الى كل الرغبات في تعلم وصفات واطباق الغرب الجزائري [الأرشيف]

مشاهدة النسخة كاملة : الى كل الرغبات في تعلم وصفات واطباق الغرب الجزائري

yarasmin26

2014-01-31, 19:38

بسم الله الرحمن الرحيم

انشاء الله ربي يوفقنا في توصيل الوصفات والاطباق المعروفة في الغرب الجزائري من الشلف الى اقصى الغرب بني صاف وانشاء الله انكونو نحن الاعضوات من الغرب الي اتفقنا على جمع كل الوصفات رغم الاسم موحد الا ان اختلاف في التوابل والطريقة انشاء الله انكون عند حسن اظن الجميع
وصفانتنا تتمثل في { انواع الحريرة مع اختلاف المناطقها+ شرمولات+ طواجن +مقبلات+ الدجاج المحمر في الفرن..الخ اي شيئ تساهم بيه عضوة من الغرب فيه افادة
ملاحظة" ارجو من الاعضوات التقيد بالمعلومات الاتية"
*/ احترام وصفات الغير رغم اختلاف المناطق
*/ يتم شرح الوصفة بالتفصيل مش شرط الصور ولكن باه يفهمو الكل
*/ بدون منافسة وبدون تجريح
*/ تذكر التوابل {راس الحانوت } اذا عرف المكون
*/ تكتب الوصفة بعنوان وخط موضح للافادة

الوصفة 1 حريرة الفرينة

راس الحانوت تاع الحريرة المذكورة{حرور+كبابة+كروية+ الحلبة+ خرقوم+سكنجبير+ جوزة الطيب}

المقادير"

2 بطاطة+3 جزر+1 لفت+ طماطم حب+1بصل مفروم+حبة كاملة+1/2ربطة نعناع+كرافس+2 سننات ثوم+1/2 قصبر+الحمص+ملح+الحرور+راس الحانوت+كروية+قرصة كبابة
مرقي كل شيئ وتروكيه ايطيب ومنبعد اطحنى كل شيئ ثم ميكسيه ومرقي العبر انتاعك في صحن فنجان +1/2 فرينة محرحرة في قليل من ماء بارد+ملح+ شوية راس الحانوت+شوية كروية +القصبر+1/2 م ك طماطم مصبرة وخلطيهم مليح ثم صفيها
كي تشوفي القدرة انتاعك تغلي نقصي لنار وفرغي الخليط وخلطي بسرعة ثم رجعيها لنار وخلطي حتى تثقل شوية وتبقبق
شهية طيبة

يتبع
الوصفة 2 الدجاجة المفورة

خذي دجاجة اغسليها مليح {ماء+ملح+ خل } منبعد
ديري ماء في قدرة وكسكاس وخليهم يغلو
وجدي الدجاجة ديري فيها{ البصل مقطع+الثوم+بصلة كاملة+1/2 ربطة قصبر+1/2 ربطةمعدنوس+ملح +الحرور+الكمون واحشي الدجاجة بهذا الخايط وملحيها من الخارج
ارجعي للكسكاس ديري فيه{ حبة بصل دوائروفوقها ربطة معدنوسوقصبر+2 ورق رند وفوقهم الدجاجة وقطعي البصل بالطول والبطاطة بالطولوالجزر بالطول وضعيهم على الحواشي وغطيهم بالاليمنيوم مدة2 سا وقدمي الاكلة ساخنة ورشيها بملح والكمون

شهية طيبة
يتبع
الوصفة 3 حريرة المساخن
المقادير"لحم خروف+كمشة حمص +2 بصل +2 جزر+2 بطاطة+2 قرعة+2 م ك زيت ملح طماطم مصبرة حزمة قصبر +التوابل { سكنجبير- كروية -زعفران الشعرة -حرور -حمار -قرفة -الحلبة -نجمة الارض}

توابل المساخن" سكنجبير- القرفة- كروية- حرور
لحم وبصل والخضر والملح والتوابلوالزيت والقصبر+ماء ساخن لتمريق ويترك الكل يطهى ثم اطحنيه بالرحيوة ثم الميكسوغ ثم حضري المكون{ طماطم المصبرة+توابل المساخن ونخلط ونحط في القدر ونبقى انخلط ثم نضيف6 م ك فرينة محرحرة في 1/2 لتر ماء بارد واخيرا القصبر

