مشكلتي في البيتزا [الأرشيف] - منتديات الجلفة لكل الجزائريين و العرب

magni

2014-01-30, 13:53

مساء الخير للجميع
انا في ورطة وارجو مساعدتي جربت كل انواع عجائن البيتزا لكن ماتجينيش مليحة احيانا تجيني يابسة واحيانا تجيني كي المطلوع وفيه الطماطم مالقيتش حل ساعدوني ارجوووووووووووكم.

amina bourennane

2014-01-30, 14:55

عروبتي

2014-01-30, 16:27

اختي شوفي ديريها بعجينة العشر دقائق انا نضمنلك انها تجيك رووووعة جربي ومتخافيش

magni

2014-01-30, 16:40

شكرا جزيلا نجربها ونردلكم الله يخليكم كامل

ام امجد14

2014-01-30, 19:33

ديرى بيتزا تاع ام رجاء بيتزا فى طاجين روووووووووووووووووووووعة و ساهلة ماهلة

magni

2014-01-31, 13:33

شكرا لكم ساجرب كل الوصفات ونردلكم
اين هو رابط بيتزا ام رجاء؟

magni

2014-02-01, 12:48

شوفي اختي انا ندير لابات تاع البيتزا و تجيني هاااااايلة و لعيونك نمدهالك و جربيها و رجعيلي لخبر (ديري 2 كيسان فرينة بفنجان زيت و بيضة و خميرة و ملح و شوية سكر و بلي بالحليب السخون شوية و اعجني حوالي 4 دقائق و خليها تطلع بيااااااااااااااااااااااا لازم تطلع مليح هكدا باه تجيك مليحة و مبعد زيدي اعجنيها بياااااااااااااااااا و طيبيها و رجعيلي لخبر و الله انا زوجي كي داقها قالي جامي دقت البيتزا كيما هادي و قالي كي دقت البيتزا تاعك عفت البيتزا تع البرا و انشالله نكون فدتك و لو بقليل
شكرا حنونة راني جربتها راهي عجينة في القمة وراني فرحانة البارح قالولي لابات هاذي مليحة منين جبتيها ربي يفرحك كيما فرحتيني والله خاوتي ليل كامل وهوما يصوروا فيها كي نعرف كيفاه نحمل الصور نحملهالك تشوفيها لكن بقا مشكل واحد هو الصلصة ندير فيها السكر وتجيني حامضة قالولي لابات عدلتيها كملي اعدلي الصلصة وخلاص تولي 100/100 والله اختي كنت ديما نخمم كي نروح لداري كيفاه ندير البيتزا واليوم راني فرحانة شكرا حنونة ربي يعطيك ماتتمناي

ريمي14

2014-02-01, 14:11

شكرا على الافادة

amina bourennane

2014-02-01, 21:55

شكرا حنونة راني جربتها راهي عجينة في القمة وراني فرحانة البارح قالولي لابات هاذي مليحة منين جبتيها ربي يفرحك كيما فرحتيني والله خاوتي ليل كامل وهوما يصوروا فيها كي نعرف كيفاه نحمل الصور نحملهالك تشوفيها لكن بقا مشكل واحد هو الصلصة ندير فيها السكر وتجيني حامضة قالولي لابات عدلتيها كملي اعدلي الصلصة وخلاص تولي 100/100 والله اختي كنت ديما نخمم كي نروح لداري كيفاه ندير البيتزا واليوم راني فرحانة شكرا حنونة ربي يعطيك ماتتمناي
حنونة بلا مزية هادا واجبي و الصلصة شوفي انا تاعي كيفاه نديرلها ندير الطماطم نقيها من القشور تاعها و ارحيها في المكسور و الحطيها في طاوة مع شويه ملح و زيت و ثوم و شوية هريسة و خليهم على نار متوسطة كي تخثار هذيك الطماطم يعني الماء تاعها يخثار شوية نحيها و استعمليها تجيك هايلة و ربي يوفقك انشالله

amina bourennane

2014-02-01, 22:02

شكرا حنونة راني جربتها راهي عجينة في القمة وراني فرحانة البارح قالولي لابات هاذي مليحة منين جبتيها ربي يفرحك كيما فرحتيني والله خاوتي ليل كامل وهوما يصوروا فيها كي نعرف كيفاه نحمل الصور نحملهالك تشوفيها لكن بقا مشكل واحد هو الصلصة ندير فيها السكر وتجيني حامضة قالولي لابات عدلتيها كملي اعدلي الصلصة وخلاص تولي 100/100 والله اختي كنت ديما نخمم كي نروح لداري كيفاه ندير البيتزا واليوم راني فرحانة شكرا حنونة ربي يعطيك ماتتمناي
شكرا حنونة راكي كي اختي و شوفي بالنسبة للصلصة ديري طماطم نقيها من القشور تاعها و ارحيها في الروبو و مبعد حطيها في طاوة مع الملح و الثوم و شويه هريسة و زيت و خليها حتى ينشف هداك الماء تاعها و استعمليها بعد ما تظربي لابات في البلا و دخليها للفرن و مع لعظام مصموطة و rapé فرماج و فلفل و زيتون اسود و تون و احشي الجوانب تاعها باللحم المرحي مقلي او الدجاج مقلي و لا فرماج كيما حبيتي تجي هاااااااااااايلة جربيها باه تهبليهم داكور مي المرة الجاية تحب لي فوطو اوكى و ربي دوم فرحتك حنونتي

