تسجيل الدخول

مشاهدة النسخة كاملة : شكون تساعدني في البقلاوة

ام سارة 1
2014-01-29, 14:35
راني حابة نجرب بقلاوة ام انس بصح قولولي فاه نرحي الكاوكاو واللوز وزيد الصينية تاعي قطرها 40سم قداه ندير كيلو تاع فرينة وربي يجازيكم كل خير
ام سارة 1
2014-01-30, 15:39
حرام عليكم 70 مشاهدة ولا وحدة قدرت تكتب كلمة
mayouchfifi
2014-01-30, 16:11
يدا تحبي نعطيك الوصفة تاعي هاديك ماسييتهاش
أم محمد تاج
2014-01-30, 16:13
حبيبتي ام سارة شفت الطلب تاعك فيالكوزينة وراح نجاوبك هنا صابريني نكيل سينيتي ونرجعلك لخبر
mayouchfifi
2014-01-30, 16:18
ام محمد تاج وانا ماترديش عليااااااااااااااااااااااا
أم محمد تاج
2014-01-30, 16:18
حبيبتي راني كيلت صينيتي نفسها لي شفتيها في الكوزينة وراهي 40 كيما تاعك
الحشو يالحبيبة درت كيلو كاوكاو مقشر ومقلي على بياض ونص كيلو كاوكاو بالقشور مقلي ثاني على بياض ورطل جوووز مقلي خفافي يعنيالاجمالي زوج كيلو وانت واش حابة مكسرات هاذيك السينية تهز زوج كيلو بالتمام
الفرينة جاتني تقريبا كيلو غير زوج فناجل ولوزتها 14 نلوزة
ونفس طريقة ام انس بصح جربتها مرة بالسمن وزبدة التوريق تكعبرتلي لعجينة والله تعبت معاها بصح البارح درتها غير بصووول مارغارين جات تحفة تقرمش وفي نفس الوقت مبسسة مممممممن
حبيبتي راني مازالت معاك كاش سؤال راني هنا ودعوة خير
أم محمد تاج
2014-01-30, 16:19
حبيبتي ميوووووش وينهو سؤالك وراني هنا حنونتي في الخدمة
أم محمد تاج
2014-01-30, 16:29
نسيت نقولك نرحيها في الروبو عادي ونخرجها من السيار لخشين وهذاك لخشين لي بقى نعاود نرحيه حتان نكمل
ام سارة 1
2014-01-31, 17:17
شكرًا وربي يعطيك ما تتمناي مشكلتي رأيه في الكاوكاو كي نرحيه يزيت ويحبس ما يترحاش في الروبو وكي نجي مديرو في السيار نلقاه عجينة ضك فاه نرحيه في الروبو تاع العصير ولا تاع البصلة
lahna moka
2014-01-31, 18:33
أختي الكاوكاو ترحيه في روبو البصل ماشي العصير و بالنسبة للزيت اللي يطلقو الكاوكاو نعطيك الحل
كي تشري الكاوكاو و تحمصيه فالفرن ما ترحيهش مباشرة فرشيه في صينية بها ورق مطبخ مصاص و خليه يوم أو يومين حتى ينشف تماما مع تغيير الورق في كل مرة
ام محمد أدم
2014-01-31, 20:03
شكرًا وربي يعطيك ما تتمناي مشكلتي رأيه في الكاوكاو كي نرحيه يزيت ويحبس ما يترحاش في الروبو وكي نجي مديرو في السيار نلقاه عجينة ضك فاه نرحيه في الروبو تاع العصير ولا تاع البصلة

انا الكاوكاو نرحيه فالرحاية اليدوية تاع البلاستيك
تتعبي شوية لكن صدقيني يجي مقرمش و ماشي معجن و بنين بزاف
نزيدك سر عجيب انا نضيف قرعة زيت اللوز الكابتن ( زيت اللوز الحلو)
و الله يختفي ذوق الكاوكاو و يصبح لوز 100 %
جربي و ادعيلي :19:
أم محمد تاج
2014-02-01, 13:38
حبيبتي كيما فادوك لبنات الكاوكاو يترحى في روبو البصل مايش تاع العصير وارحي بكميات صغيرة وغربلي نشالله تصلح معاك هاذ المرة