الوصفة 4 حريرة الفليو

المقادير "لها نفس مقادير الشربة عادية{ لحم زيت جزر طماطم حب بطاطة وقصبر عود كرافس+ملح حرور قرفة} فقط
بعد الطهي ارحي الخضر وجدي الخميرة الخبز2 م ص في شوية ماء دافئ وخليها تخمر منبعد اضيفيها للخيط المطهي مع 1/2 ربطة فليو مقطعة+1/2 ربطة نعناع مقطعة +1/2 ربطة قصبر مقطعة+2 سننات ثوم+كمشة صغيرة نعناع يايس وعاودي زيدو يطبخو مرة اخرى مع اضافة شوية ماء ومنبعد عاودي ارحيهم في الرحيوة اليدوية باه تشدالحشاوش المقطعة
واخيرا خليها تطبخ حتى تثقل وديري ربطة فيها علراف فليو مع القصبر والنعاع وخليهم يطلقو البنة ثم ذوقيها اذا هذيكهيا في الملح واخيرا تقدم مع عصي الليمون اجباري

الوصفة 5 الدجاج بروشات
والخلطة الســـــــــــــــريــــــة
http://www.djelfa.info/vb/images/editor/menupop.gif 500 غ صدر الدجاج قطع متوسطة الحجم+ الماريناد marinade {الشرمولة}
1 بصلة مسكرفجة+1/2 كاس اتاي زيت+1 م ص قصبر حب مطحون+1 م ص راس الحانوت{ 4 عقاقير }+فلفل اكحل+عصير نصف ليمونة+قرصة ملح
التزين" قطع من البصل قطع من الطماطم قطع من فلفل اخضر
وجدي التتبيلة وضعي قطع الدجاج فيها ليلة كاملة ثم وجديهم في اليوم الموالي في اسياخdes brochette وشبحيهم بالبصل والطماطم وشرائح الفلفل

أم هنيدة

2014-02-01, 12:32

جزاك الله خيرا واصلي نريد التعرف على أطباق ربوع الجزائر الحبيبة

ملكةزوجي

2014-02-01, 12:36

جزاكي الله خيرا راني حابة نتعلم لي عودة ان شاء الله

(( هبة الرحمن ))

2014-02-01, 12:52

السلام عليكم
ابنة الغرب معك
ساكون متابعة جيدة
يعطيك الصحة حنونة

idron0

2014-02-01, 15:46

يعطيك الصحة حبيبتي

yarasmin26

2014-02-02, 11:56

هلمو ياناس الغرب حطو الوصفات انتاعكم

bouchra ahlam26

2014-02-02, 14:04

http://www.lakii.com/vb/smile/32_306.gif (http://www.lakii.com/vb/smiles/index.php)

ام طيري الجنة

2014-02-02, 23:53

http://www.djelfa.info/vb/showthread.php?t=1448281&referrerid=50597

أم محمد تاج

2014-02-03, 09:02

يعطيك الصحة وراني من المتتبعات لمواضيعك وحابة التعميييييييييير لي هبلنييييييي لي يحشيو بيه الدجاجة وثاني لي تشبحو بيه الشخشوخة والعيش نشالله تكوني فهمتيني وشكراا

moslihe29

2014-02-03, 09:06

الكعك

http://www.djelfa.info/vb/showpost.php?p=1055430789&postcount=1

touta2010

2014-02-03, 14:46

http://im37.gulfup.com/5nCVt.jpg

http://im40.gulfup.com/phSE3.jpg

التعمير
http://im36.gulfup.com/gelHF.jpg

http://im36.gulfup.com/6rFlx.jpg

http://im32.gulfup.com/wWHGU.jpg

http://im32.gulfup.com/aI9Th.jpg
كمية من السميد متوسط ملازمش بكون رقيق ضيفيلها قليل من الزبدة وملح وحرور حكي باسابعك حتى تتخل الزبد في السميد ضفي بيض وزعفران وخميرة حلوة وخلطي مليييييح وضعيها في كؤوس او كيس صغير شفاف وضعيه يفورفي كسكاس فوق القدر به مرق او ماء حتى ينضج قطعيه وزيني بيه الكسكس

ملاحضة دخلي سكين اذ وجدتيه ناشف يعني طاب

أم محمد تاج

2014-02-04, 09:00

شكرا تويتة حنونتي يعطيك الصحة وراني شايفة تزيدولو اللحم مرحي واش رايك ??????

touta2010

2014-02-04, 09:28

شكرا تويتة حنونتي يعطيك الصحة وراني شايفة تزيدولو اللحم مرحي واش رايك ??????

