ادعولي ان اجد وظيفة

[ahlem-86]

السلام عليكم ورحمة الله تعالى وبركاته
اخواني و أخواتي الكرام ادعولي احبتي في المنتدى ان اجد وظيفة في اقرب وقت لانني محتاجنها عرسي في شهر أوت والله محتارة ما تبخلوش علي بدعوة انشاء الله في ميزان الحسنات جـزااااكم الله كل خير ويكتب لكم الاجر في نيتكم في

الدعوة الي اللهم آمين

[نورالهدى بيولوجيست]

مافهمتش العلاقة بين عرسك والخدمة؟

لكن مع ذلك ربي يفتح عليك

انا شخصيا متخرجة من ال2008 و لحد الساعة انا بدون عمل

و الحمدلله على كل حال

[ABDOU ELE]

.................................................. .....................بدون تعليق

[الجليس الصلح]

ربي ينورلك طريقك وتنالي عمل مناسب يساعدك في تجهيز
العرس غالي ياسر كان الله مع كل بنت تكافح لحياة افضل رغم الفقر والحاجة

[**مياس تسنيم**]

ربي يفرجها عليك ان شاء الله

[محمد جديدي التبسي]

ما نقدرش ندعيلك بالعمل لأني ضد عمل المرأة لكن ندعيلك ربي يسر أمورك
وحبيت نسألك ماذا لو طلب منك زوجك أن لا تخضري شيئا لا يريدجهاز هو من سيتكفل به هل توافقين؟
ربي يفتح عليك

[نارينا]

ما نقدرش ندعيلك بالعمل لأني ضد عمل المرأة لكن ندعيلك ربي يسر أمورك
وحبيت نسألك ماذا لو طلب منك زوجك أن لا تخضري شيئا لا يريدجهاز هو من سيتكفل به هل توافقين؟
ربي يفتح عليك

وانا ندعيلك ان شاء الله تلقي خدمة مدامك محتاجتها ولو مؤقتا ومكاش راجل في زماننا يقول للعروس انا نجيب ونتكفل بكلش الا اذا كانت راح تدي الوليد بن طلال فذلك شيء اخررررررر

[ام ملاك.]

ربي يكون معاك انشاء الله وتلفاي خدمة وتجهزي روحك وتكوني احلى عروس
واذا مالقيتيش خدمى ربي ييسرلك ويوقلك ولاد لحلال اللي يساعدوك في الجهاز
يقال مايحس بالجمرة غير اللي كواتو
والاخ اللي قال اذا قالك الراجل نشريلم ملشي وين هذا واش من عالك ولا من اي كوكب ؟؟
حنة ولو تلقى راجل يقول هكذا فتاكد تماما انو بهد العرس وبضع سنين يولي يعايرها ويقوللها جيبتك من دار باباك عريانة
صرات بزاف بزاف
ربي يوفقك حنونة

[ام ملاك.]

ربي يكون معاك انشاء الله وتلفاي خدمة وتجهزي روحك وتكوني احلى عروس
واذا مالقيتيش خدمى ربي ييسرلك ويوقلك ولاد لحلال اللي يساعدوك في الجهاز
يقال مايحس بالجمرة غير اللي كواتو
والاخ اللي قال اذا قالك الراجل نشريلم ملشي وين هذا واش من عالك ولا من اي كوكب ؟؟
حنة ولو تلقى راجل يقول هكذا فتاكد تماما انو بهد العرس وبضع سنين يولي يعايرها ويقوللها جيبتك من دار باباك عريانة
صرات بزاف بزاف
ربي يوفقك حنونة

[**د لا ل**]

ربي يغنيكي من فضله اختي الكريمة

ويرزقك وييسرلك كل ماهو خير لكِ باذن الله

[محمد جديدي التبسي]

وانا ندعيلك ان شاء الله تلقي خدمة مدامك محتاجتها ولو مؤقتا ومكاش راجل في زماننا يقول للعروس انا نجيب ونتكفل بكلش الا اذا كانت راح تدي الوليد بن طلال فذلك شيء اخررررررر
شوفي يا أختي أنا أتحدث بمنظوري الخاص رغم أني من دون وظيفة وعمل مستقر
التجهيزات اللي تحكو عليها انتم لا أؤمن بها لأني من عائلة بسيطة جدا
حياتنا أشبه بحياة الريف
بيت عادي الأرائك ما نستعملوهمش
الزرابي وأنواع الأفرشة ما عدناش
المطابخ المجهزة بكل ما يجب لا توجد
الفايونس والسيراميك لا يوجد
بيت عربي بسيط متواضعين لا نكلف أنفسنا ما لا نطيق
أما الجهاز اللي تحكو عليه انتم
مفروشات ومطارح ومخاد وستائر بألوان وأعداد لا تنتهي
وأنواع من الفساتين ولازم 5 فاليزات على الأقل
هاذي كل لا أؤمن بها ولا أسمح بأن تثقل كاهلي وكاهل أهل الفتاة
لأن هذه المظهريات الفارغة هي سبب العزوف عن الزواج وانتشار كل أنواع الآفات حتى أصبح الحرام أسهل من الحلال في نظر العامة