magni

2014-02-02, 14:01

شكرا حنونة راكي كي اختي و شوفي بالنسبة للصلصة ديري طماطم نقيها من القشور تاعها و ارحيها في الروبو و مبعد حطيها في طاوة مع الملح و الثوم و شويه هريسة و زيت و خليها حتى ينشف هداك الماء تاعها و استعمليها بعد ما تظربي لابات في البلا و دخليها للفرن و مع لعظام مصموطة و rapé فرماج و فلفل و زيتون اسود و تون و احشي الجوانب تاعها باللحم المرحي مقلي او الدجاج مقلي و لا فرماج كيما حبيتي تجي هاااااااااااايلة جربيها باه تهبليهم داكور مي المرة الجاية تحب لي فوطو اوكى و ربي دوم فرحتك حنونتي
انشاء الله اختي راني نجربها ونردلك وبربي نحط الصور راني ماعرفتش نحملهم فقط والله راهم عندي لكن ماعرفتش نحطهم فالمنتدى.
انا ندير الطماطم منقية ومنحية الزريعة نرحيها مع علبة طون تاع الزيت + ملح +فلفل اسود + زعيترة+ طماطم علب+ شوية سكر تجيني حامضة .
ذرك نجرب تاعك وردلك حنونة شكرااااااا

magni

2014-02-02, 20:27

حنونة هذه هي الصورة لكن ماتضحكيش عليا كي نزيد نجربها بالصلصة تاعك نعدل شكلها مليح ونحطلك الصور شكراااااا
http://www.djelfa.info/vb/attachment.php?attachmentid=72959&stc=1&d=1391369066

magni

2014-02-03, 14:47

واش حالتها ماعجباتكش؟

مون1

2014-02-03, 20:20

تهبل واش بيها من لافوطو تاعها تشهي
بصح نصيحة برك متحطيش الكاتشب يعطيها بنة ماشي مليحة وزيدي برك الطوماطيش تاع لباطة مغرفة ولا زوج برك وما تخليهاش تغلي بزاف باش ماتحماضلكش حنونة

انا لا صوص تاعي نديرها بالطوماطيش مقشرة وقطعة نحطها تتقلي بشوية زيت واحد 5 الى 10 دقايق ومبعد نرحيها بالميكسور ونزيدلها شوية طوماطيش تاع لباطة الا ماكانتش لاصوص حمرا اذا كانت حمرا ماكالاه وحطيلها الملح والتوابل وخليها تزيد تغلي توية وطفي عليها.

الطوماطيش نرحيها بعد ما نقليها بالزيت تعطيها بنة خير من لوكان نرحيها ومبعد نقيلها وهذا على ذمة اصحاب الخبرة في تذوق البيتزا اخوتي لازم كل يومين ثلاثة نديروهالهم. وزيد يشرطو كيفاش تديريهالهم.
ربي يخليهوملي

magni

2014-02-04, 12:47

شكرا تعيشي لكن ماحطيتش الكاتشاب وشكرا على النصائح حنونتي

ilinelina417

2014-02-04, 13:58

سلام عليكم انا كي نديلر البتزا تجيني شايحة مع اني نكثر فيها الطماطم كيفماه ديروها انتوما

magni

2014-02-05, 13:42

سلام عليكم انا كي نديلر البتزا تجيني شايحة مع اني نكثر فيها الطماطم كيفماه ديروها انتوما
اختي الكريمة هكاك كانت تجيني انا لكن من نهار جربت الوصفة تاع الاخت amina bourennane الله يحفظها عادت تجيني روعة جربيها تشوفي.
انا ثاني كنت كي نديرها ماطيبليش وكي تطيب نلقاها شايحة نعطيك نصيحة وحدة كي تحبي ديري البيتزا شعلي الفرن تاعك 1/2 ساعة قبل من الفوق والتحت وخليه يسخن مليح ومبعد دخليها تطيب جربيها ورديلي.
ربي يجيب الخير اختي

ام سراج وملاك

2014-02-05, 14:12

بصحتك اختي جاتك مليحة

magni

2014-02-06, 15:49

شكرا تعيشي حنونة

magni

2014-02-11, 13:19

واش عجبتكم؟

himoprence

2014-02-12, 13:54

يعطيك الصحة اختي راني جربتها و جاتني هااااااايلة حتى راجلي عجباتو ربي يحفظك

magni

2014-02-15, 12:54

بلا مزية اختي انشاء الله تكوني ديمة مميزة فالمطبخ شكرا