اييييه كاين لضيفله اللحم المرحي او كبد الدجاج مقطع او الفرماج حبات لفاش كيري

basmala farah

2014-02-04, 11:08

البغرير

http://www.djelfa.info/vb/showpost.php?p=13374291&postcount=1

basmala farah

2014-02-04, 11:15

وهدا السفنج

http://www.djelfa.info/vb/showpost.php?p=12721171&postcount=1

*رفيقة الدرب*

2014-02-04, 11:46

[SIZE="7"][B][U][COLOR="Reانا في متابعتكن شكرا للموضوع

basmala farah

2014-02-04, 11:51

طعام بالكفتة

ناخد طنجرة او قدرة و نحط فيها اللحم غنمي او دجاج حسب المقدور حبة شوية زيت بصل مقطعة + 2 او 3 حبات جزر و حبة لفت +حبات طماطم و الطماطم المصبرة مع التوابل ملح فلفل اسود قرفة عود و الكرافس وخاصة من الجدع و الحمص و حبات جلبانة و كمشة تاع الفول و نخليها تتقلى مليح و نمرق و نخليها تغلي في نصف الطياب نزيد نحط حبة بطاطا مقطعة مع حبة او 2 كابويا اي القرعة و نخليه تكمل طيابها من بعد نصفيها ونكونو حضرنا الكسكس على الطريقة المعروفة و يكون مدهون و نحطه في طبق التقديم مع الخضر و الحميصة و الجلبانة و الفول مصحوب بالمرقة بالنسبة للكفتة هادي اضافة جديدة اما التعمير راهي حطاته الاخت توتة موضوع

http://im39.gulfup.com/y22Ny.jpg

http://im39.gulfup.com/o3LnW.jpg

http://im39.gulfup.com/98c7o.jpg

http://im39.gulfup.com/SWN3O.jpg

yarasmin26

2014-02-05, 13:06

يعطيكم الصحة راكم جايبينهة
زيدو ومزال الخير القدام

(( هبة الرحمن ))

2014-02-05, 13:12

طعام بالكفتة

ناخد طنجرة او قدرة و نحط فيها اللحم غنمي او دجاج حسب المقدور حبة شوية زيت بصل مقطعة + 2 او 3 حبات جزر و حبة لفت +حبات طماطم و الطماطم المصبرة مع التوابل ملح فلفل اسود قرفة عود و الكرافس وخاصة من الجدع و الحمص و حبات جلبانة و كمشة تاع الفول و نخليها تتقلى مليح و نمرق و نخليها تغلي في نصف الطياب نزيد نحط حبة بطاطا مقطعة مع حبة او 2 كابويا اي القرعة و نخليه تكمل طيابها من بعد نصفيها ونكونو حضرنا الكسكس على الطريقة المعروفة و يكون مدهون و نحطه في طبق التقديم مع الخضر و الحميصة و الجلبانة و الفول مصحوب بالمرقة بالنسبة للكفتة هادي اضافة جديدة اما التعمير راهي حطاته الاخت توتة موضوع

http://im39.gulfup.com/y22ny.jpg

http://im39.gulfup.com/o3lnw.jpg

http://im39.gulfup.com/98c7o.jpg

http://im39.gulfup.com/swn3o.jpg

بسملة
هذه الوصفة اسمع بها لاول مرة
اكيد بنينة
يعطيك الصحة

yarasmin26

2014-02-05, 13:36

يعطيكم الصحة انشاء الله يستفادو كل من وصفاتنا تمنياتي بالتوفيق للجميع

yarasmin26

2014-02-05, 13:39

يتبع" عن قريب مقادير مضبوطة

مكونـــــــــــات راس الحانوت
14 عقــــــــــــــــــــــــــــــــــــــــــــــــ ــــار
1 كلغ كروية+100غ حبة الحلاوة+80 غ زريعة البسباس+100 غ قرفة+150 غ قصبر +100 غ حرور+50 غ سكنجبير+80 غ كبابة+40 غ خرقوم+6 حبات جوزة الطيب+40 غ قنطس+20 غ ورد يابس 20غ نجمة الارض

