اسمعوني.........أرجوكم

[sadstar]

نهار صفوت المرة الاولى قلت هذا هو الانسان لي. نجوس عليه دعيت ربي باش يكون نصيبي كان من مكتوبي و تخطبنا زواج عن طريق الأهل في فترة الخطوبة كنت تحسد روحي عليه مور الزواج بديت نشوف عفايس صدقوني كان عني سمانة زواج لقيت تصاورو مع صحبته واش نقل كم شغل فيلم هندي من بعد 3 أشهر زواج شفت بلي خلاص على حياتي معار اجلي إنسان مادي لي يمدلوالدراهم بلا حساب حبيبو او زيد هو شخص أناني غير مسؤول مشكلتي معاه انو مادايرلي حتى قيمة كل ما يصير مشكل او سوء تفاهم يسمعني بلي قادر يجيب واحدة اخرى يهينني كي ناقشو يقولي اذا ما عجبكش الحال هملي بمعنى روحي من الدار ما عنديش الحق معاه ولا نهدر معاه او زيد هو وليد يماه علاج راني نحكي لأنو. ما عنديش حل سيرتو مع وليدي الصغير شعال صعيب ترضى بالإهانة او ما تردهاش صدقوني من نهار تزوجت بيه خلاصت حياتي صبرت معاه او قلت بلاك يتبدل بصح والو ما عرفتش نكتب لآني متوترة و حزينة ث

[SKYALGERIA]

]أختي الكريمة عليك بالدعاء لزوجك بأن يصلح حاله و يا ريت تبحثي في أسباب تغيره هكذا ربما هناك تقصير أو مهموم و لا يريد أن يفشي أسراره أو ربما هناك البعض من أهله من يغضبه . و أنت عليك بالصبر و الأحتساب عند الله عز و جل عسى أن يتغير ان شاء الله و حاولي التقرب أكثر منه و حاولي أن تكوني أنسية له و أن يبوح لك بالشيء الذي غيره هكذا و الله المستعان .[/font]

[* الحلم سكر *]

هــوني عليك اختي ماشي هكذا تتحل الامور على بالي صعيبة مي ما تزيديش على روحك ... الصبر حبيبة االصبر
و صدقيني البيوت اسرار كل واحد يقول همي اكثر من الاخر
انا ممكن ما لقيت حتى حل ننصحك بيه الا الصبر مي برك حبيت نقولك ربي معاك و دعواتنا ليك بالفرج
روحي معاه بالعقل .. ما تكونيش عنيفة و بنفس الوقت ما تخليهش يذلك
حسسـيه انو هو حياتك و في نفس الوقت الا الذل و الخيانة راح تقدري تتخلي عليه و تتركيه و لو الى ظروف اسوء تهديد فقط و لكن اعرفي توصليها ماشي بالعنف ...
كاين لي حـــر يفهم انو لمرا لي ما عندها الا هو لازم يخاف ربي فيها و كاين اللي يستغل اللي في مثل هكذا ظرف
وحدك تفهمي زوجك و كيما يقولو كل واحد عنده مفتاح اعرفي مفتاح زوجك
حكاية مع امو بحبها و متعلق بيها فوق الحد ما يهمكش بالعكس بــري امــو و خاصة اذا تستاهلي توصليلو ... عن تجارب عدة قدام عيني اربحي امو تكسري جبروت زوجك و تربحيه و لو بعد مدة

ما تبقايش ترجعي في اللي فات و تحسبي همومك و الله راح تضيعي .. لا لا اختي كوني ايجابية كوني ذكية
اكسبي زوجك بقلبك او بعقلك و ذكائك ساعات العاطفة وحدها مع الراجل تخسرك فيه
ماشي معناها انك انتي لي معرفتيش تكسبيه لا راني مرا و فاهمة كلامك مليح
خمي في وليدك محتاج ام قوية خمي في روحك و خمي في زوجك لي حسدت روحك عليه و حاولي تغيريه ايه صعيبة مي ماشي مستحيلة

ربي معاك و ان شاء ان شاء الله ربي يستجيب لدعواتي ليك بظهر الغيب و يفرجها عليك و يهنيك و يهدي زوجك يا رب

[ام ملاك.]