يقال مايحس بالجمرة غير اللي كواتو
ماكان حتى جمرة راكم انتم اللي ديرو في الجمر وتكوو في رواحكم
والاخ اللي قال اذا قالك الراجل نشريلم ملشي وين هذا واش من عالك ولا من اي كوكب ؟؟
من عائلة جديدي من كوكب تبسة :)
حنة ولو تلقى راجل يقول هكذا فتاكد تماما انو بهد العرس وبضع سنين يولي يعايرها ويقوللها جيبتك من دار باباك عريانة
تصرى للأسف لأنها اختارت واحد من الشارع بلا أخلاق
صرات بزاف بزاف

لازم تفهموا إنو المهور غلت غير على جال هذه الأشياء التافهة
جهاز وما نعرف واش
تشري قش بالعرام وبعد يطيش كل وما تلبسش نصو
عندي صديق من عائلة بسيطة جدا تزوج الخميس الماضي خطب من عائلة بسيطة جدا قبل أسبوعين ودفع مهر 3ملاين وشرى 17 مليون ذهب دون طلب أهل الفتاة وهذا ما كان والفتاة وافقت رغم أنها 21 سنة لكن أرزن وأعقل من بنات الثلاثين اللي مازالوا يامنو بالجهاز ومشاكلو
أنا أؤمن أن الخطبة والزواج ما لازمش تفوت أشهر معدودة ولازم تسهلوا المهور وتفرضوا على أهاليكم هذا الشيء ونحو الأفكار البالية اللي عندكم فالزواج نصف الدين وليس للتباهي والتفاخر بالألبسة والأفرشة وشكون اللي جهازها أغلى!!.. ربي يصلح أحوالنا

[الواثق]

حجة واهية .........تحوسو تخرجو وتحوسو في لاسواق وتقولو للعالم ...........شوفوني راني مخطوبة ونشري في جهازي ونعاون في راجلي بدراهمي ووووو
وتشدو الوضائف وتقولو انا والله ماني حابة نخدم برك حبيت نعاون راجلي المخلوق شوي من عندي وشوي من عنده ؟؟؟

حابين تعاونو رجالتكم ماتكثروش الشروط واطلبو المعقول والتزمو الحشمة والحجاب واكثرو الدعاء فالرزق سيأتي من الرزاق

والرجل الحقيقي لاينتظر زوجته لتعمل وتعينه فالجود بالموجود واللي ماشي عاجبها الحال النساء بزاف وحتى من وراء الحدود

والله حاشا المرأة اللي تعمل على عائلتها او زوجها المريض الذي انقطعت عنه السبل فهؤلاء لانتكلم عنهم
اما العمل من اجل مطرح و100 مخدة و200 مضربة وكيلو ذهب وشقشقة ومقمقة وتقتقة خلو برك ........ومن بعد تختلط بهذه الذئاب حتى يأكلوها او يرجعوها ذئب منهم .................ومن بعد كي تلقى منهم ملا يسر يقولو كلمتهم المشهورة .......انا نعرف ادبي وخلقي ومانخاف من حتى واحد وهي مطلسة باحمر الشفاه والصبيغة في وجهها مانعرف وين راه الادب والاخلاق
والله المستعان

[mira mira02]

ربي يكون في عونك

[lynoor]

ان شاء الله يسرلك ربي امورك المالية
ومن جهة اخرى الاخوة اشارو الى موضوع جد هام هة البالغة في تجهيز العرائس بعني رانا نشوفو وحد الاسراف و التبذير هذا فقط لارضاء الناس و باش الناس ما تهدرش
على كل حال لازملو موضوع مستقل
سلام

[عميروش الحر]

تفرج ان شاء الله بالوظيفة أو بدون وظيفة !!!

[رُواء]

جاء في الحديث الصحيح عن النبي صلى الله عليه وسلم أنه قال:
((أعظمهن بركة أيسرهن مَؤُنَة)).
يسر الله أمرك بعيدا عن العمل و تبعاته ...

[7anine 87]

ربي يفرج عليك وعلينا والله كلام الاخوة كلو صحيح مانكذبش عليك انا تانة حاصلة ونخدم فى خديمة برك غير عجال نقص على والدى شوية مش عجال الفخرة وربي شاهد مى العبد لازم يدير على قد مقدورو وبالهنا مسبقا وصدقنى الهنا هو الفايدة تحياتى