مكونــــــــــــــــــــــــــــات راس الحانوت
18 عقـــــــــــــــــــــــــــــــــــــــــار

touta2010

2014-02-06, 14:25

حريرة بطريقة ناس الغرب
الكمية تكفي لثمانية اشخاص
كمية من الحم غنمي او دجاج حسب المقدور

5حبات جزر
2حبات بطاطة متوسطة
حبة بصل كبيرة
فص ثوم
نص كاس حمس مشمخ
نقلي اللحم مع البصل المرحي والثوم وقليل من الزيت مليح ثم نضيف الخضر ونقلي شوية نضيف 2حبات طماطم مقطعة ومغرف اكل طماطم معجون ونص كاس ماء والملح ومغ صغيرة راس الحانوت و2مغ صغيرة كروية وفلفل حمرة بودر والحمص ونقس النار ونخليها تعقد ثم نسقي ونضيف القسبر والحرور ونغلق الكوكوط لما يطيب الحم ونتحصل على الكمية تاع المرق لنحتاجوها نصفي الكل في كسكس

نضر كمية من المرق في صحن حوالي (نص بول ) خليها تبرد ونضيفلها مغ اكل دشيشة و3مغ اكل فرينة ونخلط مليح ونضيف الخليط للمرق المتبقي يعني لسفيناه من قبل

ونحرك ونضعه على النار ونخليه يعقد لما تخثار الحريرة ونتحصلو على القوام المطلوب نطفي النار ونضيف قصبر نعناع سكنجبير حب الهيل وقليل من عصير القارص
بصحة والهنى نوعدكم بالصور عن قريب

فاطمةع

2014-02-06, 17:18

وهدا السفنج

http://www.djelfa.info/vb/showpost.php?p=12721171&postcount=1
اختي فرح اليوم جربت السفنج نتاعك خرج يهبل منين جبتي الوصفة حنونة

فاطمةع

2014-02-06, 17:33

الحريرة نتاعي المفضلة ولي يدوقها يسقسيني كيفاش خدمتها
اليكم المقادير والطريقة
دشيشة نصف حبة بطاطا
حبة كورجات صغيرة
نصف حبة فلفل طرشي
لحم اودجاج
توم حشوش
بصل
نضع البصل مكرفج في الطنجرة والزيت واللحم او الدجاج لي متوفر نضيف الملح وملعقة طماطم مصبرة ونخليه تكتك فوق النار ثم
نضيف البطاطا والفلفل والكورجات ونضيف التوابل كمون كسبر وشوية حلبة حب ونمرق
وكي طيب الخضر البطاطا والفلفل والكورجات نحيهم ونطحنهم في الالة اليدوية وليس الميكسور
ثم نلوح التشيشة منكثرش 2ملاعق ونصف عينك ميزانك على حساب المرقة نتاعك لان في الاخير الخضر لي طحناها رايحة تخثرها
نخلي بين ما طابت التشيشة ونزيد نلوح الخضر لي طحناها نسيت ادا خصك الطماطم زيدي
دقي التوم والحشاوش اي المعدنوس مع بعضاهم وفي الاخير ضفيهم

ritaj salmon

2014-02-06, 18:29

الله يعطيكم الصحة ماضبينا ينشط هد الركن باش نستافدو ا و شكرا

touta2010

2014-02-06, 20:14

الطعام المعمر
تعملي كسكس عادي ومرق باللخم والتعمير باللحم المرحي
لما تحبي تقدميه رابي التعمير لعملتيه وغطي بيه الكسكس كامل وعملي خطوط بالبيض المسلوق المرحي والحم في الوسط

yarasmin26

2014-02-07, 18:10

اختي فرح اليوم جربت السفنج نتاعك خرج يهبل منين جبتي الوصفة حنونة

حنونتي هذي خدمة ناس الغرب ونشكرها على الوصفة

(( هبة الرحمن ))

