlayen

[farah22]

انا ولدت في جوان وهلا كملت عطلة الامومة لكن ما علاباليش بلي الضمان الاجتماعي يعوض كيفاش ندير انصحوني نقر ندفع الملف درك ولا فات الاوان مع العلم ان 3 اشهر سلكتهم عادي 15000