ربي يكون في عونك
حاولي تهدري معاه علاش راه يدير هكذا؟
حاولي تفكريه بمسؤولياتو خاصة كي عندكم طفل
الله يكون في عونك ماكانش اللي تقبل الاهانة مي لازم تصبري على وليدك

[naamane3]

ادكار الصباح والمساء
ثم الاستغفار حافضي عليهم
وسترين العجب في صلاح المور

[hodahodahoda]

ربي معاك عليك بالصبر

[نارينا]

اختي ربي يصبرك برك تمسكي بالدعاء وبداية الزواج ديما صعبة للغاية وعندما تمسكين المقود جيدا سترتاحين من الهم والغم حاولي اصلاح الزوج ومدام كان جيد الطباع في ايام الخطبة لربما المسؤولية والحياة غيرت منه غصبا حاولي تفهمه الا ان يفتح عليك ربي

[نورالهدى بيولوجيست]

اختي صدقيني ماكانش اللي راهي متهنية 100بال100

خلي تكلانك على ربي سبحانو و هو اللي يتولاه
وفقك الله و يسر امروك

[nibrasse 76]

فعلا الفكر يصنع الواقع ..... على الانسان ان يتحمل مسؤولية خياراته ...

[محمد جديدي التبسي]

يا ليتنا نستطيع مساعدتك باكثر من سماعك لاحظت العديد من مشاركتك وأفهم معاناتك ربي يفتح عليك ويهدي زوجك
تقربي إلى ربك وأكثري من الدعاء والاستغفار وتقربي من زوجك وتنازلي حتى تربحيه ويعود إليك ربي يوفقك

[oum imane83]

ربي معاك اختي ربي يفرج و يصلح الاحوال
يا سبحان الله صح كيما يقولو تجي تحكي همك لاخوك تلقى همو كثر.... يا سبحان الله

[محمد...عبد النور]

السلام عليكم أختي الكريمة
كان الله في عونك
الكثير من الاخوات تزوجت و كانت ترى في زوجها كل شيئ و لكن مع بداية الزواج و الاحتكاك المباشر مع اخلاقه في بيت الزوجية تتببدى لها و تظهر خِلال و سير لم تكن تعرفها او تظنها يوما فيه و نظرا لان الناس تتفاوت في الصبر او كيفيات التفكير و التصرف تقع الكثير من الاشياء السلبية فيما بين الزوجين قد تنتهي بالطلاق
لكن و من خلال ما اعرف و خاصة في مجتمعنا و الذي تكون فيه الزوجة في أحايين كثيرة هي الحلقة الاضعف في نظر المجتمع...و خاصة اذا وجد الابناء ......عليك بطاعة الزوج و القيام بأموره على أكمل وجه و حاولي ان تحسسيه انك تقومين بواجباتك بشكل كامل و ان كنت في جو قد تسمعين فيه ما يؤذيك من معاملات او كلام ...فالافضل لك ان لا تقومي بامور قد تتسبب لك بظلم خاصة و ان الزوج ليس في صفك

بعدها يجب ان تحددي الحدود فيما بينك و بين زوجك يعني مهما كان الزوج فلا بد من ايجاد الوسيلة التي تصلين بها الى عقله و لو مؤقتا لكي يسمع لك بصورة و يستجيب اما مادام مصر على تهميشك فلن تفلحي ....اذن لابد ان تكون بينكما طريقة للحوار
امر اخر اذا كان متسيب و لا يحسن التدبير فعليك بربح امه و ودها و طاعتها لكي تكون عونا لك على ولدها ...........يحكى ان امرأة كانت تكره ام زوجها كرها شديدا و تبحث عن امر للتخلص منها فقيل لها اذهبي عند فلان الحكيم يعطيك سما للتخلص منها و فعلا ذهبت الزوجة لهذا الحكيم و اخبرته انها تريد التخلص من ام زوجها فاعطاها قارورة بها سائل مثل الماء و قال لها اخلطي قطرتين من هذا السائل مع الطعام كل يوم لمدة 6 أشهر و بعد نهاية المدة ستموت ام زوجك لكن لي شرط هو ان تعاملي ام زوجك بود و اخلاق طيبة كما تعاملين امك لكي لا تشك فيك ...........وافقت الزوجة على الامر و بعد مرور مدة أربعة شهور جاءت الزوجة الى الرجل الحكيم تبكي و قالت لقد ندمت على فعلتي و لا اريد ان تموت ام زوجي لاني صرت احبها كأمي و هي تحبني كإبنتها و ان كان هناك حل لابطال مفعول الترياق .....فضحك الرجل الحكيم و قال انما أعطيتك ماءا و لم اعطك سما ....فصارت ام زوجها احب الناس اليها بحسن الخلق و الاحسان اليها .......................و مهما كان الشخص صعب المراس او شريرا فبأخلاقنا نحتويه و حتى و ان لم يحبنا فسيحترمنا
أسأل الله ان يهدي زوجك الى الخير و يقر عينيك بما تحبين انه بكل جميل كفيل و هو حسبنا و نعم الوكيل
ســـــــــــــــــــــــــــــلام