2014-02-08, 13:46

السلام عليكم

حبيباتي
محتاجة وصفة الشامية .....الخاصة بمنطقة الغرب

نجربها ما تنجحليش كيما لي نشريها

شكرا

ام طيري الجنة

2014-02-08, 15:22

بالنسبة للكسكسي كس تعاودوه في اخر مرة بعد التفويرة الاخيرة كي تحبو تدهنوه بالزبدة او الدهان زيدوله رشة نتاع كمون و رشة نتاع سكين جبير ثم دهنوه و ديروه في صحن التقديم و سقيوه يجي بنيييييييييييييين

yarasmin26

2014-02-16, 14:29

شرمولة الفول اخضر
500 غ فول مقطع+ 1 ليمون حرور الحمار ملح معدنوس +500 غ زيتون اخضر بدون علفة+4 م ك زيت الزيتون+1 مك فرينة +1/2 فنجان ماء+زعثر +2 توم
اغسلي الفول واقسميه على 2 ثم فوريه بملح والحرور30 د
وتروكيه يبرد اضيفي الحمار والحرور والثوم على نار هادئة +الزيت الزيتون مدة 10د+2 كيسان ماء+زيتون اخضر ومغلى ومبشور القارص والمعدنوس والزعتر1/2 م ص
ثم يواصل الطهي حتى يقرب ينشف مدة8 د حرحري 1/2 فنجان ماء مع الفرينة ثم فرغي اعليه واخيرا اعصري اعليه القارص
شهية طيبة

فاطمةع

2014-02-16, 20:41

شكرا على الوصفة لكن حبدا لو كانت بالصور تكون افضل شو رايك ياراسمين

yarasmin26

2014-02-22, 11:29

شكرا على الوصفة لكن حبدا لو كانت بالصور تكون افضل شو رايك ياراسمين

انظن وصفاتي ساهلة متحتاجش الى صور لتفسير
او لوكان اخذيتي الوصفة من الاذاعة هل يتطلب الصور هذا رائي

enar

2014-02-27, 10:46

ماتزعفيش ياراسمين و الله غير مجهودك قيم بزااااااااااااف راكي تفيدي فينا فائدة كبيرة ربي يحفظك

~ أم عبد الرحمـن ~

2014-03-03, 15:32

التعمير

رابي نصف حبة بصل و قليها مع 2 ملاعق زبدة حتى يتحمر البصل
ديري هاد العبر يجيك التعمير خفيف و بنبن
يعني كل حبة بيض ديري معاها 2 لاعق سميد

و بدي بالسميد يعني ادا درتي 4 بيض ديري 8 ملاعق سميد بشرط البيض يكون كبير و ادا كان صغيري حطي حبة بيض مع ملعقة سميد

و ابدئ التحضير

انا نحط 4 بيض+ 8 م ك سميد

فوق البصل المقلي جطي 8 ملاعق سميد و قليه مليه زيدي عليه التوابل (ملح -فلفل- قرفة- كركم-شوية سكنجبير)
خلطي مليح فوق النار هادية من بعد طفي عليه و حطي 1 خمارة كيميائية و خلطي و حطي البيض وحدة وحدة ادا جاك الخليط يابس زيدي حبة بيض خامسة جطي الخليط في كيس سباقيتي و حطيه في كسكاس فوق القدر بها ماء يغلي و خليه حتى ينضج بالكيغدون ديري ثقب صغيرة في الكيس

غادي يجيك بنين ان شاء الله
جربيه و رديلي:mh31:

بريق الامل&

2014-03-03, 17:22

بارك الله فيكم في ميزان حسناتكم

yarasmin26

2014-03-23, 11:22

شرمولة القرنون
1 كلغ قرنون+5 ثوم+2 رند+كمشة معدنوس+قصبر +1 م ك خل ملح حرور +1 طماطم+1 مص زبدة+2 م ك زيت الزيتون+1/2 حبة قارص
غلي القرنونفي 2 لتر ماء+3 مك فرينة+3 مك خل+1 مص ملح+قطع قارص يطهى نصف طياب ثم نصفيه قطعيه على 4
في مقلة زبدة وثوم حرر على نار وسط +قرنون مدة 5 د على نار ثم اضيفي طماطم مقطعة ثم1/2 حبة قارص مقطعة شرائح+قصبر ومعدنوس+رند+خل وزيت الزيتون مدة 5 اخرى ثم طفي اعليه خليه يبرد
شهية طيبة